Aleksander Wulki: Kral Makedonskeje
Aleksander Wulki (starogrjeksce Ἀλέξανδρος ὁ Μέγας Aléxandros ho Mégas), tež Aleksander III.
Makedonski (* 20. julija 356 do Chr. w Pella; † 10. junija 323 do Chr. w Babylonje) bě wot 336 do Chr. hač do swojeje smjerće kral Makedonskeje a hegemon Korintskeho zwjazka.
Aleksander rozšěri hranicy mócnarstwa, kotryž bě jeho nan Filip II. z do toho skerje njewuznamneho małostata Makedonskeje kaž tež z wjacorych grjekskich měšćanskich statow wutworił, přez tak mjenowany „Aleksandrowy ćah“ a zdobywanje mócnarstwa Achemenidow hač na indiski subkontinent. Po swojim zaćahu do Egyptowskeje witachu jeho tam jako farao. Tež na zakładźe jeho wulkich wojerskich wuspěchow sta so žiwjenje Aleksandra z woblubowanym motiwom w literaturje a wuměłstwje, mjeztym zo je hódnoćenje Aleksandra w modernym slědźenju, kaž tež hižo w antice, rozdwojene.
Z jeho nastupom knježerstwa započa so doba helenizma, w kotrejž so grjekska kultura po dalokich dźělach tehdy znateho swěta rozpřestrěwaše. Kulturne herbstwo přez helenizaciju přetrachu politiski rozpad Aleksandroweho mócnarstwa a jeho naslědnych statow a skutkowaše hišće lětstotki dołho w Romje a Bycancu dale.
Wotkazy
Commons: Aleksander Wulki – Zběrka wobrazow, widejow a awdiodatajow- Aleksander Wulki – Literatura w katalogu Němskeje narodneje biblioteki (němsce)
- Alexandros – Wulki projekt Techniskeje uniwersity Braunschweig wo Aleksandrje
This article uses material from the Wikipedia Hornjoserbsce article Aleksander Wulki, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.