ખેતી એ ભારત દેશના લોકોનો મુખ્ય વ્યવસાય છે. ખેતીના કાર્યોમાં ખેતર તૈયાર કરવું, એમાં કોઈ વનસ્પતિ ઉગાડી તેનો યોગ્ય રીતે ઉછેર કરી એમાંથી ફળ, ફૂલ, સાંઠી, પાંદડા કે લાકડાંનું ઉત્પાદન મેળવવું, આ ઉત્પાદનને શુદ્ધ કરી સંગ્રહ કરવો અથવા બજારમાં લઈ જઈ વેચાણ કરવું એ મુખ્ય કાર્યો છે.
ભારતમાં ખેતીના વ્યવસાયમાં ચોમાસાની ઋતુમાં થતા વરસાદ પર ખૂબ મોટો આધાર રહેતો હોય છે.
કાર્યો
ખેતીનો વ્યવસાય કરવામાં આ પ્રમાણેનાં કાર્યો કરવામાં આવે છે.
જૂના પાકનાં ઠૂંઠા તથા કાંકરાઓ ખેતરમાંથી દૂર કરવામાં આવે છે.
ખેતરની માટીથી બનેલી પાળો સરખી (સમારકામ) કરવામાં આવે છે.
ખેતરની વાડ સરખી (સમારકામ) કરવામાં આવે છે.
જે પાકનું ઉત્પાદન લેવાનું હોય તેનું બિયારણ તૈયાર કરવામાં આવે છે.
ખેડેલા ખેતરમાં ચાસ પાડવામાં આવે છે.
બિયારણની વાવણી કરવામાં આવે છે.
પિયતની સગવડ હોય તો વખતસર પાણી પીવડાવવું પડે છે.
જે પાકની રોપણી કરવાની હોય તેનું ધરું ઉછેરવામાં આવે છે.
ધરું તૈયાર થયા પછી એની રોપણી કરવામાં આવે છે.
સમય અને પરિસ્થિતિ જોઈને નિંદામણ કરવામાં આવે છે.
ખેતરમાં તૈયાર થતા પાકમાં રોગ ન ફેલાય તેની કાળજી લેવામાં આવે છે, આ માટે જંતુનાશક દવાઓનો ઉપયોગ કરવામાં આવે છે.
સમય અને પરિસ્થિતિ જોઇને રાસાયણિક ખાતર આપવામાં આવે છે.
પાકનું પશુઓ અને ચોરોથી રક્ષણ કરવામાં આવે છે.
પાકનું ઉત્પાદન તૈયાર થાય એટલે કાપણી કરવામાં આવે છે.
કેટલાક પાક જેવા કે ફળ, ફૂલ, શાકભાજીના ઉત્પાદનને નિયમિત રીતે ચૂંટીને બજારમાં પહોંચાડવામાં આવે છે.
ઉત્પાદન મેળવી લીધા પછી ખળી બનાવી એમાં દાણા છુટા પાડવા, સાફ કરવામાં આવે છે.
ઉત્પાદન મેળવી લીધા પછી ફરી ખેતરને તૈયાર કરવામાં આવે છે.
This article uses material from the Wikipedia ગુજરાતી article ખેતી, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). અલગથી ઉલ્લેખ ન કરાયો હોય ત્યાં સુધી માહિતી CC BY-SA 4.0 હેઠળ ઉપલબ્ધ છે. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki ગુજરાતી (DUHOCTRUNGQUOC.VN) is an independent company and has no affiliation with Wiki Foundation.