Archaea

She ream dy vynvioee eh archaea (un.: archaeon).

Cha nel çheshvean killag ny mynolt far-chrackanagh erbee elley oc. Traa dy row, v'ad currit marish bacteyryn myr prokaryota ny myr reeriaght Monera, fo'n ennym archaebacteria ("shenn vacteyryn"). Ec y traa t'ayn, cha nel bea-oayllee goaill rish y rang-oardraghey shen. Ta shennaghys aafilleydagh er lheh oc, as shimmey scansh t'eddyr ocsyn as bioagyn elley; myr shen, ta rang-oardraghey noa oc nish myr ream er lheh 'sy chorys tree reamyn. Ta'n corys shoh eddyraghey tree banglaneyn aafilleydagh: Archaea, Bacteria as Eukaryota.

Archaea
Rheam fossylagh: Paleoarcheagh – Jiu
Archaea
Dooie Halobacteria stroo NRC-1. Ta killag mysh 5μm er lhiurid.
Rang oaylleeagh
Ream: Archaea
Woese, Kandler & Wheelis, 1990
Kingdoms and phyla

Crenarchaeota
Euryarchaeota
Korarchaeota
Nanoarchaeota
Thaumarchaeota

T'ad rheynn Archaea ayns kiare phyla, agh s'cosoylagh eh dy vel foddey ny smoo ayn. Cha nel monney studeyrys er ny yannoo orroo. She Crenarchaeota as Euryarchaeota ad ny phyla smoo er studeyrys.

Ta archaea jeeaghyn gollrish bacteyryn dy mennick, agh ta cummey goan ec kuse jeu; myr shen, killagyn rea kerrooagh Haloquadratum walsbyi. Ta gientagyn as cassanyn soe oc ta faggys d'adsyn t'ec eukaryota, myr sampleyr, ensymeyn ta jannoo aascreeu as çhyndaays. Ta troyn elley oc gyn cosoylagh; myr sampleyr, t'ad croghey er lipaid eethyr 'syn 'ar-chrackan killagagh oc. T'ad geddyn bree jeh foddey ny smoo binn na eukaryota, veih shugyryn dys ammoiney, eaaneyn meain as eer hiddragien. Ta Haloarchaea jannoo ymmyd jeh soilshey ny greiney, as ta dooieyn elley tashtey carboan; cha dod archaeon erbee jannoo y ghaa, ga dy nod lussyn as cyanobacteria. T'ad geddyn sliught gyn keintys liorish scoltey jeesoil, cur magh buinney ny mynvrishey, agh cha dod ad jannoo sporrag.

'Sy toghiaght, v'ad credjal dy nee graihderyn barbaght v'ayn chum ayns buill varbagh, myr sampleyr, çhibbraghyn çhehey as loghyn sailjey, agh t'ad ry-akin ayns ymmodee oayll, goaill stiagh thalloo, keayn, curragh as collane deiney. T'ad cadjin er lheh 'sy cheayn.

Imraaghyn

Tags:

BacteriaBacteyrCorys tree reamynEukaryotaMynoltMynvioaghProkaryotaÇheshvean killag

🔥 Trending searches on Wiki Gaelg:

ReiltysBilley niauHampshire19692007Yn Leeb16 Mayrnt5 Mart30 MartAnjeeysJemayrtMart 2009Maddaght178116 Mean SoureeDavid CameronYn Chreestiaght1869Reagheydys Slaynt y TheihllIddaalishYn Varoc194812 MartYn AsserbajaanWalloonishYn Çheer ThaiSteatyn Unnaneysit AmericaHiddragienRobin Williams11 Mean FouyirBolgan (bea-oaylleeaght)Neil ArmstrongShandong19344 Jerrey Souree19418 MartMynvreetçhyn doarneyGlooaght y phobbleCoonseil yn OarpeyJamyssaghtIsraelDominique McElligott1933Feeyn14 Mart28 Mean FouyirDonald TrumpCaayr York Noa28 Mee Houney14 MayrntYn LaibeerRooshishMassadoanishYernish UlleeNy h-Ellanyn Heear19611595BaarleReeriaght UnnaneysitFrida KahloYn ChanadeyYn Teelynn NoaÇhengaghyn Gaelgagh10oo eash1945Elvis PresleyAlaska2004NorlynnishYn Veanvooir🡆 More