რაჯასტანი
რაჯასტანი (ჰინ.
राजस्थान [raːdʒəsˈt̪ʰaːn], Rājasthān, ზიტყვაზიტყვათ — "რაჯეფიშ ქიანა", ინგლ. Rajasthan) — ინდოეთიშ უკაბეტაში შტატი, იდვალუაფუ ქიანაშ ოორუე-ბჟადალშე, 1949 წანას, ისტორიული რეგიონიშ რაჯპუთანაშ აკანს დირსხჷ. შტატიშ ნანანოღა დო უკაბეტაში ნოღა — ჯაიპური. შტატიშ მახორობა 68 621 012 ადამიერი (8-ა აბანი შტატეფს შქას; 2011); მახორობაშ უმენტაში ნორთის აკმადგინანა — რაჯასტანარეფი (თინეფს შქას რაჯპუთეფი).
| ქიანა |  ინდოეთი |
| სტატუსი | შტატი |
| ადმინ. ცენტრი | ჯაიპური |
| შხუ ნოღა | ჯაიპური |
| შხუ ნოღეფი | უდაიპური, აჯმერი, ჯოდჰპური |
| მადუდე | გუბერნატორი: კალიან სინგჰი თარი მინისტრი: ვასუნდჰარა რაჯე |
| ოფიც. ნინეფი | ჰინდი, რაჯასტჰანი |
| მახორობა (2011) | 68 621 012 (8-ო აბანი) |
| მეჭედალა | 200,51 კოჩი/კმ² |
| ფართობი | 342 239 კმ² (1-ა აბანი) |
| სიმაღალა ზუღაშ დონეშე - უმაღალაშ ჭურჭული | 1772 მ |
.svg) | |
| აბრევიატურა | IN-RJ |
| კოდი ISO 3166-2 | IN-RJ |
| ოფიციალური ვებ-ხასჷლა | |
 | Rajasthan |
გეოგრაფია
მუშ ტერიტორიაშ ფართობით 342 239 კმ², რაჯასტანი ინდოეთიშ უკაბეტაში შტატი რე. შტატიშ თარი გეოგრაფულ რეგიონეფშა მიშმურს ტიოზი ტარი დო გვალაშ ქჷნდჷრი არავალი, ნამუთ შტატიშ ობჟათე-ბჟადალშე ოორუე-ბჟაეიოლშა 850 კმ.-შე უმოსის იდვალუაფჷ. შტატიშ ოორუე-ბჟადალი ნორთი — ქვიშამი დო გოლოფირი რე. თე ტერიტორიაშ უმენტაში ნორთის იკენს ტიოზი ტარი, ნამუთ იგჷნძორებჷ პაკისტანიშ ტერიტორიას. ტიოზამი ტერიტორიეფი ძალამი მერკეთი რე დოხორელი, თე აბანეფიშ უკაბეტაში ნოღა რე — ბინაქერი. ტარიშ ტიოზიშ დო არავალიშ ქჷნდჷრს შქას მაძგვიტია ბართვონეფი ჩანს. თე რეგიონს ტემპერატურაქ ზარხულს შილებე 45 °С-ის მიოჭირინუასჷნ, ზოთონჯს - 0 °С-ის.
არავალიშ ქჷნდჷრი დო თიშ ბჟაეიოლშე დო ობჟათე-ბჟაეიოლშე მადვალჷ დიხეფი ჸოფიერი დო მერკეთ გოლოფირი რე. თე რეგიონს ჩანს ტროპიკული ფართეფურცელამი ტყალეფი, თაშნეშე ლაკაცია, ტიკი დო შხვ. ქჷნდჷრამი რეგიონი ვაგადი რაჯასტანიშ ელახ ობჟათეშე იდვალუაფჷ, შტატი გუჯარათიშ ხურგიწკჷმა. თე რეგიონი შტატიშ შანულამი დო ძალამი ტყალამი აკანი რე, თე აკანიშ თარი ნოღეფი რე: უდაიპური დო ჩიტაურგარჰი. შტატიშ ბჟაეიოლი ნორთი უკებჷ მევატიშ რეგიონს, ნამუსჷთ უხურგანს უტარ-პრადეშიშ დო ჰარიანაშ შტატეფი. თაქ იდვალუაფუ შტატიშ ნანანოღა — ჯაიპური. რაჯასტანიშ ბჟაეიოლ დო ობჟათე-ბჟაეიოლ ნორთის თიჯგურა წყარმალუეფი ომძღჷ, მუჭოთ რე ბანასი დო ჩამბალი, განგიშ ღანჩოს. შტატიშ უმაღალაში კონკა — გვალა აბუ (1722 მ). არავალიშ ქჷნდჷრი შტატის თიშობურო რთუნს ნამჷ-და, ტერიტორიაშ 60% ქჷნდჷრშე ობჟათე-ბჟადალს იდვალუაფუ, 40% — ობჟათე-ბჟაეიოლს.
ოქიანუეფი
- ჯაიპურიშ ვარდიშფერი ძეგლი
- ჩიტორგარჰიშ აკანცჷმეფი მევარს
- ტობეფიშ ნოღა უდაიპური
- ბიკანერაშ დო კოტაშ თარეფიშ დოხორეეფი
- ამბერიშ ჯიხა-დოხორე
- ჯიხა მეჰრანგარჰი მარვარს
- ორქოშ ჯიხა ჯაისალმერი
რესურსეფი ინტერნეტის
სქოლიო
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article რაჯასტანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.