Syćowy Wobhladowak
Syćowy wobhladowak (tež: browser, web-browser, webowy browser) je ličakowy program, kotryž słuži k wobhladowanju interneta (syće, world wide web ).
Program zmóžnja komunikaciju z http-serwerom a předźěłanje přijateho koda (html, xhtml, xml a pod.), kotryž formatuje a zwobrazni po předpodatych standardach webowu stronku.
Tekstowe wobhladowaki zwobraznjeja stronki jako tekst, zwjetša jara jednorje formatowany. Grafiske wobhladowaki zmóžnjeja naročniše sformatowanje stronkow zapřijejo tež wobrazy. Za zwobraznjenje někotrych wosebitych dźělow stronki, kaž su to flashowe animacije abo java applety, dyrbi so wobhladowak rozšěrić wo specializowane přidatne module.
K najznaćišim grafiskim wobhladowakam słušeja Internet Explorer, Mozilla Firefox (tež serbsce!), SeaMonkey (tež serbsce!), Opera, Konqueror a Safari. Tekstowej wobhladowakaj stej na př. Links a Lynx.
Wotkazy
- Sorbzilla — serbski Firefox a SeaMonkey
- prawopisna hornjoserbska korektura za Firefox a SeaMonkey
- Browser Sandbox
This article uses material from the Wikipedia Hornjoserbsce article Syćowy wobhladowak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.