Abdulbaqi Aliyu Jari: ɗan jarida

Akan rubuta shi da Abdulbaki Aliyu Jari kuma akan kira shi da Bahaushe, dan Najeriya ne, dan jarida, marubuci, mai fafutuka ne a kafar sada zumunta. Shi ne wanda ya kafa Ranar Hausa, ranar da aka ware domin bikin yaren Hausa. Shi ne kuma wanda ya kirkiro IHAME sabuwar alama ta rubuta harshen Hausa. Shi ne tsohon shugaban sashen Hausa na Naija News Media kuma tsohon mataimakin editan gidan talabijin na Nishadi.

Abdulbaqi Aliyu Jari
Rayuwa
Haihuwa	18 ga Augusta, 1991 (32 shekaru)
Sana'a
Sana'a	ɗan jarida da maiwaƙe

Abdulbaqi an haife shi kuma ya girma a jihar Katsina, ya samu digiri na farko daga jami'ar Usman Danfodio Sakkwato a Biochemistry. Ya kuma sami difloma a Kimiyyar Computer da kuma Shari'a. Bayan kammala karatunsa daga Jami’ar Usman Danfodio, Abdulbaki ya fara aikinsa na dan Jarida mai zaman kansa, ya rubuta labarai sama da guda 1,000 wanda jaridu sama da guda 100 suka buga wadanda suka hada da Daily Trust, BBC Hausa, Legit.ng. Shi ne tsohon Shugaban sashen Hausa na Naij News kuma daga baya ya zama Mataimakin edita a gidan talabijin na Nishaɗi. Abdulbaqi a halin yanzu mai gabatar da bidiyo ne tare da BBC. Ya gudanar da bincike tare da African Eye na BBC inda ya kasance daga cikin wanda suka yi bincike a cikin shirin Tabay Torture Technique da Fake News.

A shekarar 2011, Abdulbaqi ya kirkiri alamomin rubutun Hausa wadda ake kira Ihame. Ihame ya kunshi haruffan Hausa, adadi da kuma hanyar rubutu, ya yi shekara 3 yana bincike sannan ya kammala aikinsa. Tare da taimakon Farfesa Salisu Ahmad Yakasai, an buga Ihame a cikin mujallu 3. Yanzu haka ana inganta Ihame ga mutanen Hausa. A cikin 26 ga watan Agusta shekara ta 2015, Jari ya kafa Ranar Hausa ta duniya, ya fara gabatar da bikin farko a kafafen sada zumunta musamman ta shafin twitter da niyyar hada L1 da L2 na masu magana da harshen Hausa. Yayin bikin shekara 5, mutane fiye da 400,000 suka halarci duka ta yanar gizo kuma an gudanar da bikin a Faransa, Amurka, Kamaru, Ghana, Nijar, da Najeriya Saboda gudummawar da ya bayar ga Hausawa, marigayi Sarkin Rano ya ba shi Abdulbaqi lakabi na gargajiya na Sarkin Yakin Hausa. (Chief Publicist of Hausa) daga wajen sarkin Kano Emir of Rano.

A shekara ta 2014, Jari ya la'anci matakin da gwamnatin jahar Legas ta ɗauka na hana 'yan matan musulmai sanya Hijabi a makaranta. Jari yana cikin wadanda suka matsa lamba ga gwamnan jahar Katsina a cikin Shekara ta 2014 don sakin wani ɗalibi da aka tsare saboda wani shafin Facebook.

• Kisan Kenya da kuma aikin watsa labarai na duniya
• Shugaba Janatan ya “yi tambayoyi”
• Shugaban arewa ya dauki alhakin matsalolinmu
• Dalilin da ya sa aure tsakanin mutanen Hausawa yakan gaza
• Xenophobia da hadin kan Afirka
• Ina tauraron mu guda hudu.

• Shafin Twitter