Kilusang Pandaigdig Ng Krus Na Pula At Gasuklay Na Pula

Sumibol ang ideya ng pagkakaroon ng kilusan o samahan ng Krus na Pula mula sa Suwisong bangkerong si Henri Dunant, pagkaraang masaksihan ni Dunant ang paghihirap na dinanas ng mga sugatang kawal sa Labanan ng Solferino sa pagitan ng mga Austriano at ng mga Pranses, na naganap sa Hilagang Italya noong 1859. Nagsulat si Dunant ng isang aklat hinggil sa labanan at nagmungkahi ng isang samahan sa bawat isang bansa na tutulong sa mga sundalong sugatan. Kaya't noong 1863, naganap ang isang pagpupulong sa Ginebra, Suwisa na nagbunga sa pagkakaroon ng unang mga samahan ng Krus na Pula.

Sa kasalukuyan, nagsasagawa ng gampanin ang Krus na Pula sa buong mundo, katulad ng pagbibigay ng pagbibigay ng paunang tulong o tulong pang-emerhensiya sa panahon ng mga sakuna, pagtulong sa mga bilanggo ng digmaan, at pagpapatakbo ng mga programang pangkawanggawa.

Naging sagisag ng kilusan ang isang krus na pula na nasa ibabaw ng isang puting panlikod. Sa mga bansang Muslim, ginagamit ang gasuklay na pula, sa halip na krus na pula. Iginagalang ng lahat ng mga bansa o nasyon ang mga sagisag na ito.

• Pambansang Krus na Pula ng Pilipinas
• Paunang tulong-panlunas