Eliza S. Craven Green
She feelee, screeudeyr as ben chloie Sostynagh va Eliza S.
Craven Green (10 Nollick 1803 – 11 Mayrnt 1866).
| Eliza S. Craven Green | |
|---|---|
| Ruggit | 10 Mee ny Nollick 1803 Kirkgate, Leeds, Sostyn |
| Hooar baase | 11 Mart 1866 (62 bleeaney d'eash) |
| Ashoonaght | Sostynagh |
| Keird | feelee · screeudeyr |
| Mie er enney son | Screeu yn daan Ellan Vannin |
Beashnys
Va Eliza Craven ruggit ayns Kirkgate, Leeds, er 10 Nollick 1803. 'Syn aegid eck, ren ee ceau tammylt ayns Doolish ec y Theater Noa er Straid Atholl myr ben chloie. Lurg shen, ren ee cummal ayns Manchuin, agh ren ee goll er ash dys Leeds raad ren ee cummal feie shiartanse dy vleeantyn. Phoose ee rish James Green 'sy vlein 1828, tra hoshee ee soilshaghey magh e feeleeaght. Va'n eeleeaght eck soilshit magh fo'n ennym "Eliza Craven Green" as cha fo'n ennym "Eliza Craven".
V'eh yn chied lioar eck na A Legend of Mona, a Tale, in two Cantos, Doolish 1825, 8vo, as v'eh yn nah lioar, as y fer jerrinagh eck, na Sea Weeds and Heath Flowers, or Memories of Mona, Doolish, 1858, 8vo. Ren ee cur magh shiartanse d'eeleeaght as skeealyn dys y vean earishagh. Ren ee screeu son y Phœnix, 1828, as y Falcon, 1831, earishlioaryn ass Manchuin; son yn earishlioar Oddfellows , 1841 as ny s'anmey; son y Leeds Intelligencer, Le Follet, Hogg's Instructor, as Chambers's Journal, as ren ee cur lesh yn ym-lioar daanyn The Festive Wreath, va soilshit magh ayns Manchuin 'sy vlein 1842.
Jiu, t'ee mie er enney myr screeudeyr y daan, Ellan Vannin, 'sy vlein 1854, as eh goll er enney myr "arrane ashoonagh caghlaaee" Ellan Vannin.
Hooar ee baase ayns Leeds er 11 Mayrnt 1866 as t'ee oanluckit ayns Ruilick Noo Varkysh, Woodhouse, Leeds.
Imraaghyn
- "Eliza Craven Green" er manxliterature.com (Feddynit er 4 Toshiaght Arree 2015)
Kianglaghyn magh
- The music and text for the poem 'Ellan Vannin'
- Sea Weeds and Heath Flowers, or, Memories of Mona available on manxliterature.com
This article uses material from the Wikipedia Gaelg article Eliza S. Craven Green, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.