Epistle to the Romans
Romi |
Novea Korarantlea Potram modem Paulun Romkarant boroilolea Potrak ek manacho zago favo.
Hea Potrant veg-vegllea poristhitinchi ani monxanchi ji to khobor korta, ti monant dhorun, ani toxench tisre dhormporgottnneche bhonvddechea xevottak Paulu Korintant also mhonn thoichi-I poristhiti lokxant gheun, hem potr tannem 57-58vea vorsa boroilem, oxem mhonnpachi khatri zata.
Dhormporgottnnecho vavr kortana, hea kallar udenti-vattarantle soglle ganv to bhonvlolo ani ostomtek Xubhvortoman porgott korunk sodtalo. Dekhun, Jerusaleak bhett kortoch, Roma xarant matso ravun, Ispaniek vochunk tannem tharailem. He bhettechi khobor to hea Potrant sangta ani aplea nihallancho foll ani tea kallache dharmik prosn to tanche mukhar dovorta. Te prosn he: monx’xam Devak manovlolim zatolim zalear bhavarth gorjecho, ani Devak manovlolim zavpache he nove pod’doti ani Moizesache Somurti modem sombond asa. Hea don-ui prosnanchi to bariksannen somzonni dita.
Zorui adim Galasiekarank boroilolea potrant tannem hea prosnanchi thoddi xikovnni dil’li, tori he nove xikovnnechi khobor iskuttaun diunk nasli. Romkarant apli vollokh korun ditana, to hea soegacho boro faido kaddta ani apli xikovnn koxli ti odik barkaien sangta. Ani hem to korta nhoi fokot Romkaram khatir, punn sonvsarabhor ximpoddlolea kristanv sobham khatir.
Prostavna ani vixoi : 1 : 1-17
Patki mon’xank soddvonnechi goroz : 1 : 18-3:20
Dev Apnnacher Bhavarth dovortoleank Jezuchea mornna Ani punorjivontponna vorvim soddvonn dita : 3:21-4:25
Jezu Krista sovem novem jivit : 5: 1-8:39
Devache taronnik manddavollint Israel-porjecho zago : 9:1-11:36
Kristi jinnechi chal : 12:1-15:13
Sompadnni ani khasgi noman : 1-14-16:27
This article uses material from the Wikipedia गोंयची कोंकणी / Gõychi Konknni article Romkarank Pauluchem Potr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.