ಬೇಸ್‌ಬಾಲ್

ಬೇಸ್ ಬಾಲ್ ದಾಂಡು ಮತ್ತು ಚೆಂಡನ್ನು ಬಳಸಿ, ತಲಾ ಒಂಬತ್ತು ಜನರನ್ನೊಳಗೊಂಡ ಎರಡು ತಂಡಗಳ ನಡುವೆ ಆಡಲ್ಪಡುವ ಪಂದ್ಯ.

ಎಸೆದಂತಹ ಚೆಂಡನ್ನು ಬ್ಯಾಟ್ ನಿಂದ ಬಾರಿಸಿ, ೯೦ ಅಡಿ ಚಚ್ಚೌಕ ಅಥವಾ ವಜ್ರಾಕಾರದಲ್ಲಿರುವ ನಾಲ್ಕು ಮೂಲೆ(ಬೇಸ್ ಗಳನ್ನು)ಗಳನ್ನು ತಲುಪುವುದರ ಮೂಲಕ ರನ್ ಗಳಿಸುವಿಕೆಯೇ ಈ ಕ್ರೀಡೆಯ ಮೂಲ ಉದ್ದೇಶ. ಒಂದು ತಂಡದ ಆಟಗಾರರು (ಬ್ಯಾಟಿಂಗ್ ತಂಡ) ಇನ್ನೊಂದು ತಂಡದ (ಕ್ಷೇತ್ರರಕ್ಷಣ ತಂಡ) ಪಿಚರ್ (ಚೆಂಡು ಎಸೆಯುವವನು) ಎಸೆದ ಚೆಂಡನ್ನು ಬಾರಿಸಿ ರನ್ ಬಾರಿಸುತ್ತದೆ ಮತ್ತು ಇನ್ನೊಂದು ತಂಡದವರು ಹಿಟರ್ ಗಳು (ಬ್ಯಾಟಿಂಗ್ ಮಾಡುವವರು) ರನ್ ಬಾರಿಸದಂತಾಗಿಸಲು ಅವರನ್ನು ಹಲವಾರು ವಿಧಗಳಲ್ಲಿ ಔಟ್ ಮಾಡಲು ಯತ್ನಿಸುತ್ತಾರೆ. ಬ್ಯಾಟಿಂಗ್ ತಂಡದ ಆಟಗಾರನು ಯಾವುದೇ ಬೇಸ್ ನಲ್ಲಿ ನಿಲ್ಲಬಹುದು ಮತ್ತು ತಂಡದ ಸದಸ್ಯನು ಹೊಡೆದ ನಂತರ (ಹಿಟ್ ಮಾಡಿದನಂತರ) ಅಥವಾ ಬೇರೆ ವಿಧಕ್ಕನುಗುಣವಾಗಿ, ಮುಂದಕ್ಕೆ ಚಲಿಸಬಹುದು. ಕ್ಷೇತ್ರರಕ್ಷಣ ತಂಡವು ಯಾವಾಗ ಮೂರು ಔಟ್ ಗಳನ್ನು ಸಾಧಿಸುವುದೋ ಆಗ ಬ್ಯಾಟಿಂಗ್ ಆಡುವ ತಂಡ ಬದಲಾಗುತ್ತದೆ(ಕ್ಷೇತ್ರರಕ್ಷಣ ತಂಡವು ಬ್ಯಾಟ್ ಮಾಡುತ್ತದೆ ಮತ್ತು ಬ್ಯಾಟಿಂಗ್ ಆಡಿದ ತಂಡ ಕ್ಷೇತ್ರರಕ್ಷಣ ಮಾಡುತ್ತದೆ). ಪ್ರತಿ ತಂಡವು ಬ್ಯಾಟ್ ಮಾಡುವ ಅವಧಿಗೆ ಒಂದು ಇನ್ನಿಂಗ್ ಎಂದು ಕರೆಯುತ್ತಾರೆ; ಅಂತಹ ಒಂಬತ್ತು ಇನ್ನಿಂಗ್ಸ್ ಗಳು ಒಂದು ಸ್ಪರ್ಧಾತ್ಮಕ ಪಂದ್ಯದಲ್ಲಿರುತ್ತವೆ. ಆಟದ ಕೊನೆಯಲ್ಲಿ ಯಾವ ತಂಡ ಹೆಚ್ಚು ರನ್ ಗಳನ್ನು ಗಳಿಸಿರುತ್ತದೋ ಅದನ್ನು ಜಯಶಾಲಿಯೆಂದು ಘೋಷಿಸಲಾಗುತ್ತದೆ. ಹಳೆಯ ಕಾಲದ ಬ್ಯಾಟ್ ಮತ್ತು ಚೆಂಡಿನ ಆಟಗಳಿಂದ ಉಗಮವಾದ ಈ ಕ್ರೀಡೆಯು ತನ್ನ ಮೊದಲ ಸ್ವರೂಪದಲ್ಲಿ ಇಂಗ್ಲೆಂಡ್ ನಲ್ಲಿ ಹದಿನೆಂಟನೆಯ ಶತಮಾನದ ಮಧ್ಯಭಾಗದಲ್ಲಿ ಆಡಲ್ಪಡುತ್ತಿತ್ತು. ಈ ಕ್ರೀಡೆ ಮತ್ತು ಸಂಬಂಧಿತ ರೌಂಡರ್ ಗಳನ್ನು ಬ್ರಿಟಿಷ್ ಮತ್ತು ಐರಿಷ್ ವಲಸಿಗರು ಉತ್ತರ ಅಮೆರಿಕಾಕ್ಕೆ ತಂದರು ಮತ್ತು ಇಲ್ಲಿ ಬೇಸ್ ಬಾಲ್ ನ ಆಧುನಿಕ ಕ್ರಮವು ಅಭಿವೃದ್ಧಿಗೊಳಿಸಲ್ಪಟ್ಟಿತು. ಹತ್ತೊಂಬತ್ತನೆಯ ಶತಮಾನದ ಅಂತ್ಯದ ವೇಳೆಗೆ ಬೇಸ್ ಬಾಲ್ ಯುನೈಟೆಡ್ ಸ್ಟೇಟ್ಸ್ ನ ರಾಷ್ಟ್ರೀಯ ಕ್ರೀಡೆಯಾಗಿ ಗುರುತಿಸಲ್ಪಟ್ಟಿತು. ವೃತ್ತಿಪರ, ಹವ್ಯಾಸಿ ಮತ್ತು ಯುವ ಮಟ್ಟಗಳಲ್ಲಿ ಬೇಸ್ ಬಾಲ್ ಉತ್ತರ ಅಮೆರಿಕ, ಮಧ್ಯ ಮತ್ತು ದಕ್ಷಿಣ ಅಮೆರಿಕದ ಕೆಲವು ಭಾಗಗಳು, ಕೆರಿಬಿಯನ್ ದ್ವೀಪ ಮತ್ತು ಉತ್ತರ ಏಷ್ಯಾದ ಕೆಲವು ಭಾಗಗಳಲ್ಲಿ ಜನಪ್ರಿಯವಾಗಿದೆ. ಈ ಕ್ರೀಡೆಯನ್ನು ಕೆಲವೊಮ್ಮೆ ಮೂಲಕ್ರೀಡೆಯಾದ ಸಾಫ್ಟ್ ಬಾಲ್ ಗೆ ವಿರುದ್ಧವಾಗಿ ಹಾರ್ಡ್ ಬಾಲ್ ಎಂದು ಕರೆಯಲಾಗುತ್ತದೆ. ಉತ್ತರ ಅಮೆರಿಕದಲ್ಲಿ, ವೃತ್ತಿಪರ ಪ್ರಮುಖ ಲೀಗ್ ಬೇಸ್ ಬಾಲ್ (MLB) ತಂಡಗಳನ್ನು ನ್ಯಾಷನಲ್ ಲೀಗ್ (NL) ಮತ್ತು ಅಮೆರಿಕನ್ ಲೀಗ್ (AL) ಎಂದು ವಿಂಗಡಿಸಲಾಗಿದೆ. ಪ್ರತಿ ಲೀಗ್ ನಲ್ಲೂ ಮೂರು ವಿಭಾಗಗಳಿವೆ: ಪೂರ್ವ, ಪಶ್ಚಿಮ ಮತ್ತು ಕೇಂದ್ರೀಯ. ಪ್ರತಿ ವರ್ಷವೂ ಮೇಜರ್ ಲೀಗ್ ಚಾಂಪಿಯನ್ ಯಾರೆಂದು ತಿಳಿಯಲು ಪಂದ್ಯಗಳು ಏರ್ಪಟ್ಟು ವರ್ಲ್ಡ್ ಸೀರೀಸ್ ನಲ್ಲಿ ಪರಿಸಮಾಪ್ತಿಗೊಳ್ಳುತ್ತವೆ. ಪ್ರತಿ ಲೀಗ್ ನಿಂದಲೂ ನಾಲ್ಕು ತಂಡಗಳು ಪಂದ್ಯಗಳನ್ನಾಡಲು ಅರ್ಹತೆ ಹೊಂದುತ್ತವೆ; ಆ ಅವಧಿಯ ಮೂರು ಲೀಗ್ ವಿಭಾಗಗಳ ವಿಜೇತರು ಮತ್ತು ಒಂದು ವೈಲ್ಡ್ ಕಾರ್ಡ್ ತಂಡ. ಬೇಸ್ ಬಾಲ್ ಜಪಾನ್ ಮತ್ತು ಕ್ಯೂಬಾಗಳಲ್ಲಿ ಪ್ರಮುಖ ತಂಡ-ಕ್ರೀಡೆಯಾಗಿದೆ ಹಾಗೂ ಕ್ರೀಡೆಯ ಮೇಲಿನ ಸ್ತರಗಳು ಅಂತೆಯೇ ಎರಡು ಲೀಗ್ ಗಳಾಗಿ ವಿಂಗಡಿತವಾಗಿದೆ: ಜಪಾನ್ ನ ಸೆಂಟ್ರಲ್ ಲೀಗ್ ಮತ್ತು ಪೆಸಿಫಿಕ್ ಲೀಗ್; ಕ್ಯೂಬಾದ ಪಶ್ಚಿಮ ಲೀಗ್ ಮತ್ತು ಪೂರ್ವ ಲೀಗ್. ನ್ಯಾಷನಲ್ ಮತ್ತು ಸೆಂಟ್ರಲ್ ಲೀಗ್ ಗಳಲ್ಲಿ, ಸಾಂಪ್ರದಾಯಿಕ ನಿಯಮಗಳಿಗೆ ಅನುಗುಣವಾಗಿ, ಪಿಚರ್ ಬ್ಯಾಟಿಂಗ್ ಆಡಲೇಬೇಕು. ಅಮೆರಿಕನ್, ಪೆಸಿಫಿಕ್, ಮತ್ತು ಕ್ಯೂಬಾದ ಎರಡೂ ಲೀಗ್ ಗಳಲ್ಲಿ ನೇಮಿಸಲ್ಪಟ್ಟ ಹಿಟರ್ ಒಬ್ಬನು, ಹತ್ತನೆಯ ಆಟಗಾರನಾಗಿದ್ದು, ಪಿಚರ್ ನ ಬದಲು ಬ್ಯಾಟಿಂಗ್ ಆಡುವನು. ಪ್ರತಿ ಉನ್ನತ-ಮಟ್ಟದ ತಂಡವೂ ಒಂದು ಅಥವಾ ಅಧಿಕ ಮೈನರ್ ಲೀಗ್ ತಂಡಗಳ ಫಾರ್ಮ್ ಪದ್ಧತಿಯನ್ನು ಹೊಂದಿದೆ. ಈ ತಂಡಗಳು ಅದೇ ಮಟ್ಟದ ಕೌಶಲವನ್ನು ಹೊಂದಿರುವ ಆಟಗಾರರೊಡನೆ ಮೈದಾನದಲ್ಲಿ ಸೆಣಸುವ ಅನುಭವವನ್ನು ಕಿರಿಯ ಆಟಗಾರರಿಗೆ ಅನುವು ಮಾಡಿಕೊಟ್ಟು ಅವರ ಏಳ್ಗೆಗೆ ಸಹಾಯಕವಾಗುತ್ತವೆ.

ಬೇಸ್‌ಬಾಲ್
ಬೇಸ್‌ಬಾಲ್
A view of the baseball diamond at Wrigley Field, Chicago, Illinois.
ಮೊದಲ ಆಟMid-18th century or prior, ಇಂಗ್ಲೆಂಡ್ (early form)
June 19, 1846, Hoboken, New Jersey (first recorded game with codified rules)
ವಿಶೇಷಗುಣಗಳು
ತಂಡ ಸದಸ್ಯರುಗಳು9
ವರ್ಗೀಕರಣBat-and-ball
ಸಲಕರಣೆBaseball
Baseball bat
Baseball glove
ಒಲಿಂಪಿಕ್1992–2008

ಇತಿಹಾಸ

ಬೇಸ್ ಬಾಲ್ ಬೆಳೆದು ಬಂದ ದಾರಿ

ಹಳೆಯ ಕಾಲದ ಬ್ಯಾಟ್-ಮತ್ತು-ಚೆಂಡು ಕ್ರೀಡೆಗಳಿಂದ ಬೇಸ್ ಬಾಲ್ ಎಂದು ಕ್ರೀಡೆಯು ಹೇಗೆ, ಎಲ್ಲಿ ಉಗಮವಾಯಿತೆಂದು ನಿರ್ದಿಷ್ಟವಾಗಿ ಪತ್ತೆಹಚ್ಚಲು ಆಗಿಲ್ಲ. ೧೩೪೪ನೆಯ ಇಸವಿಯ ಒಂದು ಹಸ್ತಪ್ರತಿಯಲ್ಲಿ ಪಾದ್ರಿಗಳು ಒಂದು ಕ್ರೀಡೆಯನ್ನು ಆಡುತ್ತಿರುವ ಚಿತ್ರವಿದ್ದು, ಆ ಕ್ರೀಡೆಯು ಪ್ರಾಯಶಃ ಬೇಸ್ ಬಾಲ್ ಅನ್ನು ಬಹಳವೇ ಹೋಲುವಂತಹ ಲಾ ಸೌಲೆ ಯೆಂಬ ಕ್ರೀಡೆಯಿರಬಹುದು ಎನಿಸುತ್ತದೆ;ಥೆಕ್ಯೂ , ಲಾ ಬೆಲ್ಲೆ ಆ ಬೇಟನ್ , ಮತ್ತು ಲಾ ಬೆಲ್ಲೆ ಎಂಪಾಯಿಸೋನೀ ಯಂತಹ ಹಳೆಯ ಫ್ರೆಂಚ್ ಕ್ರೀಡೆಗಳೂ ಸಹ ಪರಸ್ಪರ ಸಂಬಂಧಿತವೆನಿಸುತ್ತವೆ. ಇಂದಿನ ಬೇಸ್ ಬಾಲ್ ಗ್ರೇಟ್ ಬ್ರಿಟನ್ ಮತ್ತು ಐರ್ಲೆಂಡ್ ಗಳಲ್ಲಿ ಜನಪ್ರಿಯವಾಗಿದ್ದ ಹಳೆಯ ಕ್ರೀಡೆಯಾದ ರೌಂಡರ್ಸ್ ಎಂಬುದರ ಅಭಿವೃದ್ಧಿಗೊಳಿಸಲ್ಪಟ್ಟ ಉತ್ತರ ಅಮೆರಿಕದ ಕ್ರೀಡೆಯೆಂದು ಒಮ್ಮೆ ಒಮ್ಮತ ಸೂಚಿಸಲಾಗಿತ್ತು. ಡೇವಿಡ್ ಬ್ಲಾಕ್ ರವರು ೨೦೦೫ರಲ್ಲಿ ಬರೆದ ಬೇಸ್ ಬಾಲ್ ಬಿಫೋರ್ ವಿ ನ್ಯೂ ಇಟ್: ಎ ಸರ್ಚ್ ಫಾರ್ ದ ರೂಟ್ಸ್ ಆಫ್ ದ ಗೇಮ್ ಪುಸ್ತಕದಲ್ಲಿ ಬೇಸ್ ಬಾಲ್ ಇಂಗ್ಲೆಂಡ್ ನಲ್ಲಿ ಪ್ರಾರಂಭವಾದುದೆಂದು ಸೂಚಿಸಲಾಗಿದೆ; ಇತ್ತೀಚೆಗೆ ಬೆಳಕಿಗೆ ಬಂದ ಕೆಲವು ಐತಿಹಾಸಿಕ ಪುರಾವೆಗಳು ಇದನ್ನೇ ಪುಷ್ಟೀಕರಿಸುತ್ತವೆ. ರೌಂಡರ್ಸ್ ಮತ್ತು ಮೊದಮೊದಲ ಬೇಸ್ ಬಾಲ್ ಸ್ಥಳದಿಂದ ಸ್ಥಳಕ್ಕೆ ಬದಲಾದ ಒಂದೇ ಕ್ರೀಡೆಯ ವಿವಿಧ ಕ್ರಮಗಳೆಂಬ ವಾದವನ್ನು ಮಂಡಿಸುತ್ತಾ ಈ ಕ್ರೀಡೆಯು ನೇರವಾಗಿ ಇಳಿದುಬಂದದ್ದು ಇಂಗ್ಲಿಷ್ ನವರ ಕ್ರೀಡೆಗಳಾದ ಸ್ಟೂಲ್ ಬಾಲ್ ಮತ್ತು "ಟಟ್-ಬಾಲ್"ಗಳಿಂದ ಎನ್ನುತ್ತಾರೆ ಬ್ಲಾಕ್. ಕ್ರಿಕೆಟ್ ಕೂಡ ಇಂತಹ ಕ್ರೀಡೆಗಳಿಂದಲೇ ಹೊಮ್ಮಿದುದು ಎಂದು ದೀರ್ಘಕಾಲದವರೆಗೆ ನಂಬಲಾಗಿತ್ತಾದರೂ, ೨೦೦೯ರಲ್ಲಿ ದೊರೆತ ಪುರಾವೆಗಳು ಆ ಕ್ರೀಡೆಯನ್ನು ಫ್ಲ್ಯಾಂಡರ್ಸ್ ನಿಂದ ಇಂಗ್ಲೆಂಡ್ ಗೆ ಆಮದು ಮಾಡಿಕೊಳ್ಳಲಾದುದೆಂದು ಸೂಚಿಸುತ್ತವೆ. ೧೭೪೪ರಲ್ಲಿ ಜಾನ್ ನ್ಯೂಬೆರಿ ಬರೆದ ಎ ಲಿಟಲ್ ಪ್ರೆಟಿ ಪಾಕೆಟ್ ಬುಕ್ ಎಂಬ ಬ್ರಿಟಿಷ್ ಪ್ರಕಾಶನದ ಪುಸ್ತಕದಲ್ಲಿ ಬೇಸ್ ಬಾಲ್ ನ ಬಗ್ಗೆ ಪ್ರಪ್ರಥಮವಾಗಿ ಉಲ್ಲೇಖವು ಕಂಡುಬರುತ್ತದೆ. ಅದರಲ್ಲಿ "ಬೇಸ್ ಬಾಲ್" ಮತ್ತು ವುಡ್ ಕಟ್ ನ ಪ್ರಾಸಬದ್ಧವಾದ ವರ್ಣನೆಯಿದ್ದು, ಆಧುನಿಕ ಕ್ರೀಡೆಗೆ ಸಮಮೀಪವಾದ ಕ್ಷೇತ್ರ-ವ್ಯವಸ್ಥೆ ಕಂಡು ಬರುತ್ತದೆ - ವಜ್ರದ ಆಕಾರದ ಬದಲು ತ್ರಿಕೋಣಾಕಾರವಾಗಿಯೂ, ನೆಲಮಟ್ಟದ ಬೇಸ್ ಗಳ ಬದಲು ಗೂಟಗಳು ಇರುವಂತಹ ಕೆಲವು ವ್ಯತ್ಯಾಸಗಳು ಇದ್ದವಷ್ಟೆ. ಸರ್ರೆಯ ಗಿಲ್ಡ್ ಫೋರ್ಡ್ ನಲ್ಲಿ ೧೭೫೫ರ ಈಸ್ಟರ್ ಸೋಮವಾರದಂದು ನಡೆದ ಒಂದು ಬೇಸ್ ಬಾಲ್ ಪಂದ್ಯವನ್ನು ಆಂಗ್ಲ ವಕೀಲರಾದ ವಿಲಿಯಂ ಬ್ರೇ ದಾಖಲಿಸಿದರು; ಸೆಪ್ಟೆಂಬರ್ ೨೦೦೮ರಲ್ಲಿ ಬ್ರೇಯವರ ದಿನಚರಿ ಕೈಪಿಡಿ(ಡೈರಿ)ಯು ಅಧಿಕೃತವಾದುದೆಂದು ದೃಢೀಕರಿಸಲಾಯಿತು. ಕ್ರೀಡೆಯು ಈ ಮೂಲಸ್ವರೂಪದಲ್ಲಿದ್ದಾಗಲೇ ಅದನ್ನು ಇಂಗ್ಲಿಷ್ ವಲಸೆಗಾರರೇ ಉತ್ತರ ಅಮೆರಿಕಾಗೆ ಪರಿಚಯಿಸಿದ್ದಿರಬೇಕು; ರೌಂಡರ್ಸ್ ಸಹ ಈ ಖಂಡಕ್ಕೆ ಬ್ರಿಟಿಷ್ ಮತ್ತು ಐರಿಷ್ ವಲಸೆಗಾರರಿಂದ ಪರಿಚಯಿಸಲ್ಪಟ್ಟಿತು. ೧೭೯೧ರಲ್ಲಿ ಮಸಾಚ್ಯುಸೆಟ್ಸ್ ನ ಪಿಟ್ಸ್ ಫೀಲ್ಡ್ ಪಟ್ಟಣವು ಪಟ್ಟಣದ ನೂತನ ಸಮಾವೇಶ ಗೃಹದ ಬಳಿ ಈ ಆಟವನ್ನು ಆಡಬಾರದೆಂದು ನಿಷೇಧ ಹೊರಡಿಸಿದುದೇ ಬೇಸ್ ಬಾಲ್ ಗೆ ಸಂಬಂಧಿತವಾದ ಅಮೆರಿಕದ ಮೊದಲ ಉಲ್ಲೇಖವೆನ್ನಲಾಗಿದೆ. ೧೭೯೬ರ ವೇಳೆಗೆ ಈ ಕ್ರೀಡೆಯ ಒಂದು ವೈವಿಧ್ಯವು ಜರ್ಮನಿಯ ಪಂಡಿತರ ಪುಸ್ತಕದಲ್ಲಿ ಜನಪ್ರಿಯ ಕ್ರೀಡೆಗಳಡಿಯಲ್ಲಿ ಉಲ್ಲೇಖಿಸಲ್ಪಡುವ ಮಟ್ಟಿಗೆ ಜನಪ್ರಿಯವಾಗಿತ್ತು. ಜೊಹಾನ್ ಗಟ್ಸ್ ಮತ್ಸ್ ರು ವರ್ಣಿಸಿದಂತೆ, "ಎಂಗ್ಲಿಷೆ ಬೇಸ್ ಬಾಲ್ " ಎರಡು ತಂಡಗಳ ನಡುವಿನ ಸ್ಪರ್ಧೆಯಾಗಿದ್ದು, ಈ ಕ್ರೀಡೆಯಲ್ಲಿ "ಹೋಂ ಪ್ಲೇಟ್ ನಲ್ಲಿರುವಾಗ ಬ್ಯಾಟರ್ ಗೆ ಚೆಂಡನ್ನು ಹೊಡೆಯಲು ಮೂರು ಅವಕಾಶಗಳನ್ನು ನೀಡಲಾಗುತ್ತದೆ"; ಒಂದು ತಂಡವನ್ನು ಹೊರಹಾಕಲು ಕೇವಲ ಒಂದು ಔಟ್ ಸಾಕಾಗಿತ್ತು. ೧೮೩೦ರ ದಶಕದ ಮೊದಲ ಭಾಗದಲ್ಲಿ ಉತ್ತರ ಅಮೆರಿಕದ ಸುತ್ತಮುತ್ತ ಬೇಸ್ ಬಾಲ್ ನ ಮೊದಲ ರೀತಿಯವೆಂದು ಗುರುತಿಸಬಹುದಾದ ಅನಿಬಂಧಿತವಾದ ಬ್ಯಾಟ್-ಮತ್ತು-ಚೆಂಡಿನ ಆಟವನ್ನು ಆಡುತ್ತಿದ್ದರೆಂಬ ವರದಿಯಿದೆ. ಈ ಆಟಗಳನ್ನು ಸಾಮಾನ್ಯವಾಗಿ "ಟೌನ್ ಬಾಲ್" ಎಂದು ಕರೆಯಲಾಗುತ್ತಿತ್ತಾದರೂ "ರೌಂಡ್-ಬಾಲ್" ಮತ್ತು "ಬೇಸ್-ಬಾಲ್" ಎಂಬ ಹೆಸರುಗಳನ್ನೂ ಬಳಸಲಾಗುತ್ತಿತ್ತು. ಈ ಕ್ರೀಡೆಯ ಮೊದಮೊದಲ ಉದಾಹರಿತ ಸಮಗ್ರ ವಿವರಣೆಯು-ಕ್ರೀಡೆ ನಡೆದ ಐದು ದಶಕಗಳ ನಂತರವೇ ಆದರೂ ಸಹ- ಸ್ಪೋರ್ಟಿಂಗ್ ಲೈಫ್ ಪತ್ರಿಕೆಗೆ ಕ್ರೀಡೆಯನ್ನು ವೀಕ್ಷಿಸಿದವನೊಬ್ಬನು ಬರೆದ ಪತ್ರದಲ್ಲಿದ್ದು- ಕೆನಡಾದ ಆಂಟಾರಿಯೋದ ಬೀಚ್ ವಿಲ್ಲೆಯಲ್ಲಿ ೧೮೩೮ರಲ್ಲಿ ಜರುಗಿದುದಾಗಿತ್ತು. ಆ ಕ್ರೀಡೆಯು ಬೇಸ್ ಬಾಲ್ ಅನ್ನು ಬಹಳವೇ ಹೋಲುತ್ತಿತ್ತು ಮತ್ತು ಕೆಲವು ಪ್ರಮುಖ ವ್ಯತ್ಯಾಸಗಳೂ ಇದ್ದವು; ಐದು ಬೇಸ್ ಗಳು(ಅಥವಾ ಬೈಗಳು );ಮೊದಲ ಬೈ ಹೋಂ ಬೈನಿಂದ ಕೇವಲ 18 feet (5.5 m);ಮೊದಲ ಪುಟ ಬಿದ್ದ ನಂತರ ಕ್ಯಾಚ್ ಹಿಡಿದರೂ ಬ್ಯಾಟರ್ ಔಟ್ ಎಂದು ಪರಿಗಣಿಸಲಾಗುತ್ತಿತ್ತು. ೧೮೩೯ರಲ್ಲಿ ನ್ಯೂ ಯಾರ್ಕ್ ನ ಕಾಪರ್ಸ್ ಟೌನ್ ನಲ್ಲಿ ಆಬ್ನರ್ ಡಬಲ್ ಡೇ ಬೇಸ್ ಬಾಲ್ ಅನ್ನು ಕಂಡುಹಿಡಿದರೆಂಬ ಬಹಳವೇ ಪ್ರಚಲಿತವಾದ ಕಥೆಯನ್ನು ಕ್ರೀಡಾ ಇತಿಹಾಸಜ್ಞರು ತಳ್ಳಿಹಾಕಿದ್ದಾರೆ. ೧೮೪೫ರಲ್ಲಿ ಅಲೆಕ್ಸಾಂಡರ್ ಕಾರ್ಟ್ ರೈಟ್ ಎಂಬ ನ್ಯೂ ಯಾರ್ಕ್ ನಗರದ ನಿಕರ್ ಬಾಕರ್ಸ್ ಕ್ಲಬ್ ನ ಸದಸ್ಯರು ನಿಕರ್ ಬಾಕರ್ ನಿಯಮಗಳು ಎಂಬ ನಿಯಮಾವಳಿಗಳನ್ನು ರೂಪಿಸಿದರು. ಅಂದಿನ ದಾಂಡು-ಮತ್ತು-ಚೆಂಡಿನ ಆಟಗಳಲ್ಲಿ ಸಾಮಾನ್ಯವಾಗಿದ್ದ ಎಸೆದ ಚೆಂಡಿನಿಂದ ರನ್ನರ್ ಅನ್ನು ಹೊಡೆಯುವಂತಹ "ಸೋಕಿಂಗ್" ಅಥವಾ "ಪ್ಲಗಿಂಗ್" ಮೂಲಕ ಪುಟ್ ಔಟ್ ಮಾಡುವುದನ್ನು ರದ್ದುಗೊಳಿಸಲಾಯಿತು. ಈ ನಿಯಮಗಳು ಮಾಮೂಲಿಗಿಂತಲೂ ಚಿಕ್ಕ, ಗಟ್ಟಿಯಾದ ಚೆಂಡನ್ನು ಉಪಯೋಗಿಸಲು ಅನುವು ಮಾಡಿಕೊಟ್ಟಂತಾಯಿತು. ಕೆಲವು ಇತರ ನಿಯಮಗಳು ಸಹ ನಿಕರ್ ಬಾಕರ್ಸ್ ಕ್ರೀಡೆಯನ್ನು ಆಧುನಿಕ ಕ್ರೀಡೆಯ ಸಮೀಪಕ್ಕೆ ಕರೆತಂದವು, ಆದರೆ ಪುಟ ಬಿದ್ದ ನಂತರ ಕ್ಯಾಚ್ ಹಿಡಿಯಬಹುದೆಂಬುದು ಮತ್ತು ಕೆಳಗೈ ಪಿಚಿಂಗ್ (ಎಸೆಯುವಿಕೆ) ಮಾತ್ರ ಅನುಮತಿಸಲಾಗಿತ್ತು. ೧೮೪೫ರಲ್ಲಿ ನ್ಯೂ ಯಾರ್ಕ್ ನಿಕರ್ ಬಾಕರ್ಸ್ ಒಂದು ಪಂದ್ಯವನ್ನಾಡಿದರೆಂಬ ವರದಿಯಿದ್ದರೂ ಸಹ, ಅಧಿಕೃತವಾಗಿ ಮೊದಲ ಬೇಸ್ ಬಾಲ್ ಪಂದ್ಯ ಎಂದು ಯುಎಸ್ ಇತಿಹಾಸದಲ್ಲಿ ದಾಖಲಾಗಿರುವುದು ಜೂನ್ ೧೯, ೧೮೪೬ರಲ್ಲಿ ಹೋಬೋಕೆನ್, ನ್ಯೂಜೆರ್ಸಿಯಲ್ಲಿ ನಡೆದ ಪಂದ್ಯ; ಈ ಪಂದ್ಯದಲ್ಲಿ, ನಾಲ್ಕು ಇನ್ನಿಂಗ್ಸ್ ನಲ್ಲಿ "ನ್ಯೂ ಯಾರ್ಕ್ ನೈನ್" ನಿಕರ್ ಬಾಕರ್ಸ್ ರನ್ನು ೨೩-೧ರ ಅಂತರದಿಂದ ಸೋಲಿಸಿತು. ನಿಕರ್ ಬಾಕರ್ ನಿಯಮಾವಳಿಗಳನ್ನು ಆಧಾರವಾಗಿರಿಸಿಕೊಂಡು, ಮುಂದಿನ ಅರ್ಧ ಶತಮಾನದಲ್ಲಿ ಆಧುನಿಕ ಬೇಸ್ ಬಾಲ್ ನ ನಿಯಮಗಳು ವಿಕಾಸಗೊಂಡವು

ಯುನೈಟೆಡ್‌ ಸ್ಟೇಟ್ಸ್‌‍ನಲ್ಲಿಯ ವರ್ಣಭೇದ ಇತಿಹಾಸ

ವೃತ್ತಿಪರತೆಯತ್ತ ತಿರುಗಿದ ಕ್ರೀಡೆ

೧೮೫೦ರ ದಶಕದ ಮಧ್ಯಭಾಗದಲ್ಲಿ, ನ್ಯೂ ಯಾರ್ಕ್ ಮೆಟ್ರೋಪಾಲಿಟನ್ ಪ್ರದೇಶದಲ್ಲಿ ಬೇಸ್ ಬಾಲ್ ಹುಚ್ಚು ಹರಡಿತು. ೧೮೫೬ರ ಹೊತ್ತಿಗೆ ಸ್ಥಳೀಯ ಪತ್ರಕರ್ತರು ಬೇಸ್ ಬಾಲ್ ಅನ್ನು "ರಾಷ್ಟ್ರೀಯ ಮನರಂಜನೆ" ಅಥವಾ "ರಾಷ್ಟ್ರೀಯ ಕ್ರೀಡೆ" ಎಂದು ಕರೆಯುತ್ತಿದ್ದರು. ಒಂದು ವರ್ಷದ ತರುವಾಯ, ೧೬ ಪ್ರಾದೇಶಿಕ ಕ್ಲಬ್ ಗಳು ಸೇರಿ ಮೊದಲ ಆಡಳಿತ ಸಂಸ್ಥೆಯಾದ ದ ನ್ಯಾಷನಲ್ ಅಸೋಸಿಯೇಷನ್ ಆಫ್ ಬೇಸ್ ಬಾಲ್ ಪ್ಲೇಯರ್ಸ್ ಅನ್ನು ರಚಿಸಿದವು. ೧೮೬೩ರಲ್ಲಿ ನ್ಯಾಯಬದ್ಧವಾದ ಚೆಂಡನ್ನು (ಫೇಯ್ರ್ ಬಾಲ್) ಮೊದಲ ಪುಟ ಬಿದ್ದ ನಂತರ ಕ್ಯಾಚ್ ಹಿಡಿದರೆ ಪುಟ್ ಔಟ್ ಆಗುವುದನ್ನು ಸಂಸ್ಥೆಯು ನಿಷೇಧಿಸಿತು. ನಾಲ್ಕು ವರ್ಷಗಳ ನಂತರ, ಆಫ್ರಿಕನ್ ಅಮೆರಿಕನ್ನರು ಈ ಕ್ರೀಡೆಯಲ್ಲಿ ಭಾಗವಹಿಸುವುದನ್ನು ನಿಷೇಧಿಸಿತು. ಕ್ರೀಡೆಯ ವಾಣಿಜ್ಯಪರತೆಯು ವೃದ್ಧಿಸುತ್ತಿತ್ತು; ೧೮೬೯ರಲ್ಲಿ ಮೊದಲ ವೃತ್ತಿನಿರತ ಬೇಸ್ ಬಾಲ್ ಕ್ಲಬ್ ಆದ ಸಿಂಸಿನಾಟಿ ರೆಡ್ ಸ್ಟಾಕಿಂಗ್ಸ್ ಸ್ಥಾಪಿತವಾಯಿತು ಮತ್ತು ಅರೆ-ವೃತ್ತಿನಿರತ ಮತ್ತು ಹವ್ಯಾಸಿ ತಂಡಗಳ ವಿರುದ್ಧದ ಪಂದ್ಯಗಳಲ್ಲಿ ಅಜೇಯವಾಗಿ ಉಳಿಯಿತು. ಮೊದಲ ವೃತ್ತಿಪರ ಲೀಗ್, ದ ನ್ಯಾಷನಲ್ ಅಸೋಸಿಯೇಷನ್ ಆಫ್ ಪ್ರೊಫೆಷನಲ್ ಬೇಸ್ ಬಾಲ್ ಪ್ಲೇಯರ್ಸ್, ೧೮೭೧ರಿಂದ ೧೮೭೫ರ ವರೆಗೆ ಅಸ್ತಿತ್ವದಲ್ಲಿತ್ತು; ಅದು ಒಂದು ಪ್ರಮುಖ ಲೀಗ್ ಎಂಬ ಅಂಶವನ್ನು ಪಂಡಿತರು ಅಲ್ಲಗಳೆಯುತ್ತಾರೆ. ಅದಕ್ಕಿಂತಲೂ ಹೆಚ್ಚು ವಿಧ್ಯುಕ್ತವಾದ ನ್ಯಾಷನಲ್ ಲೀಗ್ ೧೮೭೬ರಲ್ಲಿ ಸ್ಥಾಪನೆಗೊಂಡಿತು. ಇಂದಿಗೂ ಇರುವ ಅತಿ ಹಳೆಯ ಪ್ರಮುಖ ಲೀಗ್ ಆದ ನ್ಯಾಷನಲ್ ಲೀಗ್ ಅನ್ನು ಕೆಲವೊಮ್ಮೆ "ಸೀನಿಯರ್ ಸರ್ಕ್ಯೂಟ್" ಎಂದು ಕರೆಯಲಾಗುತ್ತದೆ. ಕೆಲವು ಇತರೆ ಮೇಜರ್ (ಪ್ರಮುಖ) ಲೀಗ್ ಗಳಿ ರಚಿತವಾದವು ಮತ್ತು ವಿಫಲವಾದವು. ೧೮೮೪ರಲ್ಲಿ ಆಫ್ರಿಕನ್ ಅಮೆರಿಕನ್ ಆದ ಮೋಸೆಸ್ ವಾಕರ್ (ಮತ್ತು, ಕೆಲ ಕಾಲ, ಅವರ ಸಹೋದರ ವೆಲ್ಡೇ) ಇಂತಹ ಸಂಸ್ಥೆಗಳಲ್ಲಿ ಒಂದಾದ ಅಮೆರಿಕನ್ ಅಸೋಸಿಯೇಷನ್ ಪರವಾಗಿ ಆಡಿದರು. ಒಂದು ಪೆಟ್ಟು ವಾಕರ್ ರ ಮೇಜರ್ ಲೀಗ್ ವೃತ್ತಿಜೀವನವನ್ನು ಕೊನೆಗಾಣಿಸಿತು, ಹಾಗೂ ೧೮೯೦ರ ದಶಕದ ಮೊದಲ ಭಾಗದಲ್ಲಿ ಬೇಸ್ ಬಾಲ್ ಕಲರ್ ಲೈನ್ ನಲ್ಲಿ ಒಂದು ಮಹನೀಯರ ಒಪ್ಪಂದ (ಜೆಂಟ್ಲ್ ಮನ್ಸ್ ಅಗ್ರೀಮೆಂಟ್) ಏರ್ಪಟ್ಟು, ಬಿಳಿಯರ ಮಾಲಿಕತ್ವದಲ್ಲಿನ ವೃತ್ತಿನಿರತ ಮೇಜರ್ ಮತ್ತು ಮೈನರ್ ಲೀಗ್ ಗಳಲ್ಲಿ ಕಪ್ಪು ಜನರು ಆಡುವುದರ ಮೇಲೆ ನಿಷೇಧ ಹೇರಲಾಯಿತು. ವೃತ್ತಿನಿರತ ನೀಗ್ರೋ ಲೀಗ್ ಗಳು ರಚಿತವಾದವು, ಆದರೆ ತ್ವರಿತವಾಗಿ ಅಸು ನೀಗಿದವು; ಹಲವಾರು ಆಫ್ರಿಕನ್ ಅಮೆರಿಕನ್ ಖಾಸಗಿ ತಂಡಗಳು ಬ್ಯಾರ್ನ್ ಸ್ಟಾರ್ಮರ್ಸ್ ಆಗಿ ಯಶ ಕಂಡವು. ೧೮೮೪ರಲ್ಲಿಯೇ, ಮೇಲುಗೈ ಪಿಚಿಂಗ್ ಅನ್ನು ಕಾನೂನುರೀತ್ಯಾ ಅಂಗೀಕರಿಸಲಾಯಿತು. ೧೮೮೭ರಲ್ಲಿ ಒಳಾಂಗಣ ಬೇಸ್ ಬಾಲ್ ಅಥವಾ ಒಳಾಂಗಣ-ಹೊರಾಂಗಣ ಎಂಬ ಹೆಸರಿನಲ್ಲಿ ಸಾಫ್ಟ್ ಬಾಲ್ ಅನ್ನು ಮೂಲ ಕ್ರೀಡೆಯ ಚಳಿಗಾಲದಲ್ಲಿ ಆಡುವ ವಿಧಾನವಾಗಿ ಕಂಡುಹಿಡಿದರು. ೧೮೯೩ರ ವೇಳೆಗೆ ಎಲ್ಲಾ ಆಧುನಿಕ ಬೇಸ್ ಬಾಲ್ ನಿಯಮಗಳೂ ಜಾರಿಯಲ್ಲಿದ್ದವು; ಕಡೆಯ ಪ್ರಮುಖ ಬದಲಾವಣೆಯಾದ ಫೌಲ್ ಚೆಂಡುಗಳನ್ನು ಸ್ಟ್ರೈಕ್ ಗಳೆಂದು ಎಣಿಸುವುದನ್ನು ೧೯೦೧ರಲ್ಲಿ ಅನುಷ್ಠಾನಕ್ಕೆ ತರಲಾಯಿತು. ನ್ಯಾಷನಲ್ ಲೀಗ್ ನ ಮೊದಲ ಯಶಸ್ವಿ ಪ್ರತಿಸ್ಪರ್ಧಿಯಾದ, ಮೈನರ್ ವೆಸ್ಟ್ರನ್ ಲೀಗ್ ನಿಂದ ವಿಕಾಸಗೊಂಡ, ದ ಅಮೆರಿಕನ್ ಲೀಗ್ ಆ ವರ್ಷ ಅಸ್ತಿತ್ವಕ್ಕೆ ಬಂದಿತು. ತಲಾ ಎಂಟು ತಂಡಗಳನ್ನು ಹೊಂದಿದ್ದ ಈ ಎರಡೂ ಲೀಗ್ ಗಳು ಶ್ರೇಷ್ಠ ಆಟಗಾರರನ್ನು ಹೊಂದಲು ಸೆಣಸುವ ಪ್ರತಿಸ್ಪರ್ಧಿಗಳಾಗಿದ್ದು, ಒಪ್ಪಂದಗಳನ್ನೂ ಗಾಳಿಗೆ ತೂರಿ ಆಟಗಾರರನ್ನು ಸೆಳೆದುಕೊಂಡು, ಹಲವಾರು ಬಾರಿ ಕಾನೂನು ವಿವಾದಗಳಿಗೆ ಎಡೆಯಾದವು.

ಬೇಸ್‌ಬಾಲ್ 
ನ್ಯೂ ಯಾರ್ಕ್ ಜಯಂಟ್ಸ್ ಬೇಸ್ ಬಾಲ್ ತಂಡ, 1913.ಫ್ರೆಡ್ ಮೆರ್ಕೀ, ಸಾಲಿನಲ್ಲಿ ಆರನೆಯವರು, 1908ರ ಪ್ರಮುಖ ಪಂದ್ಯವೊಂದರಲ್ಲಿ ಮಾಡಿದ ಒಂದು ಬೇಸ್ ರನ್ನಿಂಗ್ ತಪ್ಪು ಮೆರ್ಕಲ್ಸ್ ಬೋನರ್ ಎಂದೇ ಖ್ಯಾತಿ ಪಡೆಯಿತು.

ಕಡೆಗೂ ೧೯೦೩ರ ನ್ಯಾಷನಲ್ ಒಪ್ಪಂದದ ಮೂಲಕ ಒಂದು ವಿಧವಾದ ಶಾಂತಿ ನೆಲೆಸಿತು. ಈ ಒಡಂಬಡಿಕೆಯು ಎರಡೂ ಮೇಜರ್ ಲೀಗ್ ಗಳ ನಡುವಿನ ಸಂಬಂಧದ ಸ್ವರೂಪವನ್ನು ಕ್ರಮಬದ್ಧವಾಗಿಸಿದ್ದಲ್ಲದೆ ಆ ಎರಡು ತಂಡಗಳು ಮತ್ತು ಬಹುತೇಕ ಮೈನರ್ ಪ್ರೊಫೆಷನಲ್ ಲೀಗ್ ಗಳನ್ನು ಪ್ರತಿನಿಧಿಸಿದ ವೃತ್ತಿನಿರತ ಬೇಸ್ ಬಾಲ್ ಲೀಗ್ ಗಳ ರಾಷ್ಟ್ರೀಯ ಸಂಘಗಳ ನಡುವಣ ಸಂಬಂಧವನ್ನೂ ಕ್ರಮಬದ್ಧವಾಗಿಸಿತು. ಆ ಶಿಶಿರದಲ್ಲಿ, ಮೇಜರ್ ಲೀಗ್ ಗಳ ಸ್ಪಷ್ಟ ಅನುಮತಿ ಪಡೆಯದಿದ್ದರೂ, ಎರಡು ಮೇಜರ್ ಲೀಗ್ ಗಳ ಚಾಂಪಿಯನ್ ಗಳು ಪರಸ್ಪರ ಸೆಣಸುವಂತಹ ವಿಶ್ಚ ಸರಣಿ (ವರ್ಲ್ಡ್ ಸೀರೀಸ್) ಉದ್ಘಾಟಿತವಾಯಿತು: ಅಮೆರಿಕನ್ ಲೀಗ್ ನ ಬೋಸ್ಟನ್ ಅಮೆರಿಕನ್ಸ್ ನ್ಯಾಷನಲ್ ಲೀಗ್ ನ ಪಿಟ್ಸ್ ಬರ್ಗ್ ಪೈರೇಟ್ಸ್ ಅನ್ನು ಪರಾಜಯಗೊಳಿಸಿದರು. ಮರುವರ್ಷ, ವ್ಯವಸ್ಥಾಪಕ ಜಾನ್ ಮೆಕ್ ಗ್ರಾರ ಆದೇಶಾಧೀನವಾದ ಹಾಗೂ ನ್ಯಾಷನಲ್ ಲೀಗ್ ನ ಚಾಂಪಿಯನ್ ಆದ ನ್ಯೂ ಯಾರ್ಕ್ ಜಯಂಟ್ಸ್ ಅಮೆರಿಕನ್ ಲೀಗ್ ಮತ್ತು ಅದರ ಚಾಂಪಿಯನ್ ಮೇಜರ್ ಲೀಗ್ ಮಟ್ಟಕ್ಕೆ ಇದೆಯೆಂಬುದನ್ನು ಒಪ್ಪಿಕೊಳ್ಳಲು ನಿರಾಕರಿಸಿದುದರಿಂದ ಈ ವಿಶ್ವ ಸರಣಿಯನ್ನು ಹಮ್ಮಿಕೊಳ್ಳಲಿಲ್ಲ. ೧೯೦೫ರಲ್ಲಿ ಜಯಂಟ್ಸ್ ಮತ್ತೆ ನ್ಯಾಷನಲ್ ಲೀಗ್ ಚಾಂಪಿಯನ್ ಆದಾಗ ತಂಡದ ವ್ಯವಸ್ಥಾಪದ ಮಂಡಳಿಯು ತನ್ನ ಹಠ ಸಡಿಲಿಸಿತು ಹಾಗೂ ವಿಶ್ವ ಸರಣಿಯು ಮೇಜರ್ ಲೀಗ್ ನ ವಾರ್ಷಿಕ ಚಾಂಪಿಯನ್ ಷಿಪ್ ಘಟನೆಯಾಗಿ ಸ್ಥಾಪಿತವಾಯಿತು. ವೃತ್ತಿಪರ ಬೇಸ್ ಬಾಲ್ ಹೆಚ್ಚು ಲಾಭದಾಯಕವಾಗತೊಡಗಿದಂತೆ, ಆಟಗಾರರು ಆಗಾಗ್ಗೆ ಮಾಲಿಕರ ವಿರುದ್ಧ ಆದಾಯ ಹಂಚುವಿಕೆಯ ಬಗ್ಗೆ ಸಮಾನತೆ ಮತ್ತು ಹತೋಟಿಯ ವಿಷಯಗಳಲ್ಲಿ ಕೊರತೆಯಿದೆಯೆಂದು ಗೊಣಗಲಾರಂಭಿಸಿದರು. ಮೇಜರ್ ಲೀಗ್ ನ ಮೊದಲ ದಶಕಗಳಲ್ಲಿ ಹಲವಾರು ತಂಡಗಳ ಆಟಗಾರರು ಕೆಲವೊಮ್ಮೆ ಸಂಪು ಹೂಡಲು ಯತ್ನಿಸಿದರು, ಆದರೆ ತಮ್ಮ ಕೆಲಸವೇ ಹೋಗುವುದೆಂಬ ಭೀತಿಯ ಕಾರಣದಿಂದ ಈ ಸಂಪುಗಳು ಯಶ ಕಾಣದಂತಾದವು. ಸಾಮಾನ್ಯವಾಗಿ, ಬೇಸ್ ಬಾಲ್ ಒಪ್ಪಂದಗಳ ಕಠಿಣವಾದ ನಿಯಮಗಳು ಮತ್ತು ವಿಶೇಷ ಟಿಪ್ಪಣಿಗಳು ಅವರ ಕರಾರಿನ ಅವಧಿ ಮುಗಿದಿದ್ದರೂ, ಆಟಗಾರರು ತಂಡಕ್ಕೆ ಬದ್ಧರಾಗಿರುವ ರೀತಿ ಒಡಂಬಡಿಸುವುವಾಗಿದ್ದರಿಂದ ಆಟಗಾರರು ಬಾಲ ಬಿಚ್ಚುವುದು ಕಷ್ಟಸಾಧ್ಯವಾಗಿತ್ತು. ಜಿಪುಣನಾದ ಚಾರ್ಲ್ಸ್ ಕಾಮಿಸ್ಕಿಯವರ ಬಗ್ಗೆ ಇದ್ದಂತಹ ತಿರಸ್ಕಾರಭಾವ ಮತ್ತು ಪಂಥ ಕಟ್ಟುವವರ ಹಣ ನೀಡುವಿಕೆಯಿಮದ ಪ್ರಭಾವಿತರಾದ ನಿಜ ಮತ್ತು ಬದ್ಧ ಚಿಕಾಗೋ ವೈಟ್ ಸಾಕ್ಸ್ ತಂಡದ ಸದಸ್ಯರು 1919ರ ವಿಶ್ವ ಸರಣಿಯನ್ನು ಬಿಸುಡುವ(ಸೋಲುವ) ಸಂಚು ಹೂಡಿದರು. ಈ ಬ್ಲ್ಯಾಕ್ ಸಾಕ್ಸ್ ಹಗರಣವು ಒಂದು ನೂತನ ರಾಷ್ಟ್ರೀಯ ಬೇಸ್ ಬಾಲ್ ಆಯೋಗದ ರಚನೆಗೆ ನಾಂದಿಯಾಯಿತು ಹಾಗೂ ತನ್ಮೂಲಕ ಎರಡೂ ಮೇಜರ್ ಲೀಗ್ ಗಳು ನಿಕಟವಾದವು. ಮೊದಲ ಮೇಜರ್ ಲೀಗ್ ಬೇಸ್ ಬಾಲ್ ಕಮಿಷನರ್ ಆಗಿ ಕೆನೆಸಾ ಮೌಂಟೆನ್ ಲ್ಯಾಂಡಿಸ್ ೧೯೨೦ರಲ್ಲಿ ಆಯ್ಕೆಯಾದರು. ಆ ವರ್ಷವೇ ನೀಗ್ರೋ ನ್ಯಾಷನಲ್ ಲೀಗ್ ಸಹ ಸ್ಥಾಪನೆಗೊಂಡಿತು; ನೀಗ್ರೋಗಳ ಮೊದಲ ಗಮನಾರ್ಹ ಲೀಗ್ ಆದ ಇದು ೧೯೩೧ರವರೆಗೂ ಕಾರ್ಯಗತವಾಗಿತ್ತು. ೧೯೨೦ರ ದಶಕದಲ್ಲಿ ಕೆಲ ಕಾಲ ಈ ಲೀಗ್ ನೊಡನೆ ಈಸ್ಟ್ರನ್ ಕಲರ್ಡ್ ಲೀಗ್ ಸಹಭಾಗಿಯಾಗಿತ್ತು.

ರಥ್ ರ ಏಳ್ಗೆ ಮತ್ತು ವರ್ಣೀಯರ ಸೇರ್ಪಡೆ

ಈಗಿನ ಪಂದ್ಯಗಳಿಗೆ ಹೋಲಿಸಿದರೆ, ಇಪ್ಪತ್ತನೆಯ ಶತಮಾನದ ಮೊದಲ ಭಾಗದಲ್ಲಿನ ಪಂದ್ಯಗಳು ಕಡಿಮೆ ಸ್ಕೋರ್ ಮಾಡುವ ಪಂದ್ಯಗಳಾಗಿದ್ದು ಪಿಚರ್ಸ್ ಆದ ವಾಲ್ಟರ್ ಜಾನ್ಸನ್ ಮತ್ತು ಕ್ರಿಸ್ತಿ ಮ್ಯಾಥ್ಯೂಸನ್ ರಂತಹವರು ಮೇಲುಗೈ ಸಂಪಾದಿಸುತ್ತಿದ್ದರು. ಆಟಗಾರರು "ರನ್ ಗಳಿಗಾಗಿ ಪರದಾಡುವುದನ್ನು ಬೇಡುವಂತಹ " "ಒಳ ಕ್ರೀಡೆ"ಯನ್ನು ಆಗ ಹೆಚ್ಚು ತೀವ್ರತರವಾಗಿ ಆಡುತ್ತಿದ್ದರು; ಅಸಾಮಾನ್ಯರೂ ಹಾಗೂ ಕೆಲವೊಮ್ಮೆ ಉಗ್ರರೂ ಆದ ಟೈ ಕಾಬ್ ಈ ಶೈಲಿಯ ಅಪರಾವತಾರವೇ ಆಗಿದ್ದರು. 'ಡೆಡ್-ಬಾಲ್ ಯುಗ' ಎಂದು ಕರೆಯಲ್ಪಡುತ್ತಿದ್ದ ಕಾಲವು ೧೯೨೦ರ ದಶಕದಲ್ಲಿ ಕೊನೆಗೊಂಡು, ಹಲವಾತು ನಿಯಮಗಳ ತಿದ್ದುಪಡಿ ಹಾಗೂ ಪರಿಸ್ಥಿತಿಯ ಬದಲಾವಣಿಗಳು ಹಿಟರ್ ಗಳಿಗೆ ಅನುಕೂಲಕರವಾಯಿತು. ಬೇಸ್ ಬಾಲ್ ನ ಅಳತೆ, ಆಕಾರ ಮತ್ತು ಉಪಯೋಗಿಸುವ ವಸ್ತುಗಳ ಮಿಶ್ರಣದ ಬಗ್ಗೆ ನೂತನ ಕಟ್ಟುನಿಟ್ಟಾದ ನಿಯಮಗಳು ಜಾರಿಗೆ ಬಂದವು, ಮೊದಲ ಮಹಾಯುದ್ಧದ ನಂತರ ಒಳ್ಳೆಯ ಗುಣಮಟ್ಟದ ಬಳಸುವ ವಸ್ತುಗಳೂ ದೊರೆತವು, ಪರಿಣಾಮವಾಗಿ ಬಾರಿಸಿದಾಗ/ಹೊಡೆದಾಗ ಚೆಂಡು ಮೊದಲಿಗಿಂತಲೂ ದೂರ ಸಾಗುವಂತಾಯಿತು. ಈ ಕ್ರೀಡೆಯು ಹೆಚ್ಚು ಜನಪ್ರಿಯವಾದಂತೆ, ಹೆಚ್ಚಿನ ಕುಳಿತುಕೊಳ್ಳುವ ವ್ಯವಸ್ಥೆಯನ್ನು ಮಾಡುವುದಕ್ಕಾಗಿ ಔಟ್ ಫೀಲ್ಡ್ ನ ಗೋಡೆಗಳನ್ನು ಸಮೀಪಕ್ಕೆ ತರಲಾಯಿತು ಮತ್ತು ಇದರಿಂದ ಹೋಂ ರನ್ ಗಳು ಹೆಚ್ಚು ಸಾಮಾನ್ಯವಾದವು. ಹೊಸ ಯುಗದ ಅಸಾಮಾನ್ಯ ಪ್ರಬಲ ಹಿಟರ್ ಆದ, ದಂತಕಥೆಯೇ ಆದ ಆಟಗಾರ ಬೇಬ್ ರಥ್ ರ ಏಳ್ಗೆಯು ಕ್ರೀಡೆಯ ರೀತಿಯೇ ಸರ್ವಕಾಲಿಕವಾಗಿ ಬದಲಾಗಲು ಪ್ರೇರಕವಾಯಿತು. ರಥ್ ತಮ್ಮ ಸ್ಲಗಿಂಗ್ ದಾಖಲೆಗಳ ಬಹುಪಾಲನ್ನು ದಾಖಲಿಸುವಾಗ ಪ್ರತಿನಿಧಿಸಿದಂತಹ ದ ನ್ಯೂ ಯಾರ್ಕ್ ಯಾಂಕೀಸ್ ಮೇಜರ್ ಲೀಗ್ ನ ಶ್ರೇಷ್ಠ ತಂಡವೆಂದ ಖ್ಯಾತಿಗೆ ಬಾಜನವಾಯಿತು. ೧೯೨೦ರ ದಶಕದ ಕೊನೆಯಲ್ಲಿ ಮತ್ತು ೧೯೩೦ರ ದಶಕದೊ ಮೊದಲ ಭಾಗದಲ್ಲಿ ಸೇಂಟ್ ಲೂಯಿಸ್ ಕಾರ್ಡಿನಲ್ಸ್ ನ ಪ್ರಧಾನ ವ್ಯವಸ್ಥಾಪಕ ಬ್ರ್ಯಾಂಚ್ ರಿಕೀ ಹಲವಾರು ಮೈನರ್ ಲೀಗ್ ಕ್ಲಬ್ ಗಳಲ್ಲಿ ಬಂಡವಾಳ ಹೂಡಿದರು ಮತ್ತು ಮೊದಲ ಆಧುನಿಕ "ಫಾರ್ಮ್ ವ್ಯವಸ್ಥೆ"ಯನ್ನು ಅಭಿವೃದ್ಧಿಗೊಳಿಸಿದರು. ೧೯೩೩ರಲ್ಲಿ ಒಂದು ಹೊಸ ನೀಗ್ರೋ ನ್ಯಾಷನಲ್ ಲೀಗ್ ಸ್ಥಾಪನೆಗೊಂಡಿತು; ನಾಲ್ಕು ವರ್ಷಗಳ ನಂತರ ನೀಗ್ರೋ ಅಮೆರಿಕನ್ ಲೀಗ್ ಅದನ್ನು ಸೇರಿತು. ಬೇಸ್ ಬಾಲ್ ಹಾಲ್ ಆಫ್ ಫೇಂ ನ ಮೊದಲ ಚುನಾವಣೆಗಳು ೧೯೩೬ರಲ್ಲಿ ನಡೆದವು. ೧೯೩೯ರಲ್ಲಿ ಪೆನ್ಸಿಲ್ವೇನಿಯಾದಲ್ಲಿ ಲಿಟಲ್ ಲೀಗ್ ಬೇಸ್ ಬಾಲ್ ಅಸ್ತಿತ್ವಕ್ಕೆ ಬಂದಿತು. ೧೯೪೦ರ ಅಂತ್ಯದ ವೇಳೆಗೆ ಅದು ಯುನೈಟೆಡ್ ಸ್ಟೇಟ್ಸ್ ನ ಉದ್ದಗಲಕ್ಕೆ ಮಕ್ಕಳ ಬೇಸ್ ಬಾಲ್ ಲೀಗ್ ಗಳ ವ್ಯವಸ್ಥಾಪಕ ಸಂಸ್ಥೆಯಾಯಿತು.

ಬೇಸ್‌ಬಾಲ್ 
ಜ್ಯಾಕೀ ರಾಬಿನ್ಸನ್, 1945ರಲ್ಲಿ, ಆ ಯುಗದ ಕಾನ್ಸಾಸ್ ಸಿಟಿ ರಾಯಲ್ಸ್ ರೊಂದಿಗೆ,ನೀಗ್ರೋ ಅಮೆರಿಕನ್ ಲೀಗ್ ನ ಕಾನ್ಸಾಸ್ ಸಿಟಿ ಮಾನಾರ್ಕ್ ರೊಡನೆ ಇದ್ದ ಬ್ಯಾರ್ನ್ ಸ್ಟಾರ್ಮಿಂಗ್ ಸ್ಕ್ವಾಡ್.

ಅಮೆರಿಕವು ಎರಡನೆಯ ಮಹಾಯುದ್ಧಕ್ಕೆ ಧುಮುಕುತ್ತಿದ್ದಂತೆಯೇ, ಹಲವಾರು ವೃತ್ತಿಪರ ಆಟಗಾರರು ಸೇನೆಯನ್ನು ಸೇರಲು ತಂಡವನ್ನು ತೊರೆದರು. ಹೀಗಾಗಿ ಅನೇಕ ಮೈನರ್ ಲೀಗ್ ತಂಡಗಳು ಇಲ್ಲವಾದವು ಮತ್ತು ಮೇಜರ್ ಲೀಗ್ ಕ್ರೀಡೆ ಸಹ ನಿಲ್ಲುವ ಶಂಕೆ ತಲೆದೋರಿತು. ಸಾರ್ವಜನಿಕೆ ದೃಷ್ಟಿಯಲ್ಲಿ ಕ್ರೀಡೆಯನ್ನು ಮುಂದುವರಿಸುವ ಸಲುವಾಗಿ ಚಿಕಾಗೋ ಕಬ್ಸ್ ನ ಮಾಲಿಕರಾದ ಫಿಲಿಪ್ ಕೆ. ರಿಗ್ಲೀ ಸ್ತ್ರೀ ಆಟಗಾರ್ತಿಯರನ್ನೊಳಗೊಂಡ ಒಂದು ನೂತನ ವೃತ್ತಿಪರ ಲೀಗ್ ಅನ್ನು ರಚಿಸಿದರು; ದ ಆಲ್-ಅಮೆರಿಕನ್ ಗರ್ಲ್ಸ್ ಪ್ರೊಫೆಷನಲ್ ಬೇಸ್ ಬಾಲ್ ಲೀಗ್ ೧೯೪೩ರಿಂದ ೧೯೫೪ರವರೆಗೆ ಅಸ್ತಿತ್ವದಲ್ಲಿದ್ದಿತು. ಮೊಟ್ಟಮೊದಲ ಕಾಲೇಜ್ ವರ್ಲ್ಡ್ ಸೀರೀಸ್ ೧೯೪೭ರಲ್ಲಿ ನಡೆಯಿತು ಮತ್ತು ಬೇಬ್ ರಥ್ ಲೀಗ್ ಯುವ ಯೋಜನೆಯ ಸ್ಥಾಪನೆಯಾಯಿತು. ಈ ಯೋಜನೆಯು ಸಹ ಮಕ್ಕಳ ಬೇಸ್ ಬಾಲ್ ಅನ್ನು ನಿಯೋಜಿಸುವ ಒಂದು ಪ್ರಮುಖ ಸಂಸ್ಥೆಯಾಯಿತು. ಬಿಳಿಯರ ಅಧೀನದಲ್ಲಿರುವ ವೃತ್ತಿನಿರತ ಬೇಸ್ ಬಾಲ್ ನಿಂದ ಕರಿಯರನ್ನು ಹೊರಗಿಡುವಂತಹ ಅಲಿಖಿತ ಒಪ್ಪಂದದಲ್ಲಿ ಮೊದಲ ಬಿರುಕು ಹಿಂದಿನ ವರ್ಷವೇ ಕಾಣಿಸಿಕೊಂಡಿತ್ತು;ಬ್ರ್ಯಾಂಚ್ ರಿಕೀ ಪ್ರಧಾನ ವ್ಯವಸ್ಥಾಪಕರಾಗಿದ್ದ ಬ್ರೂಕ್ಲಿನ್ ಡಾಡ್ಜರ್ಸ್ ಜ್ಯಾಕೀ ರಾಬಿನ್ ಸನ್ ರನ್ನು ನ್ಯಾಷನಲ್ ಲೀಗ್ ನಲ್ಲಿ ಆಡಲು ಸೇರಿಸಿಕೊಂಡಿತು ಮತ್ತು ಆತನು ಅವರ ಮಾಂಟ್ರಿಯಲ್ ಮೈನರ್ ಲೀಗ್ ತಂಡದಲ್ಲಿ ಆಡತೊಡಗಿದರು. ೧೯೪೭ರಲ್ಲಿ ಡಾಡ್ಜರ್ಸ್ ತಂಡದ ಮೂಲಕ ತಮ್ಮ ಚೊಚ್ಚಲ ಪಂದ್ಯ ಆಡುವುದರ ಮೂಲಕ ರಾಬಿನ್ ಸನ್ ಮೇಜರ್ ಲೀಗ್ ನ ವರ್ಣಸೀಮೆಯನ್ನ ಛೇದಿಸಿದರು. ಅದೇ ವರ್ಷ ಲ್ಯಾರಿ ಡಾಬಿ ಅಮೆರಿಕನ್ ಲೀಗ್ ನ ಕ್ಲೀವ್ ಲ್ಯಾಂಡ್ ಇಂಡಿಯನ್ಸ್ ತಂಡದಲ್ಲಿ ಚೊಚ್ಚಲ ಪಂದ್ಯವಾಡಿದರು. ಈ ಮೊದಲು ಗಣನೆಗೇ ತೆಗೆದುಕೊಳ್ಳದಿದ್ದಂತಹ ಲ್ಯಾಟಿನ್ ಅಮೆರಿಕದ ಆಟಗಾರರು ಮೇಜರ್ ಲೀಗ್ ಅನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವೇಶಿಸಲಾರಂಭಿಸಿದರು. ೧೯೫೧ರಲ್ಲಿ ಇಬ್ಬರು ಚಿಕಾಗೋ ವೈಟ್ ಸಾಕ್ಸ್ ವೆನೆಝೂಯೆಲಾದಲ್ಲಿ ಜನ್ಮತಾಳಿದ ಚಿಕೋ ಕಾರಾಸ್ಕ್ವೆಲ್ ಗಳು ಮತ್ತು ಕ್ಯೂಬಾದಲ್ಲಿ ಜನಿಸಿದ (ಸರ್ವ ಕಪ್ಪು) ಮಿನ್ನೀ ಮಿನೋಸೋ ಗಳು ಮೊದಲ ಹಿಸ್ಪಾನಿಕ್ ಆಲ್-ಸ್ಟಾರ್ಸ್ ಎಂಬ ಖ್ಯಾತಿಗೆ ಒಳಗಾದರು.ಫುಟ್ ಬಾಲ್ ಮತ್ತು ಟೆಲಿವಿಷನ್ ಗಳ ಪೈಪೋಟಿಯ ಎದುರು ಬೇಸ್ ಬಾಲ್ ವೀಕ್ಷಣೆಯ ಸೆಳೆತ ಎಲ್ಲಾ ಮಟ್ಟಗಳಲ್ಲೂ ತಗ್ಗಿತು; ಮೇಜರ್ ಲೀಗ್ ಗಳೂ ಪುಟೆದೆದ್ದರೂ, ಮೈನರ್ ಲೀಗ್ ಗಳು ನಾಶವಾದವು ಮತ್ತು ನೂರಾರು ಅರೆ-ವೃತ್ತಿನಿರತ ಮತ್ತು ಹವ್ಯಾಸಿ ತಂಡಗಳು ಇಲ್ಲವಾದವು. ಒಗ್ಗೂಡುವಿಕೆಯು ನಿಧಾನವಾಗಿ ಚಲಿಸಿತು; ೧೯೫೩ರ ವೇಳೆಗೆ ಹದಿನಾರು ಮೇಜರ್ ಲೀಗ್ ತಂಡಗಳ ಪೈಕಿ ಕೇವಲ ಆರರಲ್ಲಿ ಮಾತ್ರ ತಲಾ ಒಬ್ಬ ಕರಿಯನನ್ನು ತಮ್ಮ ಯಾದಿಯಲ್ಲಿ ಹೊಂದಿದ್ದಿತು. ದ ಮೇಜರ್ ಲೀಗ್ ಬೇಸ್ ಬಾಲ್ ಪ್ಲೇಯರ್ಸ್ ಅಸೋಸಿಯೇಷನ್ ಆ ವರ್ಷ ಸ್ಥಾಪಿತವಾಯಿತು. ಕೊಂಚ ದೀರ್ಘ ಕಾಲ ಉಳಿದ ಮೊದಲ ವೃತ್ತಿಪರ ಬೇಸ್ ಬಾಲ್ ಒಕ್ಕೂಟವಾದರೂ, ಈ ಒಕ್ಕೂಟವು ಹಲವಾರು ವರ್ಷಗಳು ಯಾವುದೇ ಪರಿಣಾಮವಿಲ್ಲದೆ ನಿಷ್ಕ್ರಿಯವಾಗಿದ್ದಿತು. ೧೯೫೮ರವರೆಗೆ ಸೇಂಟ್ ಲೂಯಿಸ್ ನ ಪಶ್ಚಿಮ ಭಾಗದಲ್ಲಿ ಯಾವುದೇ ಮೇಜರ್ ಲೀಗ್ ತಂಡವಿರಲಿಲ್ಲ; ಆ ವರ್ಷ ಬ್ರೂಕ್ಲಿನ್ ಡಾಡ್ಜರ್ಸ್ ಮತ್ತು ನ್ಯೂ ಯಾರ್ಕ್ ಜಯಂಟ್ಸ್ ಕ್ರಮವಾಗಿ ಲಾಸ್ ಏಂಜಲೀಸ್ ಮತ್ತು ಸ್ಯಾನ್ ಫ್ರ್ಯಾನ್ಸಿಸ್ಕೋಗಳಿಗೆ ತಮ್ಮ ನೆಲೆಯನ್ನು ಸ್ಥಳಾಂತರಿಸಿದರು. ಮೇಜರ್ ಗಳ ಕಡೆಯ ಸರ್ವ-ಶ್ವೇತ ಕೋಟೆಯಾದ ಬೋಸ್ಟನ್ ರೆಡ್ ಸಾಕ್ಸ್ ಸಹ ೧೯೫೯ರಲ್ಲಿ ಒಬ್ಬ ಕರಿಯ ಆಟಗಾರನನ್ನು ತಂಡಕ್ಕೆ ಸೇರಿಸಿಕೊಂಡಿತು. ಮೇಜರ್ ಗಳು ಹೀಗೆ ಒಗ್ಗೂಡುವುದರಿಂದ ದೊರಕುವಂತಹ ಆಟಗಾರರ ಸಂಖ್ಯೆ ಕ್ಷೀಣಿಸಿ, ಕಡೆಯ ನೀಗ್ರೋ ಲೀಗ್ ಸಹ ಮರುವರ್ಷ ಬಾಗಿಲು ಮುಚ್ಚಿಕೊಂಡಿತು. ೧೯೬೧ರಲ್ಲಿ ಲಾಸ್ ಏಂಜಲೀಸ್ ಏಂಜಲ್ಸ್ ನ ವಿಸ್ತೃತ ತಂಡದ ಮೂಲಕ ಅಮೆರಿಕನ್ ಲೀಗ್ ಪಶ್ಚಿಮ ತೀರವನ್ನು ತಲುಪಿತು ಮತ್ತು ಮೇಜರ್ ಲೀಗ್ ಋಉತುವನ್ನು ೧೫೪ ಪಂದ್ಯಗಳಿಂದ ೧೬೨ ಪಂದ್ಯಗಳಿಗೆ ಏರಿಸಲಾಯಿತು. ಕಾಕತಾಳೀಯವಾಗಿ ಬೇಸ್ ಬಾಲ್ ನ ಬಹಳ ಮೆಚ್ಚಿನ ದಾಖಲೆಗಳಲ್ಲೊಂದಾದ ಬೇಬ್ ರಥ್ ರ ದೀರ್ಘಕಾಲಿಕ ಒಂದು-ಋತುವಿನ ಅತ್ಯಧಿಕ ಹೋಂ ರನ್ ದಾಖಲೆಯನ್ನು ರೋಜರ್ ಮಾರಿಸ್ ಮುರಿಯಲು ಈ ಏರಿಕೆ ಸಹಾಯಕವಾಯಿತು. ಏಂಜಲ್ಸ್ ರೊಡನೆ ಮತ್ತೂ ಮೂರು ಹೊಸ ಒಕ್ಕೂಟ ಗಳು ೧೯೬೧-೬೨ರಲ್ಲಿ ಆರಂಭವಾದವು; ಇದರೊಂದಿಗೆ, ೬೦ ವರ್ಷಗಳಲ್ಲಿ ಮೊದಲ ಮೇಜರ್ ಲೀಗ್ ವಿಸ್ತರಣೆಯು ಪೂರ್ಣವಾಗಿ, ಎರಡೂ ಲೀಗ್ ಗಳಲ್ಲಿ ೧೦ ತಂಡಗಳಾದವು.

ಹಾಜರಾತಿಯ ದಾಖಲೆಗಳು ಮತ್ತು ಸ್ಟೆರಾಯ್ಡ್ ಗಳ ಯುಗ

೧೯೬೬ರಲ್ಲಿ ಕಾರ್ಯಕಾರಿ ನಿರ್ದೇಶಕರಾಗಿ ಆಯ್ಕೆಗೊಂಡ ಮಾರ್ವಿನ್ ಮಿಲರ್ ಎಂಬ ಮಾಜಿ ಯುನೈಟೆಡ್ ಸ್ಟೀಲ್ ವರ್ಕರ್ಸ್ ನ ಪ್ರಮುಖ ವಿತ್ತಸಲಹೆಗಾರ ಮತ್ತು ವ್ಯವಹಾರನಿಪುಣರ ಅಧೀನದಲ್ಲಿ ಆಟಗಾರರ ಒಕ್ಕೂಟವು ಹೆಚ್ಚು ಧೃತಿಗೊಂಡಿತು. ಆಟದ ಮೈದಾನದಲ್ಲಿ ಮೇಜರ್ ಲೀಗ್ ನ ಪಿಚರ್ ಗಳು ಹೆಚ್ಚಿನ ರೀತಿಯಲ್ಲಿ ಮೇಲುಗೈ ಸಾಧಿಸುವುದು ಸಾಗಿತ್ತು. ೧೯೬೮ರ ಋತುವಿನ ನಂತರ, ಸಮತೋಲನವನ್ನು ಕಾಪಾಡುವ ಸಲುವಾಗಿ, ಸ್ಟ್ರೈಕ್ ಝೋನ್ ಅನ್ನು ಕಡಿಮೆಗೊಳಿಸಲಾಯಿತು ಮತ್ತು ಪಿಚರ್ಸ್ ಮೌಂಡ್ ನ ಎತ್ತರವನ್ನು ತಗ್ಗಿಸಲಾಯಿತು. ಮರುವರ್ಷ ಎರಡೂ ನ್ಯಾಷನಲ್ ಅಮೆರಿಕನ್ ಲೀಗ್ ಗಳು ಮತ್ತೆರಡು ತಂಡಗಳನ್ನು ಸೇರಿಸಿಕೊಂಡವು; ಲೀಗ್ ಗಳನ್ನು ಎರಡು ವಿಭಾಗಗಳಾಗಿ ವಿಂಗಡಿಸಲಾಯಿತು ಮತ್ತು ವಿಶ್ವ ಸರಣಿಗೆ ಮುನ್ನ ಋತುವಿನ ಅಂತ್ಯದಲ್ಲಿ ಸರಣಿಗೆ ಸೇರುವ ವಿಜೇತರನ್ನು ಆಯ್ಕೆ ಮಾಡಲು ಪಂದ್ಯಗಳನ್ನು ಹಮ್ಮಿಕೊಳ್ಳುವುದೆಂದಾಯಿತು. ೧೯೬೯ರಲ್ಲೇ ಸೇಂಟ್ ಲೂಯಿಸ್ ನ ಕರ್ಟ್ ಫ್ಲಡ್ ಮೀಸಲು ಕಾಯಿದೆಯ ಸೂಕ್ತಾಸೂಕ್ತತೆಯನ್ನು ಕಾನೂನು ರೀತ್ಯಾ ಪ್ರಶ್ನಿಸಿದರು. ೧೯೭೨ರಲ್ಲಿ ಮೇಜರ್ ಲೀಗ್ ನ ಮೊದಲ ಸಾಮಾನ್ಯ ಆಟಗಾರರ ಹರತಾಳವು ನಡೆಯಿತು. ಆಟದಲ್ಲಿ ಆಕ್ರಮಣಕಾರಿತನವನ್ನು ಹೆಚ್ಚಿಸಲು ಸಲುವಾಗಿ ಅಮೆರಿಕನ್ ಲೀಗ್ ನೇಮಿಸಲ್ಪಟ್ಟ ಹಿಟರ್ ನಿಯಮವನ್ನು ಮರುವರ್ಷ ಅಳವಡಿಸಿಕೊಂಡಿತು. ೧೯೭೫ರಲ್ಲಿ ಮೀಸಲು ನಿಯಮವನ್ನು ಪರಿಣಾಮಕಾರಿಯಾಗಿ ಬಹಿಷ್ಕರಿಸಿದ ನಂತರ ಒಕ್ಕೂಟದ ಅಧಿಕಾರವರ್ಗ ಮತ್ತು ಆಟಗಾರರ ಸಂಬಳಗಳು ಬಹಳವಾಗಿ ಹೆಚ್ಚಲಾರಂಭಿಸಿದವು ಮತ್ತು ಮುಕ್ತ ಏಜೆನ್ಸಿ ವ್ಯವಸ್ಥೆಗೆ ಇದು ನಾಂದಿಯಾಯಿತು. ೧೯೭೭ರಲ್ಲಿ ಮತ್ತೂ ಎರಡು ವಿಸ್ತರಿತ ತಂಡಗಳು ಅಮೆರಿಕನ್ ಲೀಗ್ ಅನ್ನು ಸೇರಿದವು. 1981 ಮತ್ತು 1994ರಲ್ಲಿ ಮತ್ತೆ ಕಾರ್ಯ ಸ್ಥಗಿತತೆಗಳು ಉಂಟಾದವು, ಎರಡನೆಯ ಬಾರಿ ಆದಾಗ ತೊಂಬತ್ತು ವರ್ಷಗಳಲ್ಲಿ ಮೊದಲ ಬಾರಿಗೆ ವಿಶ್ವ ಸರಣಿ ರದ್ದಾಗಬೇಕಾಯಿತು. ೧೯೭೦ರ ದಶಕದಿಂದ ವೀಕ್ಷಕರ ಸಂಖ್ಯೆಯು ವೃದ್ಧಿಯಾಗುತ್ತಲೇ ಬಂದಿತು ಮತ್ತು ೧೯೯೪ರಲ್ಲಿ, ನಿಲುಗಡೆಗೆ ಮುನ್ನ, ಮೇಜರ್ಸ್ ಪ್ರತಿ-ಪಂದ್ಯದ ಹಾಜರಾತಿಯ ಸರ್ವಕಾಲಿಕ ದಾಖಲೆಯನ್ನು ಹೊಂದುತ್ತಿದ್ದರು.

ಬೇಸ್‌ಬಾಲ್ 
ಫಿಲಡೆಲ್ಫಿಯಾ ಫಿಲೀಸ್ ನ ಪಿಚರ್ ಕೋಲ್ ಹಾಮೆಲ್ಸ್, 2008ರ ನ್ಯಾಷನಲ್ ಲೀಗ್ ಚಾಂಪಿಯನ್ ಷಿಪ್ ಸರಣಿ ಮತ್ತು ವಿಶ್ವ ಸರಣಿಯ ಬಹಳ ಅಮೂಲ್ಯ ಆಟಗಾರ.

೧೯೯೩ರ ಋತುವಿನಲ್ಲಿ ಮತ್ತೆರಡು ವಿಸ್ತರಿತ ತಂಡಗಳು ಸೇರಿದ ನಂತರ ಮೇಜರ್ ಲೀಗ್ ಪುನರ್ರಚಿತವಾಗಿ ಮೂರು ವಿಭಾಗಗಳಾಗಿ ವಿಂಗಡಿತವಾಯಿತು. ಪ್ರತಿರೋಧ ಉತ್ಪಾದನೆ - ವಿಶೇಷವಾಗಿ ಹೋಂ ರನ್ ಗಳ ಸಂಖ್ಯೆ - ಆ ವರ್ಷ ಬಹಳವೇ ಆಗಿತ್ತು ಹಾಗೂ ಸಂಕ್ಷೇಪಗೊಳಿಸಿದ ೧೯೯೪ರ ಋತುವಿನಲ್ಲೂ ಹಾಗೆಯೇ ಆಯಿತು. ೧೯೯೫ರಲ್ಲಿ ಕ್ರೀಡೆಯು ಮತ್ತೆ ಮುಂದುವರಿದಾಗ, ಈ ಕ್ರಮವೇ ಮುಂದುವರಿಯಿತು ಮತ್ತು ವಿಭಾಗ-ವಿಜೇತವಲ್ಲದ ವೈಲ್ಡ್ ಕಾರ್ಡ್ ತಂಡಗಳು ಋತು-ಅವಧಿಯ ನಂತರದ ಖಾಯಂ ಅಂಗಗಳಾದವು. ನಿಯಮಿತ-ಋತು ಅಂತರ ಲೀಗ್ ಕ್ರೀಡೆಯನ್ನು ೧೯೯೭ರಲ್ಲಿ ಪರಿಚಯಿಸಲಾಯಿತು ಮತ್ತು ಒಂದು ಋತುವಿನ ಪ್ರೇಕ್ಷಕ ಸಂಖ್ಯೆಯ ಎರಡನೆಯ ದಾಖಲೆ ಮಟ್ಟವು ಸ್ಥಾಪಿತವಾಯಿತು. ಮರುವರ್ಷ ಮಾರಿಸ್ ರ ದಶಕಗಳಷ್ಟು ಹಳೆಯದಾದ ಒಂದು ಋತುವಿನಲ್ಲಿ ಗಳಿಸಿದ ಅತಿ ಹೆಚ್ಚು ಹೋಂ ರನ್ ಗಳ ದಾಖಲೆಯನ್ನು ಮಾರ್ಕ್ ಮೆಕ್ ಗ್ವೈರ್ ಮತ್ತು ಸ್ಯಾಮೀ ಸೋಸಾ ಇಬ್ಬರೂ ಮುರಿದರು ಹಾಗೂ ಮತ್ತೂ ಎರಡು ವಿಸ್ತರಣ ತಂಡಗಳ ಸೇರ್ಪಡೆಯಾದವು. ೨೦೦೦ದಲ್ಲಿ ನ್ಯಾಷನಲ್ ಮತ್ತು ಅಮೆರಿಕನ್ ಲೀಗ್ ಗಳೆರಡೂ ಕಾನೂನುಬದ್ಧ ಅಸ್ತಿತ್ವದಿಂದ ಹೊರತಾದವು. ಪಂದ್ಯ ರೂಪಿಸುವ ಸಲುವಾಗಿ ಮಿಕ್ಕೆಲ್ಲಾ ಚಿಹ್ನೆಗಳನ್ನು ಹಾಗೆಯೇ ಇರಿಸಿಕೊಂಡರೂ (ಮತ್ತು ನೇಮಕಗೊಂಡ ಹಿಟರ್ ವೈಶಿಷ್ಟ್ಯ), ನಿಯಮಗಳು ಮತ್ತು ಇತರ ಕಾರ್ಯಭಾರಗಳಾದ ಆಟಗಾರರ ಶಿಸ್ತು ಮತ್ತು ಅಂಪೈರ್ ಮೇಲುಸ್ತುವಾರಿ ಇತ್ಯಾದಿಗಳು ಮುಂಚೆ ಇವರೇ ನಿರ್ವಹಿಸುತ್ತದ್ದು, ಈಗ ಮೇಜರ್ ಲೀಗ್ ಬೇಸ್ ಬಾಲ್ (MLB)ನ ಮೇಲ್ಬರಹದ ಅಧೀನದಲ್ಲಿ ಸುಭದ್ರಗೊಳಿಸಲಾಯಿತು. ೨೦೦೧ರಲ್ಲಿ ಬ್ಯಾರಿ ಬಾಂಡ್ಸ್ ಈಗಿನ ವಿಶ್ವದಾಖಲೆಯಾದ ಒಂದು ಋತುವಿನಲ್ಲಿ ೭೩ ಹೋಂ ರನ್ ಗಳ ದಾಖಲೆಯನ್ನು ಸ್ಥಾಪಿಸಿದರು. ಪವರ್ ಹಿಟಿಂಗ್ ನಲ್ಲಿ ಗಮನಾರ್ಹವಾದ ಹೆಚ್ಚಳಕ್ಕೆ ಕಾರಣವು ಕಾನೂನುಬಾಹಿರ ಸ್ಟೆರಾಯ್ಡ್ ಗಳ ದುರುಪಯೋಗವೇ ಎಂಬ ಗುಮಾನಿಯು ಬಹಳ ಕಾಲದಿಂದ ಇದ್ದಿತು(ವಿಸ್ತರಣೆಯ ಕಾರಣದಿಂದ ಪಿಚಿಂಗ್ ಅರ್ಹತೆಯೂ ಕಡಿಮೆಯಾದದ್ದು ಹೌದು) ಆದರೆ ಈ ವಿಷಯವು ೨೦೦೨ರ ನಂತರದ ದಿನಗಳಲ್ಲಿ ಹೆಚ್ಚಿನ ಮಾಧ್ಯಮದ ಗಮನವನ್ನು ಸೆಳೆಯಲಾರಂಭಿಸಿತು ಹಾಗೂ ೨೦೦೪ರ ವರೆಗೆ ಪ್ರದರ್ಶನ-ಉದ್ದೀಪನ ಮಾದಕಗಳನ್ನು ಬಳಸುವುದುರ ಮೇಲೆ ಯಾವುದೇ ದಂಡ ವಿಧಿಸುವ ನಿಯಮವಿರಲಿಲ್ಲ. ೨೦೦೭ರಲ್ಲಿ ಬಾಂಡ್ಸ್ ಹ್ಯಾಂಕ್ ಆರನ್ ರನ್ನು ಮೀರಿಸಿ MLBಯ ಅತಿ ಹೆಚ್ಚು ಹೋಂ ರನ್ ಗಿಟ್ಟಿಸಿದವರ ಸರ್ವಕಾಲಿಕ ಪಟ್ಟಿಯಲ್ಲಿ ಪ್ರಥಮ ಸ್ಥಾನ ಪಡೆದರು, ಹಾಗೂ ಮೇಜರ್ ಮತ್ತು ಮೈನರ್ ಲೀಗ್ ಗಳ ಒಟ್ಟು ಪ್ರೇಕ್ಷಕರ ಸಂಖ್ಯೆಯು ಸರ್ವಕಾಲಿಕ ಉತ್ತುಂಗವನ್ನು ತಲುಪಿತು. ಮೆಕ್ ಗ್ವೈರ್, ಸೋಸಾ, ಮತ್ತು ಬಾಂಡ್ಸ್ ಹಾಗೂ ಕಥೆಯೇ ಆಗಿದ್ದ ಪಿಚರ್ ರೋಜರ್ ಕ್ಲೆಮೆನ್ಸ್ ನಂತಹ ಇನ್ನೂ ಕೆಲವರು ಸ್ಟೆರಾಯ್ಡ್ ದುರುಪಯೋಗ ಹಗರಣದಲ್ಲಿ ಸಿಲುಕಲ್ಪಟ್ಟಿದ್ದರೂ, ಅವರ ಹಾಗೂ ಇತರ ಸ್ಲಾಗರ್ ಗಳ ಸಾಧನೆಗಳು ಮೇಜರ್ ಲೀಗ್ ನ ನಿರ್ಣಾಯಕ ಆಕರ್ಷಣೆಗಳಾಗಿದ್ದವು. ವೃತ್ತಿಪರ ಕ್ರೀಡೆಯು ೧೯೯೪ರ ತಡೆಯ ನಂತರ ಜನಪ್ರಿಯತೆಯ ಪಾವಟಿಗೆಗಳನ್ನು ಏರಿದುದುರ ವಿರುದ್ಧವಾಗಿ ಲಿಟಲ್ ಲೀಗ್ ಗೆ ಸೇರುವವರ ಸಂಖ್ಯೆ ಕ್ಷೀಣಿಸಿತು; ೧೯೯೬ರಲ್ಲಿ ಗರಿಷ್ಠತೆಯನ್ನು ಮುಟ್ಟಿದ ನಂತರ, ಮರು ದಶಕದಲ್ಲಿ ಪ್ರತಿ ವರ್ಷ ಒಂದು ಪ್ರತಿಶತದಂತೆ ಕಡಿಮೆಯಾಗುತ್ತಾ ಸಾಗಿತು.

ವಿಶ್ವದ ವಿವಿಧೆಡೆ ಬೇಸ್ ಬಾಲ್

ಅಮೆರಿಕದ ಕ್ರೀಡೆಯೆಂದೇ ಹೆಸರಾಗಿರುವ ಬೇಸ್ ಬಾಲ್ ಿತರ ಹಲವು ದೇಶಗಳಲ್ಲೂ ಸಹ ಸುವ್ಯವಸ್ಥಿತವಾಗಿದೆ. ಕೆನಡಾದಲ್ಲಿನ ಬೇಸ್ ಬಾಲ್ ಚರಿತ್ರೆಯು ಯುನೈಟೆಡ್ ಸ್ಟೇಟ್ಸ್ ನ ಕ್ರೀಡೆಗೆ ನಿಕಟವಾದ ಸಂಬಂವಿರಿಸಿಕೊಂಡೇ ಬಂದಿದೆ. ೧೮೭೭ರಷ್ಟು ಮುಂಚೆಯೇ, ದ ಇಂಟರ್ನ್ಯಾಷನಲ್ ಅಸೋಸಿಯೇಷನ್ ಎಂಬ ಒಂದು ವೃತ್ತಿಪರ ಲೀಗ್ ಎರಡೂ ದೇಶಗಳಿಂದ ತಂಡಗಳನ್ನು ಹೊಂದಿದ್ದಿತು. ಬೇಸ್ ಬಾಲ್ ವ್ಯಾಪಕವಾಗಿ ಕೆನಡಾದಲ್ಲಿ ಆಡಲ್ಪಟ್ಟರೂ ಹಾಗೂ ಹಲವಾರು ಮೈನರ್ ಲೀಗ್ ತಂಡಗಳು ಇಲ್ಲಿನ ಮೂಲದವೇ ಆಗಿದ್ದರೂ, ೧೯೬೯ರವರೆಗೆ ಅಮೆರಿಕನ್ ಮೇಜರ್ ಲೀಗ್ ಗಳು ಕೆನಡಾದ ಕ್ಲಬ್ ಗಳನ್ನು ಸೇರಿಸಿಕೊಂಡಿರಲಿಲ್ಲ; ೧೯೬೯ರಲ್ಲಿ ಮಾಂಟ್ರಿಯಲ್ ಎಕ್ಸ್ ಪೋಸ್ ನ್ಯಾಷನಲ್ ಲೀಗ್ ಅನ್ನು ಒಂದು ವಿಸ್ತರಣ ತಂಡವಾಗಿ ಸೇರಿತು. ೧೯೭೭ರಲ್ಲಿ ವಿಸ್ತರಣ ತಂಡ ಟೊರೊಂಟೊ ಬ್ಲೂ ಜೇಸ್ ಅಮೆರಿಕನ್ ಲೀಗ್ ಅನ್ನು ಸೇರಿತು. ಬ್ಲೂ ಜೇಸ್ ೧೯೯೨ ಮತ್ತು ೧೯೯೩ರಲ್ಲಿ ವಿಶ್ವ ಸರಣಿಯನ್ನು ಗೆದ್ದು, ಯುನೈಟೆಡ್ ಸ್ಟೇಟ್ಸ್ ನ ಹೊರಗಿನ ಮೊದಲ ಹಾಗೂ ಇಂದಿಗೂ ಏಕೈಕ ಕ್ಲಬ್ ಎಂಬ ಕೀರ್ತಿಗೆ ಭಾಜನವಾಗಿದೆ. ೨೦೦೪ರ ಋತುವಿನ ನಂತರ, ಮೇಜರ್ ಲೀಗ್ ಬೇಸ್ ಬಾಲ್ ಎಕ್ಸ್ ಪೋಸ್ ಅನ್ನು ವಾಷಿಂಗ್ಟನ್ ಡಿಸಿಗೆ ಮರುಸ್ಥಾಪಿಸಿತು ಮತ್ತು ಈಗ ಆ ತಂಡವು ನ್ಯಾಷನಲ್ಸ್ ಎಂದು ಕರೆಯಲ್ಪಡುತ್ತಿದೆ.

ಬೇಸ್‌ಬಾಲ್ 
2006 ವಿಶ್ವ ಬೇಸ್ ಬಾಲ್ ಕ್ಲ್ಯಾಸಿಕ್ ನಲ್ಲಿ ಜಪಾನ್ ನ ರಾಷ್ಟ್ರೀಯ ತಂಡವನ್ನು ನಿಭಾಯಿಸುತ್ತಿರುವ ಸದಾಹಾರು Oh. ಸೆಂಟ್ರಲ್ ಲೀಗ್ ನ ಯೋಮಿಯುರಿ ಜಯಂಟ್ಸ್ ಪರ ಆಡುತ್ತಾ (1959–80), Oh ವೃತ್ತಿಪರ ಹೋಂ ರನ್ ಗಳ ವಿಶ್ವ ದಾಖಲೆಯನ್ನು ನಿರ್ಮಿಸಿದರು.

ಯುನೈಟೆಡ್ ಸ್ಟೇಟ್ಸ್ ನ ಹೊರಗಿನ ಮೊದಲ ಔಪಚಾರಿಕ ಬೇಸ್ ಬಾಲ್ ಲೀಗ್ ೧೮೭೮ರಲ್ಲಿ ಕ್ಯೂಬಾದಲ್ಲಿ ಸ್ಥಾಪಿತವಾಯಿತು; ಕ್ಯೂಬಾದಲ್ಲಿ ಶ್ರೀಮಂತವಾದ ಬೇಸ್ ಬಾಲ್ ಸಂಸ್ಕೃತಿಯಿದ್ದು ಅದರ ರಾಷ್ಟ್ರೀಯ ತಂಡವು ೧೯೩೦ರ ದಶಕದ ಅಂತ್ಯಭಾಗದಲ್ಲಿ ಅಂತರರಾಷ್ಟ್ರೀಯ ಕ್ರೀಡೆ ಆರಂಭವಾದಂದಿನಿಂದಲೂ ಜಗದ ಬಲಿಷ್ಠ ತಂಡಗಳಲ್ಲಿ ಒಂದಾಗಿದೆ. (ಕ್ಯೂಬನ್ ಚಳುವಳಿಯಾದಾಗಿನಿಂದಲೂ ದೇಶದಲ್ಲಿನ ಎಲ್ಲಾ ವ್ಯವಸ್ಥಿತ ಬೇಸ್ ಬಾಲ್ ತಂಡಗಳೂ ಅಧಿಕೃತವಾಗಿ ಹವ್ಯಾಸಿಯೇ ಆಗಿವೆ.) ೧೯೧೨ರಲ್ಲಿ ಡೊಮಿನಿಕನ್ ರಿಪಬ್ಲಿಕ್ ತನ್ನ ಮೊದಲ ದ್ವೀಪವ್ಯಾಪಿ ಚಾಂಪಿಯನ್ ಷಿಪ್ ಟೂರ್ನಮೆಂಟ್ ಅನ್ನು ಹಮ್ಮಿಕೊಂಡಿತು. ವೃತ್ತಿಪರ ಬೇಸ್ ಬಾಲ್ ಪಂದ್ಯಾವಳಿಗಳು ಮತ್ತು ಲೀಗ್ ಗಳು ಎರಡು ಮಹಾಯುದ್ಧಗಳ ನಡುವಣ ಅವಧಿಯಲ್ಲಿ ಅಸ್ತಿತ್ವಕ್ಕೆ ಬರಲಾರಂಭಿಸಿದ ಇತರ ದೇಶಗಳ ಪೈಕಿ ನೆದರ್ಲ್ಯಾಂಡ್ಸ್ (೧೯೨೨ರಲ್ಲಿ ಆರಂಭ), ಆಸ್ಟ್ರೇಲಿಯಾ (೧೯೩೪), ಜಪಾನ್ (೧೯೩೬), ಮೆಕ್ಸಿಕೋ (೧೯೩೭) ಮತ್ತು ಪ್ಯುಯೆರ್ಟೋ ರಿಕೋ (೧೯೩೮) ಸೇರಿವೆ. ಜಪಾನ್ ನ ಮೇಜರ್ ಲೀಗ್ ಗಳು - ಸೆಂಟ್ರಲ್ ಲೀಗ್ ಮತ್ತು ಪೆಸಿಫಿಕ್ ಲೀಗ್ - ಯುನೈಟೆಡ್ ಸ್ಟೇಟ್ಸ್ ನ ಹೊರಗಿನ ಅತ್ಯುತ್ತಮ ಗುಣಮಟ್ಟದ ವೃತ್ತಿಪರ ವರ್ತುಲಗಳನ್ನು ಹೊಂದಿದೆಯೆಂದು ಪರಿಗಣಿಸಲಾಗಿದೆ. ಜಪಾನ್ ವೃತ್ತಿನಿರತ ಮೈನರ್ ಲೀಗ್ ಸಹ ಹೊಂದಿದೆಯಾದರೂ ಅದು ಅಮೆರಿಕನ್ ರೀತಿಯದಕ್ಕಿಂತಲೂ ಬಹಳ ಚಿಕ್ಕದು - ಪ್ರತಿ ತಂಡಕ್ಕೂ ಕೇವಲ ಒಂದು ಫಾರ್ಮ್ ಕ್ಲಬ್ ಇದೆ, ಇದಕ್ಕೆ ತದ್ವಿರುದ್ಧವಾಗಿ MLBಯಲ್ಲಿ ನಾಲ್ಕು ಅಥವಾ ಐದು ಕ್ಲಬ್ ಗಳಿವೆ. ಎರಡನೆಯ ಮಹಾಯುದ್ಧದ ನಂತರ, ವೃತ್ತಿಪರ ಲೀಗ್ ಗಳು ಹಲವಾರು ಲ್ಯಾಟಿನ್ ಅಮೆರಿಕನ್ ದೇಶಗಳಲ್ಲಿ ಸ್ಥಾಪನೆಗೊಂಡವು, ವಿಶೇಷವಾಗಿ ವೆನೆಝೂಯೆಲಾ (೧೯೪೬) ಮತ್ತು ದ ಡೊಮಿನಿಕನ್ ರಿಪಬ್ಲಿಕ್ (೧೯೫೫)ಗಳಲ್ಲಿ. ೧೯೭೦ನೆಯ ದಶಕದ ಮೊದಲಿನಿಂದಲೂ, ವಾರ್ಷಿಕ ಕೆರಿಬಿಯನ್ ಸರಣಿಯು ಲ್ಯಾಟಿನ್ ಅಮೆರಿಕದ ಚಳಿಗಾಲದ ಲೀಗ್ ನ ನಾಲ್ಕು ಪ್ರಮುಖ ಚಾಂಪಿಯನ್ ಷಿಪ್ ಕ್ಲಬ್ ಗಳಿಗೆ ಸರಿಸಮವಾಗಿದೆ; ಡೊಮಿನಿಕನ್ ವಿಂಟರ್ ಲೀಗ್, ಮೆಕ್ಸಿಕನ್ ಪೆಸಿಫಿಕ್ ಲೀಗ್, ಪ್ಯುಯೆರ್ಟೋ ರಿಕನ್ ಪ್ರೊಫೆಷನಲ್ ಬೇಸ್ ಬಾಲ್ ಲೀಗ್, ಮತ್ತು ವೆನೆಝೂಯೆಲನ್ ಪ್ರೊಫೆಷನಲ್ ಬೇಸ್ ಬಾಲ್ ಲೀಗ್. ಏಷ್ಯಾದಲ್ಲಿ, ದಕ್ಷಿಣ ಕೊರಿಯಾ (೧೯೮೨), ತೈವಾನ್ (೧೯೯೦), ಮತ್ತು ಚೀನಾ (೨೦೦೩)ದೇಶಗಳಲ್ಲಿ ವೃತ್ತಿಪರ ಲೀಗ್ ಗಳಿವೆ. ಹಲವಾರು ಯೂರೋಪಿಯನ್ ದೇಶಗಳೂ ಸಹ ವೃತ್ತಿಪರ ಲೀಗ್ ಗಳನ್ನು ಹೊಂದಿವೆ, ಡಚ್ ಲೀಗ್ ಅಲ್ಲದೆ ಬಹಳ ಯಶಸ್ವಿಯಾದ ಲೀಗ್ ಎಂದರೆ ೧೯೪೮ರಲ್ಲಿ ಸ್ಥಾಪನೆಯಾದ ಇಟಾಲಿಯನ್ ಲೀಗ್. ಏಷ್ಯಾ ಮತ್ತು ಲ್ಯಾಟಿನ್ ಅಮೆರಿಕದಲ್ಲಿರುವುದಕ್ಕೆ ಹೋಲಿಸಿದರೆ, ಯೂರೋಪ್ ನ ವಿವಿಧ ಲೀಗ್ ಗಳು ಮತ್ತು ಆಸ್ಟ್ರೇಲಿಯಾದಲ್ಲಿನ ಒಂದು ಅಸ್ತಿತ್ವವೊಂದನ್ನು ಬಿಟ್ಟರೆ ಇನ್ನಾವ ಹೆಗ್ಗಳಿಕೆಯನ್ನೂ ಹೊಂದಿಲ್ಲ. ೨೦೦೪ರಲ್ಲಿ ಆಸ್ಟ್ರೇಲಿಯಾ ಆಶ್ಚರ್ಯಕರವಾಗಿ ಒಲಿಂಪಿಕ್ ಕ್ರೀಡೆಗಳಲ್ಲಿ ಒಂದು ರಜತ ಪದಕವನ್ನು ಗೆದ್ದಿತು. ೨೦೦೭ರಲ್ಲಿ ಪ್ರಾರಂಭವಾದ ಇಸ್ರೇಲಿ ಬೇಸ್ ಬಾಲ್ ಲೀಗ್ ಒಂದು ಋತುವಿನ ನಂತರ ಇಲ್ಲವಾಯಿತು. ೧೯೫೩ರಲ್ಲಿ ಆರಂಭವಾದ ದ ಕಾಂಫೆಡೆರೇಷನ್ ಯೂರೋಪೀನೆ ಡಿ ಬೇಸ್ ಬಾಲ್ (ಯೂರೋಪಿಯನ್ ಬೇಸ್ ಬಾಲ್ ಕಾಂಪೆಡರೇಷನ್)ವಿವಿಧ ದೇಶಗಳ ಕ್ಲಬ್ ಗಳ ನಡುವೆ ಹಾಗೂ ದೇಶದ ತಂಡಗಳ ನಡುವೆ ಹಲವಾರು ಸ್ಪರ್ಧೆಗಳನ್ನು ಏರ್ಪಡಿಸುತ್ತದೆ. ರಾಷ್ಟ್ರೀಯ ತಂಡಗಳ ನಡುವೆ ನಡೆಯುವ ಇತರ ಸ್ಪರ್ಧೆಗಳಾದ ಬೇಸ್ ಬಾಲ್ ವಿಶ್ವ ಕಪ್ ಮತ್ತು ಒಲಿಂಪಿಕ್ ಬೇಸ್ ಬಾಲ್ ಟೂರ್ನಮೆಂಟ್ ಗಳನ್ನು ೧೯೩೮ರಲ್ಲಿ ಆರಂಭವಾದಂದಿನಿಂದಲೂ ಇಂಟರ್ನ್ಯಾಷನಲ್ ಬೇಸ್ ಬಾಲ್ ಫೆಡರೇಷನ್ (IBAF) ನಡೆಸಿಕೊಂಡು ಬರುತ್ತಿದೆ. ೨೦೦೯ರಲ್ಲಿ IBAF ೧೧೭ ಸದಸ್ಯ ದೇಶಗಳನ್ನು ಹೊಂದಿತ್ತು. ಎಲ್ಲೆಲ್ಲಿ ಅದು ಪುರುಷರ ಪ್ರಮುಖ ಕ್ರೀಡೆಯಾಗಿದೆಯೋ ಆ ದೇಶಗಳಲ್ಲೆಲ್ಲಾ (ಬಹುತೇಕ) ಮಹಿಳಾ ಬೇಸ್ ಬಾಲ್ ಹವ್ಯಾಸಿ ರೂಪದಲ್ಲಿ ವ್ಯವಸ್ಥೆ ಮಾಡಿ ಆಡಲಾಗುತ್ತದೆ. ೨೦೦೪ರಿಂದ ರಾಷ್ಟ್ರೀಯ ತಂಡಗಳನ್ನೊಳಗೊಂಡ ಮಹಿಳಾ ಬೇಸ್ ಬಾಲ್ ವಿಶ್ವ ಕಪ್ ಅನ್ನು IBAF ಮಂಜೂರು ಮಾಡಿದೆ. ಒಲಿಂಪಿಕ್ಸ್ ಗೆ 1992 ಗೇಮ್ಸ್ ಇಂದ ಪದಕ ಕ್ರೀಡೆಯಾಗಿ ಸೇರಿಸಲ್ಪಟ್ಟ ಬೇಸ್ ಬಾಲ್ ಅನ್ನು 2012ರ ಬೇಸಿಗೆ ಒಲಿಂಪಿಕ್ ಗೇಮ್ಸ್ ನಿಂದ ೨೦೦೫ರ ಇಂಟರ್ನ್ಯಾಷನಲ್ ಒಲಿಂಪಿಕ್ ಕಮಿಟಿ ಮೀಟಿಂಗ್ ನಲ್ಲಿ ಕೈಬಿಡಲಾಯಿತು. 2008 ಗೇಮ್ಸ್ ನ ಅಂಗವಾಗಿಯೇ ಇದ್ದಿತು ಬೇಸ್ ಬಾಲ್. ಬೇಸ್ ಬಾಲ್ ಅನ್ನು ಸಾಫ್ಟ್ ನಾಲ್ ನೊಂದಿಗೆ ೨೦೧೨ರ ಒಲಿಂಪಿಕ್ ನಿಂದ ಹೊರಹಾಕಿದುದರಿಂದ IOCಯು ಮತ್ತೆರಡು ಆಟಗಳನ್ನು ಸೇರಿಸುವ ಯೋಚನೆಯಿತ್ತಾದರೂ ಯಾವ ಕ್ರೀಡೆಯೂ ಸೇರಲು ಬೇಕಾದ ಓಟ್ ಗಳಿಸಲು ಸಮರ್ಥವಾಗಲಿಲ್ಲ. ವಿಶ್ವದಾದ್ಯಂತ ಈ ಕ್ರೀಡೆಯನ್ನು ವೀಕ್ಷಿಸುವುದು ಕಡಿಮೆಯಿರುವುದು ಒಂದು ಅಂಶವಾದರೆ, ಮೇಜರ್ ಲೀಗ್ ಬೇಸ್ ಬಾಲ್ ನವರು ಪಂದ್ಯಾವಧಿಯಲ್ಲಿ ಬಿಡುವು ತೆಗೆದುಕೊಂಡು ಆಟಗಾರರು, ನ್ಯಾಷನಲ್ ಹಾಕಿ ಲೀಗ್ ಮಾಡುವ ಹಾಗೆ, ಆಟಗಾರರನ್ನು ವಿಂಟರ್ ಒಲಿಂಪಿಕ್ ಗೇಮ್ಸ್ ನಲ್ಲಿ ಭಾಗವಹಿಸಲು ಒಪ್ಪಲು ಹಿಂಜರಿದದ್ದು ಪ್ರಮುಖ ಕಾರಣವಾಯಿತು. ಈ ರೀತಿ ಬಿಡುವು ಕೊಟ್ಟರೆ ಪಂದ್ಯಗಳು ಹೆಚ್ಚಿನ ಶೀತಲ ವಾತಾವರಣದಲ್ಲಿ ಆಡಬೇಕಾದುದರಿಮದ MLBಯು ಬಿಡುವು ನೀಡುವುದು ಹೆಚ್ಚು ತ್ರಾಸದಾಯಕವಾಗುತ್ತದೆ. 2012ರ ಸಮ್ಮರ್ ಒಲಿಂಪಿಕ್ಸ್ ಗೆ ಮರುಪ್ರವೇಶ ಕೋರಿ, IBAF ಸಂಕ್ಷೇಪಿತ ಸ್ಪರ್ಧೆಯನ್ನು, ಶ್ರೇಷ್ಠ ಆಟಗಾರರು ಭಾಗವಹಿಸಲು ಅನುಕೂಲಕರವಾದ ರೀತಿಯಲ್ಲಿ,ರಚಿಸಲು ಸೂಚಿಸಿತಾದರೂ ಈ ಯತ್ನವು ವಿಫಲವಾಯಿತು. ಮೇಜರ್ ಲೀಗ್ ಬೇಸ್ ಬಾಲ್, ಮೇಜರ್ ಲೀಗ್ ಋತುವಿಗೆ ಮುನ್ನ ಆಡಬೇಕೆಂದು ನಿಯೋಜಿಸಿದ ವಿಶ್ವ ಬೇಸ್ ಬಾಲ್ ಕ್ಲ್ಯಾಸಿಕ್ ಅನ್ನು ಆರಂಭಿಸಿ, ಉನ್ನತ ಮಟ್ಟದ ಅಂತರರಾಷ್ಟ್ರೀಯ ಟೂರ್ನಮೆಂಟ್ ಗೆ ಮುನ್ನ, ಭಾಗಶಃ ಬದಲಿ ವ್ಯವಸ್ಥೆಯಾಗಿ ಆರಂಬಿಸಲಾಯಿತು. ಮಾರ್ಚ್ ೨೦೦೬ರಲ್ಲಿ ಹಮ್ಮಿಕೊಂಡ ಇನಾಗುರಲ್ ಕ್ಲ್ಯಾಸಿಕ್ ಗಮನಾರ್ಹ ಸಂಖ್ಯೆಯಲ್ಲಿ MLB ಆಟಗಾರರು ಭಾಗವಹಿಸಿದ ರಾಷ್ಟ್ರೀಯ ತಂಡಗಳನ್ನು ಒಳಗೊಂಡ ಮೊದಲ ಟೂರ್ನಮೆಂಟ್ ಆಗಿತ್ತು.

ನಿಯಮಗಳು ಮತ್ತು ಕ್ರೀಡಾಸ್ವರೂಪ

ಕ್ರೀಡೆಯು ಒಂಬತ್ತು ಆಟಗಾರರನ್ನೊಳಗೊಂಡ ಎರಡು ತಂಡಗಳ ನಡುವೆ ನಡೆಯುತ್ತದೆ, ತಂಡಗಳು ಅಫೆನ್ಸ್ (ಬ್ಯಾಟಿಂಗ್ ಅಥವಾ ಹಿಟಿಂಗ್) ಮತ್ತು ಡಿಫೆನ್ಸ್ (ಫೀಲ್ಡಿಂಗ್ ಅಥವಾ ಪಿಚಿಂಗ್) ಕ್ರಮವಾಗಿ ಕೈಗೊಳ್ಳುತ್ತವೆ. ಪ್ರತಿ ತಂಡವೂ ಬ್ಯಾಟ್ ನಲ್ಲಿ ಒಮ್ಮೆ ಹಾಗೂ ಫೀಲ್ಡ್ ನಲ್ಲಿ ಒಮ್ಮೆ ಆಡುವಂತಹ ಜೋಡಿ ಕ್ರಿಯೆಗಳಿಗೆ ಒಂದು ಇನ್ನಿಂಗ್ ಎನ್ನುತ್ತಾರೆ; ಒಂದು ಪಂದ್ಯದಲ್ಲಿ ಇಂತಹ ಒಂಬತ್ತು ಇನ್ನಿಂಗ್ಸ್ ಇರುತ್ತವೆ. ಒಂದು ತಂಡವು - ಸಾಂಪ್ರದಾಯಿಕವಾಗಿ ಅತಿಥೇಯ ತಂಡವು - ಮೇಲೆ, ಎಂದರೆ ಪ್ರತಿ ಇನ್ನಿಂಗ್ ನ ಮೊದಲರ್ಧ ಭಾಗದಲ್ಲಿ, ಬ್ಯಾಟ್ ಮಾಡುತ್ತದೆ; ಇನ್ನೊಂದು ತಂಡವು - ಸಾಂಪ್ರದಾಯಿಕವಾಗಿ ಅತಿಥಿ ತಂಡವು - ಕೆಳಗೆ, ಎಂದರೆ ಪ್ರತಿ ಇನ್ನಿಂಗ್ ನ ಎರಡನೆಯ ಅರ್ಧಭಾಗದಲ್ಲಿ,ಬ್ಯಾಟ್ ಮಾಡುತ್ತದೆ. ಪಂದ್ಯದ ಉದ್ದೇಶವು ಒಂದು ತಂಡವು ಇನ್ನೊಂದು ತಂಡಕ್ಕಿಂತಲೂ ಹೆಚ್ಚು ರನ್ಸ್ ಅಥವಾ ಪಾಯಿಂಟ್ಸ್ ಗಳಿಸುವುದು/ಸ್ಕೋರ್ ಮಾಡುವುದೇ ಆಗಿರುತ್ತದೆ. ಬ್ಯಾಟಿಂಗ್ ತಂಡದವರು ಒಂದು ವೃತ್ತವನ್ನು ಮುಗಿಸಿ, ಎಂದರೆ ಚೌಕಾಕಾರದ ಬೇಸ್ ಬಾಲ್ ಡೈಮಂಡ್ ನ ನಾಲ್ಕು ಮೂಲೆಗಳಲ್ಲಿರುವ ನಾಲ್ಕೂ ಬೇಸ್ ಗಳನ್ನು ತಲುಪುವ ಓಟವನ್ನು ಮುಗಿಸುವುದರ ಮೂಲಕ ರನ್ ಗಳಿಸಲು ಯತ್ನಿಸುತ್ತ಻ರೆ. ಆಟಗಾರನು ಹೋಂಪ್ಲೇಟ್ ನಲ್ಲಿ ನಿಂತು ಆಡುತ್ತಾನೆ ಮತ್ತು ಅಪ್ರದಕ್ಷಿಣೆಯ ದಿಕ್ಕಿನಲ್ಲಿ ಸಾಗುತ್ತಾ ಮೊದಲಮ ಎರಡನೆಯ ಮತ್ತು ಮೂರನೆಯ ಬೇಸ್ ಗಳನ್ನು ದಾಟಿ ಹೋಂಗೆ ತಲುಪುವ ಮೂಲಕ ಒಂದು ರನ್ ಗಳಿಸುತ್ತಾನೆ. ಫೀಲ್ಡ್ ನಲ್ಲಿರುವ ತಂಡವು ಈ ರನ್ ಗಳಿಕೆಯನ್ನು ತಡೆಯಲು ಮತ್ತು ಪ್ರತಿಸ್ಪರ್ಧಿ ತಂಡದವರು ಅಫೆನ್ಸಿವ್ ಕ್ರಿಯೆಯಿಂದ, ಮತ್ತೆ ಅವರ ಬ್ಯಾಟಿಂಗ್ ಕ್ರಮಾಂಕ ಬರುವವರೆಗೂ, ಹೊರಹಾಕುವಂತಹ, ಔಟ್ ಗಳನ್ನು ದಾಖಲಿಸಲು ಯತ್ನಿಸುತ್ತದೆ.ಮೂರು ಔಟ್ ಗಳು ದಾಖಲಾದನಂತರ ತಂಡಗಳು ತಮ್ಮ ಮುಂದಿನ ಅರ್ಧ-ಇನ್ನಿಂಗ್ ಗಾಗಿ ಪಾತ್ರಗಳನ್ನು ಬದಲಾಯಿಸಿಕೊಳ್ಳುತ್ತವೆ ಒಂಬತ್ತು ಇನ್ನಿಂಗ್ಸ್ ಗಳ ನಂತರ ಎರಡೂ ತಂಡಗಳ ಸ್ಕೋರ್ ಸಮವಾಗಿದ್ದರೆ, ಫಲಿತಾಂಶವನ್ನು ಪಡೆಯಲು ಹೆಚ್ಚುವರಿ ಇನ್ನಿಂಗ್ಸ್ ಆಡಲಾಗುತ್ತದೆ. ಮಕ್ಕಳ ಪಂದ್ಯಗಳನ್ನು ಒಂಬತ್ತಕ್ಕಿಂತಲೂ ಕಡಿಮೆ ಇನ್ನಿಂಗ್ಸ್ ಗಳಿಗೆ ಸಾಮಾನ್ಯವಾಗಿ ಸೀಮಿತಗೊಳಿಸಲಾಗುತ್ತದೆ.

ಬೇಸ್‌ಬಾಲ್ 
ಬೇಸ್ ಬಾಲ್ ಮೈದಾನದ ನಕ್ಷೆ(ಡೈಮಂಡ್ ಎಂಬ ಪದವನ್ನು ನಾಲ್ಕು ಬೇಸ್ ಗಳ ಮಧ್ಯದ ಚೌಕಾಕಾರದ ಪ್ರದೇಶಕ್ಕೂ ಬಳಸಬಹುದು ಅಥವಾ ಇಡೀ ಆಟದ ಪ್ರದೇಶಕ್ಕೂ ಬಳಸಬಹುದು). ನೀಡಿರುವಂತಹ ಅಳತೆಗಳು ವೃತ್ತಿಪರ ಹಾಗೂ ವೃತ್ತಿಪರ-ಶೈಲಿಯ ಪಂದ್ಯಗಳಿಗೆಂದು ನೀಡಲಾಗಿದೆ; ಮಕ್ಕಳು ಸಾಮಾನ್ಯವಾಗಿ ಚಿಕ್ಕ ಮೈದಾನಗಳಲ್ಲಿ ಆಡುತ್ತಾರೆ.

ಈ ಕ್ರೀಡೆಯು ಹೋಂ ಪ್ಲೇಟ್ ನಿಂದ ಮುಂಭಾಗದ ದಿಕ್ಕಿನಲ್ಲಿ ೪೫-ಡಿಗ್ರಿ ಕೋನದಲ್ಲಿ ಪ್ರಧಾನ ಸೀಮಾರೇಖೆಗಳು, ಫೌಲ್ ರೇಖೆಗಳು ಇರುವಂತಹ ಮೈದಾನದಲ್ಲಿ ಆಡಲ್ಪಡುತ್ತದೆ. ಫೌಲ್ ರೇಖೆಗಳ ಮಧ್ಯೆ ಇರುವ ೯೦-ಡಿಗ್ರಿ ಕೋನದ ಪ್ರದೇಶವನ್ನು ಫೇಯ್ರ್ ಪ್ರದೇಶವೆಂದು ಕರೆಯುತ್ತಾರೆ; ಅದರಾಚೆಗಿನ ೨೭೦-ಡಿಗ್ರಿ ಪ್ರದೇಶವೇ ಫೌಲ್ ಪ್ರದೇಶ. ಬೇಸ್ ಗಳಿಂದ ಆವೃತವಾದ ಮತ್ತು ಅದರಿಂದ ಕೆಲವು ಗಜಗಳಷ್ಟು ದೂರದ ಮೈದಾನದ ಪ್ರದೇಶ ಇನ್ ಫೀಲ್ಡ್ (ಒಳಾಂಗಣ); ಒಳಾಂಗಣದಿಂದ ಹೊರಗಿರುವ ಆಚಿನ ಪ್ರದೇಶವೇ ಔಟ್ ಫೀಲ್ಡ್ (ಹೊರಾಂಗಣ). ಒಳಾಂಗಣದ ಮಧ್ಯಭಾಗದಲ್ಲಿ ಒಂದು ಎತ್ತರವಾದ ಪಿಚರ್ ನ ಜಗಲಿ, ಅದರ ಮಧ್ಯದಲ್ಲಿ ಒಂದು ಆಯತಾಕಾರದ ರಬ್ಬರ್ ಪ್ಲೇಟ್ (ದ ರಬ್ಬರ್) ಇದೆ. ಹೊರಾಂಗಣದ ಹೊರವಲಯದ ಸೀಮೆಯು ವಿಶೇಷವಾಗಿ ಎತ್ತರಿಸಿದ ಬೇಲಿ/ಗೋಡೆಯಿಂದ ಗುರುತಿಸಲಾಗಿದೆ; ಈ ಬೇಲಿ/ಗೋಡೆಯು ಯಾವುದೇ ವಸ್ತುವಿನದ್ದು ಹಾಗೂ ಎಷ್ಟೇ ಎತ್ತರದ್ದು ಆಗಿರಬಹುದು(ಹಲವಾರು ಹವ್ಯಾಸಿ ಪಂದ್ಯಗಳನ್ನು ಬೇಲಿ/ಗೋಡೆಗಳಿಲ್ಲದ ಮೈದಾನಗಳಲ್ಲಿಯೂ ಆಡುತ್ತಾರೆ). ಹೋಂ ಪ್ಲೇಟ್ ಮತ್ತು ಹೊರಾಂಗಣ ಸೀಮಾರೇಖೆಯ ನಡುವಣ ಫೇಯ್ರ್ ಪ್ರದೇಶವೇ ಬೇಸ್ ಬಾಲ್ ನ ಕ್ರೀಡಾ ಪ್ರದೇಶವಾಗಿದ್ದರೂ, ಕೆಲವೊಮ್ಮೆ ವಿಶಿಷ್ಟ ಪ್ರಸಂಗಗಳು ಫೌಲ್ ಪ್ರದೇಶದಲ್ಲೂ ಸಂಭವಿಸಬಹುದು. ಬೇಸ್ ಬಾಲ್ ನಲ್ಲಿ ಪ್ರಮುಖವಾಗಿ ಮೂರು ಉಪಕರಣಗಳಿವೆ; ಚೆಂಡು, ಬ್ಯಾಟ್ (ದಾಂಡು) ಮತ್ತು ಗವುಸು ಅಥವಾ ಮಿಟ್:

  • ಬೇಸ್ ಬಾಲ್ ಒಬ್ಬ ವಯಸ್ಕನ ಮುಷ್ಠಿಯ ಅಳತೆಯಷ್ಟಿರುತ್ತದೆ, ಸುಮಾರು ೯ ಅಂಗುಲ (೨೩ ಸೆಂಟಿಮೀಟರ್ ಗಳು) ಸುತ್ತಳತೆಯಿರುತ್ತದೆ. ಅದರ ಮಧ್ಯಭಾಗವು ರಬ್ಬರ್ ಅಥವಾ ಕಾರ್ಕ್ ನದಾಗಿದ್ದು, ದಾರದಲ್ಲಿ ಸುತ್ತಲ್ಪಟ್ಟಿರುತ್ತದೆ ಮತ್ತು ಬಿಳಿಯ ಹಸುವಿನ ಚರ್ಮದಲ್ಲಿಟ್ಟು ಅದಕ್ಕೆ ಕೆಂಪನೆಯ ಹೊಲಿಗೆ ಹಾಕಿರುತ್ತದೆ.
  • ಬ್ಯಾಟ್ ಒಂದು ಹೊಡೆಯುವ ಸಾಧನವಾಗಿದ್ದು, ಸಾಂಪ್ರದಾಯಿಕವಾಗಿ ಒಂದು ಘನವಾದ ಮರದ ತುಂಡಿನಿಂದ ಮಾಡಲ್ಪಟ್ಟಿರುತ್ತದೆ; ವೃತ್ತಿಯೇತರ ಪಂದ್ಯಗಳಲ್ಲಿ ಇತರ ವಸ್ತುಗಳಿಂದ ತಯಾರಿಸಿದಂತಹ ಬ್ಯಾಟ್ ಗಳನ್ನು ಬಳಸುವುದು ಈಗ ವಾಡಿಕೆಯಲ್ಲಿದೆ. ಅದು ಒಂದು ಘಟ್ಟಿಯಾದ ದುಂಡನೆಯ ಕೋಲಾಗಿದ್ದು, ೨.೫ ಅಂಗುಲಗಳ ( ೬.೪ ಸೆಂಟಿಮೀಟರ್ ಗಳು) ಅಳತೆಯನ್ನು ಹೊಡೆಯುವ ತುದಿಯಲ್ಲಿ ಹೊಂದಿರುತ್ತದೆ, ಹಿಡಿಯತ್ತ ಬರುಬರುತ್ತಾ ಸಣ್ಣದಾಗುತ್ತದೆ ಮತ್ತು ಒಂದು ಹಿಡಿಕೆಯಲ್ಲಿ ಪರಿಸಮಾಪ್ತಿಯಾಗುತ್ತದೆ. ವಯಸ್ಕರು ಬಳಸುವ ಬ್ಯಾಟ್ ಗಳು ವಿಶೇಷತಃ ೩೪ ಅಂಗುಲ (೮೬ ಸೆಂಟಿಮೀಟರ್ ಗಳು) ಉದ್ದವಿರುತ್ತವೆ ಮತ್ತು ೪೨ ಅಂಗುಲಗಳಿಗಿಂಗಲೂ (೧೦೬ ಸೆಂಟಿಮೀಟರ್ ಗಳು) ಕಡಿಮೆ ಉದ್ದವಿರುತ್ತವೆ.
  • ಗವುಸು ಅಥವಾ ಮಿಟ್ (ಕೈಚೀಲ) ಕ್ಷೇತ್ರರಕ್ಷಣೆಯ ಸಾಧನವಾಗಿದ್ದು, ಮೆತ್ತೆಭರಿತ ಚರ್ಮದಿಂದ ತಯಾರಿಸಿದ್ದು, ಬೆರಳುಗಳ ಮಧ್ಯೆ ಪರೆ ಹೊಂದಿರುತ್ತದೆ. ಕ್ಯಾಚ್ ಹಿಡಿಯಲು ಮತ್ತು ಬಾಲ್ ಅನ್ನು ಜಾರದಂತೆ ಹಿಡಿದುಕೊಳ್ಳಲು, ನಿರ್ದಿಷ್ಟ ಕ್ಷೇತ್ರರಕ್ಷಣಾ ಸ್ಥಳಗಳಿಗೆ ಅನುಗುಣವಾಗಿ ಅದು ವಿವಿಧ ಆಕಾರಗಳನ್ನು ಪಡೆಯುತ್ತದೆ.

ರಕ್ಷಾ ಶಿರಸ್ತ್ರಾಣಗಳನ್ನು ಸಹ ಎಲ್ಲಾ ಬ್ಯಾಟರ್ ಗಳಿಗೂ ಸಾಮಾನ್ಯ ಪರಿಕರವಾಗಿ ನೀಡಲಾಗುತ್ತದೆ. ಪ್ರತಿ ಅರ್ಧ-ಇನ್ನಿಂಗ್ ನ ಆರಂಭದಲ್ಲಿ, ಕ್ಷೇತ್ರರಕ್ಷಣಾದ ತಂಡದ ಒಂಬತ್ತು ಆಟಗಾರರು ಮೈದಾನದಲ್ಲಿ ತಾವೇ ವ್ಯವಸ್ಥಿತಗೊಳಿಸಿಕೊಳ್ಳುತ್ತಾರೆ. ಅವರಲ್ಲೊಬ್ಬನಾದ ಪಿಚರ್ ಪಿಚರ್ ನ ದಿಣ್ಣೆ (ಪಿಚರ್ಸ್ ಮೌಂಡ್) ಮೇಲೆ ನಿಂತುಕೊಳ್ಳುತ್ತಾನೆ; ಪಿಚರ್ ಪಿಚ್ ಮಾಡಬೇಕಾದ ಎಸೆತವನ್ನು ರಬ್ಬರ್ ಮೇಲೆ ಒಂದು ಕಾಲಿರಿಸಿಕೊಂಡು, ಒತ್ತಿ ಮುಂದುವರಿಯುತ್ತಾ ಹೋಂ ಪ್ಲೇಟ್ ಕಡೆಗೆ ಎಸೆಯಲು ಬೇಕಾದ ವೇಗವನ್ನು ಪಡೆದುಕೊಳ್ಳುತ್ತಾನೆ. ಮತ್ತೊಬ್ಬ ಆಟಗಾರನಾದ ಕ್ಯಾಚರ್ (ಹಿಡಿಯುವವನು), ಹೋಂ ಪ್ಲೇಟ್ ನ ದೂರದ ಪಾರ್ಶ್ವದಲ್ಲಿ, ಪಿಚರ್ ಗೆ ಅಭಿಮುಖವಾಗಿ ಕುಕ್ಕರುಗಾಲಿನಲ್ಲಿ ಕೂರುತ್ತಾನೆ. ತಂಡದ ಇತರ ಆಟಗಾರರೆಲ್ಲರೂ ಹೋಮ್ ಪ್ಲೇಟ್ ನತ್ತ ತಿರುಗಿ ನಿಲ್ಲುತ್ತಾರೆ ಹಾಗೂ ಅವರನ್ನು ಕ್ರಮಶಃ ನಾಲ್ಕು ಒಳಾಂಗಣ ಕ್ಷೇತ್ರರಕ್ಷಕರಾಗಿ - ಈ ನಾಲ್ವರು ಮೊದಲ, ಎರಡನೆಯ ಮತ್ತು ಮೂರನೆಯ ಬೇಸ್ ಗಳ ನಡುವಿನ ಕಾಲ್ಪನಿಕ ರೇಖೆಗಳ ಗುಂಟ ಅಥವಾ ಅದರಿಂದ ಕೆಲವು ಗಜಗಳಷ್ಟು ಹೊರಗೆ ಇರುತ್ತಾರೆ - ಮತ್ತು ಮೂರು ಹೊರಾಂಗಣ ಕ್ಷೇತ್ರರಕ್ಷಕರಾಗಿ ನಿಲ್ಲಿಸಿರುತ್ತಾರೆ. ಸಾಮಾನ್ಯ ಕ್ರಮದಲ್ಲಿ ಒಬ್ಬ ಮೊದಲ ಬೇಸ್ ಮನ್ ಮೊದಲ ಬೇಸ್ ನಿಂದ ಕೆಲವು ಹೆಜ್ಜೆಗಳಷ್ಟು ಎಡಕ್ಕೆ ನಿಂತಿರುತ್ತಾನೆ, ಎರಡನೆಯ ಬೇಸ್ ಮನ್ ಎರಡನೆಯ ಬೇಸ್ ನ ಬಲಕ್ಕೆ ನಿಂತಿರುತ್ತಾನೆ, ಶಾರ್ಟ್ ಸ್ಟಾಪ್ ಒಬ್ಬನು ಎರಡನೆಯ ಬೇಸ್ ನ ಎಡಕ್ಕೆ ಮತ್ತು ಒಬ್ಬ ಮೂರನೆಯ ಬೇಸ್ ಮನ್ ಮೂರನೆಯ ಬೇಸ್ ನ ಬಲಕ್ಕೆ ನಿಂತಿರುತ್ತಾರೆ. ಬೇಸ್ ಹೊರಾಂಗಣ ಸ್ಥಳಗಳೆಂದರೆ ಎಡ ಫೀಲ್ಡರ್, ಕೇಂದ್ರ ಫೀಲ್ಡರ್ ಮತ್ತು ಬಲ ಫೀಲ್ಡರ್. ಒಬ್ಬ ತಟಸ್ಥ ಅಂಪೈರ್ ಕ್ಯಾಚರ್ ನ ಹಿಂಭಾಗದಲ್ಲಿ ನಿಲ್ಲುತ್ತಾನೆ.

ಬೇಸ್‌ಬಾಲ್ 
ಪಿಟ್ ಗಾಗಿ ಕಾಯುತ್ತಾ: ಬ್ಯಾಟರ್, ಕ್ಯಾಚರ್ ಮತ್ತು ಅಂಪೈರ್

ಕ್ರೀಡೆಯು ಬ್ಯಾಟರ್ ಹೋಂ ಪ್ಲೇಟ್ ನಲ್ಲಿ ಬ್ಯಾಟ್ ಹಿಡಿದು ನಿಲ್ಲುವುದರ ಮೂಲಕ ಆರಂಭವಾಗುತ್ತದೆ. ಬ್ಯಾಟರ್ ಪಿಚರ್ ಒಂದು ಪಿಚ್(ಚೆಂಡು)ಅನ್ನು ಹೋಂ ಪ್ಲೇಟ್ ನತ್ತ ಬೀಸುವುದಕ್ಕೆ ಕಾಯುತ್ತಾನೆ ಮತ್ತು ಆ ಚೆಂಡನ್ನು ಬ್ಯಾಟ್ ನಿಂದ ಬಾರಿಸಲು ಯತ್ನಿಸುತ್ತಾನೆ. ಬ್ಯಾಟರ್ ಬಾರಿಸುವುದು ಬೇಡವೆಂದು ಬಿಟ್ಟ ಅಥವಾ ಬಾರಿಸಲು ಚೆಂಡು ಬ್ಯಾಟ್ ಗೆ ಸಿಗದ ಕಾರಣದಿಂದ ಕೈ(ಬ್ಯಾಟ್)ತಪ್ಪಿದ ಚೆಂಡನ್ನು ಕ್ಯಾಚರ್ ಹಿಡಿಯುತ್ತಾನೆ ಮತ್ತು ಪಿಚರ್ ಗೆ ಮರಳಿಸುತ್ತಾನೆ. ಚೆಂಡನ್ನು ಆಟದ ಕ್ಷೇತ್ರದತ್ತ ಹೊಡೆದ ಬ್ಯಾಟರ್ ಬ್ಯಾಟನ್ನು ಕೆಳಗೆ ಹಾಕಿ ಮೊದಲ ಬೇಸ್ ನತ್ತ ಓಡತೊಡಗಬೇಕು, ಈ ಸಮಯದಲ್ಲಿ ಬ್ಯಾಟರ್ ಅನ್ನು ರನ್ನರ್ (ಅಥವಾ, ಆಟ ಮುಗಿಯುವವರೆಗೂ ಬ್ಯಾಟರ್-ರನ್ನರ್ ) ಎಂದು ಕರೆಯುತ್ತಾರೆ. ಪುಟ್ ಔಟ್ ಆಗದೆ ಮೊದಲ ಬೇಸ್ ಅನ್ನು ತೊಉಪಿದ ಬ್ಯಾಟರ್-ರನ್ನರ್(ಕೆಳಗೆ ನೋಡಿ) ಸೇಫ್ ಎಂದು ಪರಿಗಣಿಸಲಾಗುತ್ತಾನೆ ಮತ್ತು ಈಗ ಬೇಸ್ ನಲ್ಲಿದ್ದಾನೆ. ಬ್ಯಾಟರ್-ರನ್ನರ್ ನು ಮೊದಲ ಬೇಸ್ ನಲ್ಲಿಯೇ ಇರಲು ಆಯ್ಕೆ ಮಾಡಬಹುದು ಅಥವಾ ಎರಡನೆಯ ಬೇಸ್ ಅಥವಾ ಅಲ್ಲಿಂದಲೂ ಆಚೆಗೆ, ತಾನು ಎಷ್ಟು ದೂರ ಸುರಕ್ಷಿತವಾಗಿ ಹೋಗಲು ಸಾಧ್ಯವೆನಿಸುವುದೋ ಅಷ್ಟು ದೂರ, ಓಡಬಹುದು. ಫೀಲ್ಡರ್ ನು ಸರಿಯಾಗಿ ಆಡಿಯೂ ಬ್ಯಾಟರ್ ಬೇಸ್ ಅನ್ನು ತಲುಪಿದರೆ ಒಂದು ಹಿಟ್(ಹೊಡೆತ/ರನ್) ದಾಖಲಿಸಲಾಗುತ್ತದೆ. ಹಿಟ್ ಮಾಡಿದ ಆಟಗಾರ ಮೊದಲ ಬೇಸ್ ತಲುಪಿದರೆ ಸಿಂಗಲ್ (ಒಂದು ರನ್) ನೀಡಲಾಗುತ್ತದೆ. ಎರಡನೆಯ ಬೇಸ್ ತಲುಪಿದರೆ ಡಬಲ್; ಮೂರನೆಯ ಬೇಸ್ ತಲುಪಿದರೆ ಟ್ರಿಪಲ್. ಚೆಂಡನ್ನು ಗಾಳಿಯಲ್ಲಿ ಇಡೀ ಹೊರಾಂಗಣದ ಮೇಲೆ ಫೌಲ್ ರೇಖೆಗಳನ್ನು ದಾಟುವಂತೆ ಹೊಡೆದರೆ (ಮತ್ತು ಹೊರಾಂಗಣದ ಗೋಡೆ ದಾಟುವಂತೆ, ಗೋಡೆ ಇದ್ದಲ್ಲಿ)ಅದು ಒಂದು ಹೋಂ ರನ್:ಬ್ಯಾಟರ್ ಹಾಗೂ ಯಾವುದೇ ಬೇಸ್ ನಲ್ಲಿರುವ ರನ್ನರ್ ಯಾವುದೇ ಬೇಸ್ ನಲ್ಲಿ ತಡೆಯಿಲ್ಲದೆ ಓಡಬಹುದು, ಪ್ರತಿ ಓಟಕ್ಕೂ ಒಂದು ರನ್ ದೊರಕುತ್ತದೆ. ಇದೇ ಬ್ಯಾಟರ್ ಬಹಳವಾಗಿ ಬಯಸುವ ಫಲಿತಾಂಶ. ಫೀಲ್ಡಿಂಗ್ ತಪ್ಪಿನಿಂದ ಬೇಸ್ ತಲುಪಿದ ಬ್ಯಾಟರ್ ಗೆ ಹಿಟ್ ನೀಡಲಾಗುವುದಿಲ್ಲ - ಬದಲಿಗೆ ತಪ್ಪು ಮಾಡಿದ ಫೀಲ್ಡರ್ ನ ವಿರುದ್ಧ ಒಂದು ದೋಷ (ಎರರ್) ಆರೋಪಿತವಾಗುತ್ತದೆ. ಬೇಸ್ ನಲ್ಲಿ ಆಗಲೇ ಇರುವ ಯಾವುದೇ ರನ್ನರ್ ಬಾರಿಸಲ್ಪಟ್ಟ ಚೆಂಡುಗಳು ಲ್ಯಾಂಡ್ ಆದಾಗ ಅಥವಾ ಫೇಯ್ರ್ ಪ್ರದೇಶದಲ್ಲಿ ಭೂಮಿಯನ್ನು ಮುಟ್ಟಿದಾಗ, ಹಾಗೂ ಚೆಂದು ಲ್ಯಾಂಡ್ ಆಗುವ ಮೊದಲು ಅಥವಾ ನಂತರ, ಮುಂದೋಡಲು ಯತ್ನಿಸಬೇಕು; ಮೊದಲ ಬೇಸ್ ನಲ್ಲಿರುವವನು ಚೆಂಡು ಕ್ರೀಡಾಕ್ಷೇತ್ರದಲ್ಲಿ ಬಿದ್ದಾಕ್ಷಣ ಖಂಡಿತ ಓಡಲು ಯತ್ನಿಸಲೇಬೇಕು. ಕ್ಷೇತ್ರದಲ್ಲಿ ಹೊಡೆದ ಚೆಂಡು ಒಳಾಂಗಣ ದಾಟುವ ಮುನ್ನವೇ ಫೌಲ್ ಆಗಿ ಉರುಳಿದರೆ, ಅದು ಡೆಡ್ ಆಗುತ್ತದೆ ಮತ್ತು ಆಟ ಶುರುವಾದಾಗ ತಾವಿದ್ದ ಜಾಗಕ್ಕೆ ರನ್ನರ್ ಗಳು ಮರಳಬೇಕಾಗುತ್ತದೆ. ಚೆಂದು ಗಾಳಿಯಲ್ಲಿ ಹೊಡೆಯಲ್ಪಟ್ಟು, ಭೂಮಿ ತಲುಪುವ ಮುನ್ನ ಹಿಡಿಯಲ್ಪಟ್ಟರೆ ಬ್ಯಾಟರ್ ಫ್ಲೈಡ್ ಔಟ್ ಆಗುತ್ತಾನೆ ಮತ್ತು ಬೇಸ್ ನಲ್ಲಿರುವ ಯಾವುದೇ ರನ್ನರ್ ಟ್ಯಾಗ್ ಅಪ್ ಆದರೆ ಮಾತ್ರ ಮುಂದೋಡಲು ಯತ್ನಿಸಬಹುದು ಅಥವಾ, ಚೆಂಡನ್ನು ಹಿಡಿದಾಗ ಅಥವಾ ಹಿಡಿದ ನಂತರ, ಆಟ ಶುರುವಾದಾಗ ಅವರಿದ್ದ ಬೇಸ್ ತಲುಪಬಹುದು. ಪಿಚರ್ ಚೆಂಡನ್ನು ಹೋಂ ಪ್ಲೇಟ್ ನತ್ತ ಎಸೆಯಲಿ ಯತ್ನಿಸುತ್ತಿರವಾಗಲೂ ರನ್ನರ್ ಗಳು ಮುಂದಿನ ಬೇಸ್ ನತ್ತ ಓಡಲು ಯತ್ನಿಸಬಹುದು - ಇಂತಹ ಯಶಸ್ವಿ ಯತ್ನವನ್ನು ಸ್ಟೋಲನ್ ಬೇಸ್ ಎಂದು ಕರೆಯುತ್ತಾರೆ. ಕ್ರೀಡಾಕ್ಷೇತ್ರದತ್ತ ಹೊಡೆಯದ ಪಿಚ್ ಅನ್ನು ಸ್ಟ್ರೈಕ್ ಅಥವಾ ಬಾಲ್ ಎಂದು ಕರೆಯುತ್ತಾರೆ. ಯಾವ ಬ್ಯಾಟರ್ ವಿರುದ್ಧ ಮೂರು ಸ್ಟ್ರೈಕ್ ಗಳು ದಾಖಲಾಗುತ್ತವೋ ಅವನು ಸ್ಟ್ರೈಕ್ ಔಟ್ ಆಗುತ್ತಾನೆ. ಯಾವ ಬ್ಯಾಟರ್ ನ ವಿರುದ್ಧ ನಾಲ್ಕು ಬಾಲ್ ಗಳು ದಾಖಲಾಗುತ್ತವೋ ಅವನಿಗೆ ಬೇಸ್ ಆನ್ ಬಾಲ್ಸ್ ಅಥವಾ ವಾಕ್, ಎಂದರೆ ಮೊದಲ ಬೇಸ್ ನತ್ತ ತಡೆಯಿಲ್ಲದ ಮುನ್ನಡೆ, ನೀಡಲಾಗುತ್ತದೆ. (ಬ್ಯಾಟರ್ ನ ದೇಹದ ಯಾವುದೇ ಭಾಗ ಅಥವಾ ಸಮವಸ್ತ್ರಕ್ಕೆ ಬ್ಯಾಟರ್ ಅದರತ್ತ ಬ್ಯಾಟ್ ಬೀಸುವ ಮುನ್ನ ಅಥವಾ ಅದು ನೆಲವನ್ನು ಪಿಚ್ ಮಾಡಿದ ಚೆಂಡು ಮುಟ್ಟಿದಾಗ ಬ್ಯಾಟರ್ ತಡೆಯಿಲ್ಲದೆ ಮೊದಲ ಬೇಸ್ ನತ್ತ ಸಾಗಬಹುದು.) ಬಾಲ್ಸ್ ಮತ್ತು ಸ್ಟ್ರೈಕ್ ಗಳನ್ನು ನಿರ್ಧರಿಸುವುದಕ್ಕೆ ಅಂಪೈರ್ ಪಿಚ್ ಸ್ಟ್ರೈಕ್ ಝೋನ್ ಹಾದುಹೋಯಿತೋ ಇಲ್ಲವೋ ಎಂದು ನಿರ್ಣಯ ನೀಡುವುದು ಅತ್ಯವಶ್ಯ; ಬ್ಯಾಟರ್ ನ ಭುಜಗಳ ನಡುವಿನ ಕೇಂದ್ರ ಮತ್ತು ಬೆಲ್ಟ್ ಹಾಗೂ ಮಂಡಿಯ ಕುಳಿಯವರೆಗಿನ, ಹೋಂ ಪ್ಲೇಟ್ ಮೇಲಿನ ಒಂದು ಕಲ್ಪಿತ ಪ್ರದೇಶವನ್ನು ಸ್ಟ್ರೈಕ್ ಝೋನ್ ಎಂದು ಕರೆಯಲಾಗುತ್ತದೆ. ಈ ಕೆಳಕಂಡವುಗಳಲ್ಲಿ ಯಾವುದಾದರೊಂದು ಸಂಭವಿಸಿದರೂ ಸ್ಟ್ರೈಕ್ ಎಂದು ಘೋಷಿಸಲಾಗುತ್ತದೆ:

  • ಬ್ಯಾಟರ್ ಉತ್ತಮವಾಗಿ ಪಿಚ್ ಆದ ಚೆಂಡನ್ನು (ಸ್ಟ್ರೈಕ್ ಝೋನ್ (ಹೊಡೆಯಲಾಗುವಂತಹ ಪರಿಧಿಯಲ್ಲಿನದು)ಕ್ಯಾಚರ್ ಗೆ ತಲುಪಲು ಬಿಟ್ಟಾಗ.
  • ಬ್ಯಾಟರ್ ಬಾಲ್ ನತ್ತ ಬ್ಯಾಟ್ ಬೀಸಿ (ಸ್ಟ್ರೈಕ್ ಝೋನ್ ಗಿಂತಲೂ ಹೊರಗಿರುವುದನ್ನೂ ಸಹ)ಚೆಂಡನ್ನು ಮುಟ್ಟಲಾಗದಿದ್ದಾಗ.
  • ಬ್ಯಾಟರ್ ಫೌಲ್ ಬಾಲ್ ಹೊಡೆಯುತ್ತಾನೆ - ಮೊದಲಿಗೆ ಫೌಲ್ ಪ್ರದೇಶದಲ್ಲಿ ಬೀಳುವ ಅಥವಾ ಮೊದಲಿಗೆ ಡೈಮಂಡ್ ನಲ್ಲಿ ಬಿದ್ದರೂ ಮೊದಲ ಅಥವಾ ಮೂರನೆಯ ಬೇಸ್ ದಾಟುವ ಮುನ್ನ ಫೌಲ್ ಪ್ರದೇಶಕ್ಕೆ ಸರಿಯುವ ಚೆಂಡು. ಆಗಲೇ ಬ್ಯಾಟರ್ ವಿರುದ್ಧ ಎರಡು ಸ್ಟ್ರೈಕ್ ಗಳಾಗಿದ್ದರೆ, ಫೌಲ್ ಬಾಲನ್ನು ಮೂರನೆಯ ಸ್ಟ್ರೈಕ್ ಎಂದು ಪರಿಗಣಿಸಲಾಗುವುದಿಲ್ಲ; ಆದ್ದರಿಂದ ಫೌಲ್ ಬಾಲ್ ಬ್ಯಾಟರ್ ಅನ್ನು ತಕ್ಷಣ ಸ್ಟ್ರೈಕ್ ಔಟ್ ಮಾಡಲು ಸಾಧ್ಯವಾಗುವುದಿಲ್ಲ. (ಈ ಹೊರತಾದುದಕ್ಕೊಂದು ಹೊರತಿದೆ: ಎರಡು-ಸ್ಟ್ರೈಕ್ ಫೌಲ್ ಬಂಟ್ ಅನ್ನು ಮೂರನೆಯ ಸ್ಟ್ರೈಕ್ ಎಂದು ದಾಖಲಿಸಲಾಗುತ್ತದೆ.)

ಪಿಚರ್ ಸ್ಟ್ರೈಕ್ ಝೋನ್ ನ ಹೊರಗೆ ಚೆಂಡನ್ನು ಎಸೆದಾಗ, ಅದರತ್ತ ಬ್ಯಾಟರ್ ಬ್ಯಾಟ್ ಬೀಸದೆ ಇದ್ದಾಗ, ಅದನ್ನು ಬಾಲ್ ಎಂದು ಕರೆಯಲಾಗುತ್ತದೆ.

ಬೇಸ್‌ಬಾಲ್ 
ತಲೆಮುಂದೆ ಹಾಕಿಕೊಂಡು ಜಾರಿ ಎರಡನೆಯ ಬೇಸ್ ತಲುಪಲು ಯತ್ನಿಸುತ್ತಿರುವ ರನ್ನರ್ ನನ್ನು ಟ್ಯಾಗ್ ಔಟ್ ಮಾಡಲು ಪ್ರಯತ್ನಿಸುತ್ತಿರುವ ಷಾರ್ಟ್ ಸ್ಟಾಪ್.

ಬ್ಯಾಟ್ ಮಾಡುವ ತಂಡವು ರನ್ ಗಳಿಸಲು ಯತ್ನಿಸುತ್ತಿರುವಾಗ, ಫೀಲ್ಡ್ ನಲ್ಲಿರುವ ತಂಡವು ಔಟ್ ಗಳನ್ನು ದಾಖಲಿಸಲು ಯತ್ನಿಸುತ್ತಿರುತ್ತದೆ. ಬ್ಯಾಟಿಂಗ್ ತಂಡದ ಆಟಗಾರನನ್ನು ಪುಟ್ ಔಟ್ ಮಾಡಲು ಇರುವ ಹಲವಾರು ವಿಧಗಳಲ್ಲಿ, ಐದು ಸಾಮಾನ್ಯವಾದವೆಂದರೆ:

  • ಸ್ಟ್ರೈಕ್ ಔಟ್: ಮೇಲೆ ವರ್ಣಿಸಿರುವಂತೆ, ಬ್ಯಾಟರ್ ಚೆಂಡನ್ನು ಕ್ಷೇತ್ರದತ್ತ ಬಾರಿಸುವ ಮುನ್ನ ಮೂರು ಸ್ಟ್ರೈಕ್ ಗಳನ್ನು ಮಾಡಿದರೆ ಅಥವಾ ಮೊದಲ ಬೇಸ್ ಗೆ ತಡೆಯಿರದೆ ಸಾಗಲು ಬಿಟ್ಟರೆ, ಇದು ಬ್ಯಾಟರ್ ವಿರುದ್ಧ ದಾಖಲಾಗುತ್ತದೆ.
  • ಫ್ಲೈಔಟ್: ಮೇಲೆ ವರ್ಣಿಸಿದಂತೆ, ಬ್ಯಾಟರ್ ಚೆಂಡನ್ನು ಗಾಳಿಯಲ್ಲಿ ಹೊಡೆದಾಗ, ಅದು ಫೇಯ್ರ್ ಪ್ರದೇಶದಲ್ಲಾಗಲಿ, ಫೌಲ್ ಪ್ರದೇಶದಲ್ಲಾಗಲಿ,ನೆಲಕ್ಕೆ ಬೀಳುವ ಮುನ್ನ, ಬ್ಯಾಟರ್ ರನ್ ಓಡಿರಲಿ, ಓಡಿಲ್ಲದಿರಲಿ, ಫೀಲ್ಡರ್ (ಕ್ಷೇತ್ರರಕ್ಷಕ) ಅದನ್ನು ಹಿಡಿದಾಗ ಬ್ಯಾಟರ್ ವಿರುದ್ಧ ದಾಖಲಾಗುತ್ತದೆ.
  • ಗ್ರೌಂಡ್ ಔಟ್:ಬ್ಯಾಟರ್ ಚೆಂಡನ್ನು ಫೇಯ್ರ್ ಪ್ರದೇಶಕ್ಕೆ ಹೊಡೆದು, ಬ್ಯಾಟರ್-ರನ್ನರ್ ಮೊದಲ ಬೇಸ್ ತಲುಪುವ ಮುನ್ನವೇ, ಚೆಂಡನ್ನು ಹಿಡಿದ ಫೀಲ್ಡರ್ ಚೆಂಡನ್ನು ಕೈಯಲ್ಲಿ ಹಿಡಿದು ಮೊದಲ ಬೇಸ್ ಮುಟ್ಟಿದರೆ ಅಥವಾ ಇನ್ನೊಬ್ಬ ಫೀಲ್ಡರ್ ಗೆ ಚೆಂಡನ್ನು ನೀಡಿ, ಆ ಫೀಲ್ಡರ್ ಮೊದಲ ಬೇಸ್ ಅನ್ನು ಚೆಂಡಿನ ಸಮೇತ ತಲುಪಿದರೆ, ಈ ಔಟ್ ಬ್ಯಾಟರ್ ನ ವಿರುದ್ಧ (ಈ ವಿಧದಲ್ಲಿ, ಬ್ಯಾಟರ್-ರನ್ನರ್ ನ ವಿರುದ್ಧ) ದಾಖಲಾಗುತ್ತದೆ.
  • ಫೋರ್ಸ್ ಔಟ್: ಮುಂದುವರಿಯಲು ಯತ್ನಿಸುವ ರನ್ನರ್ ವಿರುದ್ಧ ದಾಖಲಾಗುವಂಹುದು - ರನ್ನರ್ ಮೊದಲ ಬೇಸ್ ನಲ್ಲಿದ್ದು, ಹೊಡೆದ ಚೆಂಡು ಫೇಯ್ರ್ ಪ್ರದೇಶದಲ್ಲಿ ಬಿದ್ದುದರಿಂದಲೋ, ಅಥವಾ ಬೇಸ್ ಪಾಥ್ ನಲ್ಲಿ ಆ ಕ್ಷಣದಲ್ಲಿ ಹಿಂದಿರುವ ರನ್ನರ್ ಮುಂದುವರಿಯುವ ಅಗತ್ಯವಿರುವುದರಿಂದಲೋ - ಆದರೆ ಫೀಲ್ಡರ್ ಚೆಂಡಿನ ಸಮೇತ ಬೇಸ್ ಮುಟ್ಟುವ ಮುನ್ನ ರನ್ನರ್ ತಲುಪಲಾಗದಿದ್ದಾಗ. ಗ್ರೌಂಡ್ ಔಟ್ ತಾಂತ್ರಿಕವಾಗಿ ಫೋರ್ಸ್ ಔಟ್ ನ ಒಂದು ವಿಶೇಷ ವಿಧಿ.
  • ಟ್ಯಾಗ್ ಔಟ್: ರನ್ನರ್ ನನ್ನು ಚೆಂಡು ಹಿಡಿದಿರುವ ಫೀಲ್ಡರ್ ಅಥವಾ ಗವುಸಿನಲ್ಲಿ ಚೆಂಡು ಹಿಡಿದಿರುವವನು ಮುಟ್ಟಿದಾಗ ರನ್ನರ್ ಬೇಸ್ ಮುಟ್ಟಿರದಿದ್ದಾಗ ಈ ರೀತಿ ಔಟ್ ಆಗುತ್ತಾನೆ.

ಒಂದೇ ವೇಳೆಯಲ್ಲಿ ಎರಡು ಔಟ್ ಗಳನ್ನು ದಾಖಲಿಸುವುದು ಸಾಧ್ಯ - ಒಂದು ಡಬಲ್ ಪ್ಲೇ; ಮೂರೂ ಸಹ - ಒಂದು ಟ್ರಿಪಲ್ ಪ್ಲೇ - ಆದರೆ ಇದು ಬಹಳ ಅಪರೂಪ. ಪುಟ್ ಔಟ್ ಆದ ಅಥವಾ ನಿವೃತ್ರಾದ ಆಟಗಾರರು ಮೈದಾನದಿಂದ ಹೊರಹೋಗಿ, ತಮ್ಮ ತಂಡದ ಡಗೌಟ್ ಅಥವಾ ಬೆಂಚ್ ಗೆ ಮರಳಬೇಕು. ತಂಡದ ಮತ್ತೊಬ್ಬ ಆಟಗಾರನ ವಿರುದ್ಧ ಮೂರನೆಯ ಔಟ್ ದಾಖಲಾದಾಗ ರನ್ನರ್ ಒಬ್ಬನು ಬೇಸ್ ನಲ್ಲಿ ನಿಂತಿರಬಹುದು. ಹಾಗೆ ನಿಂತ ರನ್ನರ್ ಗಳು ತಂಡವು ಮುಂದಿನ ಬಾರಿ ಬ್ಯಾಟ್ ಮಾಡಿದಾಗ ಯಾವುದೇ ಪ್ರಯೋಜನಕ್ಕೆ ಬಾರರು - ಪ್ರತಿ ಅರ್ಧ ಇನ್ನಿಂಗ್ ಬೇಸ್ ನಲ್ಲಿ ರನ್ನರ್ ಗಳಿಲ್ಲದೆ ಆರಂಭವಾಗಬೇಕಾಗುತ್ತದೆ. ಒಬ್ಬ ಆಟಗಾರನ ಬ್ಯಾಟಿಂಗ್ ಸರತಿ ಅಥವಾ ಪ್ಲೇಟ್ ಅಪಿಯರೆನ್ಸ್ ಆಟಗಾರನ್ಉ ಬೇಸ್ ಅನ್ನು ತಲುಪಿದಾಗ (ಅಥವಾ ಹೋಂ ರನ್ ಹೊಡೆದಾಗ), ಔಟ್ ಆದಾಗ, ಅಥವಾ ಚೆಂಡನ್ನು ಬಾರಿಸಿದಾಗ ತಂಡದ ಮೂರನೆಯ ಔಟ್ ಉಂಟಾದಾಗ ಮುಗಿಯುತ್ತದೆ, ಆ ಔಟ್ ತನ್ನ ತಂಡದ ಸದಸ್ಯನ ವಿರುದ್ಧ ದಾಖಲಾದಾಗ್ಯೂ. ಅಪರೂಪದ ಸಂದರ್ಭಗಳಲ್ಲಿ ಬ್ಯಾಟರ್ ಪ್ಲೇಟ್ ನಲ್ಲಿದ್ದು, ಚೆಂಡನ್ನು ಹೊಡೆಯದೆಯೂ ಸಹ, ತಂಡದ ಸದಸ್ಯನ ವಿರುದ್ಧ ಮೂರನೆಯ ಔಟ್ ದಾಖಲಾಗುತ್ತದೆ - ಉದಾಹರಣೆಗೆ, ರನ್ನರ್ ಕಾಟ್ ಸ್ಟೀಲಿಂಗ್ ಆಗುವುದು(ಬೇಸನ್ನು ಸ್ಟೀಲ್ ಮಾಡಲು ಹೋದಾಗ ಟ್ಯಾಗ್ ಔಟ್ ಆಗುವುದು). ಈ ರೀತಿಯ ಅಪೂರ್ಣ ಪ್ಲೇಟ್ ಅಪಿಯರೆನ್ಸ್ ಗೊಳಗಾದ ಬ್ಯಾಟರ್ ತಂಡದ ಮುಂದಿನ ಇನ್ನಿಂಗ್ಸನ್ನು ಅರಂಭಿಸುತ್ತಾನೆ; ಹಿಂದಿನ ಇನ್ನಿಂಗ್ಸ್ ನಲ್ಲಿ ಈ ಬ್ಯಾಟರ್ ನ ವಿರುದ್ಧವಿದ್ದ ಬಾಲ್ ಗಳು ಅಥವಾ ಸ್ಟ್ರೈಕ್ ಗಳು ರದ್ದಾಗುತ್ತವೆ. ಒಂದು ಪ್ಲೇಟ್ ಅಪಿಯರೆನ್ಸ್ ನಲ್ಲಿ ಒಮ್ಮೆ ಮಾತ್ರ ಒಬ್ಬ ರನ್ನರ್ ಬೇಸ್ ಗಳನ್ನು ಸುತ್ತಬಹುದಾದ್ದರಿಂದ ಹೆಚ್ಚೆಂದರೆ ಒಂದು ಬಾರಿಗೆ ಒಂದು ರನ್ ಮಾತ್ರ ಪಡೆಯಬಹುದು. ಒಮ್ಮೆ ಪ್ಲೇಟ್ ಅಪಿಯರೆನ್ಸ್ ಮುಗಿಸಿದ ಬ್ಯಾಟರ್ ತಂಡದ ಇತರ ಎಂಟು ಆಟಗಾರರು ಬ್ಯಾಟ್ ಮಾಡುವವರೆಗೂ ಮತ್ತೆ ಬ್ಯಾಟ್ ಮಾಡುವಂತಿಲ್ಲ. ಬ್ಯಾಟಿಂಗ್ ಕ್ರಮಾಂಕವು ಪಂದ್ಯದ ಆರಂಭಕ್ಕೆ ಮುನ್ನವೇ ನಿಗದಿತವಾಗುತ್ತದೆ ಮತ್ತು ಬದಲಿ ಆಟಗಾರರ ಸಂದರ್ಭದ ವಿನಹ ಆ ಕ್ರಮಾಂಕವನ್ನು ಬದಲಿಸುವಂತಿಲ್ಲ. ಬದಲಿ ಆಟಗಾರನ ಪರವಾಗಿ ಒಬ್ಬ ಆಟಗಾರನನ್ನು ಹೊರಹಾಕಿದರೆ, ಆ ಆಟಗಾರನು ಮತ್ತೆ ಆ ಪಂದ್ಯದಲ್ಲಿ ಆಡುವಂತಿಲ್ಲ. ಮಕ್ಕಳ ಆಟದಲ್ಲಿ ಈ ಬದಲಿ ಆಟಗಾರ ಸಂಬಂಧಿತ ನಿಯಮಗಳು ಸಡಿಲವಾಗಿರುತ್ತವೆ.ಸೂಚಿತ ಹಿಟರ್ (DH) ನಿಯಮವು ಜಾರಿಯಲ್ಲಿದ್ದರೆ, ಪ್ರತಿ ತಂಡದಲ್ಲೂ ಒಬ್ಬ ಹತ್ತನೆಯ ಆಟಗಾರನಿದ್ದು ಅವನ ಏಕೈಕ ಪಾತ್ರ ಬ್ಯಾಟ್ ಮಾಡುವುದು (ಮತ್ತು ಓಡುವುದು) ಆಗಿರುತ್ತದೆ. ಸೂಚಿತ ಹಿಟರ್ ಮತ್ತೊಬ್ಬ ಆಟಗಾರನ ಸ್ಥಾನವನ್ನು ಬ್ಯಾಟಿಂಗ್ ಕ್ರಮಾಂಕದಲ್ಲಿ ಆಕ್ರಮಿಸುತ್ತಾನೆ - ಗತ್ಯಂತರವಿಲ್ಲದೆ ಪಿಚರ್ ನದು - ಆದರೆ ಫೀಲ್ಡಿಂಗ್ ಮಾಡುವುದಿಲ್ಲ ಹೀಗಾಗಿ, ಸೂಚಿತ ಹಿಟರ್ ಇದ್ದರೂ, ಪ್ರತಿ ತಂಡವು ಬ್ಯಾಟಿಂಗ್ ಕ್ರಮಾಂಕದಲ್ಲಿ ಒಂಬತ್ತು ಆಟಗಾರರು ಮತ್ತು ಫೀಲ್ಡಿಂಗ್ ವ್ಯವಸ್ಥೆಯಲ್ಲಿ ಒಂಬತ್ತು ಆಟಗಾರರನ್ನೇ ಹೊಂದಿರುತ್ತದೆ.

ಸಿಬ್ಬಂದಿ

ಆಟಗಾರರ ಸರದಿಯನ್ನು ಸೂಚಿಸುವ ಯಾದಿಗಳು

ಬೇಸ್‌ಬಾಲ್ 
ಬಿಡುವು ನೀಡುವ ಪಿಚರ್ ಗಳು ತಯಾರಾಗುತ್ತಿರುವುದು, ಬುಲ್ ಪೆನ್ ಕೋಚ್ ಒಬ್ಬರ ಮೇಲ್ವಿಚಾರಣೆಯಲ್ಲಿ.ಮ್ಯಾನೇಜರನು ಸಾಮಾನ್ಯವಾಗಿ ಒಬ್ಬ ಬಲಗೈ ಮತ್ತು ಒಬ್ಬ ಎಡಗೈ ಬಿಡುವು ನೀಡುವವನು ಸಿದ್ಧವಾಗಿರುವಂತೆ ನೋಡಿಕೊಂಡು ಹಂಚಿಕೆಯ ಸಾಧ್ಯತೆಗಳನ್ನು ಹೆಚ್ಚಿಸಿಕೊಳ್ಳಲು ಯೋಚಿಸಿರುತ್ತಾನೆ.

ಯಾದಿ, ಅಥವಾ ಪಡೆ, ಗಾತ್ರಗಳು ಬೇರೆ ಬೇರೆ ಪಂದ್ಯಾವಳಿಗಳಿಗೂ ಮತ್ತು ಸಂಘಟಿತ ಆಟದ ಬೇರೆ ಬೇರೆ ಹಂತಗಳಿಗೂ ವ್ಯತ್ಯಾಸ ಆಗುತ್ತವೆ. ಪ್ರಮುಖ ಪಂದ್ಯಾವಳಿ ಬೇಸ್ ಬಾಲ್ ತಂಡಗಳು ೨೫-ಆಟಗಾರರ ಸಕ್ರಿಯ ಯಾದಿಗಳನ್ನು ಇಟ್ಟುಕೊಂಡಿರುತ್ತವೆ. ಎಂಎಲ್ ಬಿಯ ರಾಷ್ಟ್ರೀಯ ಪಂದ್ಯಾವಳಿಯಂತಹ ಡಿಹೆಚ್ ನಿಯಮವಿಲ್ಲದ ಒಂದು ಪಂದ್ಯಾವಳಿಯಲ್ಲಿ ಒಂದು ಮಾದರಿ ೨೫-ಜನರ ಯಾದಿಯು ಕೆಳಕಂಡ ಲಕ್ಷಣಗಳನ್ನು ಹೊಂದಿರುತ್ತದೆ:

  • ಎಂಟು ಸ್ಥಾನ ಆಟಗಾರರು—ಕ್ಯಾಚರ್, ನಾಲ್ಕು ಇನ್ ಫೀಲ್ಡರ್ಸ್, ಮೂರು ಔಟ್ ಫೀಲ್ಡರ್ಸ್—ನಿಯಮಿತ ರೂಪದಲ್ಲಿ ಆಡುವವರು
  • ತಂಡದ ಪಿಚ್ಚಿಂಗ್ ನಿಯತಾವರ್ತನ ಅಥವಾ ಸ್ಟಾರ್ಟಿಂಗ್ ನಿಯತಾವರ್ತನವು ಐದು ಸ್ಟಾರ್ಟಿಂಗ್ ಪಿಚರ್‌ಗಳಿಂದ ಕೂಡಿರುತ್ತದೆ
  • ತಂಡದ ಬುಲ್ ಪೆನ್(ಪಿಚರ್ ಗಳು ಆಟಕ್ಕೆ ತಯಾರಾಗಲು ವ್ಯಾಯಾಮ ಮಾಡುವ ಮೈದಾನದ ಹೊರಗಿನ ಪ್ರದೇಶಕ್ಕೆ ಹೆಸರಿಸಿದಂತಹುದು) ಆಗುವವರೆಂದರೆ ಒಬ್ಬ ತಜ್ಞ ಕ್ಲೋಸರ್‌ನು ಸೇರಿದಂತೆ ಆರು ರಿಲೀಫ್ ಪಿಚರ್‌ಗಳು
  • ಒಬ್ಬ ಬ್ಕಾಕಪ್, ಅಥವಾ ಪರ್ಯಾಯ, ಕ್ಯಾಚರ್
  • ಇಬ್ಬರು ಬ್ಕಾಕಪ್ ಒಳಾಂಗಣ ಕ್ಷೇತ್ರರಕ್ಷಕರು
  • ಇಬ್ಬರು ಬ್ಕಾಕಪ್ ಔಟ್ ಫೀಲ್ಡರ್ಸ್
  • ಒಬ್ಬ ತಜ್ಙ ಪಿಂಚ್ ಹೊಡೆತಗಾರ, ಅಥವಾ ಒಬ್ಬ ಎರಡನೆಯ ಬ್ಯಾಕಪ್, ಅಥವಾ ಒಬ್ಬ ಏಳನೆಯ ರಿಲೀವರ್

ಇತರ ಸಿಬ್ಬಂದಿ

ನಿರ್ವಾಹಕ, ಅಥವಾ ಒಂದು ತಂಡದ ಮುಖ್ಯ ತರಬೇತಿದಾರ, ಪ್ರತಿಯೊಂದು ಆಟದ ಮುಂಚೆ ಸ್ಟಾರ್ಟಿಂಗ್ ನಿಯತಾವರ್ತನವನ್ನು ಸ್ಥಾಪಿಸುವುದು, ಲೈನ್ ಅಪ್ ಅನ್ನು ಸಿದ್ಧಗೊಳಿಸುವುದು, ಅಥವಾ ಬ್ಯಾಟ್ ಮಾಡುವ ಕ್ರಮವನ್ನು ನಿಗದಿಗೊಳಿಸುವುದು ಮತ್ತು ಆಟ ನಡೆಯುವಾಗ ಆಟಗಾರರ ಬದಲಿಗಳನ್ನು ಮಾಡುವುದು, ನಿರ್ದಿಷ್ಟವಾಗಿ ಪರಿಹಾರರೂಪಿ ಪಿಚರ್ ಗಳನ್ನು ಒಳಗಿಳಿಸುವುದು - ಇಂತಹ ತಂಡದ ಪ್ರಮುಖ ನಿರ್ಧಾರಗಳನ್ನು ಪರಿವೀಕ್ಷಿಸುತ್ತಾನೆ. ಸಾಮಾನ್ಯವಾಗಿ, ನಿರ್ವಾಹಕರಿಗೆ ಇಬ್ಬರು ಅಥವಾ ಹೆಚ್ಚು ತರಬೇತುದಾರರು ಸಹಾಯಕರಾಗಿ ಕಾರ್ಯನಿರ್ವಹಿಸುತ್ತಾರೆ; ಅವರು, ಆಟಗಾರರೊಂದಿಗೆ ಹಿಟ್ ಮಾಡುವುದು, ಫೀಲ್ಡ್ ಮಾಡುವುದು, ಪಿಚ್ ಮಾಡುವುದು, ಅಥವಾ ಶಕ್ತಿ ಅಥವಾ ಸ್ಥಿತಿ ಸಾಧನೆಯ ವಿಚಾರಗಳಲ್ಲಿ ಆಟಗಾರರೊಂದಿಗೆ ಶ್ರಮಿಸುವ ವಿಶೇಷ ಜವಾಬ್ದಾರಿಗಳನ್ನು ಹೊಂದಿರಬಹುದು. ಸಂಘಟಿತ ಆಟದ ಬಹುತೇಕ ಹಂತಗಳಲ್ಲಿ, ತಂಡವು ಬ್ಯಾಟ್ ಮಾಡುವ ಸಂದರ್ಭದಲ್ಲಿ ಇಬ್ಬರು ತರಬೇತುದಾರರು ಮೈದಾನದಲ್ಲಿ ನಿಲ್ಲಿಸಿರುತ್ತಾರೆ: ಮೊದಲನೆಯ ಬೇಸ್ ತರಬೇತುದಾರ ಮತ್ತು ಮೂರನೆಯ ಬೇಸ್ ತರಬೇತುದಾರ, ಫೌಲ್ ರೇಖೆಗಳ ಹೊರಗಷ್ಟೇ ನಿಗದಿಪಡಿಸಿದ ತರಬೇತುದಾರರ ಕಟಕಟೆಗಳಲ್ಲಿ. ಇವರು ಚೆಂಡು ಆಟದಲ್ಲಿರುವಾಗ ಬೇಸ್ ಓಟಗಾರರಿಗೆ ದಿಕ್ಕುತೋರಿಸುವಲ್ಲಿ ಸಹಾಯ ಮಾಡುತ್ತಾರೆ, ಮತ್ತು ಆಟದ ನಡುವಿನ ಅಂತರಗಳಲ್ಲಿ ಉಪಾಯಗಳ ಸಂಕೇತಗಳನ್ನು ನಿರ್ವಾಹಕನಿಂದ ಬ್ಯಾಟ್ ಮಾಡುವವರು ಮತ್ತು ಓಟಗಾರರಿಗೆ ಪ್ರಸಾರ ಮಾಡುತ್ತಾರೆ. ಇತರ ಹಲವು ತಂಡ ಕ್ರೀಡೆಗಳಿಗೆ ವ್ಯತಿರಿಕ್ತವಾಗಿ, ಬೇಸ್ ಬಾಲ್ ನಿರ್ವಾಹಕರು ಮತ್ತು ತರಬೇತುದಾರರು ಸಾಮಾನ್ಯವಾಗಿ ಅವರ ತಂಡದ ಸಮವಸ್ತ್ರಗಳನ್ನು ತೊಡುತ್ತಾರೆ; ಒಂದು ಪಂದ್ಯದ ನಡುವೆ ಮೈದಾನದೊಳಕ್ಕೆ ಪ್ರವೇಶಿಸಬೇಕೆಂದರೆ ತರಬೇತುದಾರರು ಸಮವಸ್ತ್ರದಲ್ಲಿರಲೇಬೇಕು. ಯಾವುದೇ ಬೇಸ್ ಬಾಲ್ ಪಂದ್ಯವು ಪ್ರತಿ ಆಟದ ಫಲಿತಾಂಶದ ಮೇಲೆ ನಿರ್ಣಯಗಳನ್ನು ಮಾಡುವ ಒಬ್ಬ ಅಥವಾ ಹೆಚ್ಚು ನಿರ್ಣಾಯಕರನ್ನು ಒಳಗೊಂಡಿರುತ್ತದೆ. ಕನಿಷ್ಠ ಪ್ರಮಾಣದಲ್ಲಿ, ಒಬ್ಬ ನಿರ್ಣಾಯಕನು, ಸ್ಟ್ರೈಕ್ ವಲಯದ ಉತ್ತಮ ನೋಟ ಪಡೆಯಲು, ಮತ್ತು ಬಾಲ್ ಗಳನ್ನು ಮತ್ತು ಸ್ಟ್ರೈಕ್ ಗಳನ್ನು ಕರೆಯಲು, ಕ್ಯಾಚರ್ ನ ಹಿಂದೆ ನಿಲ್ಲುತ್ತಾನೆ. ಹೆಚ್ಚುವರಿ ನಿರ್ಣಾಯಕರು ಇತರ ಬೇಸ್ ಗಳ ಹತ್ತಿರ ಸ್ಥಾಪಿತವಾಗಿರಬಹುದು. ಇದರಿಂದಾಗಿ ಪ್ರಯತ್ನಿಸಿದ ಫೋರ್ಸ್ ಔಟ್ ಗಳು ಮತ್ತು ಟ್ಯಾಗ್ ಔಟ್ ಗಳಂತಹ ಆಟಗಳನ್ನು ನಿರ್ಣಯ ಮಾಡುವುದು ಸುಲಭವಾಗುತ್ತದೆ. ಪ್ರಮುಖ ಪಂದ್ಯಾವಳಿ ಬೇಸ್ ಬಾಲ್ ನಲ್ಲಿ, ಪ್ರತಿ ಪಂದ್ಯಕ್ಕೆ ನಾಲ್ವರು ನಿರ್ಣಾಯಕರನ್ನು ಬಳಸಲಾಗುತ್ತದೆ, ಪ್ರತಿ ಬೇಸ್ ನ ಬಳಿ ಒಬ್ಬರಂತೆ. ಪ್ಲೇ ಆಫ್ ಗಳಲ್ಲಿ, ಆರು ಮಂದಿ ನಿರ್ಣಾಯಕರನ್ನು ಬಳಸಲಾಗುತ್ತದೆ: ಪ್ರತಿ ಬೇಸ್ ನಲ್ಲಿ ಒಬ್ಬರು ಮತ್ತು ಔಟ್ ಫೀಲ್ಡ್ ನಲ್ಲಿ ಫೌಲ್ ರೇಖೆಗಳ ನೇರಕ್ಕೆ ಇಬ್ಬರು.

ರಣನೀತಿ ಮತ್ತು ತಂತ್ರಗಳು

ಬೇಸ್ ಬಾಲ್ ನಲ್ಲಿ ಪಂದ್ಯ-ಪೂರ್ವದ ಮತ್ತು ಪಂದ್ಯದ ಸಮಯದ ಹಲವು ರಣನೀತಿಯ ನಿರ್ಧಾರಗಳು ಒಂದು ಮೂಲಭೂತ ಸಂಗತಿಯ ಸುತ್ತ ತಿರುಗುತ್ತದೆ: ಸಾಮಾನ್ಯವಾಗಿ, ಬಲಗೈ ಬ್ಯಾಟರ್ ಗಳು ಎಡಗೈ ಪಿಚರ್ ಗಳ ಎದುರು ಹೆಚ್ಚು ಯಶಸ್ವಿಯಾಗುವಂತಿರುತ್ತಾರೆ ಮತ್ತು, ಇನ್ನೂ ಹೆಚ್ಚಿನ ಪ್ರಮಾಣದಲ್ಲಿ, ಎಡಗೈ ಬ್ಯಾಟರ್ ಗಳು ಬಲಗೈ ಪಿಚರ್ ಗಳ ಎದುರು ಹೆಚ್ಚು ಯಶಸ್ವಿಯಾಗುತ್ತಾರೆ. ಎಂದಿನ ಯಾದಿಯಲ್ಲಿ ಹಲವಾರು ಎಡಗೈ ಬ್ಯಾಟರ್ ಗಳನ್ನು ಹೊಂದಿದ್ದು, ತಂಡವು ಒಬ್ಬ ಎಡಗೈ ಪಿಚರ್ ಅನ್ನು ಎದುರಿಸಲಿದೆ ಎಂದು ತಿಳಿದಿರುವ ನಿರ್ವಾಹಕನು, ಒಬ್ಬ ಅಥವಾ ಹೆಚ್ಚು ಸಂಖ್ಯೆಯ ಬಲಗೈ ಬ್ಯಾಕಪ್ ಗಳನ್ನು ತಂಡದ ಯಾದಿಯಲ್ಲಿ ಆರಂಭಿಸುವ ಮೂಲಕ ಪ್ರತಿಕ್ರಿಯಿಸಬಹುದು. ಒಂದು ಪಂದ್ಯದ ನಂತರದ ಭಾಗದ ಇನ್ನಿಂಗ್ ಗಳಲ್ಲಿ, ರಿಲೀಫ್ ಪಿಚರ್ ಗಳು ಮತ್ತು ಪಿಂಚ್ ಹಿಟ್ಟರ್ ಗಳನ್ನು ಒಳತಂದಂತೆ, ಎದರಾಳಿ ನಿರ್ವಾಹಕರು ಹೆಚ್ಚಾಗಿ ಅವರ ಬದಲಿಗಳ ಮೂಲಕ ಅನುಕೂಲಕರ ಮ್ಯಾಚ್ ಅಪ್ ಗಳನ್ನು ಸೃಷ್ಟಿಸಲು ಪ್ರಯತ್ನಿಸುತ್ತಾ ಹಿಂದೆ ಮುಂದೆ ಪಯಣಿಸುತ್ತಾರೆ: ಕ್ಷೇತ್ರರಕ್ಷಕ ತಂಡದ ನಿರ್ವಾಹಕನು ಅದದೇ ಕೈಗಳ ಪಿಚರ್-ಬ್ಯಾಟರ್ ಹೊಂದಿಕೆಗಳನ್ನು ವ್ಯವಸ್ಥೆಗೊಳಿಸಲು ಪ್ರಯತ್ನಿಸಿದರೆ, ಬ್ಯಾಟ್ ಮಾಡುತ್ತಿರುವ ತಂಡದ ನಿರ್ವಾಹಕನು ವಿರುದ್ಧ ಕೈಗಳ ಹೊಂದಿಕೆಗಳನ್ನು ವ್ಯವಸ್ಥೆಗೊಳಿಸಲು ಪ್ರಯತ್ನಿಸುತ್ತಿರುತ್ತಾನೆ. ನಂತರದ ಇನ್ನಿಂಗ್ ಗಳಲ್ಲಿ ಮುನ್ನಡೆ ಇರುವ ತಂಡವಿದ್ದಾಗ, ನಿರ್ವಾಹಕನು ಒಬ್ಬ ಆರಂಭಿಕ ಸ್ಥಾನದ ಆಟಗಾರನನ್ನು-ವಿಶೇಷವಾಗಿ ಯಾರಾದರೂ ಒಬ್ಬನ ಬ್ಯಾಟ್ ಮಾಡುವ ಸರತಿ ಮತ್ತೆ ಬರದಿರುವಂತಹನನ್ನು-ಒಬ್ಬ ಹೆಚ್ಚು ನೈಪುಣ್ಯತೆಯುಳ್ಳ ಕ್ಷೇತ್ರರಕ್ಷಕನಿಗೋಸ್ಕರ ತೆಗೆಯಬಹುದು.

ಪಿಚಿಂಗ್ ಮತ್ತು ಕ್ಷೇತ್ರರಕ್ಷಣ ತಂತ್ರಗಳು

ಬೇಸ್‌ಬಾಲ್ 
ರನ್ನರ್ ಮೊದಲ ಬೇಸ್ ಗೆ ಹಿಂದಕ್ಕೆ ಹಾರಿ ಸೇರಿದಂತೆ, ಮೊದಲ ಬೇಸ್ ಮನ್ ಪಿಕ್ ಆಫ್ ಎಸೆತವನ್ನು ಸ್ವೀಕರಿಸುತ್ತಿದ್ದಾನೆ.

ಬೇಸ್ ಬಾಲ್ ಪಂದ್ಯದಲ್ಲಿ ಬಹುತೇಕ ಪ್ರತಿಯೊಂದು ಆಟಕ್ಕೆ ಮುನ್ನ ನಡೆಯುವ ತಂತ್ರಯುಕ್ತ ನಿರ್ಧಾರವು ಪಿಚ್ ನ ಆಯ್ಕೆಯನ್ನು ಒಳಗೊಂಡಿರುತ್ತದೆ. ಎಸೆಯಬಹುದಾದಂತಹ ಪಿಚ್ ಗಳ ವ್ಯಾಪಕ ವಿಧಗಳಲ್ಲಿ, ನಾಲ್ಕು ಮೂಲ ಬಗೆಗಳೆಂದರೆಫಾಸ್ಟ್ ಬಾಲ್, ಚೇಂಜ್ ಅಪ್ (ಅಥವಾ ಆಫ್-ಸ್ಪೀಡ್ ಪಿಚ್), ಮತ್ತು ಎರಡು ಬ್ರೇಕಿಂಗ್ ಬಾಲ್‌ಗಳು—ಕರ್ವ್ ಬಾಲ್ ಮತ್ತು ಸ್ಲೈಡರ್. ಪಿಚರ್ ಗಳ ಬತ್ತಳಿಕೆಯಲ್ಲಿ ವಿವಿಧ ಅಸ್ತ್ರಗಳಿದ್ದು, ಎಸೆಯುವಿಕೆಯಲ್ಲಿ ಅವರು ಕುಶಲತೆ ಹೊಂದಿರುತ್ತಾರೆ. ಸಾಂಪ್ರದಾಯಿಕವಾಗಿ, ಪ್ರತಿ ಪಿಚ್ ನ ಮುಂಚೆ, ಕ್ಯಾಚರ್ ಪಿಚರ್ ಗೆ ಯಾವ ಬಗೆಯ ಪಿಚ್ ಅನ್ನು ಎಸೆಯಬೇಕು ಎಂದು ಸಂಕೇತ ನೀಡುತ್ತಾನೆ, ಹಾಗೆಯೇ ಅದರ ಸಾಮಾನ್ಯ ಉದ್ದರೇಖೆಯ ಮತ್ತು/ಅಥವಾ ಅಡ್ಡರೇಖೆಯ ಸ್ಥಳವನ್ನು ಕೂಡ. ಆಯ್ಕೆಯ ವಿಷಯದಲ್ಲಿ ಅಸಮ್ಮತಿ ಇದ್ದರೆ, ಪಿಚರ್ ನು ಚಿಹ್ನೆಯನ್ನು ಅಲುಗಾಡಿಸಿಬಿಡಬಹುದು ಮತ್ತು ಕ್ಯಾಚರ್ ನು ಬೇರೆ ಪಿಚ್ ನ ಕರೆ ನೀಡುವನು. ಬೇಸ್ ನ ಮೇಲೆ ಮತ್ತು ಮುನ್ನಡೆ ತೆಗೆದುಕೊಳ್ಳುತ್ತಿರುವ ಒಬ್ಬ ರನ್ನರ್ ನೊಂದಿಗೆ, ಪಿಚರ್ ನು ಒಂದು ಪಿಕ್ ಆಫ್ ಅನ್ನು ಪ್ರಯತ್ನಿಸಬಹುದು. ಪಿಕ್ ಆಫ್, ಬೇಸ್ ಅನ್ನು ಸುತ್ತುವರಿದ ಒಬ್ಬ ಕ್ಷೇತ್ರರಕ್ಷಕನಿಗೆ ರನ್ನರ್ ನ ಮುನ್ನಡೆಯನ್ನು ಹತೋಟಿಯಲ್ಲಿಡಲು ಮಾಡುವ ಒಂದು ಚುರುಕು ಎಸೆತ ಅಥವಾ, ಹೆಚ್ಚೆಂದರೆ, ಒಂದು ಟ್ಯಾಗ್ ಔಟ್ ಅನ್ನು ಮಾಡಬಹುದು. ಸ್ಟೋಲನ್ ಬೇಸ್ ಗಾಗಿ ಯತ್ನಿಸುತ್ತಾರೆಂದು ನಿರೀಕ್ಷಿಸಲು ಸಾಧ್ಯವಾದರೆ, ಕ್ಯಾಚರ್ ಪಿಚೌಟ್ ಬೇಕೆಂದು ಕೂಗಬಹುದು, ಎಂದರೆ ಬೇಕೆಂದು ಪ್ಲೇಟ್ ನಿಂದ ದೂರಕ್ಕೆ ಎಸೆದ ಚೆಂಡು,ಹೀಗೆ ಮಾಡುವುದರಿಂದ ಕ್ಯಾಚರ್ ನಿಂತಿರುವಾಗಲೇ ಚೆಂಡನ್ನು ಹಿಡಿದು ಬೇಸ್ ನತ್ತ ಬೇಗ ಎಸೆಯಲು ಅನುಕೂಲವಾಗುತ್ತದೆ. ಕ್ಷೇತ್ರದ ಒಂದು ಕಡೆಗೆ ಹೊಡೆಯುವ ಬಲವಾದ ವಾಂಛೆಯುಳ್ಳ ಬ್ಯಾಟರ್ ಒಬ್ಬನನ್ನು ಎದುರಿಸುತ್ತಿರುವ ಕ್ಷೇತ್ರರಕ್ಷಕ ತಂಡವು ಒಂದು ವರ್ಗಾವಣೆಅನ್ನು ಬಳಸಬಹುದು, ಬಹುತೇಕ ಅಥವಾ ಎಲ್ಲಾ ಕ್ಷೇತ್ರರಕ್ಷಕರು ತಮ್ಮ ಎಂದಿನ ಸ್ಥಾನಗಳಿಂದ ಎಡಕ್ಕೆ ಅಥವಾ ಬಲಕ್ಕೆ ಸರಿಯುವ ಮೂಲಕ. ಮೂರನೆಯ ಬೇಸ್ ನಲ್ಲಿ ಒಬ್ಬ ರನ್ನರ್ ನನ್ನು ಹೊಂದಿದಾಗ, ಇನ್ ಫೀಲ್ಡರ್ ಗಳು ರನ್ನರ್ ಅನ್ನು ಒಂಧು ಗ್ರೌಂಡ್ ಚೆಂಡಿನ ಮೇಲೆ ಹೊರಹಾಕುವ ಸಾಧ್ಯತೆಗಳನ್ನು ಉತ್ತಮಗೊಳಿಸಲು ಗೃಹಸ್ಥಾನಕ್ಕೆ ಹತ್ತಿರವಾಗಿ ಸರಿಯುತ್ತಾ ಪ್ಲೇ ಇನ್ ಮಾಡಬಹುದು, ಚೂಪಾಗಿ ಹೊಡೆಯಲ್ಪಟ್ಟ ಗ್ರೌಂಡರನೊಬ್ಬ ಹೆಚ್ಚಾಗಿ ಒಂದು ಒಳಸೆಳೆದ ಒಳಾಂಗಣದ ಮೂಲಕ ಹಾಯ್ದುಹೋಗಬಹುದಾಗಿದ್ದರೂ ಕೂಡ.

ಬ್ಯಾಟಿಂಗ್ ಮತ್ತು ಬೇಸ್ ರನ್ನಿಂಗ್ ತಂತ್ರಗಳು

ಬೇಸ್‌ಬಾಲ್ 
ಬ್ಯಾಟ್ ನ ಸುರುಳಿಯ ಮೇಲಿನತ್ತ ಕೈ ಸಾಗಿಸಿ ಹತೋಟಿಯನ್ನು ಹೆಚ್ಚಿಸಿಕೊಂಡು, ಚೆಂಡಿನ ಮೇಲಿನ ಒತ್ತಡವನ್ನು ಕಡಿಮೆಗೊಳಿಸುವ ಸಲುವಾಗಿ ಬ್ಯಾಟರ್ ಒಬ್ಬ ಬಂಟ್ ಮಾಡಲು ಸಿದ್ಧನಾಗಿದ್ದಾನೆ.

ರನ್ನರ್ ಮೊದಲನೇ ಬೇಸ್ ನಲ್ಲಿದ್ದಾಗ ಎರಡನೇ ಬೇಸಿಗೆ ಒಂದು ಸ್ಟೀಲನ್ನು ಪ್ರಯತ್ನಿಸಬೇಕೇ ಎಂಬ ಮೂಲಭೂತ ಆಯ್ಕೆಯೂ ಸೇರಿದಂತೆ, ಹಲವಾರು ಮೂಲ ಹಲ್ಲೆಕೋರ ತಂತ್ರಗಳು ಚಿತ್ರಕ್ಕೆ ಬರುತ್ತವೆ. ಹಿಟ್ ಅಂಡ್ ರನ್ ತಂತ್ರವನ್ನು ಕೆಲವೊಮ್ಮೆ ಒಬ್ಬ ನೈಪುಣ್ಯವಂತ ಕಾಂಟ್ಯಾಕ್ಟ್ ಹಿಟ್ಟರ್ ನೊಂದಿಗೆ ಬಳಸಲಾಗುತ್ತದೆ: ರನ್ನರ್ ಪಿಚ್ ಆಗುತ್ತಿದ್ದಂತೆಯೇ ಓಡಲಾರಂಬಿಸುತ್ತಾನೆ ಮತ್ತು ಷಾರ್ಟ್ ಸ್ಟಾಪ್ ಅಥವಾ ಎರಡನೇ ಬೇಸ್ ಮ್ಯಾನ್ ಅನ್ನು ಎರಡನೆಯ ಬೇಸ್ ನತ್ತ ಸೆಳೆಯುತ್ತಾನೆ, ಹೋಗಾಗಿ ಬ್ಯಾಟರ್ ಗೆ ಇನ್ ಫೀಲ್ಡ್ ನಲ್ಲಿ ಚೆಂಡನ್ನು ತೂರಿಸಲು ಬೇಕಾದ ತೆರವು ಉಂಟಾಗುತ್ತದೆ. ಸ್ಯಾಕ್ರಿಫೈಸ್ ಬಂಟ್ ಬ್ಯಾಟರ್ ಗೆ ಚೆಂಡು ಇನ್ಫೀಲ್ಡಿನ ಒಳಕ್ಕೆ ಸ್ವಲ್ಪ ದೂರ ಉರುಳಿ, ರನ್ನರ್ ಗೆ ಸ್ಕೋರ್ ಮಾಡುವ ಸ್ಥಾನವನ್ನು ತಲುಪಲು ಅವಕಾಶನೀಡುವಂತೆ ಚೆಂಡಿಗೆ ಸ್ಪರ್ಶ ಮಾಡುವುದರ ಮೇಲೆ ಕೇಂದ್ರೀಕರಿಸಲು ಕರೆ ನೀಡುತ್ತದೆ. ಇದರಿಂದಾಗಿ ಬ್ಯಾಟರ್ ಮೊದಲು ಔಟ್ ಆಗಿ ಆಚೆಗೆಸೆಯಲ್ಪಡಬೇಕಾಗಿಬಂದರೂ ಕೂಡ-ಈ ರೀತಿ ಮಾಡುವಲ್ಲಿ ಯಶಸ್ವಿಯಾದ ಒಬ್ಬ ಬ್ಯಾಟರ್ ಗೆ ತ್ಯಾಗದ ಶ್ರೇಯಸ್ಸನ್ನು ನೀಡಲಾಗುತ್ತದೆ. (ಒಬ್ಬ ಬ್ಯಾಟರ್, ನಿರ್ದಿಷ್ಟವಾಗಿ ವೇಗದ ಓಟಗಾರನಾದಂತಹವ, ಒಂದು ಹಿಟ್ ಗಾಗಿ ಬಂಟ್ ಮಾಡಲು ಕೂಡ ಪ್ರಯತ್ನಿಸಬಹುದು.) ಮೂರನೇ ಬೇಸಿನಲ್ಲಿ ಒಬ್ಬ ರನ್ನರ್ ಅನ್ನು ಹೊಂದಿದಾಗ ಆ ರನ್ನರ್ ಅನ್ನು ಮನೆಗೆ ತರುವ ಗುರಿಯೊಂದಿಗೆ ಬಳಸಲಾಗುವ ಒಂದು ಸ್ಯಾಕ್ರಿಫೈಸ್ ಬಂಟ್, ಸ್ಕ್ವೀಸ್ ಪ್ಲೇ ಎಂದು ಕರೆಯಲ್ಪಡುತ್ತದೆ. ಮೂರನೆಯದರಲ್ಲಿ ಒಬ್ಬ ರನ್ನರ್ ಅನ್ನು ಹೊಂದಿದ್ದು, ಎರಡಕ್ಕಿಂತ ಕಡಿಮೆ ಔಟ್ ಗಳು ಇದ್ದಾಗ, ಅದೇ ಸ್ಥಾನದಲ್ಲಿ ಒಬ್ಬ ಬ್ಯಾಟರ್ , ಫ್ಲೈ ಬಾಲ್ ಅನ್ನು ಹೊಡೆಯುವ ಬಗ್ಗೆ ಏಕಾಗ್ರಗೊಳ್ಳಬಹುದು. ಫ್ಲೈ ಬಾಲ್ ಹಿಡಿಯಲ್ಪಟ್ಟರೂ ಕೂಡ ರನ್ನರ್ ಗೆ ಟ್ಯಾಗ ಅಪ್ ಮಾಡಿ, ಅಂಕ ಪಡೆಯಲು ಅನುವು ಮಾಡಿಕೊಡುವಷ್ಟು ಆಳವಾಗಿರುತ್ತದೆ-ಈ ರೀತಿಯಾಗಿ ಯಶಸಸ್ವಿಯಾದ ಬ್ಯಾಟರ್ ಸ್ಯಾಕ್ರಿಫೈಸ್ ಫ್ಲೈನ ಶ್ರೇಯವನ್ನು ಪಡೆಯುತ್ತಾನೆ. ಎಣಿಕೆಯಲ್ಲಿ ಮುಂದಿರುವ ಬ್ಯಾಟರ್ (ಅಂದರೆ ಸ್ಟ್ರೈಕ್ ಗಳಿಗಿಂತ ಹೆಚ್ಚು ಬಾಲ್ ಗಳನ್ನು ಹೊಂದಿರುವವನು)ಗೆ ಕೆಲವೊಮ್ಮೆ ನಿರ್ವಾಹಕನು ಮುಂದಿನ ಪಿಚ್ ಅನ್ನು ತೆಗೆದುಕೊಳ್ಳಲು ಅಥವಾ ಅದರತ್ತ ಬೀಸದಿರಲು ಸಂಕೇತವನ್ನು ನೀಡುತ್ತಾನೆ.

ವೈಶಿಷ್ಟ್ಯದಾಯಕ ಅಂಶಗಳು

ಅದರ ಪ್ರೇಮಿಗಳಿರುವ ದೇಶಗಳಲ್ಲಿ ಬೇಸ್ ಬಾಲ್, ಅಮೇರಿಕನ್ ಅಥವಾ ಕೆನೆಡಿಯನ್ ಫುಟ್ ಬಾಲ್, ಬ್ಯಾಸ್ಕೆಟ್ ಬಾಲ್, ಐಸ್ ಹಾಕಿ, ಮತ್ತು ಸಾಕರ್‌ನಂತಹ ಇತರ ಜನಪ್ರಿಯ ತಂಡ ಕ್ರೀಡೆಗಳಿಂದ, ಅದನ್ನು ಭಿನ್ನವಾಗಿರಿಸುವ ಕೆಲವು ಗುಣಲಕ್ಷಣಗಳನ್ನು ಹೊಂದಿದೆ. ಈ ಎಲ್ಲಾ ಕ್ರೀಡೆಗಳೂ ಒಂದು ಗಡಿಯಾರವನ್ನು ಬಳಸುತ್ತವೆ; ಇವೆಲ್ಲದರಲ್ಲೂ, ಆಟಗಾರಿಕೆಯು ಕಡಿಮೆ ವೈಯಕ್ತಿಕವಾಗಿತೂ ಹೆಚ್ಚು ಸಾಂಗ್ರಹಿಕವಾಗಿಯೂ ಇರುತ್ತದೆ; ಮತ್ತು ಇವ್ಯಾವುದರಲ್ಲೂ ಆಟವಾಡುವ ಕ್ಷೇತ್ರಗಳಲ್ಲಿ ಇಷ್ಟು ಮೂಲಭೂತವಾಗಿ ಅಥವಾ ಮುಖ್ಯವಾಗಿ ವಿಭಿನ್ನತೆ ಇರುವುದಿಲ್ಲ. ಕ್ರಿಕೆಟ್ ಮತ್ತು ಬೇಸ್ ಬಾಲ್ ನ ನಡುವಣ ಹೋಲಿಕೆಯು ಬೇಸ್ ಬಾಲ್ ನ ಹಲವು ವೈಶಿಷ್ಟ್ಯಪೂರ್ಣ ಅಂಶಗಳು ವಿವಿಧ ರೀತಿಗಳಲ್ಲಿ ಅದರ ದಾಯಾದಿ ಕ್ರೀಡೆಯಿಂದ ಹಂಚಿಕೊಳ್ಳಲ್ಪಟ್ಟಿರುವುದನ್ನು ತೋರಿಸುತ್ತದೆ.

ಕೊಲ್ಲಲು ಗಡಿಯಾರವಿಲ್ಲ

ಗಡಿಯಾರ-ಸೀಮಿತ ಕ್ರೀಡೆಗಳಲ್ಲಿ, ಪಂದ್ಯಗಳು ಆಗಾಗ್ಗೆ, ಎದುರಾಳಿ ತಂಡದ ವಿರುದ್ಧ ಆಕ್ರಮಣಕಾರಿಯಾಗಿ ಸ್ಪರ್ಧಿಸುವುದಕ್ಕಿಂತ ಮುನ್ನಡೆ ಹೊಂದಿರುವ ತಂಡವು ಗಡಿಯಾರವನ್ನು ಕೊಲ್ಲುವುದರೊಂದಿಗೆ ಮುಗಿಯುತ್ತವೆ. ಇದಕ್ಕೆ ವಿರುದ್ಧವಾಗಿ, ಬೇಸ್ ಬಾಲ್ ಗೆ ಗಡಿಯಾರವೇ ಇಲ್ಲ; ಯಾವುದೇ ಒಂದು ತಂಡವು ಕೊನೆಯ ಬ್ಯಾಟರ್ ಅನ್ನು ಔಟ್ ಗೊಳಿಸದೆಯೆ ಗೆಲ್ಲಲಾಗುವುದಿಲ್ಲ ಮತ್ತು ರಾಲಿಗಳು ಸಮಯದ ನಿರ್ಬಂಧ ಹೊಂದಿರುವುದಿಲ್ಲ. ಯಾವುದೇ ಬೇಸ್ ಬಾಲ್ ಪಂದ್ಯದಲ್ಲಿ ಬಹುತೇಕ ಯಾವುದೇ ತಿರುವಿನಲ್ಲಿ, ಅತ್ಯಂತ ಲಾಭದಾಯಕ ರಣನೀತಿಯೆಂದರೆ ಯಾವುದಾದರೂ ರೂಪದ ಆಕ್ರಮಣಶೀಲ ರಣನೀತಿ. ಮತ್ತೆ, ಇದಕ್ಕೆ ವಿರುದ್ಧವಾಗಿ, ಬಹು-ದಿನ ಟೆಸ್ಟ್ ಮತ್ತು ಪ್ರಥಮ-ದರ್ಜೆ ಕ್ರಿಕೆಟ್‌ಗಳ ವಿಷಯದಲ್ಲೂ ಗಡಿಯಾರವು ಪಾತ್ರಪಡೆಯುತ್ತದೆ: ಡ್ರಾ ಆಗುವ ಸಾಧ್ಯತೆಯು ಬಹುಬಾರಿ ಕೊನೆಗೆ ಮತ್ತು ಸಾಕಷ್ಟು ಹಿಂದೆ ಬ್ಯಾಟಿಂಗ್ ಮಾಡುತ್ತಿರುವ ತಂಡವನ್ನು ನಷ್ಟವನ್ನು ತಡೆಯಲು ಗೆಲುವಿನ ಯಾವುದೇ ಅಲ್ಪ ಅವಕಾಶವನ್ನೂ ಬಿಟ್ಟು, ರಕ್ಷಕವಾಗಿ ಬ್ಯಾಟ್ ಮಾಡಲು ಪ್ರೋತ್ಸಾಹಿಸುತ್ತದೆ. ಬೇಸ್ ಬಾಲ್ ಸಂರಕ್ಷಕ ಬ್ಯಾಟಿಂಗ್ ಆ ತೆರನ ಯಾವುದೇ ಪುರಸ್ಕಾರವನ್ನು ಒದಗಿಸುವುದಿಲ್ಲ. ವೃತ್ತಿಪರ ಬೇಸ್ ಬಾಲ್ ನ ಆರಂಭದಿಂದಲೂ ಒಂಭತ್ತು ಇನ್ನಿಂಗ್ ಗಳು ಸಾಮಾನ್ಯ ಮಟ್ಟವಾಗಿದೆಯಾದರೂ, ಒಂದು ಸರಾಸರಿ ಪ್ರಮುಖ ಲೀಗ್ ಪಂದ್ಯದ ಕಾಲಾವಧಿಯು ವರ್ಷಗಳು ಕಳೆದಂತೆ ನಿಯಮಿತವಾಗಿ ಹೆಚ್ಚಿದೆ. ೨೦ನೇ ಶತಮಾನದ ತಿರುವಿನಲ್ಲಿ, ಪಂದ್ಯಗಳನ್ನು ಆಡಲು ಸಾಮಾನ್ಯವಾಗಿ ಒಂದೂವರೆ ಗಂಟೆಗಳು ಬೇಕಾಗುತ್ತಿದ್ದವು. ೧೯೨೦ರ ದಶಕದಲ್ಲಿ, ಅವು ಸರಾಸರಿಯಾಗಿ ಎರಡು ಗಂಟೆಗೆ ಸ್ವಲ್ಪ ಕಡಿಮೆ ಕಾಲ ನಡೆಯುತ್ತಿದ್ದು, ಇದೇ ಕಾಲಾನುಕ್ರಮದಲ್ಲಿ ೧೯೬೦ರಲ್ಲಿ ೨:೩೮ಕ್ಕೆ ಉಬ್ಬಿತು. ೧೯೯೭ರಷ್ಟಕ್ಕೆ, ಒಂದು ಸರಾಸರಿ ಅಮೇರಿಕನ್ ಲೀಗ್ ಪಂದ್ಯವು ೨:೫೭ರಷ್ಟು ಹೊತ್ತು ನಡೆತುತ್ತಿದ್ದವು. (ರಾಷ್ಟ್ರೀಯ ಲೀಗ್ ಪಂದ್ಯಗಳು ೧೦ ನಿಮಿಷಗಳಷ್ಟು ಮೊಟಕಾಗಿದ್ದವು-ಪ್ಲೇಟ್ ನ ಬಳಿ ಇರುವ ಪಿಚ್ಚರ್ ಗಳು ನೇಮಕವಾದ ಹಿಟ್ಟರ್ ಗಳಿಗಿಂತ ಹೆಚ್ಚು ವೇಗವಾದ ಔಟ್ ಗಳನ್ನು ಮಾಡುವುದಕ್ಕೆ ಅನುವು ಮಾಡಿ.) ೨೦೦೪ರಲ್ಲಿ, ಪ್ರಮುಖ ಲೀಗ್ ಬೇಸ್ ಬಾಲ್ ಅದರ ಗುರಿಯು ಕೇವಲ ೨:೪೫ ರಷ್ಟು ಸಮಯದ ಒಂದು ಸರಾಸರಿ ಪಂದ್ಯ ಎಂದು ಘೋಷಿಸಿತು. ಎರಡು ಅರ್ಧ-ಇನ್ನಿಂಗ್ ಗಳ ನಡುವೆ ದೂರದರ್ಶನ ಜಾಹೀರಾತುಗಳಿಗಾಗಿ ಹೆಚ್ಚು ಉದ್ದದ ವಿರಾಮಗಳಿಗೆ, ಹೆಚ್ಚಿದ ಆಕ್ರಮಣ, ಹೆಚ್ಚು ಪಿಚ್ಚಿಂಗ್ ಬದಲಾವಣೆಗಳು, ಮತ್ತು ಪ್ರತಿಯೊಂದು ಎಸೆತದ ನಡುವೆ ಪಿಚ್ಚರ್ ಗಳು ಹೆಚ್ಚು ಸಮಯವನ್ನು ತೆಗೆದುಕೊಳ್ಳುವುದರೊಂದಿಗೆ ಆಟದ ಒಂದು ಹೆಚ್ಚು ನಿಧಾನಗತಿಯು, ಮತ್ತು ಬ್ಯಾಟರ್ ಗಳು ಬಾಕ್ಸಿನ ಹೊರಕ್ಕೆ ಹೆಚ್ಚು ಬಾರಿ ಕಾಲಿಡುವುದು ಇವುಗಳಿಗೆ ಪಂದ್ಯಗಳ ದೀರ್ಘವಾಗುವಿಕೆಯ ಶ್ರೇಯಸ್ಸನ್ನು ಸಲ್ಲಿಸಲಾಗುತ್ತದೆ. ಅನ್ಯ ಲೀಗ್ ಗಳು ಇದೇ ತೆರನ ಸಮಸ್ಯೆಗಳನ್ನು ಅನುಭವಿಸಿವೆ; ೨೦೦೮ರಲ್ಲಿ ನಿಪ್ಪಾನ್ ಪ್ರೊಫೆಷನಲ್ ಬೇಸ್ ಬಾಲ್ ಅದರ ಹಿಂದಿನ ದಶಕದಲ್ಲಿನ ೩:೧೮ರ ಸರಾಸರಿಯನ್ನು ೧೨ ನಿಮಿಷಗಳಷ್ಟು ಮೊಟುಕುಗೊಳಿಸುವೆಡೆಗೆ ಗುರಿಹೊಂದಿದ ಕ್ರಮಗಳನ್ನು ತೆಗೆದುಕೊಂದಿತು.

ವೈಯಕ್ತಿಕ ಗಮನ

ಒಂದು ತಂಡದ ಕ್ರೀಡೆಯಾಗಿ, ಬೇಸ್ ಬಾಲ್ ಪ್ರತ್ಯೇಕ ಆಟಗಾರರನ್ನು ಅಸಾಮಾನ್ಯವಾದ ಸೂಕ್ಷ್ಮವೀಕ್ಷಣೆ ಮತ್ತು ಒತ್ತಡದಲ್ಲಿಡುತ್ತದೆ. ೧೯೧೫ರಲ್ಲಿ, ಒಂದು ಬೇಸ್ ಬಾಲ್ ಸೂಚನಾ ಕೈಪಿಡಿಯು, ಒಂದು ಆಟದಲ್ಲಿ ಹೆಚ್ಚಾಗಿ ಇನ್ನೂರಕ್ಕಿಂತ ಹೆಚ್ಚಿರುವಂತಹ ಪ್ರತಿಯೊಂದು ಪಿಚ್, ಒಂದು ವೈಯಕ್ತಿಕ, ಒಬ್ಬರಿಗೆ ಒಬ್ಬರ ಸ್ಪರ್ಧೆಯನ್ನು ಒಳಗೊಂಡಿರುತ್ತದೆ: "ಪಿಚರನು ಮತ್ತು ಬ್ಯಾಟರನು ಬುದ್ಧಿವಂತಿಕೆಯ ಒಂದು ಕಾಳಗದಲ್ಲಿ ಇರುತ್ತಾರೆ". ಈ ಆಟವನ್ನು ಫುಟ್ಬಾಲ್ ಮತ್ತು ಬ್ಯಾಸ್ಕೆಟ್ಬಾಲ್ ಎರಡಕ್ಕೂ ಹೋಲಿಸಿ ಭಿನ್ನತೆಯನ್ನು ಹೇಳುತ್ತಾ, ವಿದ್ವಾಂಸ ಮೈಕೆಲ್ ಮಂಡೇಲ್ಬಾಮ್ ನು "ಬೇಸ್ಬಾಲ್, ವಿಕಾಸದ ನಿಟ್ಟಿನಲ್ಲಿ ಹಿರಿಯ ವೈಯಕ್ತಿಕ ಕ್ರೀಡೆಗಳಿಗೆ ಬಹಳ ಹತ್ತಿರವಿರುವಂತಹುದು" ಎಂದು ವಾದ ಮಾಡುತ್ತಾನೆ. ಪಿಚರ್, ಬ್ಯಾಟರ್ ಮತ್ತು ಫೀಲ್ಡರ್ ಎಲ್ಲರೂ ಅವಶ್ಯಕವಾಗಿ ಪರಸ್ಪರರಿಗೆ ಸ್ವತಂತ್ರವಾಗಿ ಕಾರ್ಯನಿರ್ವಹಿಸುತ್ತಾರೆ. ತರಬೇತುದಾರ ಸಿಬ್ಬಂದಿಗಳು ಪಿಚ್ಚರ್ ಅಥವಾ ಬ್ಯಾಟರ್ ಗೆ ಕೆಲವು ತಂತ್ರಗಳನ್ನು ಬಳಸಲು ಸಂಕೇತ ನೀಡಬಹುದಾಗಿದ್ದರೆ, ಆಟದ ಅನುಷ್ಠಾನವೇ ಪ್ರತ್ಯೇಕ ಕಾರ್ಯಗಳ ಒಂದು ಸರಣಿ. ಬ್ಯಾಟರ್ ನು ಒಂದು ಲೈನ್ ಡ್ರೈವ್ ಅನ್ನು ಹೊಡೆದರೆ, ಅದನ್ನು ಹಿಡಿಯಲು ಪ್ರಯತ್ನಿಸುವುದೋ ಅಥವಾ ಅದನ್ನು ಬೌನ್ಸ್ ನ ಮೇಲೆ ಆಡುವುದೋ ಎನ್ನುವ ನಿರ್ಧಾರ ಕೈಗೊಳ್ಳಲು, ಹಾಗೂ ಅದರಲ್ಲಿ ಯಶಸ್ವಿಗೊಳ್ಳಲು ಅಥವಾ ನಪಾಸಾಗಲು, ಔಟ್ಫೀಲ್ಡರ್ ಒಬ್ಬನೇ ಜವಾಬ್ದಾರನಾಗಿರುತ್ತಾನೆ. ಬೇಸ್ಬಾಲಿನ ಈ ಅಂಕಿಅಂಶಾತ್ಮಕ ಖಚಿತತೆಯು ಈ ಪ್ರತ್ಯೇಕೀಕರಣದಿಂದ ಅನುವುಗೊಳಿಸಲಾಗುತ್ತದೆ ಮತ್ತು ಅದೇ ಅದನ್ನು ಪುನರ್ಜಾರಿಗೊಳಿಸುವಂಥದ್ದು. ಮಂಡೇಲ್ಬಾಮ್ ವರ್ಣಿಸಿರುವಂತೆ,

ಪ್ರತಿ [ಫುಟ್ಬಾಲ್] ತಂಡದ ಸದಸ್ಯನು ಆಟದ ಫಲಿತಾಂಶಕ್ಕೆ ಮಾಡುವ ಕೊಡುಗೆಯನ್ನು ಪ್ರತ್ಯೇಕಿಸಲು ಮತ್ತು ವಸ್ತುನಿಷ್ಠವಾಗಿ ಅಳೆಯಲು ಅಸಾಧ್ಯ.... ಪ್ರತಿಯೊಬ್ಬ ಬ್ಯಾಸ್ಕೆಟ್ಬಾಲ್ ಆಟಗಾರನು ಎಲ್ಲಾ ಸಮಯದಲ್ಲೂ ತನ್ನ ತಂಡದ ಎಲ್ಲಾ ಸದಸ್ಯರೊಂದಿಗೆ ಸ್ಪಂದಿಸುತ್ತಿರುತ್ತಾನೆ. ಬೇಸ್ಬಾಲ್ ನಲ್ಲಿ, ಇದಕ್ಕೆ ಭಿನ್ನವಾಗಿ, ಪ್ರತಿಯೊಬ್ಬ ಆಟಗಾರನೂ ಹೆಚ್ಚು ಕಡಿಮೆ ತನ್ನಷ್ಟಕ್ಕೇ ಇರುತ್ತಾನೆ.... ಆದ್ದರಿಂದ, ಬೇಸ್ಬಾಲ್ ಸಂಪೂರ್ಣ ಪಾರದರ್ಶಕತೆ ಮತ್ತು ಒಟ್ಟಾರೆ ಜವಾಬ್ದಾರಿಯ ಒಂದು ವಲಯ. ಒಬ್ಬ ಬೇಸ್ಬಾಲ್ ಆಟಗಾರನು ಗಾಜಿನ ಮನೆಯಲ್ಲಿ, ಮತ್ತು ಒಂದು ಸಂಪೂರ್ಣ ನೈತಿಕ ವಿಶ್ವದಲ್ಲಿ ಬದುಕುತ್ತಾನೆ.... ಪ್ರತಿಯೊಬ್ಬ ಆಟಗಾರನು ಮಾಡುವ ಪ್ರತಿಯೊಂದು ವಿಷಯಕ್ಕೂ ಲೆಕ್ಕನೀಡಲಾಗುತ್ತದೆ ಮತ್ತು ಲೆಕ್ಕ ನೀಡಿದ ಪ್ರತಿಯೊಂದೂ ಒಂದೋ ಒಳ್ಳೆಯದು ಇಲ್ಲವೇ ಕೆಟ್ಟದು, ಸರಿ ಅಥವಾ ತಪ್ಪು.

ಈ ನಿಟ್ಟಿನಲ್ಲಿ ಕ್ರಿಕೆಟ್ ಬೇಸ್ಬಾಲಿಗೆ ಹಲವು ಇತರ ತಂಡ ಕ್ರೀಡೆಗಳಿಗಿಂತ ಹೆಚ್ಚು ಹೋಲುವಂಥದ್ದು: ಕ್ರಿಕೆಟ್ಟಿನಲ್ಲಿ ವೈಯಕ್ತಿಕ ಗಮನವು ಬ್ಯಾಟಿಂಗ್ ಪಾಲುದಾರಿಕೆಯ ಮಹತ್ವದಿಂದ ಮತ್ತು ಸರಿಸಮವಾದ ಓಡುವಿಕೆಯ ವಸ್ತುಸ್ಥಿತಿಗಳಿಂದ ಕಡಿಮೆಗೊಳಿಸಲ್ಪಟ್ಟಿದ್ದರೆ , ಅದು ಒಬ್ಬ ಬ್ಯಾಟ್ಸ ಮನ್ ವಿಕೆಟ್ ನಲ್ಲಿ ಒಂದು ಗಂಟೆ ಅಥವಾ ಇನ್ನೂ ಹೆಚ್ಚು ಕಾಲ ಉಳಿಯಬಹುದು ಎಂಬ ಸಂಗತಿಯಿಂದ ಹೆಚ್ಚಿಸಲ್ಪಟ್ಟಿದೆ. ಕ್ರಿಕೆಟ್ಟಿನಲ್ಲಿ ಕ್ಷೇತ್ರರಕ್ಷಕ ಲೋಪಕ್ಕೆ ಅಂಕಿಅಂಶಾತ್ಮಕವಾದ ಸಮಾನಾರ್ಥಕವು ಇಲ್ಲ ಮತ್ತು ಹೀಗಾಗಿ ಆಟದ ಈ ಕ್ಷೇತ್ರದಲ್ಲಿ ವೈಯಕ್ತಿಕ ಜವಾಬ್ದಾರಿಯ ಮೇಲೆ ಕಡಿಮೆ ಮಹತ್ವವನ್ನಿರಿಸಲಾಗುತ್ತದೆ.

ಪ್ರತಿ ಬೇಸ್ ಬಾಲ್ ಪಾರ್ಕ್ ನ ವೈಶಿಷ್ಟ್ಯ

ಬಹಳ ಕ್ರೀಡೆಗಳಂತಲ್ಲದೆ, ಬೇಸ್ ಬಾಲ್ ಮೈದಾನಗಳು ಆಕಾರ ಮತ್ತು ಅಳತೆಗಳಲ್ಲಿ ಗಮನಾರ್ಹವಾದ ವ್ಯತ್ಯಾಸಗಳನ್ನು ಹೊಂಡಿರುತ್ತವೆ. W ಒಳಾಂಗಣದ ಅಳತೆಗಳನ್ನು ನಿರ್ದಿಷ್ಟವಾಗಿ ನಿಯಂತ್ರಿಸಲಾಗುವುದಾದರೂ, ಮೇಜರ್ ಲೀಗ್ ಮತ್ತು ಮೈನರ್ ಲೀಗ್ ಬೇಸ್ ಬಾಲ್ ಪಂದ್ಯಗಳನ್ನಾಡುವ ವೃತ್ತಿನಿರತ ತಂಡಗಳ ಮೇಲೆ ಹೇರಲ್ಪಡುವ ಏಕೈಕ ನಿಯಂತ್ರಣವೆಂದರೆ ಜೂನ್ ೧, ೧೯೫೮ರ ನಂತರ ನಿರ್ಮಿತವಾದ ಅಥವಾ ಮರುವಿನ್ಯಾಸಗೊಂಡ ಮೈದಾನಗಳಲ್ಲಿ ಹೋಂ ಪ್ಲೇಟ್ ನಿಂದ ಹೊರಗೋಡೆಗಳವರೆಗೆ ಎಡ ಮತ್ತು ಬಲ ಫೀಲ್ಡ್ ಗಳಲ್ಲಿ400 feet (122 m) ಮತ್ತು ಮಧ್ಯಭಾಗಕ್ಕೆ ಕನಿಷ್ಠ 325 feet (99 m)ದೂರ ಇರಲೇಬೇಕು. ಮೇಜರ್ ಲೀಗ್ ತಂಡಗಳು ಆಗಾಗ್ಗೆ ಈ ನಿಯಮಗಳನ್ನೂ ಸಹ ತಪ್ಪುತ್ತವೆ. ಉದಾಹರಣೆಗೆ, ೨೦೦೦ದಲ್ಲಿ ಹೂಸ್ಟನ್ ಆಸ್ಟ್ರೋಸ್ ನವರ ಮಿನಿಟ್ ಮೇಯ್ಸ್ ಪಾರ್ಕ್ ನಲ್ಲಿ ಎಡ ಫೀಲ್ಡ್ ನಲ್ಲಿರುವ ಕ್ರಾಫರ್ಡ್ ಬಾಕ್ಸ್ ಗಳು ಹೋಂ ಪ್ಲೇಟ್ ನಿಂದ ಕೇವಲ 315 feet (96 m)ದೂರದಲ್ಲಿವೆ. ಹೊರಾಂಗಣದಲ್ಲಿ (ಮೈದಾನದ ಹೊರ ಅಂಚಿನಲ್ಲಿ) ನಿರ್ಮಿಸುವ ಗೋಡೆಗಳ ಅಥವಾ ಇತರ ಕಟ್ಟಡಗಳ ಎತ್ತರವು ಇಂತಿಷ್ಟೇ ಇರಬೇಕೆಂಬ ನಿಯಮಗಳು ಇಲ್ಲವೇ ಇಲ್ಲ. ಅತಿ ಪ್ರಖ್ಯಾತವಾದ ವಿಚಿತ್ರ ಹಾಗೂ ವಿಶಿಷ್ಟ ಔಟ್ ಫೀಲ್ಡ್ ಸೀಮಾರೇಖೆಯೆಂದರೆ ೧೯೧೨ರಿಂದಲೂ ಬಳಕೆಯಲ್ಲಿರುವ ಬೋಸ್ಟನ್ ನ ಫೆನ್ವೇ ಪಾರ್ಕ್ ನ ಲೆಫ್ಟ್ ಫೀಲ್ಡ್ ನ ಗೋಡೆ; ದ ಗ್ರೀನ್ ಮಾನ್ಸ್ಟರ್ ಹೋಂ ಪ್ಲೇಟ್ ನಿಂದ ನೇರವಾಗಿ ಕೆಳಸರಿದರೆ 310 feet (94 m)ದೂರದಲ್ಲಿದೆ ಮತ್ತು 37 feet (11 m)ಎತ್ತರವಿದೆ.

ಬೇಸ್‌ಬಾಲ್ 
ಮೂರನೆಯ ಬೇಸ್ ನ ಹಿಂಭಾಗದಿಂದ ಕಾಣುವ ಬೋಸ್ಟನ್ ರೆಡ್ ಬಾಕ್ಸ್ ನ ಗೃಹವಾದ ಫೆನ್ವೇ ಪಾರ್ಕ್ ನ ದೃಶ್ಯ.ಎಡಗಡೆಯ ತುದಿಯಲ್ಲಿ ಗ್ರೀನ್ ಮಾನ್ಸ್ಟರ್ ಅನ್ನು ಕಾಣಬಹುದು.

ಅಂತೆಯೇ ಫೌಲ್ ಪ್ರದೇಶದ ಅಳತೆಗಳ ಬಗ್ಗೆಯೂ ಯಾವುದೇ ನಿಯಮಾವಳಿಗಳಿಲ್ಲ. ಹೀಗೆ, ಒಂದು ಫೌಲ್ ಫ್ಲೈ ಬಾಲು ಫೌಲ್ ರೇಖೆಗಳು ಮತ್ತು ಸ್ಟ್ಯಾಂಡ್ ಗಳ ನಡುವೆ ಕಡಿಮೆ ಅಂತರವಿರುವ ಪಾರ್ಕಿನಲ್ಲಿ ಪೂರ್ಣವಾಗಿ ಆಟದ ಹೊರಗಾಗಬಹುದು, ಆದರೆ, ಹೆಚ್ಚು ವಿಸ್ತಾರವಾದ ಫೌಲ್ ಗ್ರೌಂಡ್ ಉಳ್ಳ ಪಾರ್ಕಿನಲ್ಲಿ ಫ್ಲೈಔಟ್ ಆಗಬಹುದು. ಫೌಲ್ ಪ್ರದೇಶದಲ್ಲಿ ಔಟ್ಫೀಲ್ಡ್ ರೇಖೆಗೆ ಹತ್ತಿರವಾಗಿರುವ ಒಂದು ಬೇಲಿಯು ಅದಕ್ಕೆ ಬೀಳುವ ಚೆಂಡುಗಳನ್ನು ಕ್ಷೇತ್ರರಕ್ಷಕರೆಡೆಗೆ ವಾಪಸು ಕಳಿಸುವ ಹಾಗಿರುತ್ತದೆ. ಅದೇ ದೂರಕ್ಕೆ ಇರುವಂಥ ಬೇಲಿಯು ವಸ್ತುತಃ ಹೆಚ್ಚು ಡಿಕ್ಕಿಗಳಿಗೆ ಎಡೆ ಮಾಡಿಕೊಡಬಹುದು, ಏಕೆಂದರೆ ಮೂಲೆಯ ಒಳಭಾಗದಲ್ಲಿ ಚೆಂಡುಗಳನ್ನು ಫೀಲ್ಡ್ ಮಾಡುಲು ಔಟ್ಫೀಲ್ಡರ್ ಗಳು ಪೂರ್ಣ ವೇಗದಿಂದ ಓಡುತ್ತಾರೆ; ಈ ಭಿನ್ನತೆಗಳು ಒಂದು ಡಬಲ್ ಮತ್ತು ಒಂದು ಟ್ರಿಪಲ್ ಅಥವಾ ಪಾರ್ಕ್ ನೊಳಗಣ ಹೋಮ್ ರನ್‌ನ ನಡುವಣ ವ್ಯತ್ಯಾಸವನ್ನು ಉಂಟುಮಾಡಬಲ್ಲವು. ಮೈದಾನದ ನೆಲಮಾದರಿಯೂ ನಿಯಂತ್ರಿಸಲ್ಪಡುವುದಿಲ್ಲ. ಮೇಲೆ ನಿಯಮಗಳು ಮತ್ತು ಆಟಗಾರಿಕೆ ವಿಭಾಗದಲ್ಲಿರುವ ಚಿತ್ರವು ಒಂದು ಪಾರಂಪರಿಕ ಮೇದಾನ ನೆಲಮಾದರೀಕರಣದ ವ್ಯವಸ್ಥೆಯನ್ನು (ಇದು ಬಹುಶಃ ಎಲ್ಲ ಎಂಎಲ್ ಬು ತಂಡಗಳಿಂದಲೂ ನೈಸರ್ಗಿಕವಾಗಿ ನೆಲಮಾದರಿಹೊಂದಿದ ಮೈದಾನಗಳ ವಿಷಯದಲ್ಲಿ ಬಳಸಲಾಗುವಂಥದ್ದು ಕೂಡ)ತೋರಿಸುತ್ತಿದ್ದರೆ, ತಂಡಗಳು ಯಾವ ಪ್ರದೇಶಗಳು ಹುಲ್ಲುಹೊಂದಿರಬೇಕು ಅಥವಾ ಖಾಲಿ ಇರಬೇಕು ಎಂಬುದನ್ನು ನಿರ್ಧರಿಸಲು ಮುಕ್ತವಾಗಿರುತ್ತವೆ. ಕೆಲವು ಮೈದಾನಗಳು-ಎಂಎಲ್ ಬಿಯಲ್ಲಿರುವ ಹಲವಾರೂ ಸೇರಿದಂತೆ-ಆಸ್ಟ್ರೋಟರ್ಫ್‌ನಂತಹ ಒಂದು ಕೃತಕ ನೆಲಮಾದರಿಯನ್ನು ಬಳಸುತ್ತವೆ. Surface ಭಿನ್ನತೆಗಳು ಗ್ರೌಂಡ್ ಚೆಂಡುಗಳು ಹೇಗೆ ವರ್ತಿಸುವುವು ಮತ್ತು ಫೀಲ್ಡ್ ಮಾಡಲ್ಪಡುವುವು ಅನ್ನುವುದರ ಮೇಲೆ, ಹಾಗೆಯೇ ಬೇಸ್ ರನ್ನಿಂಗ್ ನ ಮೇಲೆ ಮಹತ್ತರ ಪರಿಣಾಮವನ್ನು ಬೀರಬಲ್ಲವು. ಇದೇ ತೆರನಾಗಿ, ಛಾವಣಿಯ ಇರುವಿಕೆಯು ಫ್ಲೈ ಬಾಲ್ ಗಳು ಆಡಲ್ಪಡುವ ಬಗೆಯನ್ನು ಬಹಳ ಪ್ರಭಾವಿತಗೊಳಿಸಬಹುದು. (ಏಳು ಪ್ರಮೂಖ ಲೀಗ್ ತಂಡಗಳು ಶಾಶ್ವತ ಅಥವಾ ಪುನರ್ನಿರ್ಮಿಸಬಲ್ಲಂಥ ಛಾವಣಿಗಳನ್ನು ಹೊಂದಿದ ಕ್ರೀಡಾಂಗಣದಲ್ಲಿ ಆಡುತ್ತವೆ.) ಫುಟ್ಬಾಲ್ ಮತ್ತು ಸಾಕರ್ ಆಟಗಾರರೂ ಇದೇ ತೆರನಾದ ಮೈದಾನ ನೆಲಮಾದರಿ ಮತ್ತು ಕ್ರೀಡಾಂಹಣ ಹೊದಿಕೆಯ ಭಿನ್ನತೆಗಳನ್ನು ಎದುರಿಸುತ್ತಾರಾದರೂ, ಅವರ ಮೈದಾನಗಳ ಗಾತ್ರ ಮತ್ತು ಆಕಾರಗಳು ಇದಕ್ಕೆ ಬಹಳ ಹೆಚ್ಚು ಪ್ರಮಾಣಬದ್ಧಗೊಳಿಸಲಾಗಿವೆ; ಫುಟ್ಬಾಲ್ ಅಥವಾ ಸಾಕರ್ ಮೈದಾನದಲ್ಲಿನ ಗಡಿಗಳ-ಹೊರಗಿನ ಪ್ರದೇಶವು ಬೇಸ್ ಬಾಲ್ ನಲ್ಲಿ ಫೌಲ್ ಪ್ರದೇಶವು ಮಾಡುವ ರೀತಿಯಲ್ಲಿ ಆಟಗಾರಿಕೆಯನ್ನು ವ್ಯತ್ಯಾಸಗೊಳಿಸುವುದಿಲ್ಲ, ಹಾಗಾಗಿ ಈ ನಿಟ್ಟಿನಲ್ಲಿ ಭಿನ್ನತೆಗಳು ಹೆಚ್ಚಾಗಿ ಮಹತ್ವಹೀನವಾಗಿರುತ್ತವೆ. ಈ ಭೌತಿಕ ಭಿನ್ನತೆಗಳು ಪ್ರತಿ ಬಾಲ್ ಪಾರ್ಕಿನಲ್ಲಿ ಒಂದು ವಿಶಿಷ್ಟ ರೀತಿಯ ಆಟದ ಪರಿಸ್ಥಿತಿಗಳನ್ನು ಸೃಷ್ಟಿಸುತ್ತವೆ. ಎತ್ತರ ಮತ್ತು ಹವಾಮಾನದಂತಹ ಇತರ ಸ್ಥಳೀಯ ಸಂಗತಿಗಳು ಕೂಡ ಆಟಗಾರಿಕೆಯನ್ನು ಮಹತ್ವಪೂರ್ಣವಾಗಿ ವ್ಯತ್ಯಾಸ ಮಾಡಬಲ್ಲವು. ಒಂದು ನಿರ್ದಿಷ್ಟ ಕ್ರೀಡಾಂಗಣವು, ಅದರ ವಿವಿಧ ಅಂಶಗಳ ವಿಶಿಷ್ಟ ಮಿಶ್ರಣದಿಂದಾಗಿ ಒಂದು ಅಥವಾ ಇನ್ನೊಂದು ಶಿಸ್ತು ಗಣನಾರ್ಹವಾಗಿ ಲಾಭಪಡೆದಲ್ಲಿ, ಪಿಚರ್ ನ ಪಾರ್ಕ್ ಅಥವಾ ಹಿಟರ್ ನ ಪಾರ್ಕ್ ಎಂಬ ಮಾನ್ಯತೆಯನ್ನು ಗಳಿಸಬಲ್ಲದು. ಈ ನಿಟ್ಟಿನಲ್ಲಿ ಬಹು ಅತಿವಿಶೇಷವಾದ ಪಾರ್ಕ್ ಎಂದರೆ ಕೊಲೊರಾಡೋ ರಾಕೀಸ್‌ಗೆ ಮನೆಯಾಗಿರುವ ಕೂರ್ಸ್ ಫೀಲ್ಡ್. ಅದರ ಉನ್ನತ ಎತ್ತರ—5,282 feet (1,610 m) ಸಮುದ್ರ ಮಟ್ಟದ ಮೇಲೆ-ಅದಕ್ಕೆ ಪ್ರಮುಖ ಲೀಗ್ ಗಳಲ್ಲಿ ಅತ್ಯಂತ ಬಲಿಷ್ಠ ಹಿಟರ್ ನ ಪಾರ್ಕ್ ನ ಪ್ರಭಾವವನ್ನು ಕೊಡುವುದಕ್ಕೆ ಕಾರಣವಾಗಿದೆ. ಚಿಕಾಗೋ ಕಬ್ಸ್‌ನ ಮನೆಯಾಗಿರುವ ವ್ರಿಗ್ಲಿ ಫೀಲ್ಡ್, ಅದರ ಚಂಚಲ ಗುಣಕ್ಕೆ ಖ್ಯಾತವಾಗಿದೆ: ಮಿಚಿಗನ್ ಕೊಳಕ್ಕೆ ವಿರುದ್ಧ ದಿಕ್ಕಿನಲ್ಲಿ ಬಲವಾದ ಗಾಳಿ ಬೀಸುವಾಗ ಹಿಟರ್ ನ ಪಾರ್ಕ್ ಆಗಿರುತ್ತದೆ, ಮತ್ತು ಗಾಳಿಯು ಕೊಳದೆಡೆಗೆ ಬೀಸುವಾಗ, ಒಂದು ಪಿಚರ್ ನ ಪಾರ್ಕ್ ನಂತೆಯೇ ಆಗಿಬಿಡುತ್ತದೆ. ಒಂದು ನಿಯಮಕ್ಕನುಸಾರವಾದ ಮೈದಾನದ ಅನುಪಸ್ಥಿತಿಯು ನಿರ್ದಿಷ್ಟ ಪಂದ್ಯಗಳು ಹೇಗೆ ಆಡಲ್ಪಡುತ್ತವೆ ಎಂಬುದರಲ್ಲಷ್ಟೇ ವ್ಯತ್ಯಾಸಗಳನ್ನುಂಟುಮಾಡುವುದಿಲ್ಲ, ಆದರೆ, ತಂಡದ ಆಟಗಾರರ ಯಾದಿ ಮತ್ತು ಆಟಗಾರರ ಅಂಕಿಅಂಶಗಳ ದಾಖಲೆಗಳ ಸ್ವಭಾವದ ಮೇಲೂ ಪ್ರಭಾವ ಬೀರುತ್ತದೆ. ಉದಾಹರಣೆಗೆ, ಬಲಗಡೆ ಮೈದಾನದೊಳಕ್ಕೆ ಒಂದು ಫ್ಲೈ ಬಾಲ್ ಅನ್ನು ಹೊಡೆಯುವುದು 330 feet (100 m) ಒಂದು ಪಾರ್ಕಿನಲ್ಲಿ ವಾರ್ನಿಂಗ್ ಟ್ರಾಕ್‌ನ ಮೇಲೆ ಒಂದು ಸುಲಭದ ಹಿಡಿತವಾಗಿ ಪರಿಣಮಿಸಬಹುದುದು ಮತ್ತು ಇನ್ನೊಂದರಲ್ಲಿ ಒಂದು ಹೋಮ್ ರನ್ ಆಗಬಹುದು. ಒಂದಕ್ಕೊಂದು ಹೋಲಿಸಿದಾಗ ಬಲ ಮೈದಾನವು ಸ್ವಲ್ಪ ಕಡಿಮೆ ಉದ್ದ ಇರುವ ಪಾರ್ಕೊಂದರಲ್ಲಿ ಆಡುವ, ನ್ಯೂ ಯಾರ್ಕ್ ಯಾಂಕೀಸ್ ನಂತಹ, ತಂಡವು, ಈ ಅಂಶವನ್ನು ಅತ್ಯುತ್ತಮವಾಗಿ ಬಳಸಿಕೊಳ್ಳಬಲ್ಲ ಎಡಗೈ ಪುಲ್ ಹಿಟರ್‌ಗಳಿಂದ ತನ್ನ ಆಟಗಾರರ ಯಾದಿಯನ್ನು ತುಂಬಿಕೊಳ್ಳಬಹುದು. ವೈಯಕ್ತಿಕ ಮಟ್ಟದಲ್ಲಿ, ಒಂದು ಹಿಟರ್ಸ್' ಪಾರ್ಕ್ ನಲ್ಲಿ ಆಡುವ ತಂಡದೊಂದಿಗೆ ತನ್ನ ವೃತ್ತಿಜೀವನದ ಬಹುಭಾಗವನ್ನು ಕಳೆಯುವ ಒಬ್ಬ ಆಟಗಾರನು, ಕಾಲಕಳೆದಂತೆ ಬ್ಯಾಟಿಂಗ್ ಅಂಕಿಅಂಶಗಳಲ್ಲಿ ಹೆಚ್ಚಿನ ಪ್ರಯೋಜನ ಪಡೆಯುತ್ತಾನೆ-ಅವನ ಪ್ರತಿಭೆಗಳು ವಿಶೇಷವಾಗಿ ಪಾರ್ಕಿಗೆ ಹೊಂದುವಂತಿದ್ದರೆ, ಈ ಪ್ರಮೇಯವು ಇನ್ನೂ ಹೆಚ್ಚು.

ಅಂಕಿಅಂಶಗಳು

ಸಂಘಟಿತ ಬೇಸ್ ಬಾಲ್ ಹಲವು ಇತರ ಕ್ರೀಡೆಗಳಿಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಅಂಕಿಅಂಶಗಳಿಗೆ ಮಹತ್ವವನ್ನು ನೀಡುತ್ತದೆ. ಪ್ರತಿ ಆಟವೂ ಪ್ರತ್ಯೇಕವಾದ ಮತ್ತು ಹೋಲಿಸಿದರೆ ಚಿಕ್ಕ ಸಂಖ್ಯೆಯ ಫಲಿತಾಂಶಗಳ ಸಾಧ್ಯತೆಯನ್ನು ಹೊಂದಿರುತ್ತದೆ. ೧೯ನೇ ಶತಮಾನದ ಕೊನೆಯ ಭಾಗದಲ್ಲಿ, ಒಬ್ಬ ಮಾಜಿ ಕ್ರಿಕೆಟ್ ಆಟಗಾರ, ಆಂಗ್ಲ-ಜನಿತ ಬ್ರೂಕ್ಲಿನ್, ನ್ಯೂ ಯಾರ್ಕ್‌ನ ಹೆನ್ರಿ ಚಾಡ್ವಿಕ್ "ಬಾಕ್ಸ್ ಸ್ಕೋರ್, ಟಾಬುಲಾರ್ ಸ್ಟ್ಯಾಂಡಿಂಗ್ಸ್, ವಾರ್ಷಿಕ ಬೇಸ್ ಬಾಲ್ ಗೈಡ್, ಬ್ಯಾಟಿಂಗ್ ಆವರೇಜ್, ಮತ್ತು ಬೇಸ್ ಬಾಲ್ ಅನ್ನು ವರ್ಣಿಸಲು ಬಳಸುವ ಸಾಮಾನ್ಯ ಅಂಕಿಅಂಶಗಳು ಮತ್ತು ಟೇಬಲ್ ಗಳಲ್ಲಿ ಬಹುಭಾಗದ ಬೆಳವಣಿಗೆ" ಗೆ ಜವಾಬ್ದಾರನಾದನು. ಅಂಕಿಅಂಶಾತ್ಮಕ ದಾಖಲೆಯು ಈ ಆಟದ "ಐತಿಹಾಸಿಕ ಸತ್ವ"ಕ್ಕೆ ಎಷ್ಟು ಕೇಂದ್ರಬಿಂದುವೆಂದರೆ, ಚಾಡ್ವಿಕ್ ನು ಫಾದರ್ ಬೇಸ್ ಬಾಲ್ ಎಂದು ಗುರುತಿಸಲ್ಪಟ್ಟನು. ೧೯೨೦ರ ದಶಕದಲ್ಲಿ, ಅಮೇರಿಕಾದ ವಾರ್ತಾಪತ್ರಿಕೆಗಳು ಬೇಸ್ ಬಾಲ್ ಅಂಕಿಅಂಶಗಳಿಗೆ ಹೆಚ್ಚು ಹೆಚ್ಚು ಗಮನವನ್ನು ಅರ್ಪಿಸಲಾರಂಭಿಸಿದವು, ಮತ್ತು ಪತ್ರಕರ್ತ ಮತ್ತು ಇತಿಹಾಸಜ್ಙ ಅಲನ್ ಶ್ವಾರ್ಜ್ "ಕ್ರೀಡೆಗಳಲ್ಲಿ ಟೆಕ್ಟಾನಿಕ್ ಬದಲಾವಣೆ, ಏಕೆಂದರೆ ಹಿಂದೊಮ್ಮೆ ಹೆಚ್ಚಾಗಿ ತಂಡಗಳ ಮೇಲೆಯೇ ಕೇಂದ್ರೀಕರಿಸುತ್ತಿದ್ದ ವ್ಯವಸ್ಥೆಯು, ವ್ಯಕ್ತಿಶಃ ಆಟಗಾರರೆಡೆಗೆ ಮತ್ತು ಅವರ ಅಂಕಿಅಂಶಗಳ ರೇಖೆಗಳೆಡೆಗೆ ಗಮನನೀಡಲಾರಂಭಿಸಿದವು" ಎಂದು ವರ್ಣಿಸುವಂಥುದಕ್ಕೆ ಚಾಲನೆ ಕೊಟ್ಟವು. ಮೇಜರ್ ಲೀಗ್ ಬೇಸ್ ಬಾಲ್ ನಿಂದ ಅನುಷ್ಠಾನಗೊಳಿಸಲ್ಪಡುವ ಅಧಿಕೃತ ಬೇಸ್ ಬಾಲ್ ನಿಯಮಗಳು ಅಧಿಕೃತ ಸ್ಕೋರರ್ ಪ್ರತಿ ಬೇಸ್ ಬಾಲ್ ಆಟವನ್ನು ನಿಸ್ಸಂದಿಗ್ಧವಾಗಿ ವಿಂಗಡಿಸಬೇಕಾಗಿ ಮಾಡುತ್ತದೆ. ಸಂಬದ್ಧತೆಯನ್ನು ಪೋಷಿಸಲು ವಿವರಪೂರ್ಣ ಮಾನದಂಡಗಳನ್ನು ಈ ನಿಯಮಗಳು ಒದಗಿಸುತ್ತವೆ. ಸ್ಕೋರ್ ವರದಿಯು ಪಂದ್ಯದ ಬಾಕ್ಸ್ ಸ್ಕೋರ್ ಮತ್ತು ಪ್ರಸಂಗೋಚಿತ ಅಂಕಿಅಂಶಗಳ ದಾಖಲೆಗಳೆರಡಕ್ಕೂ ಅಧಿಕೃತ ಆಧಾರವಾಗಿರುತ್ತದೆ. ಪ್ರಧಾನ ನಿರ್ವಾಹಕರು, ನಿರ್ವಾಹಕರು ಮತ್ತು ಬೇಸ್ ಬಾಲ್ ಸ್ಕೌಟ್ ಗಳು ಆಟಗಾರರನ್ನು ಮೌಲ್ಯಮಾಪನ ಮಾಡಲು ಮತ್ತು ರಣನೀತಿಯ ಬಗೆಗಿನ ನಿರ್ಧಾರಗಳನ್ನು ಮಾಡಲು, ಅಂಕಿಅಂಶಗಳನ್ನು ಬಳಸುತ್ತಾರೆ.

ಬೇಸ್‌ಬಾಲ್ 
ರಿಕಿ ಹೆಂಡರ್ಸನ್ - ಮೇಜರ್ ಲೀಗ್ ನ ಸರ್ವಕಾಲಿಕ ರನ್ ಗಳು ಮತ್ತು ಸ್ಟೋಲನ್ ಬೇಸ್ ಗಳಲ್ಲಿ ಅಗ್ರಗಣ್ಯ - 1988ರ ಒಂದು ಪಂದ್ಯದಲ್ಲಿ ಮೂರನೆಯ ಬೇಸ್ ಸ್ಟೀಲ್ ಮಾಡುತ್ತಿರುವುದು.

ಕೆಲವು ಪರಂಪರಾಗತ ಅಂಕಿಅಂಶಗಳು ಬಹುತೇಕ ಬೇಸ್ ಬಾಲ್ ಅಭಿಮಾನಿಗಳಿಗೆ ಪರಿಚಿತವಾಗಿವೆ. ಮೂಲತಃ ಇರುವಂತಹ ಬ್ಯಾಟಿಂಗ್ ಅಂಕಿ ಅಂಶಗಳು ಈ ಕೆಳಕಂಡವನ್ನು ಒಳಗೊಂಡಿವೆ:

  • ಬ್ಯಾಟ್ಸ್ ನಲ್ಲಿ: ಆಡಿದ ಪ್ಲೇಟ್ ಪಂದ್ಯಗಳು, ವಾಕ್ ಗಳು ಮತ್ತು ಪಿಚ್ ಗಳಿಂದ ದೊರೆತ ಹಿಟ್ ಗಳನ್ನು ಹೊರತುಪಡಿಸಿ - ಎಲ್ಲಿ ಬ್ಯಾಟರ್ ನ ಯೋಗ್ಯತೆಯು ಸಂಪೂರ್ಣ ಪರೀಕ್ಷಿಸಲ್ಪಡುವುದಿಲ್ಲವೋ - ಮತ್ತು ತ್ಯಾಗಗಳು ಹಾಗೂ ತ್ಯಾಗ ಫ್ಲೈಗಳು - ಎಲ್ಲಿ ಬ್ಯಾಟರ್ ಬೇಸ್ ರನ್ನರ್ ಗಳು ಮುಂದುವರಿಯುಲು ಅವಕಾಶ ನೀಡಲು ಬೇಕೆಂದೇ ಔಟ್ ಆಗುತ್ತಾನೋ.
  • ಹಿಟ್ಸ್: ಫೀಲ್ಡರ್ಸ್ ಚಾಯ್ಸ್ ಇಲ್ಲದೆ ಅಥವಾ ಫೇಯ್ರ್ ಚೆಂಡಿನ ಫೀಲ್ಡಿಂಗ್ ಎರರ್ ಇಲ್ಲದೆ ಬ್ಯಾಟ್ ಮಾಡಿ ಬೇಸ್ ತಲುಪಿದ ಸಂಖ್ಯೆಗಳು
  • ರನ್ಸ್: ಬೇಸ್ ಗಳನ್ನು ಸುತ್ತಿಕೊಂಡು ಹೋಂ ಅನ್ನು ಸುರಕ್ಷಿತವಾಗಿ ತಲುಪಿದ ಪ್ರಸಂಗಗಳು
  • ರನ್ಸ್ ಬ್ಯಾಟೆಡ್ ಇನ್ (RBIs): ಬ್ಯಾಟರ್ ನ ಕ್ರಿಯೆಯಿಂದ ಸ್ಕೋರ್ ಮಾಡಿದ ರನ್ನರ್ ಗಳ ಸಂಖ್ಯೆ (ಹೋಂ ರನ್ ಗಳ ಬಾಬ್ತಿನಲ್ಲಿ ಬ್ಯಾಟರ್ ಸೇರಿದಂತೆ), ಡಬಲ್ ಪ್ಲೇಯಲ್ಲಿ ಬ್ಯಾಟರ್ ನೆಲಕಚ್ಚಿದಾಗ ಅಥವಾ ಎರರ್ ಆದಾಗ ತಲುಪಿದಾಗಿನ ಪ್ರಸಂಗಗಳ ಹೊರತಾಗಿ.
  • ಹೋಂ ರನ್ ಗಳು: ಫೀಲ್ಡಿಂಗ್ ಎರರ್ ಜ ಸಹಾಯವಿಲ್ಲದೆ, ಬ್ಯಾಟರ್ ನಾಲ್ಕೂ ಬೇಸ್ ಗಳನ್ನು ಯಶಸ್ವಿಯಾಗಿ ತಲುಪಿದಾಗ
  • ಬ್ಯಾಟಿಂಗ್ ಸರಾಸರಿ: ಹಿಟ್ಸ್ ಅನ್ನು ಬ್ಯಾಟ್ಸ್ ಇಂದು ಭಾಗಿಸಿದಾಗ - ಸಾಂಪ್ರದಾಯಿಕ ಬ್ಯಾಟಿಂಗ್ ಸಾಮರ್ಥ್ಯದ ಮಾನದಂಡ.

ಮೂಲ ಬೇಸ್ ರನ್ನಿಂಗ್ ಅಂಕಿ-ಅಂಶಗಳು ಈ ಕೆಳಕಂಡವನ್ನು ಒಳಗೊಂಡಿವೆ:

  • ಸ್ಟೋಲನ್ ಬೇಸಸ್: ರನ್ನರ್ ನ ಸ್ವಸಾಮರ್ಥ್ಯದ ಮೇಲೆ ಮುಂದಿನ ಬೇಸ್ ತಲುಪುವ ಸರತಿಗಳು, ಸಾಮಾನ್ಯವಾಗಿ ಪಿಚರ್ ಎಸೆಯಲು ಅಣಿಯಾಗುತ್ತಿರುವಾಗ ಅಥವಾ ಚೆಂಡನ್ನು ಎಸೆಯುತ್ತಿರುವಾಗ
  • ಕಾಟ್ ಸ್ಟೀಲಿಂಗ್: ಸ್ಟೀಲ್ ಎ ಬೇಸ್ ಯತ್ನದಲ್ಲಿ ಟ್ಯಾಗ್ ಔಟ್ ಎಷ್ಟು ಬಾರಿಯಾದರೆಂಬುದು
ಬೇಸ್‌ಬಾಲ್ 
Cy ಯಂಗ್—ಹಲವಾರು ಮೇಜರ್ ಲೀಗ್ ವೃತ್ತಿಜೀವನದ ಚಿಹ್ನೆಗಳನ್ನು ಹೊಂದಿರುವಾತ, ಪಿಚ್ ಮಾಡಿದ ಇನ್ನಿಂಗ್ಸ್ ಗಳು ಮತ್ತು ಜಯಗಳು ಸೇರಿದಂತೆ, ಹಾಗೂ ಸೋಲುಗಳನ್ನೂ ಸಹ — 1908ರಲ್ಲಿ. MLBಯ ಎರಡೂ ಲೀಗ್ ಗಳಲ್ಲಿನ ಅತ್ಯುತ್ತಮ ಪಿಚರ್ ವಾರ್ಷಿಕ ಪ್ರಶಸ್ತಿಗಳು ಯಂಗ್ ಗೆ ದೊರಕಿತು.

ಮೂಲ ಪಿಚಿಂಗ್ ಅಂಕಿ-ಅಂಶಗಳು ಇವುಗಳನ್ನು ಒಳಗೊಂಡಿವೆ:

  • ಜಯಗಳು: ಪಿಚರ್ ಪಿಚಿಂಗ್ ಮಾಡುವಾಗ ತಂಡವು ಒಂದು ಮುನ್ನಡೆಯನ್ನು ಸಾಧಿಸಿ ಕಡೆಯವರೆಗೂ ಅದನ್ನು ಬಿಟ್ಟುಕೊಡದೆ ಜಯದತ್ತ ಸಾಗಿದಂತಹ ಪಂದ್ಯಗಳು
  • ಸೋಲುಗಳು: ಪಿಚರ್ ಪಿಚ್ ಮಾಡುವಾಗ ವಿರೋಧಿ ತಂಡವು ಮುನ್ನಡೆ ಸಾಧಿಸಿ ಕಡೆಯವರೆಗೂ ಬಿಟ್ಟುಕೊಡದೆ ಗೆಲುವು ಸಾದಿಸಿದ ಪಂದ್ಯಗಳು
  • ಸೇವ್ ಗಳು: ಪಿಚರ್ ನ ತಂಡದೊಂದಿಗೆ ಪಿಚರ್ ಪ್ರವೇಶಿಸಿ, ಮುನ್ನಡೆ ನೀಡದೆ ಪಂದ್ಯವನ್ನು ಮುಗಿಸಿ, ಗೆದ್ದ ಪಿಚರ್ ಆಗದೆ, (a)ಪಿಚರ್ ಆಟವನ್ನು ಪ್ರವೇಶಿಸಿದಾಗ ಮುನ್ನಡೆ ಮೂರು ರನ್ ಅಥವಾ ಕಡಿಮೆ ಇದ್ದರೆ; (b) ಸಮಗೊಳಿಸುವ ಸಾಧ್ಯತೆಯ ರನ್ ಬೇಸ್ ನಲ್ಲಿ ಅಥವಾ ಬ್ಯಾಟ್ ನಲ್ಲಿ ಅಥವಾ ಡೆಕ್ ನಲ್ಲಿ ಇದ್ದರೆ; ಅಥವಾ (ಕ) ಪಿಚರ್ ಮೂರು ಅಥವಾ ಹೆಚ್ಚು ಇನ್ನಿಂಗ್ಸ್ ನಲ್ಲಿ ಪಿಚ್ ಮಾಡಿದ್ದರೆ.
  • ಪಿಚ್ ಮಾಡಲ್ಪಟ್ಟ ಇನ್ನಿಂಗ್ಸ್: ಪಿಚ್ ಮಾಡುವಾಗ ದಾಖಲಿಸಿದ ಔಟ್ ಗಳನ್ನು ಮೂರರಿಂದ ಭಾಗಿಸುವುದು.
  • ಸ್ಟ್ರೈಕ್ ಔಟ್ ಗಳು: ಬ್ಯಾಟರ್ ಗೆ ಮೂರು ಸ್ಟ್ರೈಕ್ ಗಳನ್ನು ಪಿಚ್ ಮಾಡಿದ ಬಾರಿಗಳು
  • ಗೆಲುವಿನ ಪ್ರತಿಶತ: ವಿಜಯಗಳು ನಿರ್ಣಯಗಳಿಂದ ಭಾಗಿಸಲ್ಪಡುವುದು (ವಿಜಯಗಳು ಮತ್ತು ಸೋಲುಗಳು)
  • ಗಳಿಸಿದ ರನ್ ಸರಾಸರಿ (ERA): ಒಂಬತ್ತು ಇನ್ನಿಂಗ್ಸ್ ಪಿಚ್ ಮಾಡಿದಾಗ ಕೊಟ್ಟ ರನ್ ಗಳು, ಫೀಲ್ಡಿಂಗ್ ಎರರ್ ನಿಂದ ಪಡೆದವನ್ನು ಹೊರತು ಪಡಿಸಿ

ಮೂಲ ಫೀಲ್ಡಿಂಗ್ ಅಂಕಿ-ಅಂಶಗಳು ಇವನ್ನು ಒಳಗೊಂಡಿವೆ:

  • ಪುಟ್ ಔಟ್ ಗಳು: ಫೀಲ್ಡರ್ ಫ್ಲೈ ಬಾಲ್ ಹಿಡಿದ, ಟ್ಯಾಗ್ ಮಾಡಿದ ಅಥವಾ ರನ್ನರ್ ನನ್ನು ಫೋರ್ಸ್ ಔಟ್ ಮಾಡಿದ ಅಥವಾ ಇನ್ನಾವುದೇ ರೀತಿಯಲ್ಲಿ ನೇರವಾಗಿ ಔಟ್ ಮಾಡಿದ ಸರತಿಗಳು,
  • ನೆರವುಗಳು: ಫೀಲ್ಡರ್ ಚೆಂಡನ್ನು ಮುಟ್ಟಿದ ನಂತರ ಮತ್ತೊಬ್ಬ ಫೀಲ್ಡರ್ ನಿಂದ ಪುಟ್ ಔಟ್ ಆದ ಸರತಿಗಳು
  • ಎರರ್ ಗಳು: ಸಾಮಾನ್ಯ ಯತ್ನದಿಂದ ಮಾಡಬೇಕಾದ ಕ್ರೀಡಾಕಾರ್ಯವನ್ನು ಫೀಲ್ಡರ್ ಮಾಡಲು ಅಸಮರ್ಥನಾದ ಹಾಗೂ ಅದರಿಂದ ಬ್ಯಾಟಿಂಗ್ ತಂಡ ಲಾಭ ಪಡೆದ ಬಾರಿಗಳು
  • ಒಟ್ಟಾರೆ ಅವಕಾಶಗಳು: ಪುಟ್ ಔಟ್ ಗಳು + ಅಸಿಸ್ಟ್ (ನೆರವು)ಗಳು + ಎರರ್ ಗಳು
  • ಕ್ಷೇತ್ರರಕ್ಷಣಾ ಸರಾಸರಿ: ಸಫಲತೆಯ ಸಾಧ್ಯತೆಗಳು(ಪುಟ್ ಔಟ್ ಗಳು ಮತ್ತು ಅಸಿಸ್ಟ್ ಗಳು) ಒಟ್ಟು ಸಾಧ್ಯತೆಗಳಿಂದ ಭಾಗಿಸಲ್ಪಟ್ಟಾಗ ಬರುವ ಅಂಶ

ಇನ್ನೂ ಹಲವಾರು ಅಂಕಿ-ಅಂಶಗಳನ್ನು ಇಡಲ್ಪಡುವುದಾಗಿದ್ದು ಅವುಗಳನ್ನು ಒಟ್ಠಾರೆ ಸಿಚುಯೇಷನಲ್ ಸ್ಟ್ಯಾಟಿಸ್ಟಿಕ್ಸ್ (ಸಾಂದರ್ಭಿಕ ಅಂಕಿ-ಅಂಶಗಳು) ಎಂದು ಕರೆಯುತ್ತಾರೆ. ಉದಾಹರಣೆಗೆ, ಯಾವ ಪಿಚರ್ ಎದುರು ಯಾವ ಬ್ಯಾಟರ್ ಚೆನ್ನಾಗಿ ಆಡುವನೆಂಬುದನ್ನು ಅಂಕಿ-ಅಂಶಗಳು ಸೂಚಿಸಬಹುದು. ದತ್ತ ಪರಿಸ್ಥಿತಿಯು ಯಾವುದೇ ಬ್ಯಾಟರ್ ಗೆ ಅನುಕೂಲಕರವೆಂದು ಸೂಚಿತವಾದರೆ, ಫೀಲ್ಡಿಂಗ್ ತಂಡದ ವ್ಯವಸ್ಥಾಪಕನು ಪಿಚರ್ ಗಳನ್ನು ಬದಲಾಯಿಸುವ ಅಥವಾ ಪಿಚರ್ ಬ್ಯಾಟರ್ ಅನ್ನು ಬೇಕೆಂದೇ ವಾಕ್ ಮಾಡಿಸಿ ಮತ್ತೊಬ್ಬ ಕಡಿಮೆ ಯಶ ಗಳಿಸುವವನನ್ನು ಎದುರಿಸುವುದಕ್ಕೆ ಹಂಚಿಕೆ ಹೂಡಲು ಅನುಕೂಲವಾಗುತ್ತದೆ.

ಸೇಬರ್ಮೆಟ್ರಿಕ್ಸ್

ಬೇಸ್ ಬಾಲ್ ನ ಅಂಕಿ-ಅಂಶಗಳ ಅಧ್ಯಯನ ಹಾಗೂ ಹೊಸ ಅಂಕಿ-ಅಂಶಗಳ ಮತ್ತು ವಿಶ್ಲೇಷಣ ಸಾಧನಗಳ ವೃದ್ಧಿಗೆ ಸಂಬಂಧಿಸಿದ ಕ್ಷೇತ್ರವೇ ಸೇಬರ್ಮೆಟ್ರಿಕ್ಸ್ . ಈ ಪದವನ್ನು ನವೀನ ಅಂಕಿ-ಅಂಶಗಳನ್ನು ಸೂಚಿಸಲು ಸಹ ನೇರವಾಗಿ ಬಳಸಲಾಗುತ್ತದೆ. ಈ ಪದವನ್ನು ೧೯೮೦ರಲ್ಲಿ ಈ ಕ್ಷೇತ್ರದ ಪ್ರಮುಖ ಸೂಚಕರಲ್ಲೊಬ್ಬರಾದ ಬಿಲ್ ಜೇಮ್ಸ್ ರಿಂದ ಕೊಡಮಾಡಲ್ಪಟ್ಟಿತು ಮತ್ತು ಸೊಸೈಟಿ ಫಾರ್ ಅಮೆರಿಕನ್ ಬೇಸ್ ಬಾಲ್ ರಿಸರ್ಚ್ (SABR)ನಿಂದ ಉಗಮವಾಯಿತು. ೧೯೮೦ರಿಂದಲೂ ಸೇಬರ್ಮೆಟ್ರಿಕ್ಸ್ ನ ಹೆಚ್ಚುತ್ತಿರುವ ಜನಪ್ರಿಯತೆಯು ಬ್ಯಾಟಿಂಗ್ ನ ಎರಡು ಪ್ರಮುಖ ಅಂಕಿ-ಅಂಶಗಳತ್ತ ಹೆಚ್ಚು ಗಮನ ಸೆಳೆದಿದ್ದು, ಸೇಬರ್ಮೆಟ್ರಿಷಿಯನ್ ಗಳು ಈ ವಿಧವು ಬ್ಯಾಟರ್ ನ ಬ್ಯಾಟಿಂಗ್ ಸರಾಸರಿಗಿಂತಲೂ ಕುಶಲತೆಯನ್ನು ಅಳೆಯಲು ಸೂಕ್ತವಾದ ಮಾನದಂಡವಾಗಿದೆ ಎಂದು ಅಭಿಪ್ರಾಯ ಪಡುತ್ತಾರೆ:

  • ಆನ್-ಬೇಸ್ ಪ್ರತಿಶತವು ಬ್ಯಾಟರ್ ಬೇಸ್ ತಲುಪುವ ಸಾಮರ್ಥ್ಯವನ್ನು ಅಳೆಯುತ್ತದೆ. ಬೇಸ್ ನಲ್ಲಿ ಬ್ಯಾಟರ್ ಪಡೆದ ಯಶಸ್ಸನ್ನು (ಹಿಟ್ ಗಳು + ವಾಕ್ ಗಳು + ಪಿಚ್ ಗಳಿಂದ ಹಿಟ್ ಗಳು)ತ್ಯಾಗ ಬಂಟ್ ಗಳನ್ನು ಹೊರತಾಗಿಸಿದ, ಬ್ಯಾಟರ್ ನ ಒಟ್ಟಾರೆ ಪ್ಲೇಟ್ ಅಪಿಯರೆನ್ಸ್ ನಿಂದ (ಹಿಟ್ ಗಳು + ವಾಕ್ ಗಳು + ಪಿಚ್ ಗಳಿಂದ ಹಿಟ್ ಗಳು + ಪಿಟ್ ಗಳಿಂದ ಹಿಟ್ ಆದ ತ್ಯಾಗ ಫ್ಲೈಗಳು) ಭಾಗಿಸುವುದರ ಮೂಲಕ ಲೆಕ್ಕ ಹಾಕಲಾಗುತ್ತದೆ.
  • ಸ್ಲಗಿಂಗ್ ಪ್ರತಿಶತ ಬ್ಯಾಟರ್ ನ ರಭಸಕ್ಕಾಗಿ ಹೊಡೆದಂತಹ ಸಾಮರ್ಥ್ಯವನ್ನು ಅಳೆಯುತ್ತದೆ. ಬ್ಯಾಟರ್ ನ ಬ್ಯಾಟ್ಸ್ ನಲ್ಲಿ ಯಿಂದ ಅವನ ಒಟ್ಟಾರೆ ಬೇಸ್ ಗಳನ್ನು (ಸಿಂಗಲ್ ಗೆ ಒಂದು, ಡಬಲ್ ಗೆ ಎರಡು, ಟ್ರಿಪಲ್ ಗೆ ಮೂರು ಮತ್ತು ಹೋಂ ರನ್ ಗೆ ನಾಲ್ಕು) ಭಾಗಿಸುವುದರ ಮೂಲಕ ಈ ಪ್ರತಿಶತ ದೊರೆಯುತ್ತದೆ.

ಸೇಬರ್ಮೆಟ್ರಿಷಿಯನ್ಸ್ ಕಂಡುಹಿಡಿದ ಕೆಲವು ನವೀನ ಅಂಕಿ-ಅಂಶಗಳು ವ್ಯಾಪಕವಾಗಿ ಬಳಸಲಾಗುತ್ತಿವೆ:

  • ಆನ್ ಬೇಸ್ ಪ್ಲಸ್ ಸ್ಲಗಿಂಗ್ (OPS) ಬ್ಯಾಟರ್ ನ ಸಮಗ್ರ ಸಾಮರ್ಥ್ಯವನ್ನು ಅಳೆಯುತ್ತದೆ. ಇದನ್ನು ಬ್ಯಾಟರ್ ನ ಆನ್ ಬೇಸ್ ಪ್ರತಿಶತ ಮತ್ತು ಸ್ಲಗಿಂಗ್ ಪ್ರತಿಶತವನ್ನು ಕೂಡುವುದರ ಮೂಲಕ ಲೆಕ್ಕ ಹಾಕಲಾಗುತ್ತದೆ.
  • ವಾಕ್ಸ್ ಪ್ಲಸ್ ಹಿಟ್ಸ್ ಪರ್ ಇನ್ನಿಂಗ್ಸ್ ಪಿಚ್ಡ್ (WHIP) ಬ್ಯಾಟರ್ ಗಳು ಬೇಸ್ ತಲುಪದಂತೆ ಮಾಡುವ ಹಿಟರ್ ನ ಸಾಮರ್ಥ್ಯವನ್ನು ಅಳೆಯುತ್ತದೆ. ಅದರ ಹೆಸರು ಹೇಳುವ ರೀತಿಯಲ್ಲಿಯೇ ಅದನ್ನು ಲೆಕ್ಕ ಮಾಡಲಾಗುತ್ತದೆ.

ಜನಪ್ರಿಯತೆ ಮತ್ತು ಸಾಂಸ್ಕೃತಿಕ ಪ್ರಭಾವ

೧೯೧೯ರಲ್ಲಿ ತತ್ವಜ್ಞಾನಿ ಮಾರಿಸ್ ರಾಫೆಲ್ ಕೊಹೆನ್ ತಮ್ಮ ಬರವಣಿಗೆಗಳಲ್ಲಿ ಬೇಸ್ ಬಾಲ್ ಅನ್ನು ಅಮೆರಿಕದ ರಾಷ್ಟ್ರೀಯ ಧರ್ಮವೆಂದು ವರ್ಣಿದರು. ಕ್ರೀಡಾ ಅಂಕಣಕಾರ ಜೇಸನ್ ಸ್ಟಾರ್ಕ್ ನ ನುಡಿಗಳಲ್ಲಿ ಬೇಸ್ ಬಾಲ್ ಬಹಳ ಕಾಲದಿಂದಲೂ "ಅಮೆರಿಕದ ಸಂಸ್ಕೃತಿಯ ವಿಶಿಷ್ಟ ಪ್ರತೀಕ"ವಾಗಿದೆ - ಈ ಸ್ಥಾನವು ಸ್ಟೆರಾಯ್ಡ್ ದುರ್ಬಳಕೆ ಹಗರಣದಿಂದ ನಾಶಗೊಂಡಿತೆಂದು ಅವರು ಅಭಿಪ್ರಾಯಪಡುತ್ತಾರೆ. ಇತರ ದೇಶಗಳ ಸಂಸ್ಕೃತಿಗಳಲ್ಲೂ ಸಹ ಬೇಸ್ ಬಾಲ್ ಪ್ರಮುಖ ಸ್ಥಾನವನ್ನು ಪಡೆದಿದೆ: "ಕ್ಯೂಬಾದಂತಹ ದೇಶದ ಇತಿಹಾಸ ಮತ್ತು ಸಂಸ್ಕೃತಿಯೊಡನೆ ಈ ಕ್ರೀಡೆಯು ಹೇಗೆ ಹಾಸುಹೊಕ್ಕಾಗಿದೆ, (ಮತ್ತು) ಜಪಾನ್ ನಲ್ಲಿ ಎಷ್ಟು ಸಮಗ್ರವಾಗಿ ಅದಕ್ಕೆ ಮೂಲತಃ ಪುನರಾಕಾರ ನೀಡಿ,ಸ್ಥಳೀಯವಾಗಿಸಿಕೊಳ್ಳಲಾಯಿತು" ಎಂಬುದನ್ನು ಪಂಡಿತ ಪೀಟರ್ ಜಾರ್ಕ್ ಮನ್ ವಿವರಿಸುತ್ತಾರೆ. ೧೯೮೦ರ ದಶಕದ ಆದಿಯಿಂದಲೂ ಡೊಮಿನಿಕನ್ ರಿಪಬ್ಲಿಕ್, ಅದರಲ್ಲೂ ವಿಶೇಷವಾಗಿ ಸ್ಯಾನ್ ಪೆಡ್ರೋ ಡಿ ಮೆಕೋರಿಸ್ ನಗರವು ಮೇಜರ್ ಲೀಗ್ ಗೆ ವಿದೇಶೀ ಪ್ರತಿಭೆಗಳ ಪ್ರಧಾನ ಮೂಲವಾಗಿದೆ. ಚಳಿಗಾಲದ ಲೀಗ್ ಮತ್ತು ಮೇಜರ್ ಲೀಗ್ ಎರಡನ್ನೂ ಪ್ಯುಯೆರ್ಟೋ ರಿಕೋ ಬಹಳ ನಿಕಟವಾಗಿ ಗಮನಿಸುತ್ತದೆ; ಮೇಜರ್ ಲೀಗ್ ಹಾಲ್ ಆಫ್ ಫೇಮ್ ಗೆ ಸೇರಿದ ರಾಬರ್ಟೋ ಕ್ಲೆಮೆಂಟೆ ಈ ದ್ವೀಪದ ಇತಿಹಾಸದಲ್ಲಿ ದೇಶ ಕಂಡ ಅತಿ ಶ್ರೇಷ್ಠ ಆಟಗಾರರಾಗಿ ಸ್ಥಾನ ಪಡೆದಿದ್ದಾರೆ. ಪಶ್ಚಿಮ ಗೋಳಾರ್ಧದಲ್ಲಿ, ಬೇಸ್ ಬಾಲ್ ಕೆನಡಾ, ಕೊಲಂಬಿಯಾ, ಮೆಕ್ಸಿಕೋ, ನೆದರ್ಲ್ಯಾಂಡ್ಸ್ ಆಂಟಿಲರ್ಸ್, ನಿಕಾರಾಗುವ, ಪನಾಮಾ ಮತ್ತು ವೆನೆಝೂಯೆಲಾಗಳಲ್ಲೂ ಪ್ರಮುಖ ಕ್ರೀಡೆಗಳಲ್ಲಿ ಒಂದಾಗಿದೆ. ಏಷ್ಯಾದಲ್ಲಿ, ಅದು ದಕ್ಷಿಣ ಕೊರಿಯಾ ಮತ್ತು ತೈವಾನ್ ಗಳಲ್ಲಿ ಜನಪ್ರಿಯ ಕ್ರೀಡೆಗಳಲ್ಲಿ ಒಂದಾಗಿದೆ. ಯುನೈಟೆಡ್ ಸ್ಟೇಟ್ಸ್ ನಲ್ಲಿ ಮೇಜರ್ ಲೀಗ್ ಕ್ರೀಡೆಯು ಮೂಲತಃ ಮಧ್ಯಮ ವರ್ಗದ, ಬಿಳಿ-ಕಾಲರ್ ನ ವೀಕ್ಷಕರಿಗೆಂದು ಉದ್ದೇಶಿಸಲಾಗಿತ್ತು; ಇತರ ವೀಕ್ಷಕರ ಆಕರ್ಷಣೆಳಿಗೆ ಹೋಲಿಸಿದರೆ, ನ್ಯಾಷನಲ್ ಲೀಗ್ ನವರು ನಿಗದಿ ಪಡಿಸಿದ ೫೦ ಸೆಂಟ್ ಗಳು ೧೮೭೬ರಲ್ಲಿ ದುಬಾರಿಯೇ ಆಗಿತ್ತು, ನಗರದ ಒಳಭಾಗದಿಂದ ದೂರವಿದ್ದ ಮೈದಾನಗಳು ಮತ್ತು ಕೆಲಸದ ದಿನಗಳಲ್ಲಿ ದಿನದ ವೇಳೆಯಲ್ಲಿ ಪಂದ್ಯಗಳನ್ನು ಹಮ್ಮಿಕೊಳ್ಳುವುದು ನೀಲಿ-ಕಾಲರ್ ವೀಕ್ಷಕರಿಗೆ ತೊಂದರೆಯಾಗುತ್ತಿತ್ತು. ಒಂದು ಶತಮಾನದ ನಂತರ ಪರಿಸ್ಥಿತಿಯು ಬದಲಾಗಿತ್ತು. ಇತರ ತಂಡ ಕ್ರೀಡೆಗಳ ಜನಪ್ರಿಯತೆಯು ಹೆಚ್ಚಿದಂತೆ ಅವುಗಳ ಸರಾಸರಿ ಟಿಕೆಟ್ ದರವೂ ಏರಿದಂತೆ - ಫುಟ್ ಬಾಲ್, ಬ್ಯಾಸ್ಕೆಟ್ ಬಾಲ್ ಮತ್ತು ಹಾಕಿ - ವೃತ್ತಿಪರ ಬೇಸ್ ಬಾಲ್ ಹೆಚ್ಚು ನೀಲಿ-ಕಾಲರ್ ಉದ್ದೇಶಿತವಾದ ಪ್ರಮುಖ ಅಮೆರಿಕನ್ ವೀಕ್ಷಕ ಕ್ರೀಡೆಯಾಯಿತು. ಇತ್ತೀಚಿನ ವರ್ಷಗಳಲ್ಲಿ ಯುನೈಟೆಡ್ ಸ್ಟೇಟ್ಸ್ ನಲ್ಲಿ ಫುಟ್ ಬಾಲ್ ಗೆ ಹೋಲಿಸಿದರೆ ಬೇಸ್ ಬಾಲ್ ವಿರುದ್ಧ ದಿಕ್ಕಿನಲ್ಲಿ ಸಾಗುತ್ತಿದೆ. ೨೦೦೮ರಲ್ಲಿ, ಮೇಜರ್ ಲೀಗ್ ಬೇಸ್ ಬಾಲ್ $೬.೫ ಬಿಲಿಯನ್ ಆದಾಯ ಹೊಂದಿ ಒಂದು ದಾಖಲೆಯನ್ನೇ ಸೃಷ್ಟಿಸಿತು; ಈ ದಾಖಲೆಯು ಹಲವಾರು ದಶಕಗಳಲ್ಲಿ ಮೊದಲ ಬಾರಿಗೆ NFLನ ಆದಾಯವನ್ನು ಸರಿಗಟ್ಟಿತು. ಇನ್ನೊಂದೆಡೆ, ಬೇಸ್ ಬಾಲ್ ತಮ್ಮ ನೆಚ್ಚಿನ ಕ್ರೀಡೆ ಎಂದು ಹೇಳಿದ ಅಮೆರಿಕನ್ ಕ್ರೀಡಾ ಅಭಿಮಾನಿಗಳ ಸಂಖ್ಯೆಯು ೧೬% ಇದ್ದು, ಹೋಲಿಸಿದಾಗ ವೃತ್ತಿಪರ ಫುಟ್ ಬಾಲ್ ಗೆ ೩೧% ಅಭಿಮಾನಿಗಳಿರುವುದೆಂದಾಯಿತು; ೧೯೮೫ರಲ್ಲಿ ಈ ಅಂಕಿ-ಅಂಶಗಳು ವೃತ್ತಿಪರ ಫುಟ್ ಬಾಲ್ ಗೆ ೨೪%, ಬೇಸ್ ಬಾಲ್ ಗೆ ೨೩% ಎಂದಿದ್ದವು. ಬಹಳವೇ ಮೇಜರ್ ಲೀಗ್ ಪಂದ್ಯಗಳು ನಡೆಯುತ್ತಿರುವುದರಿಂದ ಒಟ್ಟಾರೆ ಹಾಜರಾತಿಯ ಸಾದೃಶಗಳಿಲ್ಲ. ೨೦೦೮ರಲ್ಲಿ, ಮೇಜರ್ ಲೀಗ್ ಪಂದ್ಯಗಳಲ್ಲಿನ ಒಟ್ಟಾರೆ ಹಾಜರಾತಿಯು ಇತಿಹಾಸದಲ್ಲೇ ಎರಡನೆಯ ಗರಿಷ್ಠ ಮಜಲನ್ನು ತಲುಪಿತ್ತು; ೭೮.೬ ಮಿಲಿಯನ್, ಹೋದ ವರ್ಷ ನಿರ್ಮಿತವಾದ ದಾಖಲೆಗೆ ಕೇವಲ ೦.೭% ವ್ಯತ್ಯಾಸದಲ್ಲಿತ್ತು. ಮೈನರ್ ಲೀಗ್ ಬೇಸ್ ಬಾಲ್ ಕೊಡೆಯಡಿಯಲ್ಲಿ ನಡೆಸಿದ ಪಂದ್ಯಗಳು ಸಹ ೨೦೦೭ರಲ್ಲಿ ಹಾಜರಾತಿಯ ಬಾಬ್ತಿನಲ್ಲಿ ೪೨.೮ ಮಿಲಿಯನ್ ತಲುಪಿ ದಾಖಲೆ ನಿರ್ಮಿಸಿದವು; ಈ ಅಂಕಿಯು ಹಲವಾರು ಖಾಸಗಿ ಮೈನರ್ ಲೀಗ್ ಗಳ ಹಾಜರಾತಿಯನ್ನು ಗಣನೆಗೆ ತೆಗೆದುಕೊಂಡಿಲ್ಲ.

ಬೇಸ್‌ಬಾಲ್ 
ಟೋಕ್ಯೋದ ಬೇಸ್ ಬಾಲ್ ತಂಡದ ಇಬ್ಬರು ಆಟಗಾರರು, ಜಪಾನ್ ನ ವಾಸೆದಾ ವಿಶ್ವವಿದ್ಯಾಲಯ, 1921

ಜಪಾನ್ ನಲ್ಲಿ, ನಿರ್ವಿವಾದವಾಗಿ ಬೇಸ್ ಬಾಲ್ ಪ್ರಮುಖ ವೀಕ್ಷಕ ಕ್ರೀಡೆಯಾಗಿದ್ದು, ನಿಪ್ಪಾನ್ ಪ್ರೊಫೆಷನಲ್ ಬೇಸ್ ಬಾಲ್ (NPB) ಎಂಬ ಸೆಂಟ್ರಲ್ ಮತ್ತು ಪೆಸಿಫಿಕ್ ತಂಡಗಳೆರಡರ ಮೇಲ್ವಿಚಾರಣೆಯನ್ನೂ ವಹಿಸುವ ಹನ್ನೆರಡು ತಂಡಗಳನ್ನುಳ ಲೀಗ್ ನ ಆದಾಯವು ೨೦೦೭ರಲ್ಲಿ $೧ ಬಿಲಿಯನ್ ಎಂದು ಅಂದಾಜಿಸಲಾಗಿತ್ತು. ಆ ವರ್ಷದ ಒಟ್ಟು NPB ಹಾಜರಾತಿ ಸುಮಾರು ೨೦ ಮಿಲಿಯನ್. ಹಿಂದಿನ ಎರಡು ದಶಕಗಳಲ್ಲಿ MLBಯ ಹಾಜರಾತಿಯು ೫೦ ಪ್ರತಿಶತ ಹೆಚ್ಚಿ, ಆದಾಯ ಸರಿಸುಮಾರು ಮೂರುಪಟ್ಟು ಏರಿದಾಗ್ಯೂ, NPBಯ ಹೋಲಿಸಬಹುದಾದ ಆದಾಯವು ಇದ್ದಷ್ಟೇ ಇತ್ತು. ಶ್ರೇಷ್ಠ ಜಪಾನಿ ಆಟಗಾರರನ್ನು MLBಯವರು ಸೆಳೆದುಕೊಂಡುಬಿಡುವುದರಿಂದ ಜಪಾನಿನ ಕ್ರೀಡೆಗೆ ತೊಂದರೆಯಾಗಬಹುದೆಂಬ ಭೀತಿಯಿದೆ. ಕ್ಯೂಬಾದಲ್ಲಿ, ಯಾವುದೇ ದೃಷ್ಟಿಕೋನದಿಂದ ಕಂಡರೂ ಬೇಸ್ ಬಾಲ್ ರಾಷ್ಟ್ರೀಯ ಕ್ರೀಡೆಯಾಗಿದ್ದು, ರಾಷ್ಟ್ರೀಯ ತಂಡವು ಉನ್ನತ-ಮಟ್ಟದ ಸ್ವದೇಳಿ ಲೀಗ್ ಗಳಲ್ಲಿ ಆಡುವ ನಗರ ಮತ್ತು ಪ್ರಾದೇಶಿಕ ತಂಡಗಳಿಗಿಂತಲೂ ಬಹಳ ಉನ್ನತವಾಗಿರುತ್ತದೆ. ದೇಶದ ಹವ್ಯಾಸಿ ವ್ಯವಸ್ಥೆಯ ಕ್ರೀಡೆಗಳ ಆದಾಯವನ್ನು ಬಹಿರಂಗಗೊಳಿಸುವುದಿಲ್ಲ; ಅಂತೆಯೇ, ಒಂದು ಅಧಿಕೃತ ಹೇಳಿಕೆಯ ಪ್ರಕಾರ, ಕ್ರೀಡಾ ಆಡಳಿತ ಪ್ರಾಧಿಕಾರವು "ಎಂದೂ ಹಾಜರಾತಿಯನ್ನು ಗಣನೆಗೆ ತೆಗೆದುಕೊಂಡಿಲ್ಲ... ಏಕೆಂದರೆ ಎಂದಿಗೂ ಅದರ ಮಹದುದ್ದೇಶವು ಅಥ್ಲೆಟ್ ಗಳ ಅಭಿವೃದ್ಧಿಗೊಳಿಸುವುದೇ ಆಗಿತ್ತು". ೨೦೦೭ರ ಪ್ರಕಾರ, ಲಿಟಲ್ ಲೀಗ್ ಬೇಸ್ ಬಾಲ್ ೭೦೦೦ಕ್ಕೂ ಹೆಚ್ಚು ಮಕ್ಕಳ ಬೇಸ್ ಬಾಲ್ ಲೀಗ್ ಗಳ ಮೇಲ್ವಿಚಾರಣೆ ನಡೆಸುತ್ತದೆ ಹಾಗೂ ಅದರಲ್ಲಿ ೨.೨ ಮಿಲಿಯನ್ ಗಿಂತಲೂ ಹೆಚ್ಚು ಭಾಗವಹಿಸುವವರಿರುತ್ತಾರೆ - ಯುನೈಟೆಡ್ ಸ್ಟೇಟ್ಸ್ ನಲ್ಲಿ ೨.೧ ಮಿಲಿಯನ್ ಮತ್ತು ೧೨೩.೦೦೦ ಇತರ ದೇಶಗಳಲ್ಲಿ. ಬೇಬ್ ರಥ್ ಲೀಗ್ ತಂಡಗಳಲ್ಲಿ ೧ ಮಿಲಿಯನ್ ಗಿಂತಲೂ ಹೆಚ್ಚು ಭಾಗವಹಿಸುವವರಿದ್ದಾರೆ. ಇಂಟರ್ನ್ಯಾಷನಲ್ ಬೇಸ್ ಬಾಲ್ ಫೆಡರೇಷನ್ ನ ಅಧ್ಯಕ್ಷರೇ ಹೇಳುವಂತೆ, ವಿಶ್ವದಾದ್ಯಂತ ೩೦೦,೦೦೦ದಿಂದ ೫೦೦,೦೦೦ ಹೆಂಗಸರು ಮತ್ತು ಹುಡುಗಿಯರು ಬೇಸ್ ಬಾಲ್ ಆಡುತ್ತಾರೆ; ಲಿಟಲ್ ಲೀಗ್ ಮತ್ತು ಪರಿಚಯಾತ್ಮಕ ಕ್ರೀಡೆಯಾದ ಟೀ ಬಾಲ್ ಸಹ ಸೇರಿದಂತೆ. ಯುನೈಟೆಡ್ ಸ್ಟೇಟ್ಸ್ ನಲ್ಲಿ ಸುಮಾರು ಶಾಲೆಗಳು ಮತ್ತು ಕಾಲೇಜುಗಳಲ್ಲಿ ವಾರ್ಸಿಟಿ ಬೇಸ್ ಬಾಲ್ ತಂಡಗಳು ದೈಹಿಕ ಶಿಕ್ಷಣ ವಿಭಾಗದ ವ್ಯವಸ್ಥಿತ ಅಂಗವಾಗಿದೆ. ೨೦೦೮ರಲ್ಲಿ ಸುಮಾರು ಅರ್ಧ ಮಿಲಯನ್ ಪ್ರೌಢಶಾಲೆಯವರು ಮತ್ತು ೩೫,೦೦೦ಕ್ಕೂ ಹೆಚ್ಚು ಕಾಲೇಜಿನವರು ತಮ್ಮ ಶಾಲೆಗಳ ಬೇಸ್ ಬಾಲ್ ತಂಡಗಳಲ್ಲಿ ಆಡಿದರು. ೧೯೮೦ರಿಂದ ಈವೆಗೆ ಬೇಸ್ ಬಾಲ್ ನಲ್ಲಿ ಪಾಲ್ಗೊಳ್ಳುವ ಅಮೆರಿಕನ್ನರ ಸಂಖ್ಯೆಯು ಇಳಿಮುಖವಾಗಿದ್ದು, ಸಾಕರ್ ನಲ್ಲಿ ಭಾಗವಹಿಸುವವರಿಗಿಂತಲೂ ಬಹಳ ಕಡಿಮೆ ಇದೆ. ೨೦ನೆಯ ಶತಮಾನದ ಆದಿಯಲ್ಲಿ ಅಂತರ-ಕಾಲೇಜು ಬೇಸ್ ಬಾಲ್ ಜಪಾನ್ ನ ಪ್ರಮುಖ ಕ್ರೀಡೆಯಾಗಿತ್ತು. ಈಗ, ಪ್ರಮುಖವಾಗಿ ಹೈ ಸ್ಕೂಲ್ ಬೇಸ್ ಬಾಲ್ ಅಲ್ಲಿ ಬಹಳ ಜನಪ್ರಿಯವಾಗಿದೆ. ಎರಡು ವಾರ್ಷಿಕ ಟೂರ್ನಮೆಂಟ್ ಗಳ ಕೊನೆಯ ಸುತ್ತಿನ ಪಂದ್ಯಗಳನ್ನು - ವಸಂತದಲ್ಲಿ ನಡೆಯುವ ದ ನ್ಯಾಷನಲ್ ಹೈ ಸ್ಕೂಲ್ ಬೇಸ್ ಬಾಲ್ ಇನ್ವಿಟೇಷನಲ್ ಟೂರ್ನಮೆಂಟ್ ಹಾಗೂ ಅದಕ್ಕೂ ಪ್ರಮುಖವಾದ ಬೇಸಿಗೆಯಲ್ಲಿ ನಡೆಯುವ ನ್ಯಾಷನಲ್ ಹೈ ಸ್ಕೂಲ್ ಬೇಸ್ ಬಾಲ್ ಚಾಂಪಿಯನ್ ಷಿಪ್ - ದೇಶದಾದ್ಯಂತ ನೇರ ಪ್ರಸಾರ ಮಾಡಲಾಗುತ್ತದೆ. 55,000 ಸಾಮರ್ಥ್ಯವುಳ್ಳ ಸ್ಟೇಡಿಯಂನಲ್ಲಿ ನಡೆಯುವ ಈ ಕ್ರೀಡೆಗಳು ಆ ಸ್ಟೇಡಿಯಂನ ಹೆಸರನ್ನು ಆಧರಿಸಿಯೇ ಕ್ರಮವಾಗಿ ಸ್ಪ್ರಿಂಗ್ ಕೋಶಿಯೆನ್ ಮತ್ತು ಸಮ್ಮರ್ ಕೋಶಿಯೆನ್ ಎಂದು ಜನಜನಿತವಾಗಿವೆ. ಕ್ಯೂಬಾದಲ್ಲಿ ಬೇಸ್ ಬಾಲ್ ಶಾಲೆಯ ದೈಹಿಕ ಶಿಕ್ಷಣದ ಒಂದು ಕಡ್ಡಾಯ ರಾಜ್ಯ ವ್ಯವಸ್ಥೆಯಾಗಿದೆ, ಈ ಶಿಕ್ಷಣವು ಆರನೆಯ ವಯಸ್ಸಿನಲ್ಲಿಯೇ ಆರಂಭವಾಗುತ್ತದೆ. ಪ್ರತಿಭಾವಂತ ಏಳು ವರ್ಷ ವಯಸ್ಸಿನ ಹಸುಳೆಗಳನ್ನೂ ಸಹ ವಿಶೇಷ ಜಿಲ್ಲಾ ಶಾಲೆಗಳಿಗೆ ಕಳುಹಿಸಿ ಅವರಿಗೆ ವಿಶೇಷ ತರಬೇತಿ ನೀಡಲಾಗುತ್ತದೆ - ನ್ಯಾಷನಲ್ ಬೇಸ್ ಬಾಲ್ ತಂಡವನ್ನು ತಲುಪುವ ಹಾದಿಯ ಮೊದಲ ಮೆಟ್ಟಿಲಿದು.

ಜನಪ್ರಿಯ ಸಂಸ್ಕೃತಿಯಲ್ಲಿ ಬೇಸ್ ಬಾಲ್

ಯುನೈಟೆಡ್ ಸ್ಟೇಟ್ಸ್ ಹಾಗೂ ಇತರ ಕಡೆಗಳಲ್ಲಿಯೂ ಸಹ ಜನಪ್ರಿಯ ಸಂಸ್ಕೃತಿಯ ಮೇಲೆ ಬೇಸ್ ಬಾಲ್ ಸಾಕಷ್ಟು ಪ್ರಭಾವ ಬೀರಿದೆ. ಡಜನ್ ಗಟ್ಟಲೆ ಆಂಗ್ಲಭಾಷಾ ನುಡಿಗಟ್ಟುಗಳು ಬೇಸ್ ಬಾಲ್ ನಿಂದ ವ್ಯುತ್ಪನ್ನವಾಗಿವೆ; ವಿಶೇಷವಾಗಿ, ಈ ಕ್ರೀಡೆಯು ವ್ಯಾಪಕವಾಗಿ ಬಳಸುವ ಲೈಂಗಿಕ ಪರಿಭಾಷೆಗಳಿಗೆ ಮೂಲವಾಗಿದೆ. ಉತ್ತರ ಅಮೆರಿಕದ ಮೊದಲ ಜಾಲಸಂಪರ್ಕ ರೇಡಿಯೋ ಪ್ರಸರಣವು 1992ರ ವಿಶ್ವ ಸರಣಿಯದಾಗಿತ್ತು; ಖ್ಯಾತ ಕ್ರೀಡಾವರದಿಗಾರ ಗ್ರ್ಯಾಂಟ್ ಲ್ಯಾಂಡ್ ರೈಸ್ ನ್ಯೂ ಯಾರ್ಕ್ ಸಿಟಿಯ ಪೋಲೋ ಮೈದಾನದಿಂದ ಪ್ಲೇ-ಬೈ-ಪ್ಲೇ ವಿವರಣೆಯನ್ನು WJZ- ನೆವಾರ್ಕ್, ನ್ಯೂಜೆರ್ಸಿಯ ಮೂಲಕ ಬಿತ್ತರಿಸಿದುದನ್ನು ವೈರ್ ಮೂಲಕ WGY-ಸ್ಕೆನೆಕ್ಟಾಡಿ, ನ್ಯೂ ಯಾರ್ಕ್, ಮತ್ತು WBZ- ಸ್ಪ್ರಿಂಗ್ ಫೀಲ್ಡ್, ಮಸಾಚ್ಯುಸೆಟ್ಸ್ ಮೂಲಕ ಪ್ರಸಾರವಾಯಿತು. ಬೇಸ್ ಬಾಲ್ ಕ್ಯಾಪ್ ಸರ್ವವ್ಯಾಪಿ ಫ್ಯಾಷನ್ ವಸ್ತುವಾಗಿ ಯುನೈಟೆಡ್ ಸ್ಟೇಟ್ಸ್ ಹಾಗೂ ಜಪಾನ್ ಮಾತ್ರವಲ್ಲದೆ ಯುನೈಟೆಡ್ ಕಿಂಗ್ಡಂನಂತಹ ಬೇಸ್ ಬಾಲ್ ಹೆಚ್ಚು ಪ್ರಿಯವಲ್ಲದ ದೇಶಗಳಲ್ಲೂ ಬಳಕೆಯಲ್ಲಿದೆ.

ಬೇಸ್‌ಬಾಲ್ 
ಅಮೆರಿಕನ್ ಟೊಬ್ಯಾಕೋ ಕಂಪನಿಯ ಬೇಸ್ ಬಾಲ್ ಕಾರ್ಡ್ ಗಳ ಸಾಲಿನಲ್ಲಿ 1909ರಿಂದ 1911ರವರೆಗೂ ಪಿಟ್ಸ್ ಬರ್ಗ್ ಪೈರೇಟ್ಸ್ ನ ಷಾರ್ಟ್ ಸ್ಟಾಪ್ ಆಗಿದ್ದ ಹೋನಸ್ ವ್ಯಾಗ್ನರ್ ನ ಚಿತ್ರಣ.2007ರಲ್ಲಿ, ಇಲ್ಲಿ ತೋರಿಸಿರುವ ಕಾರ್ಡ್ $2.8 ಮಿಲಿಯನ್ ಗೆ ಮಾರಾಟವಾಯಿತು.

ಬೇಸ್ ಬಾಲ್ ಹಲವಾರು ಕಲೆ ಮತ್ತು ಮನರಂಜನಾ ಕ್ರಿಯೆಗಳಿಗೆ ಉತ್ತೇಜಕವಾಗಿದೆ. ಪ್ರಮುಖ ಉದಾಹರಣೆಗಳಲ್ಲಿ ಒಂದಾದ ಎರ್ನೆಸ್ಟ್ ಥೇಯರ್ ರ ಪದ್ಯ "ಕೇಸೀ ಎಟ್ ದ ಬ್ಯಾಟ್" ೧೮೮೮ರಲ್ಲಿ ಗೋಚರವಾಯಿತು. ಒಬ್ಬ ಶ್ರೇಷ್ಠ ಆಟಗಾರನ, ಈಗಿನ ಕಾಲದಲ್ಲಿ "ಕ್ಲಚ್ ಸಿಚುಯೇಷನ್" ಎಂದು ಕರೆಯಬಹುದಾದ ವಿಫಲತೆಯನ್ನು ವಕ್ರವಾಗಿ ಬಣ್ಣಿಸುವ ಈ ಪದ್ಯವು ವಾಡ್ ವಿಲ್ಲೆ ಮತ್ತು ಇತರ ವೇದಿಕಾ ಪ್ರದರ್ಶನಗಳ ಮೂಲವಾಯಿತು, ಆಡಿಯೋ ರೆಕಾರ್ಡಿಂಗ್ ಗಳು, ಚಲನಚಿತ್ರಕ್ಕೆ ಅಳವಡಿಕೆಗಳು ಮತ್ತು ಒಂದು ಓಪ್ರಾ ಹಾಗೂ ಹಲವಾರು ಪ್ರಭೇದಗಳು ಮತ್ತು ವಿವಿಧ ಮಾಧ್ಯಮಗಳಲ್ಲಿ ಅಣಕುಗಳಿಗೆ ಇದನ್ನು ಬಳಸಲಾಯಿತು. ಹಲವಾರು ಬೇಸ್ ಬಾಲ್ ಸಂಬಂಧಿತ ಚಲನಚಿತ್ರಗಳೂ ಬಂದಿದ್ದು, ಅದರಲ್ಲಿ ಅಕಾಡೆಮಿ ಪ್ರಶಸ್ತಿ ವಿಜೇತ ದ ಪ್ರೈಡ್ ಆಫ್ ದ ಯಾಂಕೀಸ್ ಹಾಗೂ ಆಸ್ಕರ್ ಪುರಸ್ಕಾರ ನೇಮಿತ ದ ನ್ಯಾಚುರಲ್ (೧೯೮೪) ಮತ್ತು ಫೀಲ್ಡ್ ಆಫ್ ಡ್ರೀಮ್ಸ್ (೧೯೮೯)ಪ್ರಮುಖವಾದವು. ಅಮೆರಿಕನ್ ಫಿಲ್ಮ್ ಇಂಸ್ಟಿಟ್ಯೂಟ್ ನ ಹತ್ತು ಉತ್ತಮ ಕ್ರೀಡಾ ಚಿತ್ರಗಳ ಆಯ್ಕೆಯ ಪೈಕಿ ದ ಪ್ರೈಡ್ ಆಫ್ ದ ಯಾಂಕೀಸ್ ಮೂರನೆಯ ಸ್ಥಾನದಲ್ಲಿ ಮತ್ತು ಬುಲ್ ಡರ್ಹ್ಯಾಮ್ (೧೯೮೮) ೫ನೆಯ ಸ್ಥಾಸದಲ್ಲಿ ಇವೆ. ಬೇಸ್ ಬಾಲ್ ಯಶಸ್ವಿ ನಾಟಕ ಹಾಗೂ ಹಾಡುಗಳಿಗೆ ವಸ್ತುವಿಷಯವನ್ನೂ ಒದಗಿಸಿದೆ; ನಾಟಕದಲ್ಲಿ - ದ ಆಡ್ಲರ್-ರಾಸ್ ಮ್ಯೂಸಿಕಲ್ ಡ್ಯಾಮ್ನ್ ಯಾಂಕೀಸ್ - ಮತ್ತು ರೆಕಾರ್ಡ್ - ಜಾರ್ಜ್ ಜೆ. ಜೆಂಕಿನ್ಸ್ ರ "ಸ್ಲೈಡ್, ಕೆಲ್ಲಿ, ಸ್ಲೈಡ್", ಸೈಮನ್ ಮತ್ತು ಗಾರ್ಫುಂಕೆಲ್ ರ "ಮಿಸೆಸ್ ರಾಬಿನ್ಸನ್" ಮತ್ತು ಜಾನ್ ಫಾಗೆರ್ಟಿಯವರ "ಸೆಂಟರ್ ಫೀಲ್ಡ್ ". ೧೯೩೮ರಲ್ಲಿ ಅಬ್ಬಾಟ್ ಮತ್ತು ಕಾಸ್ಟೆಲ್ಲೋ ಪರಿಚಯಿಸಿದ "ಹೂ ಈಸ್ ಆನ್ ಫಸ್ಟ್" ಬೇಸ್ ಬಾಲ್ ಆಧಾರಿತ ಹಾಸ್ಯಚಿತ್ರಣವಾಗಿದ್ದು, ಬಹಳ ಜನಪ್ರಿಯವಾಯಿತು. ಆರು ದಶಕಗಳ ನಂತರ ಟೈಂ ಅದನ್ನು ಇಪ್ಪತ್ತನೆಯ ಶತಮಾನದ ಅತ್ಯುತ್ತಮ ಹಾಸ್ಯ ಚಿತ್ರಣವೆಂದು ಹೆಸರಿಸಿತು. ಈ ಕ್ರೀಡೆಯ ಶ್ರೀಮಂತ ಸಾಹಿತ್ಯ ಸಂಪ್ರದಾಯದಲ್ಲಿ ಸಣ್ಣ ಕಾಲ್ಪನಿಕ ಕಥೆಯಾದ ರಿಂಗ್ ಲಾರ್ಡ್ನರ್ ಮತ್ತು ಕಾದಂಬರಿಗಳಾದ ಬರ್ನಾರ್ಡ್ ಮಾಲಾಮಡ್‌ರ ದ ನ್ಯಾಚುರಲ್ (ಚಿತ್ರದ ಮೂಲಕಥೆ), ರಾನರ್ಟ್ ಕೂವರ್‌ರ ದ ಯೂನಿವರ್ಸಲ್ ಬೇಸ್ ಬಾಲ್ ಅಸೋಸಿಯೇಷನ್, ಇಂಕ್., ಜೆ. ಹೆನ್ರಿ ವಾ, ಮಾಲಿಕ. , ಮತ್ತು W. P. ಕಿನ್ಸೆಲ್ಲಾರ ಷೂಲೆಸ್ ಜೋ (ಫೀಲ್ಡ್ ಆಫ್ ಡ್ರೀಮ್ಸ್ ಗೆ ಮೂಲಕಥೆ) ಪ್ರಮುಖವಾದುವು. ಬೇಸ್ ಬಾಲ್ ನ ಸಾಹಿತ್ಯ ಬಂದೂಕಿನಲ್ಲಿ ಡಾಮನ್ ರುನ್ಯಾನ್‌ರ ಬೀಟ್ ವರದಿಗಾರಿಕೆ;ಗ್ರ್ಯಾಂಟ್ ಲ್ಯಾಂಡ್ ರೈಸ್ ರ ಅಂಕಣಗಳು, ರೆಡ್ ಸ್ಮಿತ್, ಡಿಕ್ ಯಂಗ್, ಮತ್ತು ಪೀಟರ್ ಗ್ಯಾಮ್ಮನ್ಸ್; ಮತ್ತು ರೋಜರ್ ಏಂಜೆಲ್‌ರ ಪ್ರಬಂಧಗಳು ಸೇರಿವೆ. ಕಾಲ್ಪನಿಕವಲ್ಲದ ಈ ಕ್ಷೇತ್ರದ ಜನಪ್ರಿಯ ಪುಸ್ತಕಗಳೆಂದರೆಲಾರೆನ್ಸ್ ಎಡ್. ರಿಟ್ಟರ್ ರ ದ ಗ್ಲೋರಿ ಆಫ್ ದೇರ್ ಟೈಂಸ್ , ರೋಜರ್ ಖಾನ್ ರ ದ ಬಾಯ್ಸ್ ಆಫ್ ಸಮ್ಮರ್ , ಮತ್ತು ಮೈಕೆಲ್ ಲೂಯಿಸ್ ರ ಮನೀಬಾಲ್ . ೧೯೭೦ರಲ್ಲಿ ಪ್ರಕಟವಾದ ಮೇಜರ್ ಲೀಗ್ ಪಿಚರ್ ಜಿಮ್ ಬೌಟನ್ ರ ಎಲ್ಲಾ-ಹೇಳಿರುವ ಪುಸ್ತಕವಾದ ಬಾಲ್ ಫೋರ್ ವೃತ್ತಿಪರ ಕ್ರೀಡೆಯ ವರದಿಗಾರಿಕೆಗೆ ಒಂದು ತಿರುವು ನೀಡಿದ ಬರಹ ಎಂದೇ ಪರಿಗಣಿಸಲಾಗಿದೆ. ಬೇಸ್ ಬಾಲ್ ಹೊಸ ಸಾಂಸ್ಕೃತಿಕ ವಿಧಾನಗಳ ಸೃಷ್ಟಿಗೂ ಪ್ರೇರಕವಾಗಿದೆ. ಬೇಸ್ ಬಾಲ್ ಕಾರ್ಡ್ ಗಳನ್ನು ೧೯ನೆಯ ಶತಮಾನದ ಅಂತ್ಯದಲ್ಲಿ ಟ್ರೇಡ್ ಕಾರ್ಡ್ ಗಳಾಗಿ ಪರಿಚಯಿಸಲಾಯಿತು; ಈ ವಿಧದ ಕಾರ್ಡ್ ಗಳಲ್ಲಿ ಒಂದು ಕಡೆ ಒಬ್ಬ ಬೇಸ್ ಬಾಲ್ ಆಟಗಾರನ ಚಿತ್ರವಿದ್ದು, ಇನ್ನೊಂದಡೆ ಯಾವುದಾದರೂ ವ್ಯಾಪಾರದ ಬಗ್ಗೆ ಜಾಹಿರಾತು ಇರುತ್ತಿತ್ತು. ೧೯೦೦ರ ದಶಕದ ಮೊದಲ ಭಾಗದಲ್ಲಿ ತಂಬಾಕು ಮತ್ತು ಸೇವಿಸುವ ಪದಾರ್ಥಗಳವರು ಇದನ್ನು ವ್ಯಾಪಕವಾಗಿ ಪ್ರಚಾರಕ್ಕಾಗಿ ಬಳಸುವುದಕ್ಕಾಗಿ ತಯಾರಿಸಲಾಗುತ್ತಿತ್ತು. ೧೯೩೦ರ ದಶಕದಲ್ಲಿ ಆಧುನಿಕ ಬೇಸ್ ಬಾಲ್ ಕಾರ್ಡ್ ಗಳು ಆಟಗಾರನ ಚಿತ್ರದೊಂದಿಗೆ ಅಂಕಿ-ಅಂಶಗಳು, ವ್ಯಕ್ತಿಯ ಬಗ್ಗೆ ಮಾಹಿತಿ ನೀಡುವುದರ ಮೂಲಕ ಹೆಚ್ಚು ಜನಪ್ರಿಯವಾದವು. ಬೇಸ್ ಬಾಲ್ ಕಾರ್ಡ್ ಗಳು - ಹಲವಾರು ಈಗ ಅಮೂಲ್ಯ ಸಂಗ್ರಹಾರ್ಹಗಳಾಗಿದ್ದು - ವ್ಯಾಪಕವಾದ ಟ್ರೇಡಿಂಗ್ ಕಾರ್ಡ್ ಉದ್ಯಮದ ಮೂಲವಾಗಿದ್ದು, ಈ ಉದ್ಯಮವು ಈಗ ಹಲವಾರು ಇದೇ ರೀತಿಯ ಕಾರ್ಡ್ ಗಳನ್ನು ಇತರ ಕ್ರೀಡೆಗಳಿಗೆ ಹಾಗೂ ಕ್ರೀಡಾನ್ಯ ಕ್ಷೇತ್ರಗಳಿಗೆ ಸಹ ಕಾರ್ಡ್ ತಯಾರಿಕೆಯಲ್ಲಿ ತೊಡಗಿದೆ. ಆಧುನಿಕ ಫ್ಯಾಂಟಸಿ ಕ್ರೀಡೆಗಳು ೧೯೮೦ರಲ್ಲಿ ರಾಟಿಸ್ಸೆರೀ ಲೀಗ್ ಬೇಸ್ ಬಾಲ್ ಎಂಬ ನ್ಯೂ ಯಾರ್ಕ್ ಲೇಖಕ ಡೇನಿಯಲ್ ಆಕ್ರೆಂಟ್ ಮತ್ತು ಹಲವು ಗೆಳೆಯರಿಂದ ವಿರಚಿತ ಆವಿಷ್ಕಾರದ ಮೂಲಕ ಆರಂಭವಾಯಿತು. ರಾಟಿಸ್ಸೆರೀ ಲೀಗ್ ಡ್ರಾಫ್ಟ್ ನೋಷನಲ್ ತಂಡಗಳಲ್ಲಿ ಭಾಗವಹಿಸುವವರು ಮೇಜರ್ ಲೀಗ್ ಬೇಸ್ ಬಾಲ್ ಆಟಗಾರರ ಹೆಸರಿನ ಪಟ್ಟಿಯಿಂದ ತಂಡಗಳನ್ನು ಆರಿಸಿಕೊಂಡು ಇಡೀ ಋತುವಿನ ಕಾಲ್ಪನಿಕ ಕ್ರೀಡೆಯನ್ನು ಆಟಗಾರರ ನಿಜ-ಜೀವನದ ಅಂಕಿ-ಅಂಶಗಳ ಆಧಾರದ ಮೇಲೆ ಆಡುವುದರ ಮೂಲಕ ಪಂದ್ಯಗಳ ನಿರ್ಣಯಗಳನ್ನು ಕಂಡುಕೊಳ್ಳುತ್ತಾರೆ. ರಾಟಿಸ್ಸೆರೀ-ಶೈಲಿಯ ಕ್ರೀಡೆಯು ಬೇಗನೆ ಒಂದು ಅದ್ಭುತವಾಗಿ ಕಾಣಿಸಿತು. ಈಗ ಫ್ಯಾಂಟಸಿ ಬೇಸ್ ಬಾಲ್ ಎಂದೇ ಹೆಚ್ಚು ಪ್ರಚಾರವಾಗಿರುವ ಈ ಕ್ರೀಡೆಯು ವಿವಿಧ ಕ್ರೀಡಗಳನ್ನಾಧರಿಸಿದ ಇಂತಹುದೇ ಕ್ರೀಡೆಗಳನ್ನು ತಯಾರಿಸಲು ಪ್ರೇರಕವಾಗಿದೆ. ಈ ಕ್ಷೇತ್ರವು ಅಂತರ್ಜಾಲ ಸಂಪರ್ಕ ಹೆಚ್ಚಿದಂತೆ ಮತ್ತು ಹೊಸ ಫ್ಯಾಂಟಸಿ ಜಾಲತಾಣಗಳು ಬೆಳೆದಂತೆ ಹೆಚ್ಚು ಲಾಭದಾಯಕವಾಯಿತು; ೨೦೦೮ರ ಹೊತ್ತಿಗೆ ಯುನೈಟೆಡ್ ಸ್ಟೇಟ್ಸ್ ಮತ್ತು ಕೆನಡಾದ ೨೯.೯ ಮಿಲಿಯನ್ ಜನರು ಫ್ಯಾಂಟಸಿ ಕ್ರೀಡೆಯಲ್ಲಿ ತೊಡಗಿ, ಈ ಚಟಕ್ಕೆಂದು $೮೦೦ ಮಿಲಿಯನ್ ಖರ್ಚು ಮಾಡಿದ್ದಾರೆ. ಫ್ಯಾಂಟಸಿ ಬೇಸ್ ಬಾಲ್ ನ ಈ ಬೆಳೆಯುತ್ತಿರುವ ಜನಪ್ರಿಯತೆಯು ಸೇಬರ್ಮೆಟ್ರಿಕ್ಸ್ ನೀಡಿದ ಹೆಚ್ಚಿನ ಗಮನದಿಂದ ಎಂದೂ ಹೇಳಲಾಗಿದೆ - ಅಭಿಮಾನಗಳಲ್ಲಿ ಮೊದಲು, ನಂತರವೇ ಬೇಸ್ ಬಾಲ್ ವೃತ್ತಿಪರರೊಡನೆ.

ಇವನ್ನೂ ನೋಡಿ

  • ಬೇಸ್ ಬಾಲ್ ಪ್ರಶಸ್ತಿಗಳು
  • ಬೇಸ್ ಬಾಲ್ ವಸ್ತ್ರಗಳು ಮತ್ತು ಪರಿಕರಗಳು
  • ಬೇಸ್ ಬಾಲ್ ಪಾರಿಭಾಷಿಕ ಪದಗಳು
  • ವ್ಯವಸ್ಥಿತ ಬೇಸ್ ಬಾಲ್ ಲೀಗ್ ಗಳ ಪಟ್ಟಿ
  • ವಿಶೇಷವಾದ ಒಂಟಿ-ಪಂದ್ಯಗಳ ಪಟ್ಟಿ
    ಸಂಬಂಧಿತ ಕ್ರೀಡೆಗಳು
  • ಬ್ರಾನ್ ಬಾಲ್ (ಸ್ಕ್ಯಾಂಡಿನೇವಿಯಾದ ದಾಂಡು-ಮತ್ತು-ಚೆಂಡಿನ ಆಟ)
  • ಬ್ರಿಟಿಷ್ ಬೇಸ್ ಬಾಲ್
  • ಲ್ಯಾಪ್ಟಾ (ರಷ್ಯಾದ ದಾಂಡು-ಮತ್ತು-ಚೆಂಡಿನ ಆಟ)
  • ಓಯಿನಾ (ರೊಮಾನಿಯಾದ ದಾಂಡು-ಮತ್ತು-ಚೆಂಡಿನ ಆಟ)
  • [[ಪೆಸ

ಪೆಸಾಪಾಲ್ಲೋ]] ("ಫಿನ್ನಿಷ್ ಬೇಸ್ ಬಾಲ್")

  • ಸ್ಟಿಕ್ ಬಾಲ್
  • ಸ್ಟೂಪ್ ಬಾಲ್
  • ವಿಫೆಲ್ ಬಾಲ್

ಆಕರಗಳು

ಮೂಲಗಳು

ಹೆಚ್ಚಿನ ಓದಿಗಾಗಿ

  • ಬ್ರ್ಯಾಡ್ಬರಿ, ಜೆ.ಸಿ, ದ ಬೇಸ್ ಬಾಲ್ ಎಕಾನಮಿಸ್ಟ್: ದ ರಿಯಲ್ ಗೇಮ್ ಎಕ್ಸ್ ಪೋಸ್ಡ್ (ದತ್ತನ್, ೨೦೦೭). ISBN ೯೭೮೦೭೪೩೨೨೩೧೩೩
  • ಡಿಕ್ಸನ್, ಪಾಲ್, ದ ಡಿಕ್ಸನ್ ಬೇಸ್ ಬಾಲ್ ಡಿಕ್ಷ್ನರಿ , ಮೂರನೆಯ ಆವೃತ್ತಿ. (ಡಬ್ಲ್ಯೂ. ಡಬ್ಲ್ಯೂ. ನಾರ್ಟನ್, ೨೦೦೯). ISBN ೯೭೮೦೭೪೩೨೨೩೧೩೩
  • ಎಲಿಯಾಟ್, ಬಾಬ್. ದ ನಾರ್ದ್ರನ್ ಗೇಮ್: ಬೇಸ್ ಬಾಲ್ ದ ಕೆನಡಾ ವೇ (ಸ್ಪೋರ್ಟ್ ಕ್ಲ್ಯಾಸಿಕ್, ೨೦೦೫). ISBN ೯೭೮೦೭೪೩೨೨೩೧೩೩
  • ಯೂಕ್ನರ್, ಚಾರ್ಲ್ಸ್. ದ ಲಾಸ್ಟ್ ನೈನ್ ಇನ್ನಿಂಗ್ಸ್: ಇನ್ ಸೈಡ್ ದ ರಿಯಲ್ ಗೇಮ್ ಫ್ಯಾನ್ಸ್ ನೆವರ್ ಸೀ (ಸೋರ್ಸ್ ಬುಕ್ಸ್, ೨೦೦೭). ISBN ೯೭೮೦೭೪೩೨೨೩೧೩೩
  • ಫಿಟ್ಸ್, ರಾಬರ್ಟ್ ಕೆ. ರಿಮೆಂಬರಿಂಗ್ ಜಪಾನೀಸ್ ಬೇಸ್ ಬಾಲ್: ಎನ್ ಓರಲ್ ಹಿಸ್ಟರಿ ಆಫ್ ದ ಗೇಮ್ (ದಕ್ಷಿಣ ಇಲಿನಾಯ್ಸ್ ವಿಶ್ವವಿದ್ಯಾಲಯ ಮುದ್ರಣಾಲಯ, ೨೦೦೫). ISBN ೯೭೮೦೭೪೩೨೨೩೧೩೩
  • ಜಿಲ್ಲೆಟ್, ಗ್ಯಾರಿ, ಮತ್ತು ಪೀಟ್ ಪಾಮರ್ (ಸಂಪಾದಕರು.). ದ ಇಎಸ್ ಪಿ ಎನ್ ಬೇಸ್ ಬಾಲ್ ಎನ್ಸೈಕ್ಲೋಪೀಡಿಯಾ , ೫ನೆಯ ಆವೃತ್ತಿ. (ಸ್ಟರ್ಲಿಂಗ್, ೨೦೦೮). ISBN ೯೭೮೦೭೪೩೨೨೩೧೩೩
  • ಜೇಮ್ಸ್, ಬಿಲ್. ದ ನ್ಯೂ ಬಿಲ್ ಜೇಮ್ಸ್ ಹಿಸ್ಟಾರಿಕಲ್ ಬೇಸ್ ಬಾಲ್ ಅಬ್ಸ್ ಟ್ರಾಕ್ಟ್ , ಪರಿಷ್ಕೃತ ಆವೃತ್ತಿ. (ಸೈಮನ್ ಮತ್ತು ಸ್ಕೂಸ್ಟರ್, ೨೦೦೩). ISBN ೯೭೮೦೭೪೩೨೨೩೧೩೩
  • ಜೇಮ್ಸ್, ಬಿಲ್. ದ ಬಿಲ್ ಜೇಮ್ಸ್ ಹ್ಯಾಂಡ್ ಬುಕ್ ೨೦೦೯ (ACTA, ೨೦೦೮). ISBN ೯೭೮೦೭೪೩೨೨೩೧೩೩
  • ಪೀಟರ್ಸನ್, ರಾಬರ್ಟ್. ಓನ್ಲಿ ದ ಬಾಲ್ ಈಸ್ ವೈಟ್: ಎ ಹಿಸ್ಟರಿ ಆಫ್ ಲೆಜೆಂಡರಿ ಬ್ಲ್ಯಾಕ್ ಪ್ಲೇಯರ್ಸ್ ಎಂಡ್ ಆಲ್-ಬ್ಲ್ಯಾಕ್ ಪ್ರೊಫೆಷನಲ್ ಟೀಮ್ಸ್ (ಆಕ್ಸ್ ಫರ್ಡ್ ವಿಶ್ವವಿದ್ಯಾಲಯ ಮುದ್ರಣಾಲಯ, ೧೯೯೨ [1970]). ISBN ೯೭೮೦೭೪೩೨೨೩೧೩೩
  • ರೀವ್ಸ್, ಜೋಸೆಫ್ ಎ. ಟೇಕಿಂಗ್ ಇನ್ ಎ ಗೇಮ್: ಎ ಹಿಸ್ಟರಿ ಆಫ್ ಬೇಸ್ ಬಾಲ್ ಇನ್ ಏಷ್ಯಾ (ಬೈಸನ್, ೨೦೦೪). ISBN ೯೭೮೦೭೪೩೨೨೩೧೩೩
  • ರಿಟ್ಟರ್, ಲಾರೆನ್ಸ್ ಎಸ್. ದ ಗ್ಲೋರಿ ಆಫ್ ದೇರ್ ಟೈಮ್ಸ್: ದ ಸ್ಟೋರಿ ಆಫ್ ದ ಅರ್ಲಿ ಡೇಸ್ ಆಫ್ ಬೇಸ್ ಬಾಲ್ ಟೋಲ್ಡ್ ಬೈ ದ ಮೆನ್ ಹೂ ಪ್ಲೇಯ್ಡ್ ಇಟ್ , ವಿಸ್ತೃತ ಆವೃತ್ತಿ.

(ಹಾರ್ಪರ್, ೧೯೯೨). ISBN ೯೭೮೦೭೪೩೨೨೩೧೩೩

  • ಟ್ಯಾಂಗೋ, ಟಾಮ್, ಮಿಚೆಲ್ ಜಿ. ಲಿಕ್ಟ್ ಮನ್, ಮತ್ತು ಆಂಡ್ರೂ ಈ. ಡಾಲ್ಫಿನ್, ದ ಬುಕ್: ಪ್ಲೇಯಿಂಗ್ ದ ಪರ್ಸೆಂಟೇಜನ್ ಇನ್ ಬೇಸ್ ಬಾಲ್ (ಪೋಟೋಮಾಕ್, ೨೦೦೭).

ISBN ೯೭೮೦೭೪೩೨೨೩೧೩೩

  • ವಾರ್ಡ್, ಜೆಫ್ರಿ ಸಿ., ಮತ್ತು ಕೆನ್ ಬರ್ನ್ಸ್. ಬೇಸ್ ಬಾಲ್: ಎನ್ ಇಲ್ಲಸ್ಟ್ರೇಟೆಡ್ ಹಿಸ್ಟರಿ (ಆಲ್ಫ್ರೆಡ್ ಎ. ನಾಪ್ಫ್, ೧೯೯೬). ISBN ೯೭೮೦೭೪೩೨೨೩೧೩೩

ಆನ್‌ಲೈನ್

ಬಾಹ್ಯ ಕೊಂಡಿಗಳು

    ಲೀಗ್ ಗಳು ಮತ್ತು ಸಂಸ್ಥೆಗಳು
    ಅಂಕಿ-ಅಂಶಗಳು ಮತ್ತು ಕ್ರೀಡಾ ದಾಖಲೆಗಳು
    ವಾರ್ತೆ ಮತ್ತು ಇತರ ಮೂಲಗಳು

Tags:

ಬೇಸ್‌ಬಾಲ್ ಇತಿಹಾಸಬೇಸ್‌ಬಾಲ್ ನಿಯಮಗಳು ಮತ್ತು ಕ್ರೀಡಾಸ್ವರೂಪಬೇಸ್‌ಬಾಲ್ ಸಿಬ್ಬಂದಿಬೇಸ್‌ಬಾಲ್ ರಣನೀತಿ ಮತ್ತು ತಂತ್ರಗಳುಬೇಸ್‌ಬಾಲ್ ವೈಶಿಷ್ಟ್ಯದಾಯಕ ಅಂಶಗಳುಬೇಸ್‌ಬಾಲ್ ಅಂಕಿಅಂಶಗಳುಬೇಸ್‌ಬಾಲ್ ಜನಪ್ರಿಯತೆ ಮತ್ತು ಸಾಂಸ್ಕೃತಿಕ ಪ್ರಭಾವಬೇಸ್‌ಬಾಲ್ ಇವನ್ನೂ ನೋಡಿಬೇಸ್‌ಬಾಲ್ ಆಕರಗಳುಬೇಸ್‌ಬಾಲ್ ಮೂಲಗಳುಬೇಸ್‌ಬಾಲ್ ಹೆಚ್ಚಿನ ಓದಿಗಾಗಿಬೇಸ್‌ಬಾಲ್ ಬಾಹ್ಯ ಕೊಂಡಿಗಳುಬೇಸ್‌ಬಾಲ್

🔥 Trending searches on Wiki ಕನ್ನಡ:

ಅಭಿಮನ್ಯುಗುರು (ಗ್ರಹ)ಕನ್ನಡ ಸಂಧಿಕುಮಾರವ್ಯಾಸಅದಿಲಾಬಾದ್ ಜಿಲ್ಲೆಸಾವಯವ ಬೇಸಾಯನಾಡ ಗೀತೆಇತಿಹಾಸಅಮೃತಧಾರೆ (ಕನ್ನಡ ಧಾರಾವಾಹಿ)ಜೋಡು ನುಡಿಗಟ್ಟುಸಾಮಾಜಿಕ ಸಮಸ್ಯೆಗಳುದೆಹಲಿ ಸುಲ್ತಾನರುಮಹಾವೀರಅರವಿಂದ್ ಕೇಜ್ರಿವಾಲ್ಯಣ್ ಸಂಧಿಹಿಂದೂ ಮಾಸಗಳುಆಧುನಿಕ ಕನ್ನಡ ಕಾವ್ಯದ ಬೆಳವಣಿಗೆಭಾರತದ ಚುನಾವಣಾ ಆಯೋಗಜನಪದ ಕಲೆಗಳುದಾಸವಾಳಯಜಮಾನ (ಚಲನಚಿತ್ರ)ವಿಸ್ಕೊನ್‌ಸಿನ್ಕೆ. ಎಸ್. ನಿಸಾರ್ ಅಹಮದ್ಗ್ರಹಕುಂಡಲಿಪ್ರವಾಸೋದ್ಯಮಸಮಾಜಶಾಸ್ತ್ರಆಧುನಿಕ ಶೈಕ್ಷಣಿಕ ತಂತ್ರಜ್ಞಾನ ಪರಿಚಯಬುದ್ಧಮಲ್ಲಿಗೆಸುರಪುರದ ವೆಂಕಟಪ್ಪನಾಯಕಮಲೇರಿಯಾಮದುವೆಸಸ್ಯ ಜೀವಕೋಶಉತ್ತರ ಕನ್ನಡಹಸಿರು ಕ್ರಾಂತಿಹನುಮಂತಸುಗ್ಗಿ ಕುಣಿತಕರ್ನಾಟಕ ಸರ್ಕಾರದುಂಡು ಮೇಜಿನ ಸಭೆ(ಭಾರತ)ಡಿ.ವಿ.ಗುಂಡಪ್ಪದೇವನೂರು ಮಹಾದೇವಡಾ ಬ್ರೋಭಾರತೀಯ ಮೂಲಭೂತ ಹಕ್ಕುಗಳುರತ್ನತ್ರಯರುಇರ್ಫಾನ್ ಪಠಾಣ್ಕುಟುಂಬಜೀತ ಪದ್ಧತಿಕೀರ್ತನೆಕಾರರು ಮತ್ತು ಅವರ ಅಂಕಿತನಾಮಗಳುಸಂಪತ್ತಿನ ಸೋರಿಕೆಯ ಸಿದ್ಧಾಂತಭಾರತದ ತ್ರಿವರ್ಣ ಧ್ವಜಸಿಂಧನೂರುಶರಣಬಸವೇಶ್ವರ ದೇವಸ್ಥಾನ ಕಲಬುರಗಿಕವಿರಾಜಮಾರ್ಗವೃದ್ಧಿ ಸಂಧಿ1947-1948 ರ ಇಂಡೋ-ಪಾಕಿಸ್ತಾನ ಯುದ್ಧಜೈನ ಧರ್ಮ ಗ್ರಂಥ ತತ್ತ್ವಾರ್ಥ ಸೂತ್ರಎಸ್.ನಿಜಲಿಂಗಪ್ಪಕೃಷಿಭಾರತದ ರಾಷ್ಟ್ರಗೀತೆಭಾರತದ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳುರಾಮಕೃಷ್ಣ ಪರಮಹಂಸಕಾಳಿನಾಲ್ವಡಿ ಕೃಷ್ಣರಾಜ ಒಡೆಯರುಹರಿಹರ (ಕವಿ)ಸಂವಹನಅನುಭವಾತ್ಮಕ ಕಲಿಕೆಯೋನಿಭಾರತೀಯ ಧರ್ಮಗಳುಕರ್ಮಧಾರಯ ಸಮಾಸಮೆಂತೆಭತ್ತಪರಿಸರ ವ್ಯವಸ್ಥೆರಾಘವಾಂಕರೋಮನ್ ಸಾಮ್ರಾಜ್ಯಸುಧಾ ಮೂರ್ತಿಜಲ ಮಾಲಿನ್ಯತಾಳೀಕೋಟೆಯ ಯುದ್ಧಜಿ.ಪಿ.ರಾಜರತ್ನಂಬಾದಾಮಿ🡆 More