Fiji Legislative Council

Pahila Legislative Council

Pahila Legislative Council ek Royal Charter se 2 January 1875 me banawa gais rahaa, jiske niche Council ke member Governor aur kamti se kamti dui aur public officers aur log rahaa jiske Rani nominate karat rahis.

Iske niche 1904 talak Council me 6 Official (jon ki sarkar me kaam kare waala log rahin) aur 4 unofficial members rahin.

Chuna gais Gora aur nominated Kaiviti member

21 March 1904 ke Letters Patent, Legislative ke membership ke badal ke:

10 Official member - ii sab gora rahin

6 Chuna gais Gora member - jisme se 2 Suva ke, 1 Levuka ke aur 3 Planters log chunat rahin

2 Nominated Kaiviti member - jiske Governor, Great Council of Chiefs se ek 6 naam ke suchi me se chuna jawat rahaa.

31 October 1910 ke Letters Patent Gora member ke election khatir Fiji ke 5 Electoral Division me baatis, jisme se ek Suva (2 memeber) aur ek Levuka (1 member) rahaa.

Fiji Legislative Council — Badri Maharaj

31 January 1914 ke Letters Patent se Council ke Officail member ke barrhae ke 11, aur chuna gais gora ke barrhae ke 7 kar dewa gais. Fiji ke 6 electoral division me baata gais, jisme se Suva ke 2 member rahaa. (Levuka ke alag member ab nai rahaa.)

Pahila Hindustani nominated member

20 July 1916 ke Letters Patent, Legislative Council ke membeship ke badlis jise ki ek Hindustani ke nominate karaa jaawe sake. Nominated member ke barhae ke 12 kar dewa gais jisme se 11 public officers rahin aur ek public oficer nai rahaa, aur 1917 se 1929 talak ii seat ek Hindustani khatir rakkhaa gais rahaa. 1917 ke elections ke baad, 29 January 1917 ke Badri Maharaj Fiji ke pahila Hindustani member, aapan seat Legislative Council me liis.

Chuna gais Hindustani member

9 February 1929 ke Letters Patent, Legislative ke membership ke badal ke:

13 Official members

6 Chuna gais Gora member

3 Chuna gais Hindustani member

3 Nominated Kaiviti member

Pahila tiin, Hindustani member Vishnu Deo, Parmanand Singh aur James Ramchandar Rao 25 October 1929 ke aapan seat Council me liin.

Vishnu Deo
Parmanand Singh
James Ramchandar Rao

References

This article uses material from the Wikipedia Fiji Hindi article Legislative Council (Fiji), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.