Nausori Mill Rewa Planation Co Ltd
Rewa Planation Co Ltd (Nausori) Mill ek ganna ke pere waala mill rahaa, jiske 1875 me Uli Calia (Koroqaqa), Nausori, Fiji me banawa gais rahaa.
Itihaas
Rewa Plantation Company Limited, jon ki ek Melbourne ke Company rahaa, New South Wales se ek mill ke laae ke Rewa Naddi ke north coast me (jahan pe abhi Baulevu Road jaawe hae) baithais rahaa. Iske banae ke kaaran ii rahaa ki chhota Pioneer Mill uu jagha ke sab ganna k nai pere paawat rahaa.Ii mill June 1875 me pere ke suruu karis aur har din dui, nai to tiin, ton chini banawat rahaa.
1876 me ii mill 362 ton chini banais rahaa, jisk ii 17 barraa planter logan se ganna kharid ke banais rahaa. Ganna ke barraa punts, jon ki 20-30 ton ganna dhoe sakat rahaa, me laad ke Rewa Naddi se mill ke lage lawa jaawat rahaa. Naddi ke kinare se ganna e gaarri me laad ke pakki ke jariy, aur ghoraa se khiich ke, ganna ke mill, jon ki 10 yard duur rahaa talak lae jawa jaawat rahaa. Hian k barraa 5-ton ke weighbridge bhi rahaa.
1882 me ii mill, Planter logan se matbhed ke kaaran ek saal talak band rahaa. 1884 me ii Compnay Koronivia me ek duusra mill banais aur ii mill 1885 me band kar dewa gais jab Koronivia waala mill ganna pere ke suruu karis aur Uli Calia ke ganna Koronivia pere ke khati lae jaawa gais.
Aur dekho
Bahaari jorr
Granth suchi
- Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 16,19. ISBN 0-908573-50-2.
References
This article uses material from the Wikipedia Fiji Hindi article Rewa Planation Co Ltd (Nausori) Mill, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.