भारत रत्न

भारत रत्न भारतक सर्वोच्च नागरिक सम्मान थीक । ई सम्मान राष्ट्रीय सेवाक लेल प्रदान कएल जाएत अछि । ओ सेवा सभ थीक - कला, साहित्य, विज्ञान आ सार्वजनिक सेवा । अहि सम्मानक स्थापना २ जनवरी, १९५४ मे भारतक तत्कालीन राष्ट्रपति श्री राजेन्द्र प्रसादद्वारा कएल गेल छल । आन अलङ्करणक समान जकां ई सम्मान सेहो नामक संग पदवीक रूप मे नै अनुकूलित कयल जाएत अछि । प्रारम्भ मे ई सम्मान मरणोपरान्त देबाक प्रावधान नहि छल, ई प्रावधान सन् १९५५मे जोड़ल गेल । तकरा बाद एखन धरिक सम्मानमे १० व्यक्ति के मरणोपरान्त भारत-रत्न प्रदान कएल गेल अछि ।