Sulfer of zwoavel is e chemisch element me atoomnummer 16.
| |
Algemêen | |
---|---|
Noame | Sulfer |
Symbool | S |
Atoomnummer | 16 |
Groep | Zeurstofgroep |
Periode | Periode 3 |
Blok | p-blok |
Reekse | Niet-metoaln |
Kleur | Geel |
Chemische eignschapn | |
Atoommassa (u) | 32,06 |
Elektronconfiguroatie | [Ne]3s23p4 |
Oxidoatietoestandn | -2, +4, +6 |
Elektronegativiteit (Pauling) | 2,58 |
Atoomstroale (pm) | 103 |
1e ionisoatiepotentioal (kJ×mol-1) | 999,60 |
2e ionisoatiepotentioal (kJ×mol-1) | 2251,78 |
3e ionisoatiepotentioal (kJ×mol-1) | 3356,75 |
Fysische eigenschapn | |
Dichtheid (kg·m-3) | 2070 |
Smeltpunt (K) | 386 |
Kookpunt (K) | 718 |
Aggregoatietoestand | Vaste |
Smeltwarmte (kJ·mol-1) | 1,7175 |
Verdampiengswarmte (kJ·mol-1) | 9,62 |
Vanderwaalsstroale (pm) | 180 |
Kristalstructuur | Ortho |
Molair volume (m3·mol-1) | 15,49 |
Specifieke warmte (J·kg-1·K-1) | 710 |
Elektrische weerstand (μΩcm) | 2×1023 |
Warmtegeleidboarheid (W·m-1·K-1) | 0,205 |
SI-êenheedn en standoardtemperateure en -druk wordn gebruukt, of 't zou moetn zyn dat et er anders stoat. |
't Behoort toe de zuurstofgroep en de ni-metaaln. 't Symbool van sulfer is S.
E sulferatôom bestoat in de regel ut 16 protoonn, 16 neutroonn, en 16 elektroonn. De 3 stabiele isotoopn zyn 33S, 34S en 36S. In totoal zyn der 18 isotoopn, woavan datter mo 3 zyn die e halfweirdetyd en die langer is of drie secoendn.
Sulfer is e toamelik courante groundstoffe. De belangrykste bronn zyn sulferoudende mineraaln. Doarin wordt er nog e verschil gemakt tussen sulfoatoudende (SO4) en sulfietoudende (SO3). Vodder komt da ook nog vôorn in orgoanische sulferverbiendiengn en gasn (gelik vulkoanische gasn).
Sulfer komt ôok vôorn in de mêeste eiwittn, deur disulfidebrugn te maken elp et mee vo de correcte opvouwieng te garandeern. 't Es verantwôordelik vôor de reuke van dermgoaze, eirdgoaze en van eiers. Oat een ei begunt te vorten komt 'r vergiftigde woaterstofsulfide (H2S) vry, 'tgêen gebreukt wirdt vôor stienkbommen.
Elementair sulfer is ni zo moeilik te maakn. 't Voordêel is da we da geweun zuver uut de ground kunn aaln, of toch byna zuver (99,5% oungeveer). Da wordt op e speciale maniere gedoan, 't Frasch-proces genoamd. Je ku ook sulfer aaln uut verbiendiengn, gelik (eird)olie. Ze zettn da eerst omme in woaterstofsulfide (da straf riekt en giftig is), en tonne zetn ze da omme in SO2, woaruut da ze utendelik zuvere sulfer kunn aaln.
Sulfer wordt in 'n industrie vele gebruukt. 't Dient als groundstoffe vo vele verbiendiengn. E poar voorbeeldn zyn mest, sulferzeur (H2SO4), poer (buskruut), vierwerk en batteryen. Dankzy sulfer en zuurstoffe kant de natuurlikke wêke catchou gevulkaniseerd weirdn, 't gêen toeloat om de gewilde sterkte en artehie van den industriële catchou te bekommn.
Ofbeeldiengn die ier by passn ku je vien in de categorie Sulfur van Wiki Commons. |
This article uses material from the Wikipedia West-Vlams article Sulfer (element), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.