ᱰᱚᱨᱮᱢᱚᱱ (ᱡᱟᱯᱟᱱᱤᱡᱽᱺドラえもん) ᱫᱚ ᱢᱤᱫ ᱡᱟᱯᱟᱱᱤᱡ ᱢᱟᱝᱜᱟ ᱟᱨ ᱮᱱᱤᱢᱮ ᱠᱟᱨᱴᱩᱱ ᱫᱷᱟᱯ (series) ᱠᱟᱱᱟ ᱾ ᱱᱚᱶᱟ ᱨᱤᱱᱤᱡ ᱥᱤᱨᱡᱚᱱᱤᱭᱟᱹ ᱫᱚ ᱯᱷᱩᱡᱤᱠᱚ ᱮᱯᱷ ᱯᱷᱩᱡᱤᱭᱚ ᱾ ᱱᱚᱶᱟ ᱫᱚ ᱢᱤᱫ ᱨᱚᱵᱚᱴ ᱯᱩᱥᱤᱭᱟᱜ ᱠᱟᱹᱦᱱᱤ ᱠᱟᱱᱟ, ᱡᱟᱦᱟᱸᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱰᱚᱨᱮᱢᱚᱱ ᱾ ᱱᱩᱭ ᱫᱚ ᱱᱚᱵᱤᱛᱟ ᱱᱚᱵᱤ(野比 のび太?) ᱧᱩᱛᱩᱢᱟᱱᱤᱠ ᱜᱤᱫᱽᱨᱟᱹ ᱚᱲᱚ ᱞᱟᱹᱜᱤᱫᱼᱮ ᱦᱮᱡ ᱠᱚᱜᱼᱟ ᱾
ᱱᱚᱶᱟ ᱫᱷᱟᱯ ᱫᱚ ᱯᱩᱭᱞᱩ ᱫᱷᱟᱣ ᱰᱤᱥᱮᱢᱵᱚᱨ ᱑᱙᱖᱙ ᱥᱟᱞᱮᱨᱮ ᱢᱤᱫ ᱫᱷᱟᱣ ᱛᱮ ᱛᱩᱨᱩᱭ ᱜᱚᱴᱟᱝ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱛᱷᱟᱢ ᱨᱮ ᱯᱟᱨᱥᱟᱞ ᱞᱮᱱ ᱛᱟᱦᱮᱸᱫ ᱾ ᱢᱬ ᱫᱷᱟᱯ ᱨᱮ ᱞᱮᱠᱷᱟᱜᱩᱴ ᱡᱚᱛᱚᱨᱮ ᱑᱓᱔᱔ ᱜᱚᱴᱟᱝ ᱠᱟᱹᱦᱱᱤ ᱵᱮᱱᱟᱣ ᱟᱠᱟᱱᱟ ᱟᱨ ᱚᱱᱟ ᱫᱚ ᱔᱕ ᱠᱷᱚᱱ ᱵᱟᱹᱲᱛᱤ ᱦᱟᱹᱴᱤᱧ ᱛᱮ ᱯᱩᱨᱟᱹᱣ ᱟᱠᱟᱱᱟ ᱾ ᱰᱚᱨᱮᱢᱚᱱ ᱟᱜ ᱵᱟᱹᱲᱛᱤᱜᱟᱱ ᱮᱯᱤᱥᱚᱰ ᱜᱮ ᱞᱟᱸᱫᱟ ᱛᱮ ᱯᱮᱨᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱟᱯᱟᱭ, ᱠᱮᱴᱮᱡ ᱢᱚᱱᱮ, ᱫᱤᱞ ᱫᱟᱲᱮ, ᱥᱟᱦᱟᱥ, ᱜᱷᱟᱨᱚᱡᱽ ᱟᱨ ᱢᱟᱨᱟᱝ ᱦᱚᱲ ᱠᱚ ᱞᱟᱹᱜᱤᱫ ᱢᱟᱹᱱ ᱮᱢᱟᱱ ᱵᱟᱵᱚᱫᱽ ᱛᱮ ᱯᱷᱚᱴᱮᱞ ᱟᱠᱟᱱᱟ ᱾ ᱰᱚᱨᱮᱢᱚᱱ ᱫᱚ ᱜᱚᱴᱟ ᱫᱩᱱᱤᱭᱟᱹ ᱨᱮᱱᱟᱜ ᱟᱥᱚᱠᱟᱭ ᱟᱨ ᱞᱟᱹᱠᱛᱤᱭᱟᱱ ᱥᱟᱛᱟᱢ ᱵᱟᱵᱚᱫᱽ ᱛᱮ ᱧᱮᱧᱞᱤᱭᱟᱹ ᱠᱚᱭ ᱞᱟᱹᱭ ᱟᱠᱚᱣᱟ, ᱱᱚᱶᱟ ᱠᱚ ᱢᱩᱸᱫᱽ ᱨᱮ ᱚᱠᱴᱚ ᱨᱮ ᱥᱮᱴᱮᱨᱚᱜ, ᱠᱮᱴᱮᱡ ᱠᱟᱹᱢᱤᱦᱚᱨᱟ ᱥᱟᱵ, ᱞᱮᱠᱟᱱ ᱥᱟᱬᱮᱥ ᱥᱟᱶ ᱡᱚᱲᱟᱣᱟᱠᱟᱱ ᱠᱛᱷᱟ ᱠᱚ ᱟᱹᱰᱤ ᱟᱞᱜᱟ ᱵᱩᱡᱷᱟᱹᱣ ᱚᱰᱚ ᱞᱟᱹᱜᱤᱫ ᱨᱤᱠᱟᱹ ᱦᱟᱠᱟᱱᱟ ᱾
ᱰᱚᱨᱮᱢᱚᱱ ᱫᱚ ᱢᱤᱫ ᱨᱚᱵᱚᱴ ᱯᱩᱥᱤ ᱠᱟᱱᱟᱭ ᱾ ᱩᱱᱤ ᱴᱷᱮᱱ ᱢᱤᱫ ᱟᱥᱚᱠᱟᱭ ᱦᱟᱦᱟᱲᱟ ᱯᱟᱹᱠᱤᱴ ᱢᱮᱱᱟᱜᱼᱟ, ᱡᱟᱦᱟᱸ ᱠᱷᱚᱱ ᱩᱱᱤ ᱟᱜᱟᱢ ᱞᱟᱹᱜᱤᱫ ᱱᱟᱶᱟ ᱱᱟᱶᱟ ᱜᱮᱡᱮᱴᱥ (ᱡᱚᱱᱛᱚᱨ) ᱠᱚ ᱞᱮᱛᱟᱲᱮ ᱚᱰᱚᱠᱟ ᱾ ᱰᱚᱨᱮᱢᱤ ᱨᱚᱵᱚᱴ ᱫᱚ ᱟᱡᱤᱡ ᱢᱤᱥᱨᱟ ᱠᱟᱱᱟᱭ ᱾ ᱩᱱᱤ ᱫᱚ ᱰᱚᱨᱮᱢᱚᱱ ᱠᱷᱚᱱ ᱦᱚᱸ ᱵᱟᱹᱲᱛᱤ ᱜᱩᱱ ᱟᱨ ᱫᱟᱲᱮᱭᱟᱱᱤᱡ ᱨᱚᱵᱚᱴ ᱠᱟᱱᱟᱭ ᱾ ᱩᱱᱤ ᱫᱚ ᱜᱮᱡᱮᱴᱥ ᱠᱚ ᱨᱮᱱᱟᱜ ᱵᱮᱵᱷᱟᱨ ᱦᱚᱸ ᱰᱚᱨᱢᱚᱱ ᱠᱷᱚᱱ ᱟᱹᱰᱤ ᱵᱷᱟᱹᱜᱤ ᱜᱮ ᱵᱮᱵᱷᱟᱨ ᱰᱟᱲᱮᱭᱟᱜᱼᱟ ᱾ ᱩᱱᱤ ᱫᱚ ᱟᱡ ᱪᱮᱛᱟᱱ ᱨᱮ ᱛᱤᱥ ᱦᱚᱸ ᱵᱟᱭ ᱜᱚᱨᱚᱵᱟ ᱟᱨ ᱡᱟᱦᱟᱸ ᱛᱤᱱ ᱡᱚᱠᱷᱟᱜ ᱰᱚᱨᱮᱢᱚᱱ ᱜᱚᱲᱚᱭ ᱠᱷᱚᱡᱟ, ᱩᱱ ᱡᱚᱠᱷᱟᱜ ᱰᱚᱨᱮᱢᱤ ᱫᱚ ᱟᱡᱟᱜ ᱴᱟᱭᱤᱢ ᱢᱮᱥᱤᱱ ᱨᱮ ᱫᱩᱲᱩᱵ ᱠᱟᱛᱮ ᱜᱚᱲᱚ ᱞᱟᱹᱜᱤᱫᱼᱮᱟ ᱦᱤᱡᱩᱜᱼᱟ ᱾ ᱡᱚᱠᱷᱚᱱ ᱟᱡ ᱵᱚᱭᱦᱟ ᱰᱚᱨᱮᱢᱚᱱ ᱰᱤᱜᱟᱹ (ᱪᱷᱩᱴᱤ) ᱨᱮᱭ ᱛᱟᱦᱮᱸᱱᱟ ᱩᱱ ᱡᱚᱠᱷᱟᱜ ᱟᱡ ᱱᱚᱵᱤᱛᱟᱭ ᱜᱚᱲᱚ ᱟᱭ ᱾
ᱰᱚᱨᱮᱢᱚᱱ (ᱠᱟᱨᱴᱩᱱ) ᱫᱚ ᱱᱟᱯᱟᱭ ᱥᱚᱫᱚᱨ ᱠᱷᱟᱹᱛᱤᱨ ᱑᱙᱗᱓ ᱥᱟᱞᱮᱨᱮ ᱡᱟᱯᱟᱱ ᱠᱟᱨᱴᱩᱱ ᱮᱥᱚᱥᱤᱭᱮᱥᱚᱱ ᱟᱣᱟᱨᱰ(Japan Cartoonists Association Award) ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱰᱚᱨᱮᱢᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.