2022 թվականի հունիսի 27-ին Ամերիկայի Միացյալ Նահանգների Տեխաս նահանգի Սան Անտոնիո քաղաքի Լաքլենդ ռազմաօդային բազայի մոտ, տրակտորի բեռնատար-կցասայլում հայտնաբերվել է 46 դի։ Հաղորդվում է, որ մահերը տեղի են ունեցել Հարավային Տեխասում ապօրինի ներգաղթյալների մաքսանենգության ակնհայտ փորձի ժամանակ, և դա իր տեսակի մեջ մաքսանենգության ամենամահաբեր միջադեպն է Ամերիկայի Միացյալ Նահանգների պատմության մեջ։
Թվական | Հունիսի 27, 2022 |
---|---|
Վայր | Սան Անտոնիո, Տեխաս նահանգի, ԱՄՆ |
Պատճառ | մաքսանենգություն |
Հետևանք | 46 անձի մահ |
2022 ֆինանսական տարվա ընթացքում գրանցվել է ԱՄՆ-Մեքսիկա սահմանը հատած ներգաղթյալների ռեկորդային քանակություն։ Իշխանությունները գրանցել են ավելի քան 2 միլիոն ներգաղթյալի ձերբակալություն։ ԱՄՆ մաքսային և սահմանների պաշտպանության տվյալները ցույց են տվել, որ մայիսին սահմանին անօրինական ներգաղթի ձերբակալությունները հասել են երբևէ գրանցված ամենաբարձր մակարդակին։ Նրանք մայիս ամսին սահմանի երկայնքով 239,416 ձերբակալություն են իրականացրել, ինչը 2 տոկոսով ավել է ապրիլի համեմատ՝ ըստ ընդհանուր տվյալների։
Սան Անտոնիոն հայտնի է որպես Տեխասից Միացյալ Նահանգներ տեղափոխվող ներգաղթյալների հիմնական տարանցիկ կետ։ Մաքսանենգները մեծ բեռնատարների միջոցով գաղթականներին տեղափոխում են քաղաք, որը գտնվում է ԱՄՆ-Մեքսիկա սահմանից 150 մղոն հեռավորության վրա։ 2022 թվականի հունիսի սկզբին, Լոս Անջելեսում կայացած Ամերիկյան երկրների գագաթնաժողովի ժամանակ ԱՄՆ Ներքին անվտանգության նախարարությունը մանրամասներ է հրապարակել մարդկանց մաքսանենգության և չարտոնված ներգաղթի դեմ պայքարելու Ջո Բայդենի վարչակազմի ջանքերի վերաբերյալ։ Արևմտյան կիսագնդում մեկնարկած գործողությունների շարքը հանդիսանում է՝ տարածաշրջանում երբևէ իրագործված, մարդկանց մաքսանենգության դեմ պայքարի ամենախոշոր գործողություններից մեկի մի մասը, որտեղ ավելի քան 1300 աշխատակիցներ են մասնակցել, և մոտ 2000 մաքսանենգ է ձերբակալվել են ընդամենը երկու ամսվա ընթացքում]:
Հունիսի 27-ին տրակտոր-կցասայլը հայտնաբերել են մոտակա հիմնարկի աշխատողները։ Տրակտոր-կցասայլում հայտնաբերվել է առնվազն 46 դի։ 16 հոգի ողջ են եղել և հոսպիտալացվել են։ Հաղորդվում է, որ մահերը տեղի են ունեցել առերեւույթ միգրանտների մաքսանենգության ժամանակ։ Երեք անձ բերման է ենթարկվել։
Տեխասի նահանգապետ Գրեգ Էբոթը և սենատոր Թեդ Քրուզը մեղադրել են ԱՄՆ նախագահ Ջո Բայդենին, ասելով, որ նրա «բաց սահմանների» քաղաքականությունն է հանգեցրել է այս դեպքին, և նրա «օրենքն իրականացնելուց հրաժարվելը» (...) «մահացու հետևանքներ է ունեցել»։ Մեքսիկայի նախագահ Անդրես Մանուել Լոպես Օբրադորը ափսոսանք է հայտնել մահերի համար և ասել, որ Մեքսիկայի կառավարությունը պատրաստ է աջակցել ԱՄՆ իշխանություններին։ Լոպես Օբրադորը ասել է, որ ողբերգության պատճառը «մարդկանց թրաֆիքինգն» է և «հուսահատությունը»։
This article uses material from the Wikipedia Հայերեն article Մահացածներ բեռնատարում (Սան Անտոնիո, 2022), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.