Aminu Ado Bayero: Sarkin Kano

Ya hau kan karagar mulki ne a ranar 9 ga watan Maris na shekarar 2020, bayan gwamnan jihar Kano, Abdullahi Ganduje ya sauke sarki Muhammad Sanusi II daga kan karagar mulkin sarautar Kano. shine Chancellor na jami'ar calabar

Aminu Ado Bayero
Rayuwa
Haihuwa	Kano, 1961 (62/63 shekaru)
ƙasa	Kano
Ƴan uwa
Mahaifi	Ado Bayero
Ahali	Nasiru Ado Bayero
Karatu
Makaranta	Government College, Birnin Kudu Jami'ar Bayero
Harsuna	Turanci Hausa
Sana'a
Sana'a	Emir (en)

 

Aminu Ado Bayero ya fito ne daga jihar Kano, kuma shi ne na biyu a cikin 'ya'yan Ado Bayero, wato Sarkin kano na (13). Aminu Ado ya halarci makarantar firamare ta ƙofar Kudu sannan ya wuce zuwa makarantar sakandare ta Gwamnati, Birnin Kudu. Aminu Ado ya karanci fannin sadarwa mai yawa daga Jami’ar Bayero Kano, sannan kuma ya tafi Kwalejin Flying, dake Oakland, California, a Amurka, kafin yaci gaba da shiga Ofishin Kula da Matasa na Kasa a Hukumar Gidan Talabijin ta Najeriya, Makurdi.

Aminu Ado ya yi aiki a matsayin jami’in hulda da jama’a a kamfanin jirgin Kabo, kafin ya zama injiniyan jirgin sama. A shekara ta (1990), mahaifinsa, Ado Bayero ya naɗa shi Ɗan Majen Kano kuma shugaban gundumar Dala tun kafin ya kara daukaka shi ga Ɗan Buram ɗin Kano a watan Oktoba na wannan shekarar. A shekara ta (1992) , an inganta shi zuwa Turakin Kano da kuma Sarkin Dawakin Tsakar Gida Kano a shekara ta (2000). Ya kuma yi aiki a matsayin shugaban kwamatin masarautar Kano. A shekara ta ( 2014) , mai martaba sarkin Kano, Muhammad Sanusi II, ya daukaka shi zuwa Wamban Kano, don haka ya canza shi daga Dala zuwa karamar hukumar Birni da kewaye, inda ya maye gurbin Galadiman Kano, Alhaji Tijjani Hashim a matsayin shugaban gundumar.

A shekara ta (2019), gwamnan jihar Kano, Abdullahi Ganduje ya naɗa shi a matsayin Sarkin Bichi.

 

A ranar (9), ga watan Maris shekara ta (2020), an nada shi a matsayin sarki na (15), na jihar Kano, don maye gurbin Muhammad Sanusi II, wanda aka hambarar dashi a wannan ranar.