ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ
ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱫᱚ ᱡᱚᱨᱢᱟᱱ ᱨᱤᱱᱤᱡ ᱱᱚᱵᱮᱞ ᱥᱤᱨᱯᱷᱟᱹ ᱟᱢᱮᱴᱤᱭᱟᱹ, ᱡᱟᱭ ᱥᱟᱬᱮᱥᱤᱭᱟᱹ (physicist) ᱠᱟᱱᱟᱭ ᱾ ᱡᱟᱦᱟᱸᱭ ᱟᱡᱟᱜ ᱡᱟᱭ ᱥᱟᱬᱮᱥ ᱨᱮᱱᱟᱜ ᱥᱤᱨᱤᱡᱽ ᱥᱩᱛᱩᱨ ᱛᱮ ᱡᱟᱭ ᱥᱟᱬᱮᱥ ᱨᱮ ᱢᱤᱫ ᱚᱠᱛᱚ ᱦᱩᱞᱜᱩᱞᱟᱹᱱᱮ ᱵᱮᱱᱟᱣᱞᱮᱫ ᱛᱟᱦᱮᱸᱫ ᱾ ᱚᱱᱟ ᱞᱟᱹᱜᱤᱫ ᱟᱡ ᱫᱚ ᱡᱟᱭ ᱥᱟᱬᱮᱥ ᱨᱤᱱᱤᱡ ᱟᱯᱟᱛ ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱᱟ ᱾ ᱟᱡᱟᱜ ᱥᱤᱨᱤᱡᱽ ᱠᱚ ᱢᱩᱸᱫᱽ ᱨᱮ, ᱦᱟᱢᱟᱞ ᱫᱟᱲᱮ ᱨᱮᱱᱟᱜ ᱥᱩᱛᱩᱨ E=mc2 ᱫᱚ ᱟᱹᱰᱤ ᱵᱟᱰᱟᱭᱟᱱ ᱛᱟᱦᱮᱸ ᱠᱟᱱᱟ ᱾ ᱵᱟᱹᱲᱛᱤᱠᱟᱭ ᱛᱮ ᱟᱨᱥᱟᱞ-ᱵᱤᱡᱽᱞᱤ ᱯᱟᱥᱱᱟᱣ ᱯᱟᱱᱛᱮ ᱧᱟᱢ ᱞᱮᱫ ᱠᱷᱟᱹᱛᱤᱨ ᱑᱙᱒᱑ ᱥᱟᱞᱮ ᱨᱮ ᱱᱚᱵᱮᱞ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱚᱝᱠᱟ ᱜᱮ ᱟᱡᱟᱜ ᱮᱱᱮᱢ ᱡᱟᱭ ᱥᱟᱬᱮᱥ ᱨᱮ ᱟᱹᱰᱤ ᱢᱟᱨᱟᱝ ᱴᱷᱟᱹᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱟᱭᱤᱱᱥᱴᱟᱭᱤᱱ ᱫᱚ ᱑᱘ ᱮᱯᱨᱤᱞ ᱑᱙᱕᱕ ᱥᱮᱨᱢᱟ ᱨᱮ ᱜᱩᱨ ᱟᱠᱟᱱᱟᱭ ᱾
| ||||||||
| ᱧᱩᱛᱩᱢ | ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ | |||||||
|---|---|---|---|---|---|---|---|---|
| ᱡᱤᱭᱚᱱ | ||||||||
| ᱡᱟᱱᱟᱢ ᱢᱟᱦᱟᱸ | ᱑᱔ ᱢᱟᱨᱪ ᱑᱘᱗᱙ | |||||||
| ᱵᱚᱝᱜᱟ ᱛᱟᱞᱟ | ᱑᱘ ᱮᱯᱨᱤᱞ ᱑᱙᱕᱕ | |||||||
| ᱮᱱᱮᱢ | ||||||||
•General relativity
| ||||||||
| ᱢᱟᱺᱱ ᱥᱤᱨᱯᱷᱟᱹ | ||||||||
•ᱵᱚᱨᱱᱟᱨᱰ ᱢᱮᱰᱟᱞ (᱑᱙᱒᱐)
| ||||||||
| ᱥᱩᱦᱤ | ||||||||
| | ||||||||
ᱡᱤᱭᱚᱱ
ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱫᱚ ᱑᱔ ᱢᱟᱨᱪ ᱑᱘᱗᱙ ᱥᱟᱞᱮ ᱨᱮ ᱡᱚᱨᱢᱟᱱ ᱨᱮᱭᱟᱜ ᱩᱴᱢᱩᱨᱜᱽ ᱯᱚᱱᱚᱛ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱦᱚᱨᱢᱟᱱ ᱟᱭᱤᱱᱥᱴᱟᱭᱤᱱ ᱫᱚ ᱢᱤᱫ ᱵᱮᱯᱟᱨᱤᱭᱟᱹ ᱟᱨ ᱤᱧᱡᱤᱱᱤᱭᱟᱹᱨᱮ ᱛᱟᱦᱮᱸᱠᱟᱱᱟ ᱟᱨ ᱮᱸᱜᱟᱛ ᱫᱚ ᱯᱚᱞᱤᱱ ᱟᱭᱤᱱᱥᱴᱟᱭᱤᱱ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱑᱘᱘᱐ ᱥᱟᱞᱮ ᱨᱮ ᱟᱠᱚ ᱫᱚ ᱢᱩᱱᱤᱪ ᱧᱩᱛᱩᱢᱟᱱ ᱡᱟᱜᱟ ᱛᱮᱠᱮ ᱜᱤᱨᱟᱹᱵᱟᱹᱥ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱟᱡ ᱟᱯᱟᱛ ᱟᱨ ᱟᱡ ᱠᱟᱠᱟ ᱡᱟᱠᱚᱵᱽ ᱥᱟᱶ ᱢᱤᱫ ᱠᱚᱢᱯᱟᱹᱱᱤ ᱠᱚ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱠᱚᱢᱯᱟᱹᱱᱤ ᱨᱮᱱᱟᱜ ᱧᱩᱛᱩᱢ ᱫᱚ ᱤᱞᱮᱠᱴᱨᱚ ᱴᱮᱠᱱᱤᱠ ᱯᱷᱮᱵᱽᱨᱤᱠ ᱡᱮ. ᱟᱭᱤᱱᱥᱟᱭᱤᱱ & ᱥᱤ ᱾ ᱱᱚᱶᱟ ᱠᱚᱢᱯᱟᱹᱱᱤ ᱫᱚ ᱵᱤᱡᱽᱞᱤ ᱥᱟᱢᱟᱱᱮ ᱛᱮᱭᱟᱨ ᱮᱫ ᱛᱟᱵᱮᱸᱫ ᱾ ᱡᱚᱠᱷᱚᱱ ᱟᱡᱟᱜ ᱵᱚᱭᱚᱥ ᱤᱨᱟᱹᱞ ᱥᱮᱨᱢᱟ ᱦᱩᱭ ᱮᱱᱟ ᱞᱩᱭᱤᱯᱚᱞ ᱡᱤᱢᱱᱟᱥᱭᱚᱢ ᱛᱮ ᱥᱮᱪᱮᱫᱚᱜᱼᱮ ᱥᱮ ᱮᱱᱟ ᱾ ᱚᱸᱰᱮ ᱜᱮ ᱚᱛᱢᱚᱱ ᱟᱨ ᱪᱚᱴᱢᱚᱱ ᱥᱮᱪᱮᱫ ᱫᱚ ᱠᱤᱱ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱑᱘᱙᱔ ᱥᱟᱞᱮ ᱨᱮ ᱟᱠᱚᱣᱟᱜ ᱠᱚᱢᱯᱟᱹᱱᱤ ᱱᱤᱞᱟᱹᱢ ᱵᱟᱭ ᱧᱟᱢ ᱞᱮᱜᱼᱟ, ᱪᱮᱫᱟᱜ ᱥᱮ ᱟᱠᱚᱣᱟᱜ ᱯᱨᱚᱰᱚᱠᱴ ᱨᱮᱱᱟᱜ ᱛᱷᱚᱠ ᱱᱟᱥᱮ ᱠᱚᱢ ᱜᱮ ᱛᱟᱦᱮᱸᱫ ᱟᱨ ᱠᱚᱢᱯᱟᱹᱱᱤ ᱦᱚᱸ ᱵᱚᱸᱫᱽ ᱦᱩᱭ ᱟᱫ ᱠᱚᱣᱟ ᱾ ᱟᱨ ᱚᱱᱟᱛᱮ ᱠᱚᱯᱟᱹᱱᱤ ᱫᱚ ᱠᱚ ᱟᱹᱠᱷᱨᱤᱧ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱟᱠᱚᱣᱟᱜ ᱜᱷᱟᱨᱚᱡᱽ ᱫᱚ ᱵᱮᱯᱟᱨ ᱯᱟᱱᱛᱮ ᱞᱟᱹᱜᱤᱫ , ᱤᱴᱟᱞᱤ ᱠᱚ ᱪᱟᱞᱟᱣ ᱮᱱᱟ ᱾ ᱮᱛᱚᱦᱚᱵ ᱫᱚ ᱢᱤᱞᱚᱱ ᱚᱱᱟ ᱛᱟᱭᱚᱢ ᱯᱟᱵᱷᱤᱭᱟ ᱧᱩᱛᱩᱢᱟᱱ ᱡᱟᱜᱟ ᱠᱚ ᱥᱮᱱ ᱮᱱᱟ ᱾ ᱟᱭᱤᱱᱥᱴᱟᱭᱤᱱ ᱫᱚ ᱢᱩᱱᱤᱪ ᱨᱮ ᱜᱮ ᱛᱟᱦᱮᱸ ᱠᱟᱱᱟᱭ ᱟᱡᱟᱜ ᱥᱮᱪᱮᱫ ᱥᱟᱹᱛ ᱞᱟᱹᱜᱤᱫ ᱾ ᱟᱯᱟᱛ ᱫᱚᱭ ᱩᱭᱟᱹᱨᱮᱫ ᱛᱟᱦᱮᱸᱫ ᱵᱤᱡᱽᱞᱤ ᱤᱧᱡᱤᱱᱤᱭᱟᱹᱨ ᱯᱟᱲᱦᱟᱣ ᱚᱪᱚ ᱞᱟᱹᱜᱤᱫ, ᱢᱮᱱᱠᱷᱟᱱ ᱱᱩᱭ ᱫᱚ ᱱᱟᱥᱮ ᱟᱞᱟᱜᱽ ᱢᱚᱱᱮ ᱛᱟᱦᱮᱸ ᱠᱟᱱᱟ ᱾ ᱑᱘᱙᱕ ᱥᱟᱞᱮᱨᱮ ᱡᱚᱠᱷᱚᱱ ᱟᱡᱟᱜ ᱵᱚᱭᱚᱥ ᱫᱚ ᱑᱖ ᱦᱩᱭ ᱞᱮᱱ ᱛᱟᱦᱮᱸᱫ, ᱩᱱ ᱡᱚᱠᱷᱟᱜ ᱥᱣᱤᱥ ᱯᱷᱮᱰᱮᱨᱟᱞ ᱯᱚᱞᱤᱴᱮᱠᱱᱤᱠ ᱵᱤᱱᱤᱰ ᱮ ᱮᱢ ᱠᱮᱫᱼᱟ, ᱢᱮᱱᱠᱷᱟᱱ ᱱᱚᱶᱟ ᱜᱟᱱᱟᱰᱮ ᱫᱚ ᱵᱟᱭ ᱫᱚᱱ ᱯᱟᱨᱚᱢ ᱫᱟᱲᱮᱭᱟᱫᱟᱜᱼᱟ ᱾ ᱛᱚᱵᱮ ᱡᱟᱭ ᱥᱟᱬᱮᱥ ᱟᱨ ᱮᱞᱠᱷᱟ ᱨᱮ ᱫᱚ ᱵᱷᱟᱹᱜᱤ ᱚᱨᱡᱚ ᱜᱮᱭ ᱟᱹᱜᱩ ᱞᱮᱫ ᱛᱟᱦᱮᱸᱫ ᱾ ᱑᱘᱙᱖ ᱨᱮ ᱫᱚ ᱚᱱᱟ ᱵᱤᱱᱤᱰ ᱟᱹᱰᱤ ᱱᱟᱯᱟᱭ ᱛᱮ ᱯᱟᱨᱚᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱥᱮᱨᱢᱟ ᱜᱮ ᱟᱡᱤᱡ ᱟᱜᱟᱢ ᱡᱤᱣᱤ ᱡᱩᱨᱤ ᱢᱤᱞᱮᱵᱷᱟ ᱢᱮᱨᱤᱠ ᱚᱸᱰᱮ ᱧᱩᱛᱩᱢ ᱮ ᱚᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱮᱠᱞᱟ ᱜᱮ ᱛᱤᱨᱞᱟᱹ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱟᱠᱚ ᱛᱩᱨᱩᱭ ᱡᱟᱭ ᱥᱟᱬᱮᱥ ᱟᱨ ᱮᱞᱠᱷᱟ ᱥᱟᱛᱟᱢᱟᱱ ᱜᱤᱫᱽᱨᱟᱹ ᱠᱷᱚᱱ ᱾ ᱛᱤᱢᱤᱱ ᱥᱮᱨᱢᱟ ᱠᱷᱟᱱ ᱜᱮ ᱟᱭᱤᱱᱥᱴᱟᱭᱤᱱ ᱟᱨ ᱢᱮᱨᱤᱠ ᱟᱜ ᱥᱟᱹᱜᱟᱹᱭ ᱟᱹᱰᱤ ᱥᱩᱯᱩᱨ ᱞᱮᱱ ᱛᱟᱦᱮᱸᱫ ᱟᱨ ᱢᱮᱥᱟ ᱠᱟᱛᱮ ᱯᱟᱲᱦᱟᱣ ᱦᱚᱸ ᱠᱤᱱ ᱮᱦᱚᱵ ᱞᱮᱜᱼᱟ , ᱠᱷᱟᱹᱞᱤ ᱚᱠᱛᱚ ᱨᱮ ᱾ ᱑᱙᱐᱐ ᱥᱟᱞᱮ ᱨᱮ ᱟᱭᱤᱱᱥᱴᱟᱭᱤᱱ ᱫᱚ ᱯᱚᱞᱤᱴᱮᱠᱱᱤᱠ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱢᱮᱨᱤᱠ ᱫᱚ ᱵᱤᱱᱤᱰ ᱵᱟᱭ ᱯᱟᱨᱚᱢ ᱫᱟᱲᱮᱭᱟᱫ ᱛᱟᱦᱮᱸᱫ ᱾
ᱵᱟᱯᱞᱟ
ᱚᱱᱟ ᱛᱟᱭᱚᱢ ᱟᱭᱤᱱᱥᱴᱟᱭᱤᱱ ᱟᱨ ᱢᱮᱨᱤᱠ ᱫᱚ ᱡᱟᱱᱩᱣᱟᱨᱤ ᱑᱙᱐᱓ ᱥᱟᱞᱮ ᱨᱮ ᱠᱤᱱ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱢᱮ ᱪᱟᱸᱫᱚ ᱑᱙᱐᱔ ᱨᱮ ᱟᱹᱠᱤᱱᱤᱡ ᱯᱩᱭᱞᱩ ᱠᱚᱲᱟ ᱜᱤᱫᱽᱨᱟᱹ ᱦᱟᱱᱥ ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱹᱠᱤᱱᱤᱡ ᱫᱚᱥᱟᱨ ᱠᱚᱲᱟ ᱜᱤᱫᱽᱨᱟᱹ ᱤᱰᱣᱟᱨᱰ ᱑᱙᱑᱐ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱙᱐᱘ ᱥᱟᱞᱮ ᱨᱮ ᱟᱭᱤᱱᱥᱴᱟᱭᱤᱱ ᱫᱚ ᱟᱭᱟᱨ ᱥᱟᱬᱮᱥᱤᱭᱟᱹ ᱞᱮᱠᱟ ᱛᱮ ᱧᱩᱛᱩᱢ ᱮ ᱟᱨᱡᱟᱣ ᱞᱮᱫ ᱛᱟᱦᱮᱸᱫ , ᱚᱱᱟ ᱛᱟᱭᱚᱢ ᱵᱮᱨᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱜᱟᱞᱚᱪᱤᱭᱟᱹ ᱞᱮᱠᱟ ᱛᱮ ᱛᱟᱦᱮᱸ ᱮᱱᱟᱭ ᱾ ᱚᱱᱟ ᱛᱟᱭᱚᱢ ᱑᱙᱐᱙ ᱥᱟᱞᱮᱨᱮ ᱯᱩᱨᱩᱫᱷᱩᱞ ᱢᱟᱪᱮᱫ ᱞᱮᱠᱟᱛᱮ ᱠᱟᱹᱢᱤ ᱠᱚ ᱮᱢᱟᱫ ᱫᱮᱭᱟ ᱾
ᱵᱟᱨᱦᱮ ᱡᱚᱱᱚᱲ
Einstein's Personal Correspondence: Religion, Politics, The Holocaust, and Philosophy Shapell Manuscript Foundation
- Federal Bureau of Investigation file on Albert Einstein
- Einstein and his love of music, Physics World
- Albert Einstein on NobelPrize.org
- http://www.history.com/topics/albert-einstein Albert Einstein], videos on History.com
ᱥᱟ.ᱠᱷᱭᱟ.ᱛ
This article uses material from the Wikipedia ᱥᱟᱱᱛᱟᱲᱤ article ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.