Fiji 1932 Ke Election

1929 ke election ke baad, tiino Hindustani member, Vishnu Deo, James Ramchandar Rao aur Parmanand Singh aapan seat ke chhorr diin jab uu logan ke Common Roll ke prastao Legislative Council me gir gais. Ii tiino khaali dui hafta talak Council me rahin aur jab seat khaali hoe ke baad nawaa election ke khatir nomination kola gais tab koi bhi kharraa nai bhais.

1932 ke election ke bhi Hindustani leader log boycott kare mangat rahin, lekin Southern Division me Narbahadur Singh, Hamilton Beattie, jon ki Vriddhi-Vani newspaper ke editor rahaa, ke support se, kharaa hoe gais. Vishnu Deo nai mangat rahaa ki Narbahadur Singh Council me jaae aur kahe ki uu apne election larre se disqualified rahaa, uu K. B. Singh ke kharra kar diis.Ii bhi socha gais ki ek member apne se kuch nai kare paai aur common roll prastao khatir aur koi ke bhi Council me rahe ke chaahi. Ba ke ek dukandaar, Muniswamy Mudaliar, volunteer karis aur uske North Western Indian Division me kharraa karaa gais.

Khaas article: Southern Indian Constituency (Fiji)

Election ke result rahaa:

K. B. Singh	341
Narbahadur Singh	92
Informal	38
Total	471

Khaas article: North Western Indian Constituency (Fiji)

Ii constituency me Vishnu Deo ke support se, Ba ke ek dukandaar, Muniswamy Mudaliar, kharraa bhais. Uske virod me koi nai kharra bhais aur uu ii rakam se unopposed jiit gais.

Khaas article: Eastern Indian Constituency (Fiji)

Ii constituency khatir koi nai karraa bhais rahaa