Malu'o (Gallus gallus domesticus) de'uwito yito unggas u hebiyahu lo manusia pohamaliyo putito wawu tapuliyo.
Malu'o bibiyahu botiye waliliyo lonto malu'o huta meyalo malu'o u'ayuwa. Malu'o motonggala'o lo'umomutito. Malu'o momutito sambe mopulu apingo lapata'o wobubeliyo.
Putito malu'o u ma pilomutitayi lo malu'a teelo ma wububeliyo lo tiilo lo malu'a boyito. To'u hemohububu putitiyo, malu'a teelo molahu pe'eenta po'oluwo monto wubube mololohe u'aloliyo. Putito ma momota wonu ma yilububeliyo 21 sambe 23 lo huyi, putito u ja lomota tangguliyo bili. Wala'o malu'o ma lumuwalayi monto delomo putito, ma kobongoliyo mayi monto delomiyo sambe ma mopo'o alipo putito wawu ma heluwala mayi wala'o malu'o boyito. Tiilo lo malu'a olo mohiyo mongobonga alipo putito alihu ngo'inta lumuwalayi wala'iyo. Wonu ma lomota mo'a'amila putito, tiilo lo malu'o ma molahu to lumungo wawu ma walutaliyo wala'iyo mopeehu u'alo.
Malu'o ma lohala'a lo tililahepo tayadiyo sambe ma yilowali malu'o u masatiya hepohamalo putitiyo meyalo bo hepohamalo tapuliyo. Malu'a odiye hebiyahulo to kandang, ja mowali luwalolo wawu musi he po'alolo timi'idu dulahu. Malu'o kaambungu hebiyahulo diila paralu tuwangola to kandang wawu mowali mololohe u'aloliyo lohihilawo.
This article uses material from the Wikipedia Hulontalo article Malu'o, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tuwango woluwo to tibawa lo CC BY-SA 4.0 ngopohiya lo uweewo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hulontalo (DUHOCTRUNGQUOC.VN) is an independent company and has no affiliation with Wiki Foundation.