Անդրեա Բոչելլի

Անդրեա Բոչելլին ծնվել է 1958 թվականին սեպտեմբերի 22 Իտալիայի Տոսկան մարզի Պիզա քաղաքում, թույլ տեսողությամբ։ Բոչելլին 12 տարեկան հասակում ֆուտբոլային պատահարի պատճառով կուրանում է։ Ավելի ուշ նա ավարտում է իրավաբանական դպրոցը և սկսում լուրջ զբաղվել երգեցողությամբ։

Անդրեա Բոչելլին ձայնագրել է 13 ալբոմ, որոնցից երկուսը կլասիկ ու փոփ ժանրերում, երկու հիթային և ութ օպերային ալբոմներ, որոնք վաճառվել են աշխարհում շուրջ 70 միլիոն օրինակով։ Բոչելլին փաստորեն խոշորագույն ներկայացուցիչ է դասական երաժշտության մեջ։ Այդ է վկայում հենց նրա ալբոմների այդքան շատ վաճառքը։

1998 թվականին Բոչելլին People Magazine-ում ճանաչվել է տարվա ամենագեղեցիկ 50 մարդկանցից մեկը։ 1999 թ. «Գրեմմի» մրցանակաբաշխությունում «Լավագույն նոր արտիստ» (Best New Artist) անվանակարգում գնահատվել է երկրորդ անգամ, որտեղ ներկայացվել էր դասական երաժշտության կատեգորիայում։ Անիմացիոն «Կախարդական սուրը» ֆիլմի համար Բոչելլի Սելին Դիոնի հետ համատեղ "The Prayer" դուետը ստացել է Ոսկե գլոբուս, որպես լավագույն օրիգինալ երգ, նույն կատեգորիայում գնահատվել է նաև Academy Award մրցանակաբաշխությանը։ Sacred Arias ալբոմի համար Անդրեա Բոչելլին գրանցվել է Գինեսի ռեկորդների գրքում։ Այս ալբոմը ամբողջ աշխարհում վաճառվեց 5 միլիոն օրինակով, դառնալով դասական ժանրի մենակատար երգչի ամենամեծ վաճառքն ունեցող ալբոմ։ 1997-ի փոփ ալբոմը, որը կոչվում էր Romanza, վաճառվել է ամբողջ աշխարհում շուրջ 20 միլիոն օրինակով, դարձնելով Բոչելլիի ալբոմը աշխարհում ամենամեծ վաճառքն ունեցող իտալացի երգչի ալբոմ։ Այս ալբոմը Կանադայում, ինչպես նաև Եվրոպայում ու Լատինական Ամերիկայում դարձել է ամենաշատ վաճառվող օտարազգի երգչի ալբոմ։ Ալբոմի առաջին սինգլը՝ Time to Say Goodbye" վաճառվել է Գերմանիայում 3 միլիոն օրինակով, և 12 միլիոն օրինակով ամբողջ աշխարհում, դառնալով բոլոր ժամանակների ամենամեծ վաճառքն ունեցող սինգլ։

2012 թվականին ապրիլ ամսին Անդրեա Բոչելլին այցելել է Հայաստան և բացօթյա համերգ տվել Երևանում։

Ստուդիական ալբոմներ

• 1994: Il Mare Calmo della Sera
• 1995: Bocelli
• 1996/1997: Viaggio Italiano
• 1997: Aria – the opera album
• 1999: Sogno
• 1999: Sacred Arias
• 2000: Verdi
• 2001: Cieli di Toscana
• 2002: Sentimento
• 2004: Andrea
• 2006: Amore
• 2008: Incanto
• 2009: My Christmas
• 2013: Passione
• 2015: Cinema

Հավաքածուներ

• 1997: Romanza
• 2007: The Best of Andrea Bocelli: Vivere
• 2012: Opera

Համերգային ալբոմներ

• 2006: Under the Desert Sky
• 2008: Vivere Live in Tuscany
• 2011: Concerto, One Night in Central Park
• 2013: Love in Portofino

• 1998: A Night in Tuscany
• 2000: Sacred Arias: The Home Video
• 2002: Cieli di Toscan
• 2006: Credo: John Paul I
• 2006: Under the Desert Sky
• 2008: Vivere Live in Tuscany
• 2008: Incanto, The Documentary
• 2009: My Christmas Special
• 2011: Concerto: One Night in Central Park

Օպերային ձայնագրություններ

• 2000: La bohème
• 2003: Tosca
• 2004: Il trovatore
• 2005: Werther
• 2006: Pagliacci
• 2007: Cavalleria rusticana
• 2008/2010: Carmen
• 2010: Andrea Chénier
• 2012: Roméo et Juliette