Ústecký Kraj: Jedyn ze 14 krajow Čěskeje
Ústecký kraj (serbsce Wusčanski kraj) je jedyn ze štyrnaće krajow Čěskeje republiki.
Nadeńdźe so w sewjernych Čechach a ma něhdźe 820.000 wobydlerjow. Zarjadniske sydło a najwjetše město je Ústí nad Labem (Wusće).
| |||
| Zakładne daty | |||
|---|---|---|---|
| přestrjeń | 5.335 km² | ||
| wobydlerstwo | 821.080 (1. jan 2018) | ||
| hustosć zasydlenja | 154 wob. na km² | ||
| sydło | Ústí nad Labem | ||
| awtowa značka | U | ||
| websydło | kr-ustecky.cz | ||
 | |||
Ústecký kraj mjezuje ze Sakskej na sewjeru, z Libereckim krajom na wuchodźe, Srjedźočěskim krajom na juhu a Karlowarskim krajom na zapadźe. Wobsteji z 354 gmejnow, z nich 46 městow. Najwažniša rěka w kraju je Łobjo ze swojimaj lěwymaj přitokomaj Wohra a Bílina a prawymaj přitokomaj Ploučnice a Kamenice. Sewjernu hranicu z Němskej tworja Rudne horiny, Połobske pěskowčiny a Łužiske horiny. K Wusčanskemu krajej słuša tež Šluknovski wuběžk, najsewjerniša kónčina Čěskeje republiki.
Wokrjesy
Ke krajej słušeja slědowace wokrjesy (čěsce okres):
| Přehlad wokrjesow | ||||
|---|---|---|---|---|
| Okres | přestrjeń (km²) | gmejny | ||
| Okres Děčín (DC) | 909 | 52 | ||
| Okres Chomutov (CV) | 935 | 44 | ||
| Okres Litoměřice (LT) | 1.032 | 105 | ||
| Okres Louny (LN) | 1.118 | 70 | ||
| Okres Most (MO) | 467 | 26 | ||
| Okres Teplice (TP) | 469 | 34 | ||
| Okres Ústí nad Labem (UL) | 405 | 23 | ||
| cyłkownje | 5335 | 354 | ||
Wokrjesy hraja wot lěta 2003 jenož hišće statistisku rólu a nimaja wjace zarjadnisku funkciju.
Města
Najwjetše města Wusčanskeho kraja su:
| město | wobydlerstwo 1. januara 2018 |
|---|---|
| Ústí nad Labem | 93.040 |
| Most | 66.644 |
| Teplice | 49.563 |
| Děčín | 49.226 |
| Chomutov | 48.666 |
Žórła
Wotkaz
Commons: Ústecký kraj – Zběrka wobrazow, widejow a awdiodatajow
This article uses material from the Wikipedia Hornjoserbsce article Ústecký kraj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.