लक्ष्मीदास कृष्णा बोरकार

लक्षमीदास कृष्णा बोरकार हांचो जल्म 17 ऑगसट 1925 दिसा मडगांव हांगासर जालो. तेन्नाचो काळ म्हणल्यार गोँयचेर पुर्तूगेजांची हुकूमशाय.सरकाराच्या विरूध्द एक शब्द लेगीत काडपाक मेऴनासलो. सात वर्सा मेरेनचें तांणी लिसेवाचें शिश्रण घेतलें. 1946 त ते गोंय काँग्रेस कमिटीचे कार्यकारी समितीचे वांगडी जाले.

स्वातंत्र्या खातीर उठाव करपी भाशणाऩ भाऱावल्ले तरणाटे आंदोलनांत सामील जाले. तातूंत लक्षमीदासांनी वांटो घेतलो. डॉं. लोहिया हांणी मडगांवात घडोवन हाडिल्ले सभेंत ते वांटेकार जाल्ल्यान हेर वांगडया बरोबर तांकांय धरून बंदखणींत दवरले. गोंयकारांक नागरी अधिकार आनी उलोवपाचें स्वातंत्र्य मेळचें म्हणून तांणीं 7 नोव्हेंबर 1946 दिसा रॉक सिकैर हांच्या पालवान शिरोडयां सत्याग्रह केलो. जेन्ना तांणी आपलो मोर्चो बोरये वटेन घुंवडायलो तेन्ना तांका अटक जावन, मोच्र्याचेर गोंयांत पयले फावट फारपेट जाली.16 नोव्हेंबर 1946 दिसा तांची सुटका जाली . 8 डिसेंबर 1946 दिसा परत एक़दां तांणी आनंद नायक हांच्या आदारान सत्याग्रह घ़डोवन हाडलो. ह्या वेऴार तांकां अटक जाली आनी बंदखणीची ख्यास्त जाली. ते सविनय कायदेभंग चऴवऴ (CIVIL DISOBEDIENCE) हिचो परत परत, प्रचार करताले देखून तांकां पांच खेपे बंदखणीची ख्यास्त जाली.1947 वर्सा ते बेऴगांव सावन आयल्सा उपरांत गोंय नॅशनल काँग्रेसीचे प्रतिनिधी ह्या नात्यान तांणी गांधीजी कडेन गोंयचे सुटके विशीं उलोवप केलें.

तांणी आपले बरपावऴीतल्यान गोंयचे सुटके चऴवऴीक नेट हाडपाचे पुरायपणान यत्न केल्ले. आनी हेच पसत तांकां खुबदां बंदखणीची ख्यास्त जाल्ली.गुलामगिरींतल्यान सुटका करून घेवचे पसत गोंयांत लिपचोरयां सतत काम चलतालें. हातूंत गोंयचे तरणाटे स्वखोशयेन वांटेकार जाताले. तातूंतले एक तरणाटे जावन आशिल्ले लक्षमीदास बाेरकार.पुर्तुगेज सरकारान गोंयची रेल्वे येरादारी स्थगीत केल्ली म्हणून 18 मे 1955 दिसा तांणी नाथ पै हांच्या फुडारपणा खाला कॅसरलॉकाक सत्याग्रह घडोवन हाडिल्लो. प्रजा समाजवादी पक्ष आनी सेवा दल हांचे कडेन तांचे लागींचे संबंद आशिल्ले.

1950 वर्सा गोंय नॅशनल काँग्रेसीचे भांडारी म्हणून तांची नेमणूक जाली.गोंय द हेगां हांगाच्या इंटरनॅशनल कोर्ट ऑफ जस्टीस प्रतिनिधित्वाचेर निशाणी करपा खातीर गोंयकारांचे प्रतिनिधी म्हणून लक्षमीदास बोरकारांक वेंचून काडिल्ले. 1958 वर्सा ते ‘गोवा नॅशनल काँग्रेसी’ च्या मुंबय फांटयाचे अध्यक्ष जाले. लोकसत्ता ह्या मराठी दिसाऴ्याचे ते मुखेल उपसंपादक आशिल्ले. उपरांत 1978-1983 ह्या काऴांत ते ‘नवप्रभा’ ह्या मराठी दिसाऴ्याचे संपादक जाले. हाचे भायर तांणी ‘राष्ट्रमत’ आनी ‘समाचार’ ह्या दिसाऴ्यां खातीरुय कांय तेंप वावर केला.

तांणी पत्रकारितेंतल्यान स्वातंत्र्य चऴवऴ चलयली तेच प्रमाण समाजीक प्रस्नूय तांणी भोव कुशऴतायेन हाताऴ्ऴ्यात. अशा ह्या पत्रकार आनी सुटके झुजाच्याक डिसेंबर 1999 वर्सा मुंबय मरण आयलें.