Jahaaj Boyne
Boyne, 12th jahaaj rahaa jisme girmitya logan ke India se se Fiji lawa gais rahaa.
| Jahaaj ke number: | 12 |
| Jahaaj ke banawat: | Sailing Ship |
| Fiji pahuche ke taarik: | 26 April 1886 |
| Immigration pass ke number: | 5572 - 6108 |
| Jahaaj me etna girmitya rahin: | 537 |
| Jaane maane girmitya: | |
Ii jahaaj dher dafe dube se bachaa lekin khir me duub gais.
Banawat
Boyne, 1,403 ton garrhu, 226.1 feet lamba, 37.1 feet chaurraa aur 22.3 feet gahira, loha ke banaa, paal waala jahaaj rahaa. Iske 1877 me Southhampton ke Oswald, Mordaunt and Company, Nourse Line khatir banais rahaa. Iske naam Eire ke ek naddi se aais hae.
Itihass
Nourse Line ke jahaaj rahaa jiske 1877 me banaawa gais rahaa. Ii jahaaj ke bahut dafe accident bhae aur 1886 me ii chattan pe charr ke barbaad hoe gais rahaa.
Suruu me ii jahaaj ke New Zealand immigrant log ke lae jae khatir kaam me lawa jaat rahaa. 1882 me, Boyne, jab West Indies jaat rahaa, tab ek tufaan me fas gais aur ulte waala rahaa. Uske lascar aur captain uske chorr ke hissa gain lekin jahaaj nai duuba. Jahaaj ke fir se banaae ke West Indies me girmitya logan ke lae jaae khatir kaam me lawa gais rahaa.
26 April 1886 ke roj ii jahaaj 537 girmitya logan ke lae ke Calcutta se Suva pahuchis, lekin India laute ke time ii chattan pe charr ke barbaad hoe gae.
Yatra ke suchi
| Pahuche ke tarik | Manzil | Passenger ke number | Maut |
|---|---|---|---|
| 31 March 1883 | Trinidad | 517 | 8 |
| 26 April 1886 | Fiji | 537 | - |
Aur dekho
References
Bibliography
- K. L. Gillion, Fiji's Indian Migrants, p. 212, Oxford University Press, London, 1962, ISBN 0-19550-452-6
- Lubbock, Basil, Coolie ships and oil sailors, Brown, Son & Ferguson, 1981, ISBN 0-85174-111-8.
This article uses material from the Wikipedia Fiji Hindi article Boyne (jahaaj), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.