Aprikozowc (Prunus armeniaca) je sadowy štom ze swójby róžowych rostlinow.
Tutón nastawk z temu štom je po hesle na druhi nastawk podobny. Druhe hesło aprikoza ma temu płód. |
Aprikozowc (Prunus armeniaca) | |
systematika | |
---|---|
Domena | Eukaryoty |
Swět | Rostlinstwo |
Rosidy Eurosidy I | |
rjad: | (Rosales) |
swójba: | Róžowe rostliny (Rosaceae) |
podswójba: | (Spiraeoideae) |
tribus: | Póčkosadowe rostliny (Amygdaleae) |
ród: | Prunus |
družina: | Aprikozowc |
wědomostne mjeno | |
Prunus armeniaca | |
L. | |
Druhe serbske mjeno je marulowc. Jeho płód rěka aprikoza.
Aprikozowc je w lěću zeleny štom, kotryž docpěwa wysokosć wot 4 hač do 8 (10) m.
Króna je kulowata, we kulturje často šěroko wustupowaca. Zdónk je niski.
Čerwjenojte hałuzy nimale padorunje wotsteja.
Měnjate łopjena su hładke, nahe, šěroko-jejkojte hač wutrobojte, prědku wótre a docpěwaja dołhosć wot 5 hač do 10 cm a šěrokosć wot hač do 9 cm. Wone su rězane, prědku kónčkojte a zwjetša njesu 2 jasnej žałzowej horbikaj na maksimalnje 7 cm dołhim stołpiku.
Kćěje wot měrca hač do apryla. Kćenja so před zelenjenjom łopjenow jewja. Wone su běła, wonka čerwjenojte, nimale sedźace a docpěwaja přeměr wot něhdźe 2,5 cm. Keluch je krótši hač króna.
Wot junija so kulowate hač jejkojte, sćeńka kosmate, něhdźe 3 cm tołste, žołte, zdźěla čerwjenje přeběžane póčkate płody z typiskim šowom wuwiwaja. Jich póčka je hładka a wopłonjena a so hodźa lochko wot płodoweho mjasa wotdźělić.
Potrjebuje wjele ćopłoty. Ma radšo słónčne wotewrjene stejnišća ze čumpatej, na prawym měrje wutkatymi pódami.
Rostlina je domjaca w zapadnej Aziji, ale tež w teritoriju srjedźneho morja často wustupuje. Ale so w srjedźnej Europje plahuje, při čimž w Europje njewodźiwja.
Tutón zapisk wo botanice je hišće jara krótki. Móžeš pomhać jón dale wutwarjeć. K tomu stłóč horjeka na Wobdźěłać. Jeli eksistuje w druhej rěči hižo bóle wuwity zapisk ze samsnej temu, móžeš tež z tutoho přełožować. | Jeli ma zapisk wjace hač jedyn njedostatk, wužij prošu předłohu |
This article uses material from the Wikipedia Hornjoserbsce article Aprikozowc, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.