1933: Lěto

We Łužicy

• 09. apryla: Serbski sokołski zwjazk so rozpušći.
• 11. apryla: Nacionalsocialistiska wyšnosć zakaza za wósom dnjow wudawanje Serbskich Nowin; Marko Smoler zhubi zastojnstwo šefredaktora.
• 28. apryla: Nachwilne zajeće Arnošta Barta, Jana Cyža, Gustawa Janaka, Měrćina Nowaka-Njechorńskeho, Jurja Słodeńka a Jakuba Šajby.
• 05. julija: Na horje Mužský blisko Mnichovo Hradiště demonstruje 30.000 ludźi ze Společnostu přatel Lužice za prawa Serbow.
• 31. oktobra: Hłowna zhromadźizna Domowiny zahaji reorganizaciju serbskeho zwjazka.
• 26. nowembra: W Hórkach poswjeći so pomnik za padnjenych Prěnjeje swětoweje wójny.
• 27. decembra: Hłowna zhromadźizna Domowiny; Pawoł Nedo, wučer z Kotec, bu za noweho předsydu woleny.

Druhdźe

• 30. januara: Postajenje Adolfa Hitlera k němskemu kanclerej a přewzaće mocy přez nacionalsocialistow.
• 27. februara: W Berlinje zapali so Reichstag, sydło němskeho mócnarstwoweho sejma.
• 05. měrca: Nowowólby k mócnarstwowemu sejmej – wuslědk: NSDAP 43,9 %, SPD 18,3 %, KPD 12,3 %, Centrum 11,2 %, DNVP 8 %.
• 21. měrca: Wotewrjenje prěnjeho koncentraciskeho lěhwa w bayerskim Dachauje.
• 24. měrca: Wot prezidenta von Hindenburga podpisany nuzowy wukaz rozšěri kompetency nacionalsocialistiskeho knježerstwa.
• 14. oktobra: Němske mócnarstwo wustupi ze Zwjazka narodow.
• 01. decembra: Jednota stata a strony (NSDAP) so zakonsce wozjewi.

• 03. januara: Zdeněk Boháč – čěski stawiznar, Maćicar († 2001)
• 14. měrca: Cornelius Weiss – němski wědomostnik, wysokošulski rektor a politikar; MdL († 2020)
• 02. apryla: György Konrád – madźarski spisowaćel († 2019)
• 12. meje: Andrej Woznjesenskij – ruski basnik, publicist a moler († 2010)
• 28. meje: Achim Kowar – serbski wučer, redaktor a direktor SRWŠ († 2017)
• 15. awgusta: Jan Kral – serbski lektor a wučer
• 29. julija: Doris Teichmannowa – serbska stawiznarka a maśicarka
• 21. septembra: Lona Rietschel – němska comicowa rysowarka († 2017)
• 30. septembra: Feliks Chěžka – serbski ansamblowc a kulturny funkcionar († 2000)
• 29. oktobra: Klaws Thielmann – serbski lěkar a strowotniski minister NDR († 2024)
• 04. nowembra: František Vydra – čěski gymnazialny wučer, muzejownik, stawiznar a slawist († 2020)
• 19. nowembra: Pětš Janaš – delnjoserbski wučer, publicist a Maćicar († 2021)
• 19. nowembra: Larry King – US-ameriski žurnalist a moderator († 2021)

• 19. februara: Měrćin Nazdala – serbski ćěsla a ludowy herc (* 1851)
• 21. apryla: Alfons Parczewski – pólski jurist, etnolog a spěchowar Serbow, iniciator załoženja Maśicy Serbskeje (* 1849)
• 12. junija: Pawoł Wićaz-Chróšćanski – serbski ratarski dźěłaćer, redaktor a basnik (* 1901)
• 27. awgusta: Jakub Wróbl – serbski zamkar a misionar (* 1853)
• 1. oktobra: Wylem Nowy – delnjoserbski farar, kulturny prócowar a předsyda Maśicy Serbskeje (* 1870)