मेथयेचो रंग सगळ्यांकूच आवडटा.चलयो तसेच बायलां हे मेथयेन आपले हात सोबीत सुंदर अशा चित्रांनी रंगयतात.लग्नकार्यांत व्हंकलेच्या हाता पांयांक मेथी चडटा.मेथयेच्या उठून दिसपी रंगाक लागून आयच्या काळात देशविदेशांतले पर्यटक लेगीत आपल्या हाता-पायांक मेथी घालून घेतात.
मेथयेक लांबट वाटकुळीं बारीक पानां आसतात.ऑक्टोबर-नोव्हेंबर म्हयन्यांतमेथयेक फुलां फुलतात.ताच्या उपरांत फळां येतात.ह्या सगळ्यांचो घरगुती वखद म्हुण उपेगकरतात.मेथयेंक थंडाय आशिल्यान आंगाची उष्णताय कमी जावची म्हुण गरमेच्या दिसांनी हाता पायाक मेथी घालपाची चाल पयलीं साकून आसा.
हाता-पांयांक जळजळ पडल्यार मेथयेचीं पानां वांटुन ताचो लेप काडचो.गरमेक लागुन तोंड येवप,गळ्याची दुयेंसां जावप अशा वेळार पानांचो काढो करून घळघळो घेवचो.तकली दुखता जाल्यार पानां वांटून माथ्याक लेप लावचो.ते भायर कातीक घावो जायत जाल्यार वा कातीच्या दुयेंसांत जळजळ पडल्यार हो पानांचो लेप उपेगी पडटा.पातल परसाकडेन जावन रगत पडटाआसत जाल्यार मेतयेच्या पाळांच्यो बीयो वांटून तांचो रोस पोटांत घेवचो.कामीण जाल्यार मेथयेचीं पानां वांटून ताचो रोस काडचो आनी पोटांत घेवचो.तशेंच मुतपाक कमी जायत वा त्रास जायत जाल्यार ह्या पानांच्या रोसांत साखर घालून तो पियेवचो.जाका न्हीद येना वा कमी येता जाल्यार मेथयेचीं फुलां थोडोवन गरम उदकांत घालुन तें उदक पियेवंक दिवचें.
हालीसारात जाण्ट्यांचे आनी भुरग्यांचे लेगीत माथ्यावयले केंस पिकतात.तशेंच केंस गळप,लिस्तेज जावप अश्योय जायत्यो कागाळी सतात.ह्या सगळ्यांचेर मेथी हें म्हत्वाचें वखद.अशा वेळार मेथयेचीं पानां हारीक वांटून वा पानांचो चूर्ण उदकांत घालून लोखणाच्या आयदलांत रातभर दवरचें.सकालीं तातूंन लींबू पीळून तो पातळ लेप माथ्याक लावचो आनी अध्या वरान केंस धुवन घेवचे.अशें कांय काळ केल्यार केंस काळे जाताच तेभायर केंस गळप,खरड पडपा सारक्यो समस्या कमी जातात आनी केंसांक वेगळीच चमक येवपाक मदत जाता.
शारांत तशेंच गांवगीर्या वाठारांतले लोक मेथयेची लागवड करतात.आयच्या मेथयेचे मागणेक लागुन मेतयेची पावडर वा पेश्ट बाजारांत विकती मेळटा.घरा भोंवतणी मेकळी सुवात आसली जाल्यार मेतयेचें एखादें झाड मुजरतच लावचे...
This article uses material from the Wikipedia गोंयची कोंकणी / Gõychi Konknni article मेथी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.