Franc Jurij Lok (němsce Franz Georg Lock; * 3.
oktobra">3. oktobra 1751 w Kulowje, † 7. septembra 1831 w Budyšinje) bě serbski katolski biskop, rozswětler, spisaćel a kulturny prócowar.
Wot lěta 1765 studowaše Lok w Praze. 14. junija 1776 bu tam na měšnika swjećeny a skutkowaše potom přez dwaceći lět w tachantstwje w Budyšinje jako čestny prědowar na swjatych dnjach a njedźelach, katechet a jako sekretar biskopa. 1796 bu tachantski kapitular a šěsć měsacy pozdźišo skónčnje dekan Budyskeho tachantstwa swj. Pětra. 12. oktobra 1801 bu přez swjećaceho biskopa Waclawa Leopolda Chlumčanskeho w Praze na biskopa wuswjećeny.
Lok zasadźowaše so wosebje za wobnowjenje nabožneho žiwjenja w liturgiji a katechezy. Tak spisa rukopisnje naćisk wo wužiwanju maćeršćiny w liturgiji. W teritoriju swojeho tachantstwa, kotrež so tež přez wjacore ewangelske wjeski rozpřestrěwaše, da wjacore nowe šule natwarić a dźěleše něhdźežkuli zastojnstwo šrybarja wot zwóńka. Spěchowanje Serbskeho seminara w Praze so wosebje we wědomostnym kaž tež pastoralno-dušepastyrstwowym wukubłanju wudani. Mnoho młodych měšnikow zasadźi direktnje jako katechetow za šulsku wučbu a docpě z tym hižo w krótkim času widźomne polěpšenje šulskeho kubłanja a wědy dźěći. 1791 napisa Lok knihu Gebetbuch für die katholische Jugend in Städten und auf dem Lande, kotraž so 1808 tež w serbskej wersiji wuda.
W lěće 1758 załoži so Wotrowska wosada přez biskopa Jakuba Wóskeho z Baerenstamma, ale hakle 1814 přizwoli Lok Wotrowčanam prawo, samostatny jutrowny jěchanski procesion wutworić. Tehdy nasta partnerstwo k Njebjelčicam.
Wot 1824 bě wón sobustaw Hornjołužiskeje towaršnosće wědomosćow kaž tež Naturforschenden Gesellschaft zu Görlitz.
Lokowy row nadeńdźe so na Budyskim Mikławšku.
This article uses material from the Wikipedia Hornjoserbsce article Franc Jurij Lok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.