Southern Indian Division , Fiji ke Hindustani log ke Legislative Council me aapan member ke vote kare khatir, 1929 me banawa gais tiin constituency me se ek rahaa.
Aur dui constituency rahaa, North Western Indian Division aur Eastern Indian Division. Southern Indian Division me Viti Levu ke east ke sab district (Tailevu, Nausoru, Suva, Navua) rahaa. Ii ek communal constituency rahaa jiske matlab ii hae ki khali Hindustani log kharraa hoe aur vote kare sakat rahin. Ii constituency pe Vishnu Deo ke pakarr rahaa aur uu hian pe 8 dafe kharra bahis aur kabhi nai haaris.
Ii Hindustani log khatir pahila election rahaa aur Fiji me khali ek sanstha, Fiji Indian National Congress, rahaa jon ki politically active rahaa, aur jiske leader rahin Vishnu Deo, S. B. Patel aur A. D. Patel. Ii election me dui candidate rahaa. Pahila rahaa, Vishnu Deo, jon ki ek Arya Samaji rahaa aur duusra rahaa John F. Grant jon ki ek Christian rahaa. Hindustani log Grant ke gora log ke chamcha maanat rahin aur us ke bahut kosis kare par bhi uu Deo ke nai harae paais.
Ii constituency me 663 voters register bhaen rahaa, jisme se 508 aapan amdani ke jariye, 37 aapan property ke jaiye aur 118 diino aamdani aur property ke jaiye register bhian rahaa.
Election ke result rahaa:
Vishnu Deo | 419* |
John F. Grant | 162 |
Informal | 13 |
Total | 594 |
Ii election ke Hindustani leader log boycott kare mangat rahin, lekin Southern Division me Narbahadur Singh, Hamilton Beattie, jon ki Vriddhi-Vani newspaper ke editor rahaa, ke support se, kharaa hoe gais. Vishnu Deo nai mangat rahaa ki Singh Council me jaae aur kahe ki uu apne election larre se disqualified rahaa, uu K. B. Singh ke kharra kar diis.
Election ke result rahaa:
K. B. Singh | 341* |
Narbahadur Singh | 92 |
Informal | 38 |
Total | 471 |
Council K. B. Singh, Vishnu Deo ke instructions ke anusaar, common roll ke prastao rakhis, aur jab ii pastao gir gais tab uu resign kar diis.
Ii seat khatir fir se election bhaes aur wahi duuno candidate fir se nominate bhaen.
Election ke result rahaa:
K. B. Singh | 382* |
Narbahadur Singh | 25 |
Informal | 31 |
Total | 438 |
Ii time K. B. Singh, Vishnu Deo ke baat nai sunnis aur Council me rahe gais. Baad me uu ulta ii prastao rakhis ki election ke jagah nominated system se Legislative Council ke sab member ke chuna jaae.
Ii election me Vishnu Deo unopposed rahaa.
Ii election ke Vishnu Deo jiitis Election ke result rahaa:
Vishnu Deo | 783* |
K. B. Singh | 366 |
Total | 1,149 |
Ii election me bhi Vishnu Deo unopposed rahaa.
Ii election ke Vishnu Deo, Andrew Deoki ke harais, jon ii bol ke khrraa bhaes ki ek wakiil Legislative Council ke khatir achchaa rahii. Election ke result rahaa:
Vishnu Deo | 1056* |
A. I. N. Deoki | 516 |
Informal | 21 |
Total | 1,593 |
Ii election ke Vishnu Deo jiitis Election ke result rahaa:
Vishnu Deo | 1681* |
Hari Charan | 1,446 |
Total | 3,127 |
Ii election ke Vishnu Deo jiitis Election ke result rahaa:
Vishnu Deo | 2,365* |
Hari Charan | 1,288 |
Hari Charan Akheel | 12 |
Total | 4,665 |
Ii election me Vishnu Deo ke Odin Ramrakha se achchaa competition mila.
Election ke result rahaa:
Vishnu Deo | 1,900 |
Odin Ramrakha | 1,423 |
Hari Charan | 14 |
Informal | 64 |
Total | 3391 |
Ii election me Vishnu Deo retire hoe gais rahaa, aur Andrew Deoki, jon ki pahile nominated member rahaa ii constituency se jiitis Election ke result rahaa:
A. I. N. Deoki | 1,877* |
K. B. Singh | 950 |
Pathik | 89 |
Odin Ramrakha | 82 |
Informal | 76 |
% turnout | 77.8% |
Total | 3074 |
Election ke result rahaa:
C. P. Bidesi | 1,174 |
Andrew Deoki | 3,722 |
Ram Lochan Regan | 1,220 |
Sahu Khan | 498 |
K. B. Singh | 2,778 |
Total | 9,615 |
% voted | 80.1% |
This article uses material from the Wikipedia Fiji Hindi article Southern Indian Constituency (Fiji) 1929 - 1963, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.