Manfred Stolpe (* 16.
meje">16. meje 1936 w Šćećinje; † 29. decembra 2019 w Podstupimje) bě němski politikar (SPD). Wón bě wot 1990 do 2002 prěni ministerski prezident Braniborskeje po přewróće a po tym wot 2002 do 2005 zwjazkowy minister za wobchad, twarstwo a bydlenja w kabineće Schröder II.
Stolpe studowaše wot 1955 do 1959 prawnistwo při uniwersiće Jena a bě diplomowy jurist. Wot 1959 do 1969 dźěłaše w ewangelskej cyrkwi Berlin-Braniborska. Wot 1969 do 1981 bě nawoda sekretariata Zwjazka ewangelskich cyrkwjow w NDR. Wot januara 1982 bě konsistorialny prezident wuchodneje regiony Berlinsko-Braniborskeje ewangelskeje cyrkwje a hač do lěta 1989 zdobom městopředsyda Zwjazka ewangelskich cyrkwjow.
Wot 1. nowembra 1990 hač do 26. junija 2002 bě Stolpe z braniborskim ministerskim prezidentom a zastupowaše zdobom jako direktny woleny zapósłanc wólbny wokrjes Choćebuz w krajnym sejmje. W juniju 2002 wotstupi ze zastojnstwa a wuzwoli sej Matthiasa Platzecka za swojeho naslědnika.
Po wólbach do zwjazkoweho sejma w septembrje 2002 bu Stolpe dnja 22. oktobra wot kanclera Gerharda Schrödera do zwjazkoweho kabineta powołany.
Wón bě wot lěta 1990 čłon SPD a mjez 1991 a 2002 tež čłon zwjazkoweho předsydstwa swojeje strony.
Manfred Stolpe (1990–2002) | Matthias Platzeck (2002–13) | Dietmar Woidke (2013–)
Gerhard Schröder (SPD) | Joschka Fischer (Z90/Zeleni) | Otto Schily (SPD) | Brigitte Zypries (SPD) | Hans Eichel (SPD) | Wolfgang Clement (SPD) | Renate Künast (Z90/Zeleni) | Peter Struck (SPD) | Ulla Schmidt (SPD) | Manfred Stolpe (SPD) | Jürgen Trittin (Z90/Zeleni) | Renate Schmidt (SPD) | Edelgard Bulmahn (SPD) | Heidemarie Wieczorek-Zeul (SPD)
This article uses material from the Wikipedia Hornjoserbsce article Manfred Stolpe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.