Lunnin: Preeu-valley yn Reeriaght Unnaneysit as y chaayr smoo ayn
She preeu-valley Hostyn as y Reeriaght Unnaneysit ee Lunnin (Baarle: London).
T'ee ny h-ard moirvaljagh smoo 'sy Reeriaght Unnaneysit as ny cryss valjagh smoo 'syn Unnaneys Oarpagh rere y chooid smoo jeh towseyn. V'ee bunnit ec ny Rauee myr Londinium. Ta cree Lunnin, Caayr Lunnin, freayll ny joaraghyn mean-eashagh son y chooid smoo. Veih'n 19-oo eash, haink er yn ennym Lunnin dy chur sheese da'n moir-valley va lhiasaghey mygeayrt y chree shen. Ta'n chooid smoo jeh'n chovaljys shen jannoo seose ard Lunnin as ard reiragh Lunnin Vooar, as ee stiurit liorish Meoir Lunnin as Çhionnal Lunnin.
| Lunnin London (en) | |
|---|---|
 | |
  Lunnin | |
| Co-ordnaidyn: 51°30′26″N 0°7′39″W / 51.50722°N 0.1275°W | |
| Çheer | Reeriaght Unnaneysit |
| Çheer cho-ayrnagh | Sostyn |
| Ard | Lunnin |
| Coondaeghyn jesh-chliaghtagh | Caayr Lunnin as Lunnin Vooar |
| Slystyn | Y chaayr as 32 valley corpagh |
| Bunneeaght | |
| - myr Londinium c. AD 43 | Cummaltit ec ny Rauee |
| Kione-cherroo | Y Halley Caayragh |
| Reiltys | |
| - Lught-reill ardjynagh | Lught-reill Lunnin Vooar |
| - Çhionnal ardjynagh | Çhionnal Lunnin |
| - Meoir Lunnin | Boris Johnson |
| - Parlamaid yn RU - Çhionnal Lunnin - Parlamaid ny h-Oarpey | 74 co-heiyderyssyn 14 co-heiyderyssyn Co-heiyderys Lunnin |
| Eaghtyr | |
| - Lunnin | 607 mi ker (1,572.1 km2) |
| Yrjid | 79 tr (24 m) |
| Earroo yn phobble (Ooley J. Souree 2008) | |
| - Lunnin | 7,556,900 |
| - Glooaght y phobble | 12,450/mi ker (4,807/km²) |
| - Baljagh | 8,278,251 |
| - Moirvaljagh | Eddyr 12,300,000 as 13,945,000 |
| Cryss hraa | GMT (UTC±0) |
| - Sourey (TTSL) | BST (UTC+1) |
| Coadyn postagh | E, EC, N, NW, SE, SW, W, WC, BR, CR, DA, EN, HA, IG, KT, RM, SM, TN, TW, UB |
| Coad(yn) çhellvane | 020, 01322, 01689, 01708, 01737, 01895, 01923, 01959, 01992 |
| Ynnyd-eggey | www.london.gov.uk |
Ta Lunnin ny caayr ghowanagh leeideilagh, as yn ynnyd argidoil smoo er y theihll myrane lesh York Noa, as t'ee ny caayr smoo rere TLS 'syn Oarpey. Ta'n chooid smoo jeh ny 100 ard-cholughtyn 'sy Reeriaght Unnaneysit soit ayns Lunnin Veanagh as ta ny smoo na 100 jeh ny 500 colughtyn smoo 'syn Oarpey soit ayn chammah. Ta'n cleaney as ny cummaghtyn ec Lunnin ayns ny h-ellynyn, 'syn ynsagh, 'syn eunyserys, 'sy fassan, 'syn argidys, ayns currym slaynt, 'syn ym-ysseraght, 'sy pholitickaght, ayns shirveishyn gerrymoil, 'sy spoyrt, 'sy turrysid, 'syn arraghey as 'sy chultoor cur lesh e soiaghey dowanagh. Ta ny smoo turryssee goll gys Lunnin na gys un chaayr elley er y theihll. Haghyr Cloiaghyn Olympagh Souree ayns Lunnin ayns ny bleeantyn 1908 as 1948, as t'ad çheet er ash gys Lunnin 'sy vlein 2012. Ta kiare Buill Eiraght Dowanagh ayns Lunnin: Toor Lunnin; Ny Garaghyn Luss-oaylleeagh Reeoil, Kew; yn ynnyd ta goaill stiagh Plaase ny Mannishter Heear, Mannisher ny Mannishter Heear as Agglish Noo Margaid; as y balley beg shenndeeagh Greenwich (raad ta'n Thie Rollageydys Reeoil cowraghey Linney Vunlaa Ghreenwich (0° dowan-liurid) as GMT).
Ta reayn lheeadagh dy phobbylyn, dy chultooryn as dy chraueeaghtyn ayns Lunnin, as ta ny smoo na 300 çhengaghyn ry-chlashtyn çheusthie jeh ny joaraghyn eck. Ayns Mee Yerrey Souree ny bleeaney 2007 va 7,556,900 cummaltee, dy h-oikoil, çheusthie jeh joaraghyn Lunnin Vooar, as yn earroo shen cur lhee myr y valjaght smoo rere earroo yn phobble 'syn Unnaneys Oarpagh.
Noteyn
Imraaghyn
| She bun ta'n art shoh. Cur rish, son foays y yannoo da Wiki. |
This article uses material from the Wikipedia Gaelg article Lunnin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.