First Epistle to the Thessalonians
Romi |
Sumar ekavon (51) vea vorsa, aple dhormporgottnneche poile bhonvdder, Paulun Tesalonikekaranchi povitr-sobha sthaploli. Tesalonika Masedoniechem razdhani ek vhodd ani mhotvachem xar aslem. Tea xarantlo lok chodd korun videxi aslo, punn zaito Judev lokui thoim jietalo ani tanchem devsthan thoim aslem. Thoddea Judevank ani khub videxiank Jezu Krista-xim Paulun oddun haddlim ani oxem tim Jezucher bhavarth dovrunk pavlim. Punn Kristak manun gheunk naslo tea Judevank nattkai zali ani, boglanttam ghalun ani guddmell korun, Bereia ganvant pollun vochunk tannim taka boll kelem. Thoim thaun Paulu Atenak ani Korintak gelo, ani hanga ravun tannem hem potr boroilem. Paulu Atenant astana, Tesalonikent ozun chalu aslole piddapiddek lagun tim halinch Kristanv zal’lim mon’xam aplo bhavarth soddtit mhonn, thoinchi poristhiti polleunk ani tankam ghottai diunk tannem Timotak Tesalonikek dhaddlo. Dhumallo sosu-ui, tim bhavarthant thir asat mhonn Timotan Pauluk, Korintant astana, khuxalkaiechi khobor haddli. Tech bhaxen, Jezuchea dusrea iennea vixim, Tesalonikekaram xikovnn gheunk sodtat mhonn Timotan Pauluk kollit kel’lem dekhun, ho vixoi hea Potracho mukhel bhag zalo. Timot Tesalonike thaun ietoch, Paulun hem Potr boroilem.
Prostavna : 1 : 1
Dhin’vas ani vakhann’nni :1:2-3:13
Kristi rit-rovis samballunk xiddkavnni : 4 : 1-12
Kristachea dusrea iennea vixim xikovnn : 4 : 13-5:11
Xevottachi xiddkavnni : 5 : 12-22
Sompadnni : 5 : 23-28
This article uses material from the Wikipedia गोंयची कोंकणी / Gõychi Konknni article Tesalonikarank Pauluchem Poilem Potr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.