Anura (grezieratik, a-, ez, eta ourá, isatsa) anfibio klado bat da, gehienetan igel eta apo deitutakoak.
Ez dute isatsik, gorputza labur eta zabala dute eta atzeko hankak jauzi egiteko prestaturik daude. Anfibioen arteko talderik handiena da: uste denez, 5.000 bat espezie dira, 48 familiatan banatuak. Bizirik irauteko, ura behar dute eta horregatik ez dira bertatik asko urruntzen, orokorrean. Txikienak 2 mm inguru luze dira (Eleutherodactylus) eta handienak, Goliat igela, 30 cm arte.
Harreman filogenetikoak ezartzeak eztabaida sortu du askotan. Polemikaren nondik norakoak Archeobatrachia klado parafiletikoan zeuden igelak Neobatrachian txertatzerakoan sortzen dira, batez ere. Azken talde horretan anfibioen bi herenak sartzen dira eta Heleophrynidae eta Hyloides eta Ranoides kladoak daude.
This article uses material from the Wikipedia Euskara article Anura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.