ბეისბოლი (ინგლ.
baseball, სიტყვეფიშე base „ბაზა, ოსხირი“ დო ball „ბურთი“) — ბუნური სპორტული ლაჸაფი ბურთით დო კეტით. ნირზის ინორთუანს ჟირი ბუნა, ირს ჩხორო (ვარა ვითი) მალაჸაფეთ.
ბეისბოლქ ააშ-ს გორჩქინდჷ XIX ოშწანურაშ დაჭყაფუს. იკოროცხუ, ნამუდა ლაჸაფის ოსხირო გიადუ ინგლისური "რაუნდერს"-ი. მაართა ოფიციალური მატჩიქ აკინწყუ ნიუ-იორკის 1820 წანას. 1845 წანას გიჭყჷ მაართა პროფესიულ კლუბიქ. ლაჸაფი გოფაჩილიე ააშ-ს, კანადას, მექსიკას, ლათინურ ამერიკას დო კარიბეფს, ავსტრალიას, იაპონიას, კორეას დო შხვადო. თეჟამიშო ბეისბოლს ლაჸაფენა 120 ქიანას. არძაშე უმოსო პოპულარულიე ააშ-ს, კუბას, იაპონიას, ჩინეთის დო კორეას.
ააშ-ს, იაპონიას, ჩეხეთის დო მუზმანერ შხვა ქიანას გოფაჩილიე თაშნეშე სოფტბოლი — ბეისბოლიშ გამარტივებული ვარიანტი — თიშ ლაჸაფი ფორილ ნოდგჷმს დო მორჩილი ზჷმაშ მოედანსჷთ შილებე. ბეისბოლიშ ოლაჸაფე მოედანს რომბიშ ფორმა უღუ.
ბეისბოლიშ მოჯგირე ლაჸაფეფიე კრიკეტი, პესაპოლო ფინეთის, ოინა რუმინეთისი დო ლაპტა რუსეთის.
This article uses material from the Wikipedia მარგალური (Margaluri) article ბეისბოლი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.