Tashe wata al'adar Hausawa ce wadda ake yin ta a bayan kowane kwana goman (10) farko na watan azumin Ramadan kuma a kowace shekara a kasar Hausa.
Tashe |
---|
A hangen Ishak Idris, kalmar tashe ta samo asali ne daga Tashi ko Tasar wani daga bacci. Kenan kacokam ta kuma samo tushenta ne daga kokarin farkar da Musulmi masu azumi daga bacci domin yin sahur. Matasa dai su ne ke yin tashe musamman ma waɗanda ba su kai shekaru sha biyar ba, da makamantansu
Wasan tashe kuma wata al'ada ce da ake yi a ƙasar Hausa a lokacin azumin watan Ramalana, inda matasa har ma da yara kan yi shiga kala-kala, suna kida da waka. Tashe hanya ce ta fadakarwa, ilmantarwa da kuma ankarar ko nusar da mutane game da wasu batutuwan da suka shafi rayuwa. Sannan ana amfani da tashe wajen tashin mutane daga barci domin su yi sahur. Kuma a kan sallami masu tashe da kudi ko hatsi da dai sauransu.
Haka kuma tashe hanya ce ta nishadantar da masu azumi don su manta da gajiyar da suke tare da ita.
Ga wasu daga cikin misalan wasannin da ake gudanarwa a yayin tashe, da sunayensu: _ Mama Ta Yi Yaji.
_ 'Yar Iska Ta Ki Zaman Aure.
_ 'Dan Kadau-Kadau.
_ Mai Katsaniya.
_ 'Dan Marad'i Ya Sille.
_ Karo-ba-shawara.
_ Mairama Da Daudu.
_ 'Dan dukununu.
_ Macukule.
_ Tsoho Da Gemu.
_ Ka Yi Rawa Kai Malam
This article uses material from the Wikipedia Hausa / هَوُسَ article Tashe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). An samar da dukkan muƙaloli a ƙarƙashin lasisin Creative Commons Attribution/Share-Alike; tana yiwuwa wasu ƙa'idoji su yi tasiri. Ku duba Ka'idojin Amfani na Gidauniyar Wiki domin ƙarin bayani. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hausa / هَوُسَ (DUHOCTRUNGQUOC.VN) is an independent company and has no affiliation with Wiki Foundation.