Dita Von Teese: Daunseyr as craishteyder Americaanagh
She vedette, daunseyr craidoil, craishteyder, as delleyder Americaanagh ee Heather Renée Sweet (ruggit er 28 Mean Fouyir 1972), ta goll er enney fo'n ennym keirdey Dita Von Teese.
Ta aa-chadjinaghey yn chloie craidoil currit j'ee as rere shen ta'n ennym "Queen of Burlesque" ("Benrein y Chraidaght") bronnit urree.
| Dita Von Teese | |
|---|---|
 | |
| Ennym ruggyree | Heather Renée Sweet |
| Enmyn elley | Mrs. Von, Velicity, Felicity Von, Velecity Von |
| Ruggit | 28 Mean Fouyir 1972 (51 bleeaney d'eash) West Branch, Michigan, SUA |
| Seyraanaght | Steatyn Unnaneysit America |
| Çhengey | Baarle |
| Keird | aghteyr · craishteyder · choreograafee · rooishteyder · aghteyr çhellveeish · craishteyder fotografeeaght an-ghraagh · aghteyr scannane |
| Bleeantyn obbree | 1990-jiu |
| Daah sooillyn | glass |
| Daah fuilt | folt fynn |
| Sheshey | Marilyn Manson (en)  (2005 - 2007) |
| Kianglaghyn fysseree as sheshoil | |
| IMDb | nm0842258 |
| Discogs ID | 3102280 |
| IAFD | DvonTeese |
| ditavonteese | |
| DitaVonTeese | |
| TikTok | ditavonteese |
| dita.net | |
Ta Von Teese er ny chloie ayns CSI: Crime Scene Investigation, RuPaul's Drag Race, The Masked Dancer, The Curious Creations of Christine McConnell, mastey gientynyn çhellveeish elley. Ta enney urree myrgeddin son e poosey giare rish yn arraneyder Marilyn Manson chammah as cloiaghyn ayns feeshanyn kiaullee echey. Ta daa lioar soilshit magh ec Von Teese bentyn rosh shennaghys y chraidaght, feddishaght, as aalid. Chammah as shen, t'ee er ny recortyssey arraneyn marish y chiaulleyder Frangagh Sébastien Tellier. T'ee er n'yannoo turryssyn er feie ny cruinney marish e taishbynyssyn craidoil ayns caayryn lheid as Lunnin, Berleen, York Noa, as Paarys. Ren Dirty Martini, Perle Noire, Ginger Valentine, Jett Adore as y craishteyder Playboy Gia Genevieve goaill ayrnyn ayns e tiahsbynyssyn mastey yeiyn er lheh elley. She yei er lheh va Von Teese ec yn ynnyd Paaryssagh Crazy Horse dy mennick. Rere y taishbynys ayns 2016 va DVD skeaylt magh. Voish 2006 derrey 2008, she loayreyder Viva Glam son MAC Cosmetics va Von Teese son argid y haglym son ronsaghey VGYS. She ambasseyder dowanagh son Cointreau v'ee eddyr 2007 as 2013 as ayns 2010–2011 she eddin Perrier v'ee. T'ee er n'yannoo kiare sooraneyn fo'n chworey Dita Von Teese Perfumes. Ta cowrey fo-eaddagh ben eck, chammah as oashyryn fo'n ennym Secrets in Lace, as ganseeyn foshlit soyleyssagh son y çhapp Austrailagh er-linney Wheels & Dollbaby.
Imraaghyn
Kianglaghyn
This article uses material from the Wikipedia Gaelg article Dita Von Teese, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.