1879 aur 1916 ke biich me 40 jahaaj, girmitya logan ke lae ke, India se Fiji 87 dafe aais.
Ii sab jahaaj me se 27 paal waala (sailing) jahaaj rahaa aur 13 bhaap (steam) jahaaj rahaa. Suruu me ii sab jahaaj Calcutta se khali girmitya logan ke laat raha lekin 1903 se Madras se be girmitya logan aae ke suruu kar din. Kul jorr 60,965 girmitya log India chorrin lekin khali 60,553 (jisme samundar my paidaish bhi jorraa gae hae) Fiji pahuchin. 45,439 girmitya Calcutta me jahaaj pe charrin aur 15,114 girmitya Madras me charrin. Paal waala jahaaj ke Fiji pahuche , average me, 73 roj lagat rahaa, lekin bhaap waala jahaaj ke khali 30 din lagat rahaa. Jahaaj waala Company ke naam rahaa: Nourse Line aur British-India Steam Navigation Company.
Ii sab jahaaj me sab se khaas admi rahaa Surgeon-Superintendent, jon ki girmitya log ke bemari se bachawat rahaa aur ii make sure karat rahaa ki passenger log ke achhaa hawa, kaprra aur kasrat mile. Surgeon-Superintendent ke tagat Captain se bhi jaada rahaa. Uske har ek jinda girmitya, jon Fiji pauchat rahaa, khatir bonus milat rahaa.
Niche ke table Fiji aae waala girmit jahaaj ke 87 yatra ke baare me jaankari de hae. Iske khatir 40 jahaaj ke kaam me lawa gais rahaa jisme se 27 paal waala jahaaj aur 13 bhaap waala jahaaj rahaa.
Indian indenture system
This article uses material from the Wikipedia Fiji Hindi article Girmit waala jahaaj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.