Karachi
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Karachi (oetspraok: Karatsjie; aaj spèlling: Kurrachee) is de grótste stad van Pakistan enne houfstad vanne pervinsje Sind. Boetedet is 't 't commercieel hert van 't landj. Karachi is ein vanne snels-greujendje stej vanne werreld mit 'n inwoondersaantal det gesjatj wuuert tösse de 15 enne 21 miljoen luuj.
De stad ligk ane Arabische Zieë, te naordwèste vanne munjinge vanne reveer d'n Indus. 't Stejjelik gebied löp vanaaf de wèstelikste munjing vannen Indus toetane zujelike oetluipers vanne Kirtharberg.
De aaj Grieke neumdje de stad Barbarikon.
Inne jaore sèstig en sevetig stóng Karachi bekandj es de Stad vanne Leechter, door zie oetbunjing nachlaeve. Islamisering ónger Zulfikar Ali Bhutto zörgdje aevel veur e verbód op alkehol enne gedwónge sloeting vanne nachclubs, discotieëken en carabetbars, wodoor de stad ziene bienaam verlaoren haet. Ouch de juudse minderheid is in dezen tied eweggetroch.
This article uses material from the Wikipedia Limburgs article Karachi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.