Halqara Qızıl Haç ve Qızıl Ay areketi, dünya çerçivesinde 97 millionğa yaqın göñülliden ibaret olğan halqara bir insaniy yardım areketidir.
Areketniñ maqsadı, ırq, din ya da siyasiy körünişi ne olsa olsun insan ayatını ve sağlığını qorumaq, insan accısını tenbilemek ve qolaylaştırmaqtır.
Areket şöyle terkip eticilerden ibaret:
Halqara Qızılhaç Eyyeti (HQE), 1863 senesinde İsviçreniñ Cenevre şeerinde qurulğan hususiy bir teşkilâttır. 25 azalı eyyet, halqara ve içki silâlı çatışma qurbanlarınıñ ayatlarını ve menligini qorumaq için halqara cemiyeti tarafından özüne berilgen beñzeri yoq vekâletlerge saiptir.
Halqara Qızılhaç ve Qızılay Toplulıqları birşleşmesi (HQ ve QATF), 1919 senesi Pariste qurulğan teşkilâttır. Birleşme öz areketi çerçivesinde bütün milliy teşkilâtlarnı idare ete. Milliy teşkilâtlarnen yaqın işbirligi içinde, bayağı ihtiyatlarğa ihtiyacı olğan halqara insaniy ameliyatlarını keçire. Birleşmeniñ halqara kâtipligi İsviçreniñ Cenevre şeerinde bulunmaqta.
HQE tarafından tanılğan ve birleşmeniñ tam azası olğan 186 milliy topluluq tarafından temsil etilgen Qızılhaç ve Qızılay Milliy Topluluqları. Er biri öz devletinde halqara gumanitar uquq esaslarına ve areketniñ nizamnamelerine köre çalışa. Şaraitlerine köre, milliy topluluqlar, doğrudan halqara uquq ya da halqara areket azalarınıñ temsilcileri tarafından belgilenmegen qoşma insaniy vazifelerni becer bile.
This article uses material from the Wikipedia Qırımtatarca article Halqara Qızıl Haç ve Qızıl Ay areketi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.