Sinai
Sinai (arabsce سيناء) je połkupa na sewjerowuchodźe Egyptowskeje.
Wona leži na Afriskej plaće při sewjernym kóncu Čerwjeneho morja mjez afriskim kontinentom a Arabskej połkupu, wot kotrejež je přez Jordanowu hrjebinu geologisce dźělena. Na wuchodźe połkupy so Akabaski golf namaka, na zapadźe Sueski golf ze Sueskim kanalom. Na sewjerowuchodźe Sinaija běži hranica mjez Egyptowskej a Israelom. Połkupa twori geografiski zwizk mjez Afriku a Aziju a je něhdźe 61.000 km² wulka. Krajina je pusćinata a wosebje na juhu horata. Tam so bibliska hora Sinai (2285 m) namaka, kaž tež hora Katyrny, z 2637 metrami najwyša hora cyłeje Egyptowskeje. Při južnym kóncu namakaja so někotre dowolowe městna při morju, předewšěm Sharm-el-Sheikh.
Połkupa Sinai je městno wjele podawkow Stareho zakonja, wosebje wućaha Israelitow z Egyptowskeje a přiwzaća Dźesać kaznjow přez Mójzesa.
Wotkaz
Commons: Połkupa Sinai – Zběrka wobrazow, widejow a awdiodatajowThis article uses material from the Wikipedia Hornjoserbsce article Sinai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.