Warnočanska generacija je zapřijeće za łužiske dźěći, kotrež mjez 1945 a 1950 w sewjeročěskich Warnoćicach, Čěskej Lipje a Liberecu studowachu, hdźež bě so po Druhej swětowej wójnje prěni króć šulske wukubłanje w serbšćinje za nje zarjadowało.
Tute dźěći w starobje wot 10 do 16 lět mějachu po nawróće do Łužicy a zakónčenju šulskeho a powołanskeho wukubłanja nowu elitu Serbow tworić. Naspomnjene gymnazije iniciěrowaštej Ústřední matice školská (ÚMŠ) a Towarstwo přećelow Łužicy (SPL), na jich organizaciji so Domowina a Serbska narodna rada (SNR) wobdźělištej.
Tuta epizoda łužisko-serbskich stawiznow so za čas NDR nimale pozaby. Hakle 1993 bu wuznam wukubłanja wjacorych stow šulskich dźěći w Čěskosłowakskej republice za wutworjenje elity, kotrež zjawne žiwjenje Łužiskich Serbow w NDR na wšěch runinach wobwliwowaše, wotewrjenje rozjimany. Serbski institut zběra a slědźi wot lěta 2018 memoary a interviewy bywšich šulerjow „Warnočanskeje generacije“ w interdisciplinarnym projekće.
K najznaćišim čłonam teje generacije liča Jurij Koch, Ben Budar, Helmut Faska a Hanka Fascyna. Mjez serbskim wučerjemi běchu Filip Jakubaš, Rudolf Jenč, Herman Šleca, Jurij Šołta a Jurij Wuješ.
This article uses material from the Wikipedia Hornjoserbsce article Warnočanska generacija, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.