12 Шыжа

Идалык пытыме марте 80 кече кодеш.

•   ООН Испан йылмын кечыже.
• Испанийыште, Кечывалвел да Йӱдвел Америкыште ик пайрем - Америкым почмаш - тӱрлӧ лӱм-влак дене пайремлалтеш:
  •   Аргентина — Культурный ойыртем-влакым пагалыме кече.
  •   Багам Отро-влак — Талешке кече.
  •   Белиз — Панамерикан кече, Колумб кече.
  •   Боливий,   Мексике,   Чили — Америкым почмаш.
  •   Венесуэла — Индеец-влакын ваштареш шогымо (сопротивлений) кечышт.
  •   Гватемала, [[File:|22x20px|border |Гондурас]] Гондурас,   Сальвадор,   Колумбий — Колумб кече.
  •   Испаний — Испанийын кугыжаныш пайремже.
  •   Коста-Рика — Культур-влакым вашлийме кече.
  •   Перу,   Уругвай — Америка-влакын кечышт.
  •   УАШ — Колумб кече.

•   Бразилий — Йоча-влакын кечышт.
•   Испаний — Сарзе вий кече.
•   Экваторысо Гвиней — Эрыкан лийыме кече.

Таче шыжа тылзын латкокымшо кечынже Киприан, Серафим – влакын лӱмгечышт.

Тугак ончо: Категорий:Шыжа тылзын 12 кечысе событий-влак

• 1492 ий — Христофор Колумб Америкым почын.
• 1931 ий — Рио-де-Жанейро олаште Христос Утарышылан тӱняште ик эн кугу чапкӱм шогалтыме.
• 1957 ий — «Летят журавли» лӱман кинофильмын премьерыже лийын.
• 1810 ий — Икымше Октоберфест: Мюнхен олаште илыше-влакым кронприны Людвиг Баварский ден принцесса Тереза Саксен Гильденбурггаузенскаямытын сӱанышкышт ӱжыныт.

Тугак ончо: Категорий:Шыжа тылзын 12 кечынже шочшо-влак

• 1930 ий — Лилия Александровна Орлова, тӱрлызӧ, Марий республик сымыктышын сулло пашаеҥже, Россий Федерацийын сулло сӱретче. Тудо Провой кундем Кокшайск села гыч. Шуко ий Йошкар-Оласе «Труженица» фабрикыште пашам ыштен. Тудын пашажым моткоч кӱкшын аклыме: кугыжаныш премий дене палемдыме.
• 1940 ий — Вячеслав Иванович Кочергин, Марий Элын сулло журналистше, Россий Федераций тӱвыран сулло пашаеҥже. Татарстан республикысе Бугульма олаште кыдалаш школым тунем пытарымек, фрезеровщик специальность дене пашам ыштен. Озаҥыште журналистик пӧлкаште шинчымашым нӧлтымӧ деч вара «Марийская правда» газет редакцийыште тыршаш тӱҥалын: тӱҥ редакторжат лийын. Ятыр очеркын авторжо. Суапле пашажлан кугыжаныш чап танык дене палемдалтын.
• 1957 ий — Евгений Викторович Пайдышев, менеджер, кугыжаныш пашаеҥ. Шернур посёлкышто шочын-кушкын. Ончычсо паша корныжо «Одо чодыра», «Сельхозтехник» ушем-влак да «Знамя» колхоз дене кылдалтын. 4 ий Шернур кундемысе администрацийын вуйлатышыже лийын. Вара республикысе кугыжаныш погыным вуйлаташ шогалын.
• 1966 ий — Татьяна Леонидовна Швецова, тӱвыра пашаеҥ. У Торъял кундем Пектубай селаште шочын. Паша корныжо Маскасола кундемысе тӱвыра пӧлка дене кылдалтын: 2003-шо ий гыч тудо тыште вуйлатышылан шогалын. Татьяна Леонидовна 2000-шӧ ийын эн сай тӱвыра пашаеҥ лӱм дене палыме.

Тугак ончо: Категорий:Шыжа тылзын 12 кечынже колышо-влак

• 2010 ий — Евгений Николаев, руш серызе, журналист, Россий Журналист-влак ушемын йыжъеҥже (1983).

Феофанын кечыже. Ты кечын мераҥым лӱен кертат гын, телым сонарлымаш сайын эрта манын ӱшаненыт.

	12 шыжа Викиклатыште?