Lettyr Wooishlagh
She treeoo lettyr as feed abbyrlhit ny Gaelgey ee wooishlagh (W, w), rere'n abbyrlhit Romanagh jeianagh.
- She lettyr bun-chooish y duillag shoh. My ta sym ayd ayns keeall elley yn 'ockle shoh, lhaih wooishlagh.
| Wooishlagh - Romanagh | |||
|---|---|---|---|
| Shennaghys as aase | |||
| Proto-Semetagh |  | ||
| Feaneeckagh |  | ||
| Greagagh |  | ||
| Etruscagh |  | ||
| Shenn Vaarle |  | ||
 | |||
| Cosoylaghey | |||
 Gaelgagh |  Roonagh | ||
| Troyn | |||
| Rhank 'syn abbyrlhit: | 23 | ||
| Keealyn | |||
Kemmig: Tungsten (W) Çhengoaylleeaght: 'syn ASE, corockle /w/ ny [w] | |||
Shennaghys
T'ad gra dy daink wooishlagh jeh screeu caslys 'syn abbyrlhit Proto-Sinaitagh. T'ad cur vâv er y lettyr shoh, as er lhieu dy row eh cowraghey croagane ny bad. Haink y cowrey shoh trooid coryssyn screeu Feaneeckagh, Greagagh, Etruscagh as Romanagh dys y chummey t'ayn nish. Ta'n bun cheddin ec Faarney, Unjin, Vervine as Yiarn.
| Vervine ghooblit ayns Shenn Vaarle | Cummaghyn lurg-Varriaghtagh: Wooishlagh as Vervine crossit |
|---|---|
| |  |
Cummey s'leaie wooishlagh, she vervine ghooblit v'ayn, as ish screeut ayns Shenn Vaarle 'sy 7oo eash. Haink yn ennym Baarle, "double U" (Unjin dooblit) jeh. Cha row monney ymmyd jeant jeh; v'ad cliaghtey screeu y sheean /w/ lesh y roon wynn (Ƿ) son y chooid smoo. Lurg y Varriaght Normanagh, v'ad screeu daa vervine ny smoo na wynn, as mysh 1300 va'n lettyr noa jannoo obbyr wynn. Ny keayrtyn, v'ad screeu eh lesh daa vervine nyn lhie harrish y cheilley.
'sy Ghaelg hene, ta'n lettyr çheet jeh'n abbyrlhit Baarleagh liorish obbyr John Phillips, Aspick Sodor as Mannin, as e lheid cairscreeu y yannoo son y Ghaelg ayns ny 1700yn.
Coadyn co-earrooder
Ayns Unicode, ta W mooar ec U+0057 as w beg ec U+0077.
Ayns ASCII, ta W mooar ec 87 as w beg ec 119. Ayns earrooyn jeesoil, shen 01010111 as 01110111.
Ayns EBCDIC, ta W mooar ec 230 as w beg ec 166.
Ayns HTML as XML, ta W mooar ec "W" as w beg ec "w".
Jeeagh er reesht
Imraaghyn
This article uses material from the Wikipedia Gaelg article Wooishlagh (lettyr), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.