Wiki Bahasa Hulontalo

Wiki bahasa Hulontalo yito ensiklopedia online to delomo bahasa Hulontalo wawu wayitiyo lo nga'amila Wikipedia to delomo bahasa uweewoliyo ma'o.

Wiki bahasa Hulontalo
Wikipedia Bahasa Hulontalo
Tilumula lonto 18 April 2018
Jumula lo tuladu 14.763
Nga'amila halaman 22.921
Jumula berkas 0
Pengguna terdaftar 5.598
Pengguna aktif 15
Pengurus 2
Kedalaman 0,7

Wiki bahasa Hulontalo
Statistik28-03-2024

Wikipedia bahasa Hulontalo botiya dudu-dudu'a to wu'udu Wikipedia uda'a, pereyi tuladulo, boli'olo, kupe'iyolo meyambo popotayadulo.

Wikipedia Bahasa Hulontalo
Wiki Hulontalo

Sojara

Wikipedia Bahasa Hulontalo 
Dulohupa to Samarinda 08 Juni 2014, te Marwan Mohamad wawu te Ezagren

Halaman lo Wikipedia botiya ma woluwo anggadu 7 September 2010, dabo tilumulaliyo to inkubator Wikimedia. Ta lohutu halaman boyito tangguliyo te Wirjadisastra. Tilumula lonto u pilohutuliyo to dulahe boyito sambe awali lo tawunu 2014 tulade to halaman lo wikipedia boti boheli 9 (tiyo) artikel, tuheta bo ngo'idi ta hepolulade to wikipedia bahasa Hulontalo botiye. Ta hepolulade bohuliyo te Abdi Gunawan Djafar toliliyo te Lingga wawu te Lukman Tomayahu, wawu woluwo tawuwewo bo hemoluladu odelo akun anonim meyalo dila o akun to wikipedia, sambe ja'otawa tangguliyo. Pata'o boyito halaman inkubator Wiki maa pilopotayadiyo to Facebook le Lukman Tomayahu, sambe te Marwan Mohamad maa lodudu'a mayi hemolulade olo. Tanggal 8 Maret 2014 te Marwan Mohamad maa lodunggaya modulohupa wole Ezagren to Kota Samarinda tomimbihu u mopo'olato molulade to Wikipedia botiya.

Hihile ode admin Wiki Foundation

To tanggal 1 Pebruari 2015 te Willy2000 ma lohutu halaman tuwawu tuwangiyo hihile ode admin lo Wiki Foundation alihu Wikipedia Hulontalo lato tolimoliyo wawu maa heyiyoliyo ode halaman bohu lo Wiki Hulontalo.

Tanggal 22 Mei 2016 tuladu to Wikipedia bahasa Hulontalo maa limbata 1.000 (ngolihu) apingo lo halaman. Makusudu lo halaman botiya himbunguwa lo nga'amila tuladu/artikel, templat wawu modul. Sambe to awwali lo hulalo April 2018 nga'amila tuladu to Inkubator Wikipedia bahasa Hulontalo maa woluwo 2.645 halaman.

Verifikasi lo admin Wiki Foundation

Tanggal 23 Januari 2017 hihile u moheyi ode situs Wikipedia maa diverifikasi lo admin Wiki Foundation. Syarat duhengiyo u musi pohutuwolo ma pilopo'ota mayi limongoliyo. Tala tuwawuliyo mohutu logo wawu slogan lo Wikipedia to delomo bahasa Hulontalo. Kalaja botiye ma pilohutu le Rachmat04 wawu gambariliyo maa pilopotuwotiyo ode situs Wiki Commons. To hulalo Oktober 2017 admin Wiki Foundtion maa lolawo mayi email ode admin inkubator bahasa Hulontalo, alihu woluwo tawu ngota ahali lo Bahasa Hulontalo ta mowali patato limongoliyo, pohintuwaliyo wonu nga'amila tuladu to inkubator boyito delo otutu tiluladu to delomo bahasa Hulontalo u banari. Marwan Mohamad, admin inkubator bahasa Hulontalo maa lodudupa mota ode Dr. Suleman Bouti to Universitas Negeri Gorontalo, moharapu alihu tiyo mohuto pohintuwa lo admin Wiki Foundation tomimbihu urusani botiya. Tanggal 6 Maret 2018 hihile u moheyi ode situs Wikipedia maa tilolimo lo admin Wiki Foundation. Tanggal 7 Maret 2018 proses mohutu halaman bohu lo Wikipedia bahasa Hulontalo maa tilumula lo admin Wiki Foundation wawu bolo mohulato situs botiya hu'olo to alamat u bohu.

Lowali Wikipedia

Tanggal 18 April 2018 wakutu lo Amerika meyambo 19 April 2018 wakutu lo Indonesia, Wikipedia bahasa Hulontalo maa yilumuwalo lonto inkubator ma lowali situs Wikipedia u banari. Jumula lo artikel to'u boyito 1.207 tuladu/artikel. Maa yiloyoto lonto u 2.645 to Inkubator, sababu halaman templat wawu modul ja rerekeni to artikel. Wikipedia bahasa Hulontalo duta-duta'a to lenggota 244 lonto u 299 Wikipedia nga'amila.

Lolayi'o artikel

  • 1.000 artikel - 19 April 2018
  • 2.000 artikel - 01 Pebruari 2019 - Djalaludin Tantu
  • 5.000 artikel - 08 April 2020 - COVID-19
  • 10.000 artikel - 18 Oktober 2020 - Muhammad al Fatih
  • 13.000 artikel - 10 Juni 2022 - Vũng Tàu

WikiLatih

WikiLatih botiya kegiatan moheyingo tawu daata mopo'olato moluladu wawu mohutu artikel to Wikipedia u hepohutuwo lo Wiki Indonesia. Bohuliyo bo hepohutuwoliyo to kantori lo Wiki Indonesia to Jakarta. Hihihewoma'o kegiatan botiya maa hepopona'oliyo ti timi'didu kota wonu lembo'a lo Wikipedia tetemola moloduwo me'ipotunu moluladu.

WikiLatih Hulontalo

Wikipedia Bahasa Hulontalo 
WikiLatih Hulontalo di Galeri Riden Baruadi 13 Oktober 2018

Tanggal 13 Oktober 2018 Wiki Indonesia wawu lembo'a lo Wikipedia Hulontalo lohutu acara WikiLatih to Riden Baruadi Gallery Kota Gorontalo. Acara botiye pilohutuliyo lonto jam 10:00 sambe jam 16:00 WITA. Ta longohi materi pobalajari te Cahyo Ramadhani wawu te Raymond Sutanto, lonto Wiki Indonesia. Woluwo 8 (walu) lota ta lodudupa mayi lobalajari lodulade artikel to Wikipedia bahasa Hulontalo. Towolota lo tuladu u pilohutu limongoliyo de'uwito yito; Walimomo, Pohala'a Suwawa-Bone, wawu Paluwala.

WikiLatih Gorontalo

Wikipedia Bahasa Hulontalo 
WikiLatih Gorontalo 11-12 Januari 2020 to Grapari Telkomsel Gorontalo

WikiLatih Gorontalo pilohutu to Grapari Telkomsel Gorontalo to tanggal 11-12 Januari 2020. Kegiatan botiya pilohutu lo Wiki Indonesia loheluma wolo Prodi PGMI, IAIN Sultan Amai Gorontalo. Ta lodudu'a lotiwayito to kegiatan botiya to wolotaliyo mahasiswa lonto Universitas Negeri Gorontalo, mahasiswa IAIN Sultan Amai Gorontalo, guru-guru lo sikola dasar to Hulontalo wawu tawuwewoliyo ma'o.

Kegiatan botiya hilu'oliyo li ibu Dr. Hj. Lamsike Pateda, M. Pd, lonto IAIN Sultan Amai Gorontalo. To tahuliliyo, tiyo lotombilu mayi paralu mopolayi'o tomimbihu bahasa Hulontalo to mongoditi alihu bahasa botiya debo hepotombilunto timi'idu wakutu. Lapatiyo ma'o ti Dr. Suleman Bouty lonto Universitas Negeri Gorontalo longohi materi Ortografi lo Hulontalo. To dulahe bungaliyo woluwo 27 lota ta lohadiri lopo'olato loluladu to Wikipedia bahasa Indonesia. Ta longohi materi pilobalajari te Raymond Sutanto lonto Wiki Indonesia. Tala tuwawu lo artikel pilohutu to dulahe boyito judulliyo Burhan Djabier Magenda, tiluladiyo li Ana Ainina.

To dulahe oluwoliyo bolo 15 lota ta lohadiri mayi lobalajari loluladu wawu lohutu artikel to Wikipedia bahasa Hulontalo. Artikel u pilohutu tiluladi mongoliyo to wolotaliyo; Bantayo Pobo'ide, Iwan Bokings, Ponti, Bo'o li bulentiti, Yilabulo, Inke Maris, Buruna.

Referensi

Tags:

Wikipedia Bahasa Hulontalo SojaraWikipedia Bahasa Hulontalo Hihile ode admin Wiki FoundationWikipedia Bahasa Hulontalo Verifikasi lo admin Wiki FoundationWikipedia Bahasa Hulontalo Lowali WikipediaWikipedia Bahasa Hulontalo Lolayio artikelWikipedia Bahasa Hulontalo WikiLatihWikipedia Bahasa Hulontalo ReferensiWikipedia Bahasa HulontaloBahasaHulontaloWikipedia

🔥 Trending searches on Wiki Hulontalo:

Cisaranten Kulon, Arcamanik, BandungCangko, Tukdana, Indramayu9 NopemberBalas Klumprik, Wiyung, SurabayaThe SimpsonsDaputari lo kabupaten wawu kota to Jawa TimurYordaniaLepo Lepo, Baruga, KendariJArjasari, BandungUKota KendariDaputari lo kabupaten wawu kota to Daerah Istimewa YogyakartaDaputari lo kabupaten wawu kota to Sumatra SelatanKabupaten SigiPinilih, Dimembe, Minahasa UtaraNgoro, MojokertoLawele, Lasalimu, ButonKong Hu CuTabaco, AlbayKotakulon, Bondowoso, BondowosoGaharu, Medan Timur, MedanAmbulu, JemberNusa Tenggara TimurUmbulsari, JemberTembok Dukuh, Bubutan, SurabayaBellu, Salomekko, BoneKalimantan BaratGirisa, Paguyaman, BoalemoMaumbi, Kalawat, Minahasa UtaraPanjang Jiwo, Tenggilis Mejoyo, SurabayaKolonodale, Petasia, Morowali UtaraGenHakatutobu, Pomalaa, KolakaLembean, Kauditan, Minahasa UtaraFatufia, Bahodopi, MorowaliPrajegan, Sukorejo, PonorogoSapaya, Bungaya, GowaGentuma Raya, Gorontalo UtaraAstina, Torue, Parigi MoutongKutanegara, Ciampel, KarawangGuinobatan, AlbayMediaWikiIslamProvinsi to IndonesiaNgancar, Kediri27 JuliLapao-Pao, Wolo, KolakaWatampone, Tanete Riattang, BoneMLimba U I, Kota Selatan, GorontaloDaputari lo Gubernur AcehDaputari lo Gubernur Daerah Khusus Ibukota JakartaKotajin Utara, Atinggola, Gorontalo UtaraKoepisino, Bonegunu, Buton UtaraKota MakassarApala, Barebbo, BoneJati, Medan Maimun, MedanPuger, JemberJenggawah, JemberPujer Baru, Maesan, BondowosoWikipediaNusa Tenggara BaratCiateul, Regol, Bandung22 MaretKupang Krajan, Sawahan, SurabayaKabupaten GowaWlingi, Blitar🡆 More