भेगुतो - एइलाई नेपाली मी भ्यागुतो हिन्दी मी मेंढक रे अङरेजी मी Frog भण्णान। भेगुतो पानी रे जमीन दुएइ ठौर बस्स सक्द्या उभयचर प्राणी हो। यो एक ठण्ण रकत भया: प्राणी हो अर्थात् एइका हणो: तापक्रम वातावरणा: अन्साऱ घट्ट्या रे बड्ड्या हुन्छ। हिउना: मैना ठण्ण बठेइ बच्चाइ ताल या खालीका ढकना माटी खणीबर माटीका मिनिमणी बसन्छ । याँ सम्म कि खनाइ लै केइ खानैन । एइ क्रियालाई शीतनिद्रा भण्णान। इसोइ क्रिया गरमा: दिन लै हुन्छ। यो एक मांशाहारी जीव हो। एइको जीवनचक्र और प्राणीका है भौत फरक छ। भेगुता: छौनानलाई चेट्ट्या भण्णान। चेट्ट्या तकन्ज्याँ मछाइ झा हुनान रे पानी मी बस्सान। पछा जाइबर चेट्टया: खुट्टा औँद्दान रे पुछणि झणन्छे। तै पछा भेगुतो बनन्छ। चेट्टया है पैली भेगुता: अँणा डोऱ झो धेकिन्या जाल ले ढोकिया: हुनान।
भेगुता: चार खुट्टा हुनान। पछिल्ला दुइ खुट्टा अगिल्ला खुट्टा है ठुला हुनान। जैका कारणले यो लामी फट्टाक हाली सकन्छ। अगिल्ला खुट्टा मी चार-चार रे पछिल्ला खुट्टा मी पाँच-पाँच जालिदार औँला हुनान, जो भेगुतालाई पानी मी तैद्दाइ मद्दत अद्दान। भेगुता: आकार ९.८ मिलिमिटर बठेइ लेइबर ३० सेण्टिमिटर सम्म हुन्छ। साधारणत: भोल्या भेगुतो पोथी है आकार मी नानो हुन्छ। भेगुता: छला मी विषग्रन्थि हुनान। भेगुता प्राय: सबै ठौर पाइनान। एइका ५००० है बर्ती जातै अइलसम्म खोज होइसकिरैछ। बरिखा इनरि संख्या सब है जेदा हुन्छे।
This article uses material from the Wikipedia डोटेली article भेगुतो, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.