जल्म
नामो
गौरीश अपार्टमेंट, खडपाबांद, फोंडे गोंय
वेवसाया संबंदान म्हायती
- 2008 वर्सा जी आर कारे महाविद्यालयांतल्यान कायद्याचे शिक्षण पुराय केले.
- कायद्याची पदवी घेतले उपरांत वेवसायाचो मार्ग बदलून पत्रकारितेंत उडी.
- सुमार दोन वर्सा ‘सुनापरान्त’ ह्या कोंकणी दिसाळ्यांत आनी ते उपरांत ‘गोअन ओब्जर्वर’आनी ‘गोवा 365’ ह्या खबरांपत्रांत आनी चॅनलात काम केलां. ‘द गोवन’ ह्या सप्तकी खबरापत्रा खातीर लिखाण केलां.
- तारा ट्रस्ट ह्या बिगर सरकारी संस्थेंत प्रशासकाची जबाबदारी निभयतना हेर जायत्या बिगर सरकारी संस्थांतल्या आनी शाळांतल्या अनाथ तशेंच खासा क्षमतेच्या भुरग्यां बरोबर काम केला.
- अणकार क्षेत्रांत काम करता. गोंय सरकाराच्या अणकार मंडळाचेर अधिकृतपणान कांय काळ नेमणूक. सरकारी कागदपत्रां, संकेतथळां हांचे कोंकणींत अणकार केल्यात. .
- सद्या केंद्र सरकाराच्या AI4Bharat ह्या प्रकल्पा खाला अणकाराचें काम करता.
- अभिनव क्रिएशन्ज हो स्वताचो वेवसाय चलयता. ताचे अंतर्गत पुस्तकांचें खास करून कोंकणी पुस्तकांचें मार्केटींग आनी विक्री करता. ‘मज्जा’ ह्या संकल्पने खाला सुटयेंत शिबीरां आयोजीत करून चित्रकला, हस्तकला, संगीत, नाटक, काणयो, कविता, नाच अश्या वेगवेगळ्या क्षेत्रांनी भुरग्यांक प्रशिक्षण दिता. इंग्लीश तशेंच कोंकणी भास आनी संवाद कौशल्य, हस्तकला, कॅलिग्राफी, नाट्य सारकिल्या विशयांनी प्रशिक्षण कार्यशाळा घेतल्यात.
साहित्यीक वाटचाल
- वयाच्या 12व्या वर्सा सावन लिखाणाक सुरवात केल्या.
- कविता, निबंद, अणकार अशें तरेकवार साहित्य प्रकार हाताळटा.
- ‘सुलूस’ हो पयलो कविता झेलो नोव्हेंबर 2011त प्रकाशीत जाला.
- 'पडसाद' हो कविता झेलो 2016 वर्सा प्रकाशीत जाला.
- 'दांत' हे बाल काणयेचे पुस्तक 2017 वर्सा प्रकाशीत जालां.
- आसोर, कविता झेलो 2023 वर्सा प्रकाशीत जाला.
- चांफो, कविता झेलो 2023 वर्सा प्रकाशीत जाला.
- गोंयांत तशेंच गोंया भायर केंद्रीय साहित्य अकादेमी, नवी दिल्ली, रवींद्रनाथ टागोर विद्यापीठ, भोपाळ, नागरी लिपी परिशद, नवी दिल्ली, इन्स्टिट्यूट मिनेझीस ब्रागांजा, पणजी, गोवा कोंकणी अकादेमी, पणजी, अंत्रुज घुडयो, बांदोडें सारकिल्या संस्थांनी आयोजीत केल्ल्या साबार प्रतिश्ठीत कार्यावळींनी कविता सादर केल्यात.
- साहित्य अकादेमी, नवी दिल्ली, इंटरनॅशनल सॅण्टर, दोनापावल, गोंय विद्यापीठ, ताळगांव, गोमंत विद्यानिकेतन, मडगांव, सनशायन वर्ल्डवायड स्कूल, गोंय सारकिल्ल्या प्रतिश्ठीत संस्थांनी आयोजीत केल्ल्या चर्चा सत्रांनी सहभाग.
सामाजीक योगदान
- पयलीच्यान कोंकणी खातीर आनी तरणाटे तशेंच बायलां खातीर वावुरपाची धडपड. कोंकणी मळार एक बरे संघटक म्हणून वळखतात.
- कोंकणी भाशा मंडळाचे 2020-2023 आनी 2023-2026 वर्साचें अध्यक्ष. कोंकणी भाशा मंडळाचे आदलें सचीव.
- 2007 वर्साच्या अखील गोंय विद्यार्थी मंचाच्या आंदोलनांत सक्रीय.
- 2006 वर्सा प्रादेशीक आराखडो 2011 विरोधी आंदोलन तशेंच सॅझ विरोधी चळवळींत वांटो आसा.
- 2012 वर्सा राम सेने ह्या समाज घातकी संघटना आड आंदोलन उबारूंन 'आमी गोंयकार’ ही संघटना स्थापन केल्या आनी फॅसबूक सारकेल्ल्या सामाजीक माध्यमांतल्यान तशेंच तरणाट्यां बरोबर बसका घेवन जागृताय पातळायल्या.
- 2011-12 वर्सा माध्यम भास चळवळींत मोलाचे योगदान दिलां. गांवागांवातल्यान रस्तो नाट्य तशेंच बसका घेवन ह्या विशयाचेर जागृताय पातळायल्या.
- गोवा युवा महोत्सव ह्या राज्यांतल्या सगळ्यांत व्हडल्या महोत्सवाच्या आयोजनांत सक्रीय सहभाग.
- 2012च्या विधानसभा वेंचणुका वेळार “भायर सरात मतदान करात” हे ब्रिदवाक्य घेवन 100 टक्के मतदाना खातीर मतदारांक प्रेरींत करपा खातीर वावुरलां
- ‘चित्रंगी’ ह्या साहित्यीक आनी समाज वावुरपी बायलांच्या गटांतल्यान समाजांत बायलांचे मेळावे आनी परिसंवाद साबार गांवांनी तशेंच महाविद्यालयांनी घडोवन हाडल्यात.
- बायलांच्या मासीक पाळयेवेळार तांकां भश्टे मानपाच्या पध्दतीक विरोध करत तरणाट्यांमदीं जागृताय घडोवपाक वावुरता. राज्यांतल्या साबार शिक्षणीक संस्थांनी हे विशीं चर्चा सत्रां आयोजीत करता.
- कायदो विशयाचेर खास करूंन बायलांच्या कायदेशीर हक्कां संबद्दान साबार कडेन व्याख्यानां दिल्यात. ते भायर शाळा तशेंच महाविद्यालयांनी दादलो बायल समानताय, वाचन संस्कृताय अश्या विशयांचेर सातत्यान व्याख्यानां दिता.
- कोंकणी मळार एक बरे सुत्रसंचालक म्हणून ख्याती आसा. ‘त्रिवेणी’ ह्या कोंकणीतल्यो जेश्ठ कवियत्री नुतन साखरदांडे, नयना आडारकार आनी माया खरंगटे हांच्या कविता सादरीकरण कार्यावळीचे सुत्रनिवेदन सांबाळटना गोंय तशेंच गोंयाभायर कार्यावळी सादर केल्यात.
पुरस्कार
- 2010 वर्सा संस्कृती प्रतिश्ठानान ल्हान वयांत पत्रकार क्षेत्रांतल्या योगदाना खातीर भोवमान केला.
- 2013 वर्साचो गोवा कोंकणी अकादेमीचो युवा चैतन्य पुरस्कार फावो जाला
- 2016 वर्साचो साहित्य अकादेमी,दिल्लीचो युवा साहित्य पुरस्कार फावो जाला
- 2022 वर्साचो 21व्या युवा कोंकणी साहित्य संमेलनाचो स. मेघश्याम नायक युवा साहित्य पुरस्कार.
- 2023 वर्साचो गोंय सरकाराचो युवा सृजन पुरस्कार (नवसर्जन-चेतना पुरस्कार)
संदर्भ
This article uses material from the Wikipedia गोंयची कोंकणी / Gõychi Konknni article अन्वेषा सिंगबाळ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.