Albert Einstein: Fyzikar a nošer Nobeloweho myta

Albert Einstein (* 14.

měrca 1879 w Ulmje; 18. apryla 1955 w Princetonje, New Jersey) płaći jako jedyn z najwuznamnišich teoretiskich fyzikarjow w stawiznach wědomosće a swětodaloko jako scyła najznaćiši wědomostnik nowowěka. Jeho slědźenja wo strukturje materije, časa a ruma kaž tež wo bytosći grawitacije přeměnichu do dalokeje měry do toho płaćiwy wobraz swěta po Newtonje.

Albert Einstein: Fyzikar a nošer Nobeloweho myta
Albert Einstein w lěće 1921
Einsteinowe podpismo
Einsteinowe podpismo

Ze swojim hłownym dźělom, teoriju relatiwity, sta so po cyłym swěće sławny. W lěće 1905 wuńdźe jeho dźěło z titulom Zur Elektrodynamik bewegter Körper, kotrehož wobsah so dźensa jako specialna teorija relatiwity woznamjenja. Dźesać lět pozdźišo wozjewi 1915 powšitkownu teoriju relatiwity. „Za jeho zasłužby wo teoretisku fyziku“ spožči so jemu w lěće 1921 Nobelowe myto za fyziku. Einsteinowe dźěła hrajachu – porno daloko rozšěrjenemu měnjenju – jenož pódlansku rólu při wunamakanju atomoweje bomby a wuwiwanju jadroweje energije.

Albert Einstein płaći jako personifikacija slědźerja a ženija. Sam wužiwaše swoju nimorjadnu znatosć tež zwonka fachoweho swěta, zo by so zasadźował za dorozumjenje ludow a swětowy měr.

W běhu swojeho žiwjenja bě z asimilowaneje němsko-židowskeje swójby pochadźacy Einstein staćan wšelakich krajow: wot narodźenja měješe württembergske staćanstwo. Wot 1896 do 1901 bjezstatny, běše wón wot 1901 šwicarski staćan a 1911/12 tež byrgar Rakuskeje. Wot 1914 do 1932 bydleše w Berlinje a měješe jako byrgar Pruskeje tež staćanstwo Němskeho mócnarstwa. Po přewzaću mocy přez nacionalsocialistow swój němski pas woteda a bu 1934 wot Němskeje wotnarodnjeny. Přidatnje k šwicarskemu naby w lěće 1940 tež staćanstwo Zjednoćenych statow, hdźež hižo wot 1935 bydleše.

Wotkazy

Albert Einstein: Fyzikar a nošer Nobeloweho myta  Commons: Albert Einstein – Zběrka wobrazow, widejow a awdiodatajow

Tags:

14. měrca18. apryla18791955Isaac NewtonNew JerseyUlm

🔥 Trending searches on Wiki Hornjoserbsce:

2018201129. decembra7. februaraSerbjaMały WjelkowDelnjoserbšćinaBukarest1914Karlowa uniwersitaRepublikanska strona (Zjednoćene staty Ameriki)Donald Trump9. měrcaEncyklopedijaAchali Atoni2023Hornjoserbšćina199729. septembraNižozemšćinaČorna HoraSerbiskochorwatšćinaNižozemska19241962A29. junijaKatalanšćinaJurij Łusčanski4. januara19. decembraAljaksandr LukašenkaSłonowinowy pobrjóhSočiTurkmenistanUzbekšćina1933TogoRuska2019BukwicaIsraelKrasnogorsk189314. septembraMadlena NasticcynaGotikaTrapecPřirodna ličbaOederanDušanbeWuchodoserbske narěčeBerlinMauritiusEuropska unijaJakub Nowak1837Turkmenšćina1966MonakoZ5. februara20221942Oblasć Uljanowsk13. junija31. měrcaPraha🡆 More