Walter Walt Elias Disney (Chicago, Illinois, SUA le 5 de decembre 1901 – Burbank, California, SUA le 15 de decembre 1966), esseva un artista statounitese.
Ille esseva anque productor, director e animator de films. Ille es le creator de figuras cognoscite como (in anglese) Mickey Mouse (1928) e Donald Duck (1934) e es considerate como un del personas le plus importante pro le developpamento del film animate.
Walt Disney comenciava su production de films animate in blanc-nigre e continuava crear films con sono e in colores. Ille produceva le prime film animate de un longor como un normal film de fiction, "Blanca-Nive e le septe nanos" (1937), que revolutionava le production de films animate. Altere films animate de su production, famose in grande partes del mundo, comprehende "Dumbo" (1941) e "Bambi" (1942) e, specialmente durante le periodo 1990 a hodie multe films animate que es de facto musicals con melodias que ha devenite classicos.
Walt Disney esseva filio de Flora et Elias Disney, e habeva tres fratres e un soror. Ille e su fratre, Roy O. Disney, ha fundate le corporation Walt Disney Productions.
"Steamboat Willie" (1928) esseva le prime film con Mickey Mouse, e ja le tertie film con le mus esseva con sono.
In 1955 aperiva le prime parco de amusamento, Disneyland, in California in le SUA. Walt Disney World (o: Disneyworld) aperiva in Florida, SUA, in 1971 e Disneyland Paris (originalmente EuroDisneyland) in Marne-la-Vallée, ca. 30 km est de Paris in Francia, in 1992.
This article uses material from the Wikipedia Interlingua article Walt Disney, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.