Te Narkissos (bahasa Yunani: Νάρκισσο) yito ta bohu lotawu ngota, gaga boli molamahu, todelomo piilu meyambo wungguli to lipu lo Yunani kuno.
Tiyo botiye wala'o dewa lo dutula. Tiyamo liyo tanggu-tanggula te Kefissos, wawu tiiloliyo tanggula ti Liriope.
To'u te Narkissos onggo la'i kiki'o, woluwo tawu ngota moolantobe meyambo mogabujada tangguliyo te Teiresias lohepito beleliyo. Lolo'iya te Teiresias ode mongodula'a le Narkissos tomimbihu te Narkissos botiye. Tiyo mowali otutumula haya-haya wonu diila mo'oonto batangaliyo lohihilawo. Odito u tilombiluliyo ma'o ode mongodula'a le Narkissos.
To'u ma lowali ta bohu lotawu damango, te Narkissos malo sambe gaga wawu lamahu lakuliyo. Ilosababu gaga wawu lamahiyo, ngohuntuwa mongodulahu ta motohila ole Narkissos. Dabo diyalu ngotaliyoma'o ta otohilaliyo. Odito olo tilobuwa ngota tanggula ti Ekho. Sambe tiyo tilumumula tutuwawu, ilosababu lo wololo diila tilolimo le Narkissos. Tiyo bolo tolopodu'awa ode dewa, mopodulohu lo hilaliyo ma pilaliya sabubu te Narkissos.
Dewi Nemessis lo'odungohe du'a li Ekho, maa tiladiyaliyo te Narkissos bo mowali motohila batangaliyo lohihilawo wawu didu ta mowali motohila ode tawu weewo. Tadiya botiye lowali to'u te Narkissos lo'oonto wolilu lo batangaliyo to delomo taluhu to balangga. Sambe tiyo ja'ohuheliliyo tonto-tontonga wawu ma lotohila to wolilu lo batangaliyo boyito. Didu'u karajaliyo ngohuyi-ngohuyi bolo topolontonga wolilu lo batangaliyo to delomo taluhe boyito. Sambe yilate karajaliyo bo topolontonga batangaliyo lohihilawo.
This article uses material from the Wikipedia Hulontalo article Narkissos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tuwango woluwo to tibawa lo CC BY-SA 4.0 ngopohiya lo uweewo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hulontalo (DUHOCTRUNGQUOC.VN) is an independent company and has no affiliation with Wiki Foundation.