Lau Mill Mago
Mago Mill ek ganna ke pere waala mill rahaa, jiske 1884 me Lau ke Mago Island me Mago Island Company Limited suruu karis rahaa.
Itihaas
Ii mill Lau Group ke north me Mago Island me 3 May 1884 ke chini pere ke suruu karis. Mago Island ke kuchh planter logan saathe hoe ke 1881 me Mago Island Company Limited ke suuu karin aur ek chini ke mill banae ke decide karin. 1883 talak 20 inch ke pakki line ke bichhae dewa gais rahaa jisse garvity se ganna ke mill talak lawa jaae sakat rahaa. 1884 me hian pe 150 bigha jamiin me ganna boa gais rahaa aur 5 mile ke pakki me ghorra se ghiich ke ganna ke mill talak lawa jaawat rahaa. 1885 me 90 ganna ke gaari rahaa. 1887 me pakki ke dui aur mile se barrhawa gais.
1889 me mill financial muskil me parr gais aur iske 1895 talak Fraser and Company, Mago Island Estates Propriety ke naam pe chalais. Mill band hoe ke baad iske boiler ke Penang (Rakiraki) Mill me baithawa gais.
Aur dekho
Bahaari jorr
Granth suchi
- Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 12,13. ISBN 0-908573-50-2.
References
This article uses material from the Wikipedia Fiji Hindi article Mago (Lau) Mill, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.